საგარეო უწყების ხელმძღვანელი ბოლო დროს გავრცელებულ დეზიინფორმაციაზე აკეთებს განმარტებას, რომლის მიხედვითაც საქართველოს ოკუპირებულ ტერიტორიებზე საბაჟო-გამშვები პუნქტების გახსნა იგეგმება. ოფიციალური თბილისის განმარტებით, აღნიშნული ინფორმაცია არის მცდარი. მას მიზანმიმართულად ავრცელებს რუსული მედია, რომელსაც სამწუხაროდ მხარს უჭერენ საქართველოში მმართველი ხელისუფლების ოპონენტები.

“ეს არის მორიგი დეზინფორმაცია, რომელსაც ავრცელებს რუსული მედია და მას მხარს უჭერენ ჩვენი ოპონენტები, ოპოზიციონერები და საქართველოს ყოფილი პრეზიდენტი. კატეგორიულად მიუღებელია ასეთი მსჯელობა, რადგანაც მას არაფერი აქვს საერთო რეალობასთან და სინამდვილესთან”, განმარტა საგარეო უწყების ხელმძღვანელთან.

დავით ზალკალიანმა ასევე განმარტა, 2011 წელს საქართველო-რუსეთს შორის გაფორმებული ორმხრივი შეთანხმების დეტალები, რომელიც ითვალისწინებს კერძო შვეიცარულ კომპანიის მიერ საქართველოსა და რუსეთს შორის ტვირთბრუნვის მონიტორინგს და აღნიშნა, რომ აღნიშნულ შეთანხმებას არანაირი კავშირი არ აქვს რაიმე სახის საბაჟო ტერმინალების განთავსებასთან.

“მოგეხსენებთ, რომ შეთანხმება გაფორმდა 2011 წელს და წარმოადგენს, მხოლოდ ორ მხარეს შორის – რუსეთსა და საქართველოს შორის შეთანხმებას. ის ითვალისწინებს სატრანზიტო კორიდორების მონიტორინგს. არანაირი საუბარი არ არის რაიმე სახის საბაჟო ტერმინალების განთავსების თაობაზე. ყველაფერი არის ხსენებულ შეთანხმებასთან შესაბამისობაში, ისევე, როგორც ეს იყო ხელმოწერილი 2011 წელს და დანარჩენი ყველაფერი არის სიცრუე და სპეკულაციები”.

მინისტრის განმარტებით, აღნიშნულ საკითხზე გაგრძელდება შეხვედრები ქართულ და რუსულ მხარეებს შორის.

“ჩვენ ველით, რომ მოხდება სამუშაო ჯგუფის შეხვედრა, სადაც იქნება განხილული ყველა ტექნიკური საკითხი. საქართველოს დელეგაციაში იქნებიან შესაბამისი უწყებების წარმომადგენლები და ჩვენი ეს პოზიცია ძალიან მკაფიოდ იქნება გაჟღერებული ამ შეხვედრაზე. კიდევ ერთხელ ვიმეორებ არაფერი საერთო ამ დეზინფორმაციას არ ააქვს რეალობასთან”- აცხადებს საგარეო საქმეთა მინისტრი.

დავით ზალკალიანისვე განმარტებით, ამ დრომდე არ მომხდარა და არ იგეგმება ასევე ზემოაღნიშნული შეთანხმების რევიზია ან გადახედვა.

“არ მომხდარა არანაირი რევიზია დადებული შეთანხმების და არც იგეგმება ყველაფერი ხორციელდება 2011 წელს ხელმოწერილი შეთანხმების ფარგლებში და არანაირი საბაჟო ტერმინალების განთავსება არ განიხილება საერთოდ შეთანხმებული კორიდორების მიღმა ეს საზოგადოების შეცდომაში შეყვანის მცდელობაა” , აღნიშნა მინისტრმა

სოფელ ნიქოზის განაპირას, საოკუპაციო ხაზთან 4 თებერვალს დაკავებული სასულიერო პირი გაათავისუფლეს. ცოტა ხნის წინ ცნობილი გახდა, რომ  დე ფაქტო რეჟიმის წარმომადგენლებმა ქართველ სამართალდამცველებს ნიქოზთან დაკავებული სასულიერო პირი ერგნეთში გადასცეს, მას შიდა ქართლის პოლიციის დეპარტამენტში გადაიყვანენ. 

მამა დავითი თანმხლებ პირებთან ერთად გამყოფი ხაზის პერიმეტრზე მდებარე მიწის ნაკვეთზე სასოფლო-სამეურნეო სამუშაოებს ასრულებდა, როდესაც შეიარაღებული ფორმიანები გამოჩნდნენ და დააკავეს. მასთან ერთად მყოფმა სხვა პირებმა კი გაქცევა შეძლეს.

საქართველოს პატრიარქი, ილია მეორე ნებას რთავს სასულიერო პირებს, პირადი პასუხისმგებლობით აზიარონ გიორგი მამალაძე. საპატრიარქოს მიერ დღეს გავრცელებული განცხადებით, ნებისმიერ მღვდელმსახურს, რომელსაც მიაჩნია, რომ აღნიშნული პიროვნების ზიარება არის შესაძლებელი, შეუძლია ეს განახორციელოს, თუმცა ეს იქნება ამ სასულიერო პირის პირადი გადაწყვეტილება და პირადი პასუხისმგებლობა”.

“4 თებერვალს თორნიკე მამალაძის მიერ საქართველოს საპატრიარქოს მიმდებარე ტერიტორიაზე კარვის დადგმამ იმ მოთხოვნით, რომ მისი ძმა, დეკანოზი გიორგი მამალაძე აზიარონ, საერთოდ, საერო ხასიათი და ეკლესიაზე ზეწოლის თანამედროვე სახე შესძინა ამ საქმეს, რაც, რა თქმა უნდა, მიუღებლად მიგვაჩნია,აცხადებს საქართველოს საპატრიარქო.

“საზოგადოებას შევახსენებთ, რომ, როგორც ადრე განვაცხადეთ, ველოდებოდით ძიების დამთავრებას, რათა, არსებული დოკუმენტაციის გაცნობის საფუძველზე, შეფასება მისცემოდა განვითარებულ მოვლენებს. სამივე ეტაპზე გამოძიებამ გიორგი მამალაძეს ბრალი დასდო, მაგრამ არსებული კანონმდებლობიდან გამომდინარე, წმინდა სინოდისთვის მასალების გადმოცემაზე პროკურატურამ უარი ახლახანს გვითხრა. დასჯადია საგამოძიებო მასალების სხვისთვის მიწოდებაც, როგორც დამნაშავის, ისე დაზარალებულის მხრიდანაც. ვინაიდან დეკანოზი გიორგი თვლის, რომ იგი მართალია და ითხოვს ზიარებას, ხოლო სასამართლო მას დამნაშავედ აცხადებს, სრულიად საქართველოს კათოლიკოს პატრიარქმა მიიღო შემდეგი გადაწყვეტილება: ნებისმიერ მღვდელმსახურს, რომელსაც მიაჩნია, რომ აღნიშნული პიროვნების ზიარება არის შესაძლებელი, შეუძლია ეს განახორციელოს, თუმცა ეს იქნება ამ სასულიერო პირის პირადი გადაწყვეტილება და პირადი პასუხისმგებლობა”,-წერია განცხადებაში.

{{ARTICLEIMAGE}}
“არ გიღირს შენი თანაგუნდელი?”, ამ კითხვით მიმართავს საპარლამენტო უმრავლესობის წევრი, ეკა ბესელია “ქართული ოცნების” გენერალლურ მდივანს, კახა კალაძეს, რომელმაც ბესელიას ღია კარზე მიუთითა.

“თუ ამას გულისხმობს კახი, იძულებით არავინ არავისთან ჩერდება და უნდა გაგვაერთიანოს ერთნაირმა ღირებულებებმა და ფასეულობებმა – თუ ამას დავშორდებით, რა თქმა უნდა, კარი ყველასთვის იქნება ღია”, განაცხადა ეკა ბესელიამ.

თაბუკაშვილის ქუჩაზე ცეცხლი ახალგაზრდა მამაკაცს გაუხსნეს. ყოფილი იპოდრომის მიმდებარე ტერიტორიაზე ამ წუთებში სამართალდამცველები არიან მობილიზებულები. თამარაშვილის ქუჩაზე თვითმხილველებმა გაიგეს ათამდე გასროლის ხმა. ადგილობრივები ამბობენ, რომ ავტომობილი რომლიდანაც ცეცხლი გახსნეს შემთხვევის ადგილიდან მიიმალა.

მომხდარზე ვრცელდება სხვადასხვა ინფორმაცია. მათ შორის ერთ-ერთი ვერსიით, მანქანაში მყოფებს მამაკაცმა, რომლის მისამართითაც ისროდნენ საპასუხო ცეცხლი გაუხსნა.

თვითმხილველების განცხადებით, დაჭრილია ერთი მამაკაცი, რომელიც კლინიკაში სასწრაფო დახმარების მისვლამდე ადგილიდან კერძო მანქანით გადაიყვანეს.

არსებული ინფორმაციით, სამართალდამცავებმა უკვე ამოიღეს ერთ-ერთ ბენზინგასამართ სადგურის სათვალთვალო კამერების ჩანაწერები. 

წყარო – რუსთავი 2

საქართველოს პრეზიდენტი სალომე ზურაბიშვილი მიესალმება ავლაბრის სასახლეში საქართველოს კულტურის ცენტრის არსებობას. პრეზიდენტის პრესსპიკერის, ხატია მოისწრაფიშვილის თქმით, სალომე ზურაბიშვილს მოსწონს “ავლაბრის სასახლეში” საქართველოს ხელნაწერთა ინსტიტუტის, ან სხვა მუზეუმის განთავსების იდეაც, თუმცა, ამისთვის საჭიროა შენობაში შესაბამისი სტანდარტების არსებობა.

პრესსპიკერის განცხადებით, პრეზიდენტის ადმინისტრაცია არ მონაწილეობს ავლაბრის სასახლის მომავალი ფუნქციის განსაზღვრის მიზნით დაწყებულ კონსულტაციებში, თუმცა, პრეზიდენტსაც მიაჩნია, რომ კარგი იქნება შენობის მაღალი რანგის ვიზიტებისთვის გამოყენება.