newsreport.ge

Category: არქივი

  • არასრულწლოვნის თანდასწრებით, ბავშვზე ძალადობის ბრალდებით ახალგაზრდა დააკავეს

    {{ARTICLEIMAGE}}
    1992 წელს დაბადებული ი.ს., წინასწარი შეცნობით, არასრულწლოვნის თანდასწრებით, არასრულწლოვანზე განხორციელებული ოჯახში ძალადობის ბრალდებით, გორის მუნიციპალიტეტში დააკავეს. ჩადენილი დანაშაული 3 წლამდე ვადით თავისუფლების აღკვეთას ითვალისწინებს.

    შსს ცნობით: გამოძიებით დადგინდა, რომ ბრალდებულმა თავის საცხოვრებელ სახლში მცხოვრებ, 2010 წელს დაბადებულ, უდედმამოდ დარჩენილ ცოლის დისშვილს, ოჯახის სხვა არასრულწლოვანი წევრის თანდასწრებით, ფიზიკური შეურაცხყოფა მიაყენა.

    “პოლიციამ ი.ს. საქმეზე ჩატარებული საგამოძიებო და საპროცესო მოქმედებების შედეგად მოპოვებული მტკიცებულებების საფუძველზე დააკავა. ძალადობის მსხვერპლი არასრულწლოვანი და აღნიშნული ძალადობის შემსწრე მისი და კი სოციალური სააგენტოს თანამშრომლებმა სოციალური მომსახურების სააგენტოს საოჯახო ტიპის სახლში გადაიყვანეს.

    გამოძიება წინასწარი შეცნობით არასრულწლოვნის თანდასწრებით არასრულწლოვანზე განხორციელებულ ოჯახში ძალადობის ფაქტზე, საქართველოს სსკ-ს 126-ე პრიმა მუხლის მე-2 ნაწილის “ა” და “ბ” ქვეპუნქტებით მიმდინარეობს”,წერია უწყების ინფორმაციაში.

  • ომბუდსმენი: პირადი ცხოვრების ამსახველი მასალის გავრცელება, შენახვა და დაარქივება უმკაცრეს სასჯელს ითვალისწინებს

    პოლიტიკოს ქალზე კიდევ ერთი თავდასხმა, დისკრედიტაციის მცდელობა და სისტემური იარაღი ქალების წინააღმდეგ. ეს არის რეალობა, რომელშიც ჩვენ სახელმწიფოში ქალ საჯარო პირებს მოღვაწეობა უწევთ. შანტაჟი პირადი ცხოვრების ამსახველი კადრებით იქცა სისტემურ პრობლემად, ამის საპასუხოდ კი მხოლოდ მიმდინარე გამოძიებები გვაქვს, რომლის შესახებაც საზოგადოება სათანადო ინფორმაციასაც ვერ იღებს”, ეს არის სახალხო დამცველის განცხადების შინაარსი, რომელიც პირადი ცხოვრების ამსახველი კადრების გავრცელებას ეძღვნება. 

    ნინო ლომჯარიას     განცხადების ტექსტს უცვლელად გთავაზობთ: “სამწუხაროდ, ჩვენს პოლიტიკურ სივრცეში ეს დანაშაული გენდერულად მოტივირებულია და მიმართულია ძირითადად ქალი პოლიტიკოსებისკენ. შესაბამისად, მნიშვნელოვანია, გამოძიებამ ხაზი გაუსვას დანაშაულის დისკრიმინაციულ მოტივს, რათა სათანადო პასუხი გაეცეს ამგვარი დანაშაულის ჩამდენ პირებს, და მომავალში, პირადი ცხოვრების ამსახველი კადრების გასაჯაროება პოლიტიკურ სისტემაში ქალთა დისკრიმინაციისა და ჩაგვრის იარაღი არ გახდეს.

    საზოგადოებას კარგად ახსოვს 2016 წლის 11 და 14 მარტს მომხდარი ანალოგიური დანაშაული, თუმცა, ამ დრომდე უცნობია გამოავლინა თუ არა პროკურატურამ დამნაშავეები, რომლებმაც უშუალოდ ეს კადრები შექმნეს და ინტერნეტ სივრცეში თვითონ ან სხვა პირების მეშვეობით გაავრცელეს.

    სახელმწიფოს ვალდებულებაა, გაატაროს მკაცრი პოლიტიკა და დასაჯოს დამნაშავე პირები. საზოგადოება უნდა იყოს ინფორმირებული, რომ პირადი ცხოვრების ამსახველი მასალის გავრცელება, შენახვა თუ დაარქივება სისხლის სამართლის დანაშაულია და უმკაცრეს სასჯელს ითვალისწინებს.

    პირადი ცხოვრებით შანტაჟის წინააღმდეგ უნდა დაიგეგმოს კომპლექსური ღონისძიებები, რომლებიც მიმართული იქნება პრობლემის გადაჭრისკენ, რისკის შემცირებისკენ (ინფორმაციის ოპერატიულად შეტყობინების მექანიზმი, მასალის სწრაფად დაბლოკვის გზები და ა.შ.) და ცნობიერების ამაღლებისკენ. აუცილებელია სახელმწიფო ორგანოებმა საფუძვლიანად იმუშავონ ამ მიმართულებით, ვინაიდან ქმედითი ნაბიჯების გარეშე შეუძლებელია პრობლემის ძირეული აღმოფხვრა და საკითხის აქტუალიზაცია მხოლოდ გარკვეული პერიოდულობით ხდება.

    სახალხო დამცველი ნინო ლომჯარია სამართალდამცავებს მოუწოდებს დროულად გამოიძიონ და პასუხისგებაში მისცენ დანაშაულის ჩამდენი პირები, საზოგადოებას კი სთხოვს პოლიტიკური თუ სხვა შეხედულების მიუხედავად, გვერდში დაუდგეს იმ ადამიანებს, რომლებიც ამ ტიპის შანტაჟის მსხვერპლი გახდნენ.

  • ბათუმის საქალაქო სასამართლოში პროცესი იმის გამო გადაიდო, რომ ბადრაგებს ბრალდებულები ერთმანეთში აერიათ

     

    (more…)

  • მხოლოდ 48 საათი დაგრჩა:ჯეკ შეფერდის ადვოკატს აფეთქებით ემუქრებიან

    ინტერპოლის მიერ ძებნილი და თბილისში, პოლიციას საკუთარი ნებით ჩაბარებული ჯეკ შეფერდის ბრიტანელმა ადვოკატმა, რიჩარდ ეგანმა რამდენიმე მუქარის წერილი მიიღო. ბოლო გზავნილში,რომელიც საკუთარ ოფისში დახვდა, მას აფეთქებით ემუქრებიან.

    “უარი თქვი ადვოკატობაზე – ამისათვის შენ მხოლოდ 48 საათი დაგრჩა, გახსოვს ჯო კოქსი? ჩვენ შენ სახლამდე გამოგყევით და ვიცით, სადაც ცხოვრობ. ხომ იცი ლონდონში ხშირად ხდება უბედური შემთხვევები, ადამიანებს ჩეხავენ, ცხოველები იწამლებიან, ბავშვები კი ავტოსაგზაო შემთხვევების შედეგად იღუპებიან. ფრთხილად იყავი ჩვენ შენს ოფისს ავაფეთქებთ”,ნათქვამია წერილში, რომელზეც “სვასტიკებია” მიხატული და წერია – “HEIL HITLER”

    ჯეკ შეპარდი 31 წლისაა. მას შარლოტა ბრაუნის არაგანზრახ მკვლელობა ედება ბრალად. ერთ-ერთი პაემნის შემდეგ ჯეკმა შარლოთა კატერზე მიიწვია, ხოლო შუაღამისას ისინი წყალში ჩაცვივდნენ. შეპარდი მაშინ იპოვეს როცა ნავის ნარჩენებს ეჭიდებოდა, ხოლო ბრაუნი წყლიდან უგონო მდგომარეობაში ამოიყვანეს. სასამართლომ შეფარდი არ დააკავა და როგორც ამბობს, მისთვის არც საზღვრების გადალახვა აუკრზალავთ, ხოლო იმის გამო, რომ გარდაცვლილს გავლენიანი ნათესავები ყავთ, შეფარდის თქმით, მას ანგარიშსწორების შეეშინდა და მიმალვა და საქართველოში ცამოსვლა გადაწყვიტა. 23 იანვარს კი ის თავისი ნებით ჩაბარდა ქართველ სამართალდამცველებს. ის ბრალს არ აღიარებს და ამბობს, რომ მომხდარი უბედური შემთხვევა იყო. ქართული სასამართლო ახლა შპარდის ექსტრადირებაზე მსჯელობს, ადვოკატის ინფორმაციით, ახალგაზრდა მამაკაცის გადაცემას ლონდონი დაჩქარებული წესით ითხოვს.

  • “არა ქიმიურ ტერმინალს” – აქცია ბათუმში

    {{ARTICLEIMAGE}}
    “არა ქიმიურ ტერმინალს”, – ამ ლოზუნგით ბათუმში, მერიასთან მოქალაქეები სამედიცინო პირბადეებით და აირწინაღებით მივიდნენ და პორტში ქიმიური ტერმინალის მშენებლობა გააპროტესტეს. აქციის მონაწილეებს მიაჩნიათ, რომ ტერმინალში გადამუშავებული ნივთიერებები ადამიანის ჯანმრთელობას ვნებს. ისინი ხელმოწერებსაც აგროვებენ. ბათუმის მერიას კი განმარტებას სთხოვენ, ჰქონდა თუ არა ნებართვა გაცემული ტერმინალის მშენებლობის დაწყებასთან დაკავშირებით. საუბარია ბათუმის პორტში კარბამიდის ტერმინალის მშენებლობაზე, რომელმაც წლის განმავლობაში 200 000 ტონამდე სასუქი უნდა გადაამუშაოს.

  • პრემიერი: მთავრობა მოახერხებს სიღარიბის დონის შემცირებას

    “საქართველო და მსოფლიო 2019 წელს” – თბილისში ეკონომიკური კონფერენცია ტარდება. მონაწილეები რამდენიმე თემაზე მსჯელობენ, მათ შორისაა საქართველოს, როგორც რეგიონული ჰაბის გლობალურ ეკონომიკაში ინტეგრაციის პერსპექტივები, რეფორმები ფინანსურ სექტორში და დაგროვებით საპენსიო რეფორმა. ღონისძიება საქართველოს პრემიერ-მინისტრმა გახსნა. მამუკა ბახტაძემ განხორციელებულ რეფორმებზე, ქვეყანაში არსებულ გამოწვევებზე და პრიორიტეტებზე ისაუბრა. პრემიერის განცხადებით ქვეყანაში მთავარ გამოწვევად სიღარიბე რჩება და არსებული ეკონომიკური პოლიტიკით მთავრობა მოახერხებს სიღარიბის დონის შემცირებას. მისივე თქმით საქართველო ვერასოდეს მოხვდება განვითარებულ ქვეყანათა რიცხვში, თუ არ განხორციელდა მაშტაბური ინვესტიციები განათლებაშიც.

    “საქართველოს მთავარ და მტკივნეულ გამოწვევად ჯერ კიდევ რჩება სიღარიბე, შესაბამისად, ჩვენ ვაკეთებთ ყველაფერს, რომ საქართველოში მივაღწიოთ ინკლუზიურ ზრდას, ისეთი ტიპის ეკონომიკურ ზრდას, რომელიც თითოეულ მოქალაქეს შეეხება. ჩვენთვის სასიცოცხლლოდ მნიშვნელოვანია რეგიონული განვითარება, რათა ქვეყნის ეკონომიკის განვითარება ფოკუსირებული არ იყოს 1-2 მსხვილ ქალაქში. ეს მხოლოდ საქართველოს პრობლემა არ გახლავთ. ზოგადად, ინკლუზიური ზრდა არის გლობალური ხასიათის პრობლემა, თუმცა, ვფიქრობ, ის ნაბიჯები, რომლებიც გადავდგით და რომლებსაც გადავდგამთ, საქართველოში ასეთი ტიპის ზრდის მიღწევაში დაგვეხმარება. ინკლუზიური ზრდა წარმოუდგენელია მცირე და საშუალო ბიზნესის განვითარების გარეშე, შესაბამისად, ჩემი მთავრობის მთავარი პრიორიტეტი სწორედ მცირე და საშუალო ბიზნესი გახლავთ”.

  • ექსპერტი გია აბაშიძე: პირადი ცხოვრებით შანტაჟი ის წითელი ხაზია, რომლის გადაკვეთაც უკვე დამარცხებას ნიშნავს

     

    (more…)

  • ზვიად გამსახურდიას გარდაცვალების საქმეზე სპეციალური კომისია შეიქმნება

    (more…)

  • 30 იანვარს პარტიების რეიტინგები გახდება ცნობილი

    ეროვნულ-დემოკრატიული ინსტიტუტი (NDI) და CRRC–საქართველო მედიას 2018 წლის დეკემბერში ჩატარებული საზოგადოებრივი აზრის კვლევის პოლიტიკურ ნაწილს წარუდგენენ. ეს არჩევნების შემდეგ პირველი კლვლევის შედეგები იქნება. 

    ორგანიზაციის პრეს-რელიზში წერია, რომ პრეზენტაციაზე წარმოდგენილი იქნება საპრეზიდენტო არჩევნებთან, დემოკრატიასთან, კორუფციასთან, ხელისუფლებისა და პარლამენტის საქმიანობის შეფასებასთან და პარტიების მხარდაჭერასთან დაკავშირებული მიგნებები.

    კვლევის პრეზენტაცია გაიმართება 10:30 საათზე, სასტუმრო “რედისონ ბლუ ივერიაში”. საველე სამუშაოები ჩატარდა 6-20 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით), 2,205 პირისპირ ინტერვიუს წარმომადგელობითი შერჩევის საფუძველზე. NDI-ის კვლევები ხორციელდება დიდი ბრიტანეთის მთავრობის UK აიდ-ის ფინანსური ხელშეწყობით. გამოკითხვას CRRC-საქართველო ატარებს.

    როგორც ცნობილია, ბოლო კვლევის შედეგები ორგანიზაციამ გასული წლის სექტემბერში, საპრეზიდენტო არჩევნებამდე გამოაქვეყნა. 

  • აშშ–ს სანქციები ვენესუელას წინააღმდეგ . რას ნიშნავს ჩანაწერი ბოლტონის ბლოკნოტში

     

    აშშ–ს ხელისუფლებამ ვენესუელას სახელმწიფო ნავთობკომპანიის, PDVSA –ს  წინააღმდეგ სანქციები შემოიღო და კიდევ ერთხელ მოუწოდა პრეზიდენტ ნიკოლას მადუროს ძალაუფლება ოპოზიციას გადასცეს.

     

    აშშ–ს ფინანსთა მინისტრის, სტივენ მნუჩინის განცხადებით ამერიკის იურისდიქციაში ნავთობკომპანიის ყველა აქტივი დაბლოკილია, მასთან გარიგებები კი აკრძალული.


    “სანქციების მიზანია ვენესუელას ხელისუფლების ქცევა შეიცვალოს. როცა ის აღიარებს, რომ კომპანია კანონიერი მმართველების, კანონიერი ლიდერების საკუთრებაა ეს ფული მაშინვე გახდება ხელმისაწვდომი ხუან გუაიდოსთვის.“ – განაცხადა მნუჩინმა.

    ნაციონალური ასამბლეის ლიდერმა, ხუან გუაიდომ გასულ კვირას თავი ქვეყნის დროებით პრეზიდენტად გამოაცხადა და განაცხადა, რომ საზღვარგარეთ არსებულ ვენესუელას აქტივებზე კონტროლს საკუთარ ხელში იღებს, რათა მადუროს არ მისცეს უფლება ხაზინა დააცარიელოს.

    აშშ–მ ოპოზიციის ლიდერს პირველივე დღიდან მხარი დაუჭირა და დღემდე მას ლეგიტიმურ ხელისუფლებად აღიარებს.

    აშშ–ს პრეზიდენტის თანაშემწე ეროვნული უსაფრთხოების საკითხებში ,  ჯონ ბოლტონი ამბობს, რომ სანქციები მადუროს და მისი თანამებრძოლების წინააღმდეგ არის მიმართული.


    “ჩვენ განვაგრძობთ მადუროს და მისი გარემოცვის კორუფციის მხილებას და დღევანდელი გადაწყვეტილება  გარანტიაა, რომ ისინი ვეღარ შეძლებენ იმის ხელში ჩაგდებას, რაც ვენესუელას ხალხს ეკუთვნის“ – აცხადებს ბოლტონი.

    ნიკოლას მადურო კი ამბობს,  რომ უკვე მისცა დავალება ნავთობკომპანიის ხელმძღვანელობას კომპანიის ქონება და აქტივები სასამართლოს გზით დაიცვან.საკუთარ ტვიტერის  გვერდზე მადურომ ამერიკის ქმედებებს ცალმხრივი, უკანონო, დანაშაულებრივი და ამორალური უწოდა.

    დღეისათვის ვენესუელა აშშ–ში ნავთობის უმსხვილეს მომწოდებელთა ოთხეულში შედის. ვენესუელას ნავთობის ექსპორტის 40% აშშ–ზე მოდის.

     

    ჩანაწერი – გამოცანა

    ვაშინგტონში პრეს–კონფერენციაზე გამოსვლისას ბოლტონს ხელში ბლოკნოტი ეჭირა, რომლის პირველ გვრედზე ჟურნალისტებმა დაინახეს ჩანაწერი “5 000 სამხედრო კოლუმბიაში.“

    აშშ–ს თავდაცვის უწყების წარმომადგენელმა განაცხადა, რომ ხელისუფლება არ აპირებს ვენეუელაში სამხედროების გაგზავნას. თეთრი სახლის წარმომადგენელმა კი შეკითხვაზე – რას ნიშნავს ეს ჩანაწერი ტრამპის ციტირებით უპასუხა: “ყველა ვარიანტს განვიხილავთ“.

    კოლუმბიის საგარეო საქმეთა მინისტრმა , კარლოს ოლმეს ტრუხილომ განაცხადა, რომ არაფერი იცის აშშ–ს გეგმებზე კოლუმბიაში სამხედროების გაგზავნის თაობაზე.