newsreport.ge

Category: არქივი

  • გედევან ფოფხაძე: საპარლამენტო უმრავლესობის სხდომაზე მშობლის გარეშე მოვედი

    გედევან ფოფხაძე, რომელიც მმართველი გუნდის დატოვებას გეგმავს, ამბობს, რომ საპარლამენტო უმრავლესობის სხდომაზე მშობლის გარეშე მივიდა. კითხვაზე, შერიგდება თუ არა თანაპარტიელებთან დღეს, მმართველ გუნდთან დაპირისპირებული პოლიტიკოსი ამბობს, რომ “საჩხუბარი არავისთან აქვს”.

    “ვაპირებ, შევიდე და მოვისმინო პოზიცია. რაც ვთქვი, ერთ-ერთი პრინციპული თემაა, რომ სასამართლოზე უნდა იყოს საჯარო განხილვები და უნდა მქონდეს საშუალება, თქვენთან მოვიდე და ჩემი პოზიცია ვაფიქსირო და ეს არ უნდა ჩაითვალოს არადისციპლინურ ქცევად. როგორც ხედავთ, მშობლის გარეშე ვარ მოსული და იმედია, არ დამჭირდება მშობელთან ერთად მოსვლა. სკოლაში ხომ არა ვართ, რა დისციპლინაზეა საუბარი? თუ დისციპლინა გვინდა, მაშინ შიდაპარტიული დემოკრატიის ის ხარისხი უნდა გვქონდეს, რომელიც არ გვაქვს. აქედან გამომდინარე, გვექნება იმის საშუალება, რომ საჯარო სივრცეში ამომწურავად ვისაუბროთ”,განაცხადა ფოფხაძემ.

  • ლევან გოგიჩაიშვილს მოსამართლეთა გარდაქმნის თაობაზე კობახიძის ოპტიმიზმის არ სჯერა

    “ქართული ოცნების” პოლიტსაბჭოს გუშინდელი განცხადება, მთლიანად აცდენილია ქართველი ხალხისსურვილს, აცხადებს საპარლამენტო უმრავლესობის წევრი, ლევან გოგიჩაიშვილი. მისი თქმით, პარლამენტის თავმჯდომარემაც გააკეთა განცხადება თითქოს ის მოსამართლეები, რომლებიც გუშინ ცუდები იყვნენ, დღეს არიან კარგები, რაც ასე არ არის.

    “არ შეიძლება, რომ ასე უცებ შეიცვალოს ადამიანი. ამ საკითხებზე ვაპირებ ყურადღების გამახვილებას”, თქვა გოგიჩაიშვილმა საპარლამენტო უმრავლესობის სხდომის დაწყებამდე.
    რაც შეეხება კითხვას, აპირებს თუ არა “ქართული ოცნების”, დატოვებას: “ბუნებრივია, ამაზე გადაწყვეტილებას მივიღებ, თუმცა ახლა ეს არ არის მთავარი. მთავარია, რომ გამოსწორდეს ის ხარვეზები, რომელიც არის სასამართლო ხელისუფლებაში და ბოლომდე მივიყვანოთ და გავაცნოთ კოლეგებს ის პოზიცია, რომელიც გვაქვს აღნიშნულ მოსამართლეებთან დაკავშირებით”, – აცხადებს ლევან გოგიჩაიშვილი.

    საქართველოს პარლამენტის თავმჯდომარის, ირაკლი კობახიძის განცხადებით, პირები, რომლებიც მურუსიძე-ჩინჩალაძის კლანს ეწინააღმდეგებიან, 2012 წლის შემდეგ მათ მიერ განხილულ ვერც ერთ პრობლემურ საქმეს ვერ ასახელებენ. ამის შესახებ ირაკლი კობახიძემ თოქ-შოუ “რეაქციაში” განაცხადა.

    “ადრე იყო მილიონი ქეისი, ახლა არ არის არც ერთი. ეს ნიშნავს, რომ შეიცვალა სისტემა შემადგენლობის ცვლილების გარეშე. ადამიანები, რომლებიც მასობრივად ჩადიოდნენ ცუდ რაღაცებს ახლა სჩადიან კარგ რაღაცებს”, განაცხადა კობახიძემ.

  • ფოფხაძითვის კალაძის განცხადება არაკორექტულია

    {{ARTICLEIMAGE}}
    გედევან ფოფხაძე, რომელიც მმართველ გუნდთან დაპირისპირების გამო საპარლამენტო უმრავლესობის დატოვებას გეგმავს, ამბობს, რომ პარტიის გენერალური მდივნის, კახა კალაძის განცხადება არაკორექტულია.

    “არავინ იმყოფება პარტიულ პატიმრობაში, ამ გუნდის კარი ყველასთვის იყო ღია – შესასვლელად და გამოსასვლელადაც – არ მგონია, რომ ამ გუნდის წარმატებაში მონაწილეობა არ მქონდეს მიღებული – გვაქვს რაღაც ვალდებულებები, ღვაწლი. ჩვენი ბევრი რიგითი წევრი დარჩა გაწბილებული, რომ “ოცნებამ” ბევრი ისეთი ნაბიჯი გადადგა, რომელიც არ იყო მისაღები მათთვის. არ მგონია, რომ ასე მარტივად უარის თქმა თანაგუნდელებზე სწორი იყოს”,ამბობს გედევან ფოფხაძე.

  • გედევან ფოფხაძე მმართველ გუნდს “სააკაშვილის რეჟიმის” გამართლებაში ადანაშაულებს

    {{ARTICLEIMAGE}}
    გედევან ფოფხაძე, რომელიც საპარლამენტო უმრავლესობის დატოვებას გეგმავს, ამბობს, რომ ტექსტი, რომელიც ქართული ოცნების პოლიტსაბჭომ 5 თებერვალს გაავრცელა, მისთვის კატეგორიულად მიუღებელია. 

    “სააკაშვილის რეჟიმის გამართლებას ვახდენთ და ჩემთვის ასეთი მიდგომა პრინციპულად მიუღებელია. რა მოტივააციით ისარგებლა პოლიტსაბჭომ, ეს მას შეუძლია, დაასაბუთოს. მე არ პათოსს და ამ მიდგომას მხარს ვერ დავუჭერ”,ამბობს გედევან ფოფხაძე, რომელიც პარტიის ოფისში საპარლამენტო უმრავლესობის სხდომაზე დასასწრებად მივიდა. კითხვაზე, მოხდება თუ არა შერიგება, ფოფხაძე აცხადებს, რომ ის არავისთან არის ნაჩხუბარი. 

  • პროკურატურამ ზაზა სარალიძესთან შეხვედრის დასაგეგმად ერთკვირიანი ვადა ითხოვა

    ხორავას ქუჩაზე მოკლული დავით სარალიძის მამა, ზაზა სარალიძე გენერალურ პროკურატურაში  შალვა  თადუმაძესთან  შესახვედრად მივიდა, თუმცა გენერალურ პროკურორთან შეხვედრას ვერ ახერხებს.

    ზაზა სარალიძე პროკურატურის შენობის ეზოში იმყოფება და მთავარ პროკურორთან შეხვედრას მოითხოვს. ზაზა სარალიძესთან ერთად ადგილზე იმყოფებიან მალხაზ მაჩალიკაშვილი და არასამთავრობო ორგანიზაციის “ადამიანის უფლებათა ცენტრის” ხელმძღვანელი ალეკო ცქიტიშვილი.

    ალეკო ცქიტიშვილის განმარტებით, მას პროკურატურისგან აინტერესებს პასუხი საქმეზე, რომლის გამოსაძიებლად “ადამიანის უფლებათა ცენტრმა” მიმართა მას შემდეგ, არც გასულ წელს, პარლამენტთან შვილმოკლული მამების აქციის მონაწილეებს სამართალდამცავებმა შეუზღუდეს კარვების გაშლის კანონიერი უფლება.

    ცქიტიშვილის განცხადებით, ამ საქმის გამოძიება მნიშვნელოვანია, რადგან პირდაპირ უკავშირდება კარვის გაშლისთვის ხელისშეშლის დროს ზაზა სარალიძის დაპირისპირებას სამართალდამცავებთან, რომლის გამოც ბრალი წაუყენეს და პატიმრობა ემუქრება. ალეკო ცქიტიშვილის თქმით, “ადამიანის უფლებათა ცენტრი” პროკურატურისგან განსხვავებით თვლის, რომ ზაზა სარალიძე არა დამნაშავე, არამედ დაზარალებულია.

     

  • “ქართული ოცნების” უმრავლესობა კიდევ ერთხელ იკრიბება

    “ქართული ოცნების” უმრავლესობა კიდევ ერთხელ შეიკრიბება. შეხვედრას ამჯერადაც დაესწრება “ქართული ოცნების” თავმჯდომარე ბიძინა ივანიშვილი. ბოლო 7 საათიანი შეხვედრის შემდეგ, რომელიც შაბათს გაიმართა, “ოცნების” ერთი ნაწილი, კონკრეტულად კი ბესელია და მისი თანამოაზრეები არ მალავდნენ, რომ გარკვეულ საკითხებზე შეთანხმების მიღწევა ვერ მოხერხდა. თუმცა მწვავე კომენტარებისგან ყველა თავს იკავებდა. როგორც ჩანს, ოცნების ბოლო შეხვედრაზე უმრავლესობის წევრებს შორის ურთიერთობების დარეგულირება ვერ მოხერხდა. სხდომაზე დასასწრებად მივიდა გედევან ფოფხაძე, რომელიც საპარლამენტო უმრავლესობის დატოვებას გეგმავს. შეხვედრაზე მივიდა ეკა ბესელიაც, თუმცა მას კომენტარი არ გაუკეთებია.

  • გარდაიცვალა თბილისის ყოფილი მერი, ვანო ზოდელავა

    61 წლის ასაკში გარდაიცვალა თბილისის ყოფილი მერი ვანო ზოდელავა.

    2017 წლის ივლისში ვანო ზოდელავა აზერბაიჯანის საზღვრიდან თბილისისკენ მომავალ გზაზე ავტოავარიაში მოჰყვა და თავის ტრავმა მიიღო. მას შემდეგ სიცოცხლის ბოლო დღემდე იგი საავადმყოფოში რჩებოდა.

    ვანო ზოდელავა 1997-1998 წლებში ქალაქ ფოთის მერი გახლდათ, ხოლო 1998-2004 წლებში – თბილისის.

  • ყველაზე რომანტიული ქალები ზოდიაქოს ნიშნის მიხედვით

    {{ARTICLEIMAGE}}



    12 ადგილი : ქალწული

    საპატიო მეთორმეტე ადგილი ქალწულებს ხვდათ წილად, რომლებსაც რომანტიკაზე გული ერევათ პირდაპირი და გადატანითი მნიშვნელობით. პირდაპირი მნიშვნელობით, ქალწულმა უბრალოდ არ იცის როგორ მოიქცეს და რა რეაქცია ჰქონდეს რომანტიულ სიტუაციებში. ამიტომაც იბნევა და ნერვიულობისგან შეიძლება გულისრევაც დაეწყოს. ასე რომ, ქალწულებთან ურთიერთობისას ჯობს რომანტიკას შეეშვათ. უკეთეს შემთხვევაში ის რომატიკას მაქსმიალური სისწრაფით გაეცლება. ცუდ შემთხვევაში კი რომანტიკოსს მძიმე ფსიქოლოგიურ ტრავმას მიაყენებს და არც საჯაროდ შეურაცხყოფას მოერიდება.


    11 ადგილი : მორიელი

    მორიელს არასოდეს უწოდოთ რომანტიული ქალი თორემ ძალიან აწყენინებთ. რომანტიკას ის დაბალ დონედ და ბავშვურ გართობად თვლის. ის ხომ ვნებიანობის და ავხორცობის ქურუმად თვლის თავს. თუ მაინც გამოჩნდა ისეთი თავზეხელაღებული, ვინც მათ რომანტიულ სიურპრიზებს მოუწყობს და დიდ, კამკამა და მარადიულ სიყვარულს შესთავაზებს, ყვავილების, ხელის გულზე ტარების დაპირების და სასიყვარულო ლექსების თანხლებით, მორიელმაც შეიძლება უპასუხოს ლექსით – ოღონდ ეს ლექსი იმ რომანტიკოსის თვითშეფასების საფლავზე ეპიტაფია იქნება.


    10 ადგილი : ვერძი

    ვერძები რომანტიკისთვის მეტისმეტად ტემპერამენტიანები არიან. ვერ გეტყვით, რომ ვერძს რომანტიული დამოკიდებულებით აწყენინებთ, ოღონდ მთავარია ის დიდხანს არ გაგრძელდეს. ყვავილები, მთავრიან ღამით სეირნობა, ფუშფუშა ბაფთებით გაფორმებული სათამაშოები – მხოლოდ ცოტა ხნით შეიძლება აიტანოს. ამის შემდეგ უკვე რქენას იწყებს და ნერვიულად ცმუკავს. და თუ დროზე არ შეჩერდებით, შეიძლება უხეშობასაც გამოკრათ ხელი.


    9 ადგილი: ტყუპები

    მთლიანობაში ტყუპებისთვის რომანტიკა სრულიად უცხოა, მაგრამ ხანდახან სანთლების შუქი და ვარდების სურნელი მათში მაინც აღვიძებს რომანტიულ გრძნობებს. თუმცა მხოლოდ დროებით. ასეთი გამონათება ტყუპებს შეიძლება რამდენიმე წელიწადში ერთხელ დაემართოთ.


    8 ადგილი: მშვილდოსანი

    გავრცელებულია აზრი, რომ მშვილდოსნებისთვის რომანტიკა უცხო არ არის. უბრალოდ, მათეული რომანტიკა განსხვავებულია. მათ გრძელი გზა და თავგადასავლები უნდა შესთავაზოთ, რომ რომანტიკაში გამოგყვეთ. თუმცა მხოლოდ პირადი გამორჩენისთვის. ურთიერთობებში მშვილდოსნები ხანდახან რომანტიულობას თამაშობენ, თუმცა სინამდვილეში მათი ცხოვრებისეული კრედოა – “იყავი დომინანტი და დაამცირე!“ ემოციური შეყვარებულის როლი შეიძლება ხანდახან მოირგონ კიდევაც, მაგრამ არ უხდებათ. ვარდების პირველი თაიგული შეიძლება მოგიწონოთ. მეორეს მიტანას აღარ გირჩევთ.


    7 ადგილი: კურო

    კურო საკითხს მარტივად უყურებს: რა საჭიროა რაღაც რომანტიკის გამოგონება, როცა პროგრესულმა კაცობრიობამ დიდი ხანია გამოიგონა 14 თებერვალი, 8 მარტი, დაბადების დღეები, ახალი წელი, გაცნობის თარიღი, ქორწინების წლისთავი და პრედმენსტრუალური დღეები? ჰოდა შეგიძლია ეს დღეები გამოიყენო რომანტიკისთვის. მიართვით ამ დღეებში ძვირფასი საჩუქრები და თვეში ერთხელ პატარა საჩუქრებიც გაუკეთეთ. კურო ამით სრულიად კმაყოფილი იქნება. სერენადების სიმღერა არ არის სჭირო.


    6 ადგილი: თხის რქა

    თხის რქა – ერთადერთი ნიშანია, რომელსაც რომანტიკის და პრაქტიკულობის შერწყმა შეუძლია. მათ გეგმასავით აქვთ გაწერილი როდის უნდა გაუკეთონ საყვარელ ადამიანს სიურპრიზი და როდის აჩუქონ საჩუქარი, როდის გაუგზავნონ მესიჯი, როდის გაუმხილონ სიყვარული, როდის დაპატიჟონ რესტორანი და სინამდვილეში ექსტრემალური გართობა შესთავაზონ, მაგალითად პარაშუტით ხტომა. ერთადერთი, რაც თხის რქას არ ესმის, რატომ არ შეუძლიათ იგივე დანარჩენებს? განა ასეთი რთულია, რომ მოულოდნელი რომანტიული გამოხტომებით თხის რქა არ შეაწუხოთ და თქვენც გრაფიკს მიჰყვეთ?


    5 ადგილი: მერწყული

    ლიდერების ხუთეულს მერწყული ხსნის. მერწყული საოცრად რომანტიულია, თუმცა ამას ბევრი ვერ ხვდება. უბრალოდ იმიტომ, რომ მისეული რომანტიკა ცოტა უხეში და ვულგარულია. თუმცა მერწულებს ეს არ ადარდებთ. ვისაც მათი არ ესმის, თავის თავს დააბრალს.


    4 ადგილი: კირჩხიბი

    სამეულში ვერ მოხვდა, მაგრამ კირჩხიბი ხშირად განიცდის რომანტიკის შეტევებს, თუცა ამას მათ გარდა სხვა პრაქტიკულად ვერავინ ხვდება, რადგან საკუთარ ნაჭუჭში არიან ჩაკეტილი. მათ ძირითადად პრაქტიკულ, არარომანტიულ ადამიანებად თვლიან. თუმცა ასტროლოგები გვიმტკიცებენ, რომ იმ ნაჭუჭს შიგნით დიდი რომანტიული ქარბორბალა ტრიალებს.


    3 ადგილი: ლომი

    ბრინჯაოს მედალოსანია ლომი, რომელსაც გულით სჯერა, რომ ურთიერთობები ლამაზი, ანუ რომანტიული უნდა იყოს და მზად არიან ამისათვის ყველაფერი გააკეთონ. სანაცვლოდაც იგივეს ელიან. გაითვალისწინეთ, რომ “ლამაზი“ ლომის გაგებით ეს უბრალოდ ლამაზი კი არა მდიდრულად ლამაზია. მინდორში მწყვეტილი ყვავილით გულს ვერ აუჩუყებთ, ვერც სასიყვარულო წერილით, თუ მას ბრილიანტის ერთი კარატი მაინც არ ახლავს თან.


    2 ადგილი: სასწორი

    ვერცხლის მედალი სასწორებს ერგოთ, რომლებიც რომანტიულობის ეტალონები არიან. სასწორებს არა მხოლოდ რომანიკის შენარჩუნება შეუძლიათ ურთიერთობებში , არამედ ქორწინების 50 წლის თავზე კიდევ უფრო მეტ რომანტიკას სძენენ ურთიერთობებს, ვიდრე თავიდან. და ამას მარტივად და ლამაზად აკეთებენ. თუმცა, თუ მათ რომანტიულ გატაცებებს არ აყვებით, სასწორები მშვიდად ჩაიქნევენ ხელს და პრაგმატულად გადაწყვეტეინ, რომ ჯობს სხვა პარტნიორი მოძებნონ, რომელიც მათი შესაფერისი იქნება. თუ ეს გადაწყვიტეს, ნუღარ გექნებათ იმედი რომ გადაიფიქრებენ.


    1 ადგილი : თევზები

    და ბოლოს, ოქროს მედალოსანი თევზები – მსოფლიოში ყველაზე რომანტიული ქალები. თევზი რომანტიკის გარეშე წყლიდან ამოვარდნილად გრძნობს თავს, და როგორც ხვდებით, დიდხანს ცხოვრება არ შეუძლია. ამავე დროს, თვითონ არანაირი რომანტიული საქციელის ჩადენა არ შეუძლია. თვლის რომ ეს მისი საქმე არ არის. დაე სხვებმა ატარონ ხელის გულზე, მუდმივად ეფიცონ სიყვარული, ვარდის ფურცლები მიაყარონ. თვითონ კი ამ ყველაფერს სიამოვნებით მიიღებს. თვითონ მეტისმეტად რომანტიულია საიმისოდ, რომ დაჯდეს და რამე კონკრეტული მოიფიქროს.

  • ანჯელინა ჯოლი ჰუმანიტარული მისიით ბანგლადეშში ჩაფრინდა

    ბოლო დროს მსოფლიო მედია ძირითადად ანჯელინა ჯოლის პირად ცხოვრებაზე იყო ორიენტირებული. განქორწინების ხანრძლივი პროცესი მასსა და ბრედ პიტს შორის როგორც იქნა დასრულდა და მათ ბავშვებზ ერთობლივი მეურვეობის საკითხზე შეთანხმებას მიაღწიეს.
    მსახიობი დიდი ხანია საქველმოქმედო საქმიანობას ეწევა და როგორც ჩანს, პირადი პრობლემების მოგვარებისთანავე კვლავ დაუბრუნდა საყვარელ ამპლუას.  გუშინ ვარსკვლავი, რომელიც ამავე დროს ლტოლვილთა საქმეებში გაეროს ელჩია, ბანგლადეშში ჩაფრინდა ბანაკ როხინჯას ესტუმრა.
    ბანგლადეშში მდებარე ბანაკში როხინჯას ეთნოსის 730 000 წარმომადგენელი ცხოვრობს. ისინი მიანმიდან 2017 წელს სამხედრო მოქმედებების დაწყების შემდეგ გაიქცნენ.

    შავი თავსაფრით შემოსილი ჯოლი ორი სახელმწიფოს საზღვარზე არსებულ მდგომარეობას გაეცნო და ჰუმანიტარული ვითარება შეაფასა. ლტოლვილთა ამხელა ნაკადს ბანგლადეში დამოუკიდებლად ვერ უმკლავდება. ანჟელინა, რომელიც როხინჯას დევნილი ეთნოსის წარმომადგენლებს 2015 წელს და 2006 წელს ინდოეთშიც შეხვდა, სიტყვით პირდაპირ ბანაკის ტერიტორიაზე გამოვიდა.

    მან განაცხადა, რომ გაერო აპირებს თანხების შეგროვებას ლტოლვილთა დასახმარებლად. ორგანიზაციის ინფორმაციით მათი საჭიროებებისთვის დაახლოებით ერთი მილიარდი დოლარია საჭირო.  ბანგლადეშში ვიზიტის ფარგლებში ანჯელინა ჯოლი ქვეყნის პრემიერ–მინისტრთან და სხვა მაღალი თანამდებობის პირებთან შეხვედრას აპირებს.

    ლტოლვილთა საქმეების ადგილობრივი კომისრის, აბულ კალამის თქმით, მათ იმედი აქვთ, რომ ჯოლი შეძლებს ინფორმაცია მიაწოდოს ყველას, რაოდენ ღრმა კრიზისშია რახინჯას ხალხი. მას იმედი აქვს, რომ მათ ჰუმანიტარულ დახმარებას აღმოუჩენენ.

    შეგახსენებთ, რომ ჰოლივუდის ვარსკვლავი ხშირად სტუმრობდა მსოფლიოს არასტაბილურ და განვითარებად რეგიონებს. გაეროს მისიით ის უკვე არაერთხელ იყო ერაყში, ლიბანში, იორდანიაში, სიარიაში და სხვა ქვეყნებში.

  • უმრავლესობის კიდევ ერთი სხდომა ისევ ბიძინა ივანიშვილის მონაწილეობით

    ქართული ოცნების უმრავლესობა ხვალ დილით 11 საათზე კიდევ ერთხელ შეიკრიბება. შეხვედრას ამჯერადაც დაესწრება ქართული ოცნების თავმჯდომარე ბიძინა ივანიშვილი. ბოლო 7 საათიანი შეხვედრის შემდეგ, რომელიც შაბათს გაიმართა ოცნების ერთი ნაწილი, კონკრეტულად კი ბესელია და მისი თანამოაზრეები არ მალავდნენ, რომ გარკვეულ საკითხებზე შეთანხმების მიღწევა ვერ მოხერხდა. თუმცა მწვავე კომენტარებისგან ყველა თავს იკავებდა. როგორც ჩანს, ოცნების ბოლო შეხვედრაზე უმრავლესობის წევრებს შორის ურთიერთობების დარეგულირება ვერ მოხერხდა. დღეს უმრავლესობა გედევან ფოფხაძემ დატოვა. ხვალ სავარაუდოდ ქართული ოცნების მთავარ ოფისში სხდომა საკმაოდ მწვავე იქნება.