საქართველოს მესამე პრეზიდენტი, მიხეილ სააკაშვილი ამბობს, რომ ის არ აპირებს საქართველოს განადგურებას მშვიდად უყუროს. მისი თქმით, წელს გადაწყდება, დაიღუპება საქართველო თუ ის გაიმარჯვებს, მესამე ვარიანტი არ არსებობს.
სააკაშვილი აცხადებს, რომ ქართული ოცნების ხელისუფლება 8 მილიარდი ლარის საგარეო ვალს იღებს, რაც არა ხალხის, არამედ ხელისუფლების გამდიდრებას მოხმარდება.
ამის შესახებ მან ვიდეომიმართვაში ისაუბრა:
ამერიკელი კონგრესმენი, რესპუბლიკელი მარკუეინ მალინი ეხმაურება კონგრესის წარმომადგენლობითი პალატის რესპუბლიკური პარტიის წევრებისგან შემდგარი სამუშაო ჯგუფის ანგარიშს, სახელწოდებით “ამერიკის გაძლიერება და გლობალურ საფრთხეებთან ბრძოლა”.
ანგარიშში 13 რესპუბლიკელი კონგრესმენი წერს, რომ დღემდე არსებული სანქციები პუტინის იმ საგარეო მოკავშირეებს, რომლებიც “ყოფილი საბჭოთა ქვეყნების სუვერენიტეტს ძირს უთხრიან” საკმარისად არ ეხება და ამერიკის შეერთებულმა შტატებმა უნდა გააფართოვოს სანქცირებულთა სია და ამ სიაში უნდა შევიდნენ ისეთი ოლიგარქები, რომლებიც რუსეთის პრეზიდენტს, ვლადიმირ პუტინს, ეხმარებიან. ასეთ ადამიანად, მათ შორის, ქართული ოცნების თავმჯდომარე ბიძინა ივანიშვილიც სახელდება.
“რუსეთის მიმართ სანქციები მისი დეზინფორმაციული კამპანიის ლიდერების წინააღმდეგაც უნდა გავრცელდეს. იგივე ახალი სანქციები უნდა იყოს გამოყენებული სახელმწიფოს მიერ მხარდაჭერილ პროპაგანდისტებზე, როგორიც შემოთავაზებული იყო ჩინეთის შემთხვევაში, კერძოდ რუსეთის პროპაგანდის უფროსებზე და ასევე რუსეთის მოკავშირეებზე სხვა ქვეყნებში, რომლებიც პუტინის სასარგებლოდ მოქმედებენ.
არსებული სანქციები საკმარისად არ ეხებიან პუტინის საგარეო მოკავშირეებს, რომლებიც ყოფილი საბჭოთა ქვეყნების სუვერენიტეტს უთხრიან ძირს. ბიძინა ივანიშვილი, საქართველოს უმდიდრესი ადამიანი, პუტინის ახლო მოკავშირეა და რუსეთის სასარგებლოდ საქართველოს დესტაბილიზაციაშია ჩართული. ვიქტორ მედვედჩუკი პრორუსი ოლიგარქი და მოკავშირეა უკრაინაში, რომელიც იყენებდა თავის მედია იმპერიას ქვეყანაში ზიანის მომტანი რუსული დეზინფორმაციის გასავრცელებლად.
უფრო მეტიც, სახელმწიფო დეპარტამენტმა უნდა შეიმუშავოს ანგარიში, რომელიც ჩამოთვლის კრემლთან დაკავშირებულ ოლიგარქებს, რომლებიც აფინანსებენ რუსეთის სამხედრო აგრესიას მოკავშირე და დაქირავებული არმიების საშუალებით. ასეთი ანგარიში სასარგებლო იქნებოდა კონგრესისთვის, რადგან კონგრესს განესაზღვრა სამომავლო სანქციები და ინდივიდებსა და ორგანიზაციებს კრემლთან მუშაობაზე ხელს ააღებინებდა”,- წერია ანგარიშში.
ანგარიშს ხელს აწერენ კონგრესმენები: მაიკ ჯონსონი, ჯო უილსონი, რობ უიტმენი, ენ ვაგნერი, ალექს მუნი, დონ ბეკონი, ჯეკ ბერგმანი, ნილ დანი, ქლეი ჰიგინსი, რალფ ნორმანი, დენ ქრენშოუ, ბრაიან სტილი და მაიკლ უოლტზი.
მკვლელობა გურიაში. ჩოხატაურის მუნიციპალიტეტში ახალგაზრდა მამაკაცი მოკლეს. “მთავარი არხი” შსს-დან ინფორმაციას ამ დრომდე ელოდება.
არსებული ინფორმაციით, მკვლელობა სოფლე გუთურში მოხდა და ამ დროისათვის ადგილზე სამართალდამცველები არიან მობილიზებული.
ფრაქცია „ნაციონალური მოძრაობის“ თავმჯდომარე, რომან გოცირიძე აცხადების, რომ დღეს თუ საგანგებოს გარეშე შეზღუდვების კანონპროექტი დამტკიცდება, ხვალიდან პრემიერ-მინისტრისა და მთავრობის იმპიჩმენტის გამოცხადების საფუძველი იარსებებს.
„ამ კანონს თუ მიიღებენ, ეპიდემიის არსებობის შემთხვევაში, საგანგებო მდგომარეობა აღარასდროს გამოცხადდება. კონსტიტუციით კი პანდემიის დროს საგანგებო მდგომარეობის გამოცხადება ვალდებულებაა. საგანგებოს არგამოცხადება და უფლებების ისე შეზღუდვა კი, კონსტიტუციის დარღვევის გამო, იმპიჩმენტის საფუძველია. ხვალიდან უკვე იარსებებს პრემიერის, მთავრობასთან ერთად იმპიჩმენტის გამოცხადების საფუძველი,“ – განაცხადა გოცირიძემ.
კანონპროექტი, რომელსაც დღეს პარლამენტი კენჭს უყრის, ცვლილებებს ითვალისწინებს როგორც “საზოგადოებრივი ჯანმრთელობის შესახებ“ საქართველოს კანონში, ასევე საქართველოს სისხლის სამართლის საპროცესო კოდექსში. მისი დამტკიცების შემთხვევაში, მთავრობას ექნება უფლება, შეზღუდოს: საჯარო დაწესებულებების საქმიანობის უფლება, პირთა მიმოსვლის (გადაადგილების) უფლება, საკუთრების, შრომის, პროფესიული ან ეკონომიკური საქმიანობის უფლება, ფიზიკურ პირთა სოციალური ღონისძიებების ჩატარების მიზნით თავშეყრა.
მას პარლამენტის ჯანდაცვის და სოციალურ საკითხთა კომიტეტმა გუშინ მხარი დაუჭირა.
კანონპროექტის მიხედვით, მთავრობა ქვეყანაში შემზღუდავი ღონისძიებების გატარებას საგანგებო მდგომარეობის გარეშე შეძლებს.
ოპოზიცია და არასამთავრობო სექტორი კანონპროექტს არაკონსტიტუციურად და ავტორიტარიზმისკენ გადადგმულ ნაბიჯად აფასებენ.
“რუსეთის ნაკრებში მუშაობა? არც ახლა. ძნელია იმ ტკივილის დავიწყება, რომელიც 2008 წლის ომიდან მაქვს. ეს მოგონებები ყოველთვის დამეხმარება გავაკეთო არჩევანი რუსეთთან მიმართებით,” – ეს სიტყვები “ფახთაქორის” ქართველმა მწვრთნელმა შოთა არველაძემ რუსულ გამოცემა sports.ru-სთან ინტერვიუში თქვა, სადაც რუსი ჟურნალისტი დაინტერესდა, რა რეაქცია ექნებოდა საქართველოს ნაკრების ყველა დროის საუკეთესო ბომბარდირს რუსეთის ნაკრებში მუშაობაზე.
2008 წლის ომიდან 2 წლის შემდეგ დიკ ადვოკატმა შოთა არველაძეს რუსეთის ნაკრებში პირველ ასისტენტად მუშაობა შესთავაზა, რაზეც უარი და გასაგები მიზეზიც მიიღო. ქართველი მწვრთნელი მათ ნაკრებში მუშაობაზე დღემდე მტკიცე უარზეა.
-არც ახლა. ჩვენი მიწები ჯერ კიდევ არავის დაუბრუნებია. 2008 წლის აგვისტოში ჩემი ოჯახი თბილისში იყო, ბავშვები ბათუმში. მახსოვს, რა საშინელება ტრიალებდა ქვეყანაში, რისი დავიწყებაც ძნელია. რუსულ კლუბში მუშაობა სხვა საკითხია, მაგრამ ნაკრებში სულ კიდევ სხვა. არ მინდა ჩემი პოლიტიკური გრძნობები ფეხბურთში გავურიო, მაგრამ ის მოგონებები, რაც 2008 წლის ომიდან მაქვს, ყოველთვის დამეხმარება რუსეთთან მიმართებით არჩევნის გაკეთებაში.
2008 წლის აგვისტოს ომის შედეგად, რუსეთმა საქართველოს ტერიტორიების 20 %-ის ოკუპაცია მოახდინა. რუსეთ საქართველოს ომს, ჩვენი ქვეყნის 396 მოქალაქე ემსხვერპლა, აქედან 224 სამოქალაქო პირია, უგზოუკვლოდ დაიკარგა 27 ადამიანი.
წყარო: adjarasport.com
უმრავლესობის დეპუტატი დიმიტრი ხუნდაძე განმარტავს, რატომ არ იხსნება აკრძალვა მძღოლის გვერდით ჯდომაზე.
მისი თქმით, მძღოლის გვერდით მჯდომი მგზავრი შეიძლება დღეში რამენჯერმე იცვლებოდეს.
,,შეხედეთ… ხშირად ავტომობილს ჰყავს ერთი მძღოლი, ამიტომ ყველაზე ხშირად წინ ზის მძღოლი. რა თქმა უნდა, ავტომობილში არაოჯახის წევრი შესაძლოა იყოს, ეს მგზავრი შეიძლება დღეში რამდენჯერმე იცვლებოდეს. მაგალითად, ტაქსიში, მაგალითად, სხვა ავტომანქანას შეუძლია გაუჩეროს თანასოფლელს, თანამოქალაქეს, მეზობელს და ა.შ. მაგრამ უკან თუ ზის ცოლ-ქმარი მაშინ მას გადამოწმებაც არ სჭირდება, რადგან დისტანცია მძღოლთან უკვე დაცულია და მის გვერდში სიახლოვეს ის არ ზის, ამიტომ ქორწინების მოწმობის შემოწმება საჭირო არ არის”,- თქვა ხუნდაძემ პარლამენტში სიტყვით გამოსვლისას.
ცნობისთვის, საგანგებო მდგომარეობის გამოცხადების შემდეგ აკრძალულია მძღოლის გვერდით მგზავრის ჯდომა, ასევე ავტომობილით 3 ადამიანზე მეტის მგზავრობა. ეს შეზღუდვები ხვალიდან, საგანგებო მდგომარეობის გაუქმების შემდეგაც არ იხსნება.
სამოქალაქო მოძრაობის ლიდერი ალეკო ელისაშვილი ,,ქართული ოცნების” წევრის, ირაკლი კობახიძის განცხადებას ეხმიანება.
,,ბიძინა ივანიშვილის უნიჭო ანეკდოტებზე რომ იხევიან სიცილით და არჩილ თალაკვაძის და ლადო კახაძის ლექსები კაცს მოგწონს, ვის გოიმობაზე ლაპარაკობს ერთი მაგრად მაინტერესებს. გოიმობა წაიკითხოს თალაკვაძის ლექსები, ალუჩასთან ინცესტიო და რაღაცა ბოდვები რომ უწერია”,- თქვა ელისაშვილმა ტვ პირველის ეთერში.
კობახიძემ ოპოზიციას გოიმები, ხოლო გიგა ბოკერიას ნომერ პირველი გოიმი უწოდა.
ბოკერიამ მას ,,კომპლიმენტისთვის” მადლობა გადაუხადა და თქვა, რომ თუ გოიმი ხარ, უნდა ეცადო, რომ N1 გოიმი იყო.
“ღმერთის არ გწამთ?” – ამ წარწერით პარტია “გირჩის” ლიდერმა, ზურა ჯაფარიძემ საქართველოს საპატრიარქოსთან აქცია-პერფორმანსი გამართა.
როგორც პარტიაში აცხადებენ, ამ ფორმით გააპროტესტა ზურაბ ჯაფარიძემ ტყის კოდექსში ცვლილებების მიღება.
ცნობისთვის, კანონის მიხედვით ყველა ეკლესიის ირგვლივ მდებარე ტყის 20 ჰექტარი ეკლესიის საკუთრებაში შეიძლება გადავიდეს. ცვლილებები ტყის კანონში, რომელსაც სამოქალაქო სექტორი თვეების განმავლობაში აპროტესტებდა, დღეს მესამე მოსმენით, ერთხმად მიიღეს. პროცესის დასასრულებლად მხოლოდ კენჭისყრაა დარჩენილი, რომელიც ხვალ, პარლამენტის პლენარულ სხდომაზე ჩატარდება.