Category: არქივი

განათლების მინისტრი პარლამენტის პლენარულ სხდომაზე დეპუტატების შეკითხვებს პასუხობს. მიხეილ ბატიაშვილმა ზუგდიდის სკოლის დირექტორის, ია კერზაიას გარდაცვალების თემაზე ოპოზიციის ბრალდებებს უპასუხა.

ზუგდიდის სკოლის დირექტორის გარდაცვალების საქმეზე პარლამენტის პლენარული სხდომის მიმდინარეობისას ერთმანეთს დეპუტატები დაუპირისპირდნენ. ოპოზიციამ მინისტრ ბატიაშვილისგან კონკრეტული პასუხების გაცემა მოითხოვა, ამ პოლემიკაში კი “ქართული ოცნების” წევრი, მამუკა მდინარაძე ჩაერთო – დებატების რეჟიმით უკმაყოფილო ჩუგოშვილმა კი, კოლეგას მიკროფონი გამოურთო.

ვერეს ხეობაში ორი ობიექტის მშენებლობაზე ნებართვა გაუქმდა. თბილისის მერის თქმით, საუბარი იყო სულ 4 ობიექტის მშენებლობაზე, თუმცა არასწორად გაცემული ნებართვის გამო 2 ობიექტი ვერეს ხეობაში აღარ აშენდება.

დღესვე ცნობილი გახდა, რომ მერიის გადაწყვეტილებით ბავშვთა ქალაქ მზიურში თოჯინების მუზეუმი აღარ აშენდება. პროექტი სხვა ტერიტორიაზე განხორციელდება, რადგან მერის თქმით, მზიურში მუზეუმის მშენებლობა კანონს ეწინააღმდეგებოდა.

თბილისის მერმა დღეს თხინვალასა და ვარაზის ქუჩებიდან სოფელ აგარაკებამდე მისასვლელი გზის სარეაბილიტაციო სამუშაოები დაათვალიერა. კახა კალაძის, თქმით გზის საფარი 2.5 კილომეტრზე დაიგება და აშენდება ბეტონის დამცავი კედელიც. სამუშაოებს კონტრაქტორი კომპანია მარტში დაასრულებს. პროექტზე დედაქალაქის ბიუჯეტიდან 1 250 000 ლარამდე დაიხარჯება.

სასამართლო პროცესი, რომელზეც ყოფილი მთავარი პროკურორის, ოთარ ფარცხალაძის მიერ ყოფილი მთავარი აუდიტორის, ლაშა თორდიას ცემის საქმე უნდა განეხილათ, გადაიდო. საქმის არსებითი განხილვა სხდომაზე ოთარ ფარცხალაძის გამოუცხადებლობის გამო ვერ დაიწყო. პროცესის გადადების შუამდგომლობით სასამართლოს ფარცხალაძის ადვოკატმა, მიმართა. გაგი მოსიაშვილმა განაცხადა, რომ მისი დაცვის ქვეშ მყოფს სურს, განხილვა მის გარეშე არ ჩატარდეს, რადგან საკუთარი უდანაშაულობა თავად უნდა დაამტკიცოს. ადვოკატი ამბობს, რომ ფარცხალაძეს აბსურდული ბრალი აქვს წარდგენილი და დაცვის მხარე მისი უდანაშაულობის დამტკიცებას შეძლებს.

ოთარ ფარცხალაძეს სახელმწიფო ბრალდება ლაშა თორდიას ცემას ედავება. 2017 წლის მაისში მაშინდელმა მთავარმა აუდიტორმა განაცხადა, რომ ღამის კლუბ “ელ ცენტროში” ფარცხალაძე დაცვის წევრებთან ერთად მას ფიზიკურად გაუსწორდა. თორდიას თქმით, თავდასხმა მის საქმიანობას უკავშირდებოდა, რადგან აუდიტის სამსახური დასკვნას ამზადებდა მერიის იმ მასალებზე დაყრდნობით, სადაც მიწის ჩანაცვლების ეპიზოდში ოთარ ფარცხალაძე ფიგურირებდა.

პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ რელიგიის სახელმწიფო სააგენტოს მიერ ორგანიზებულ ღონისძიებაში მიიღო მონაწილეობა. ახალი პროექტის “რელიგიები საქართველოში” ფარგლებში დაბეჭდილ ფოტოალბომში თავმოყრილია საქართველოში არსებული რელიგიური ორგანიზაციების საკულტო ნაგებობების, მათ შორის საქართველოს ოკუპირებულ ტერიტორიებზე არსებული სალოცავების ფოტოსურათები და რელიგიურ ლიდერთა ბიოგრაფიები. ინფორმაციას პარლამენტის პრესსამსახური ავრცელებს.

ამავე წყაროს თანახმად, სოფო კილაძემ, თავის გამოსვლაში, საქართველოში არსებულ რელიგიურ მრავალფეროვნებასა და ტოლერანტობის ხანგრძლივ ისტორიაზე ისაუბრა. ამავე კონტექსტში, კომიტეტის თავმჯდომარემ ყურადღება გაამახვილა საქართველოს ოკუპირებულ ტერიტორიებზე არსებულ მდგომარეობაზე და რელიგიური ნიშნით დისკრიმინაციაზე ისაუბრა.

“დღეს, როცა არაერთი სალოცავი საქართველოს ოკუპირებულ ტერიტორიებზეა მოქცეული, ოკუპანტი მხარე ცდილობს წაშალოს ქართული კვალი და ამისთვის ისინი ყველაზე ვანდალურ გზას მიმართავენ. ისინი ყოველდღიურად ანადგურებენ მართლმადიდებლურ ძეგლებს, ხატებს, ფრესკებს. სამწუხაროა, რომ მაშინ, როცა სხვა რელიგიური კონფესიების წარმომადგენელ სასულიერო პირებს აქვთ შესაძლებლობა, გადავიდნენ ოკუპირებულ ტერიტორიაზე, ამის უფლება არ ეძლევა მართლმადიდებელ ეკლესიას. აღნიშნულ შემთხვევაში, ეთნიკურთან ერთად, სახეზეა რელიგიური ნიშნით ადამიანთა დისკრიმინაციის ფაქტი”, ამბობს სოფო კილაძე.

ოკულტისტურმა ორგანიზაციამ, “უძლიერეს კუდიანთა იმპერიამ”, რუსეთისა და პირადად პრეზიდენტ ვლადიმირ პუტინის მხარდასაჭერად ჩაატარა სპეციალური რიტუალი – “რიგგარეშე მაგიური წრე”.

“კუდიანთა იმპერიაში” გადაწყვიტეს, რომ რუსეთის პრეზიდენტი, მიუხედავად იმისა, რომ ბოლო არჩევნებში ხმათა 77 % მიიღო, მაინც საჭიროებს მაგიურ მხარდაჭერას.

მოსკოვის ცენტრში მდებარე ვილაში 5 თებერვალს – ზოგი ტაქსით და ზოგი მეტროთი – “მოფრინდა” რამდენიმე ათეული ქალი, რომლებიც საკუთარ თავს უწოდებენ მაგიური საქმიანობით დაკავებულ კუდიანებს.

“ვისაც ესმის თუ არ ესმის, ვინც ხედავს თუ ვერ ხედავს, ვინც იყო, არის და იქნება, ჩემს სიტყვას არ დაივიწყებს: აღსდექი სიდიადით, რუსეთის ძალავ, წარმართე ვლადიმირ პუტინის გზები სწორად და სამართლიანად – ჩემი სიტყვის შეწევნით”.

{{ARTICLEIMAGE}}
თბილისის მერს, კახა კალაძეს ჟურნალისტებმა ქონებრივ დეკლარაციაში მითითებულ შემოსავლებზე დაუსვეს შეკითხვა.

“შემოსავლებს რაც შეეხება, ჩემი შემოსავლები გაცილებით ნაკლებია, ვიდრე ეს იყო ჩემი სპორტში საქმიანობის დროს, თუმცა ის შემოსავლები და დანაზოგი, რაც დღეს მე მაქვს, აბსოლუტურად მყოფნის იმისთვის, რომ ჩემი ოჯახი შევინახო და ასევე, დამატებით ადამიანებსაც დავეხმარო”, განაცხადა კახა კალაძემ.