Category: არქივი

ბახტრიონზე მსუბუქი ავტომობილი ტანსაცმლის მაღაზიაში შევარდა. დიდი სიჩქარით მომავალი „ჰიუნდაის“ მარკის ავტომობილი ჯერ ადგილზე მყო რამდენიმე მანქანას დაეჯახა შემდეგ მაღაზია „ელეგანტში“ შევარდა. დაზიანებულია მაღაზიის შიდა და გარე ფასადი. ინციდენტის შედეგად არ დაშავებულა არავინ. მანქანის მძღოლი კი ადმინისტრაციული წესით 250 ლარით დაჯარიმდა.

{{ARTICLEIMAGE}}
“ლეიბორისტული პარტიის” ლიდერი, შალვა ნათელაშვილი მამუკა ხაზარაძეს ურჩევს, საკუთარი ინტერესები ქუჩაში დაიცვას და “დაიწყოს ივანიშვილის რეჟიმის მსხვრევა”.

“თიბისი ბანკის” ხელში ჩაგდებით, რაც დაგეგმილი აქვს ბიძინა ივანიშვილს, ის დაასრულებს ჩვენი ქვეყნის საფინანსო-საბანკო ოკუპაციას და დიდი ხნით გაიმყარებს პრივილეგირებულ მდგომარეობას მათ შორის პოლიტიკაშიც”, ამბობს ნათელაშვილი. 

თბილისში ინტენსიური მშენებლობა ვეღარ განხორციელდება. დედაქალაქის მერის გადაწყვეტილებით, კოეფიციენტების მატება და კა-2 კოეფიციენტების გაყიდვა აღიკვეთება. კოეფიციენტებს თავად მერია ყიდის, რასაც დღეს კალაძემ კოეფიცინტის გადამეტება უწოდა და თქვა, რომ ეს ქალაქს ამახინჯებს.

მერის მოადგილე განმარტავს, რომ კოეფიციენტების გადამეტება თავისი შინაარსით სუბიექტის მიერ ფულის ოფიციალურად გადახდის სანაცვლოდ, მეტი სიმაღლისა და ფართის აშენების უფლების ყიდვას ნიშნავს, რაც მაია ბითაძის თქმით, თბილისში 2005 წლიდან ხდება. თუმცა მერიის გადაწყვეტილებით, ეს პრაქტიკა მარტიდან აღიკვეთება, რადგან მან ქაოტური განაშენიანება და სატრასპორტო კოლაფსი გამოწივია, 

K2 კოეფიციენტის გაყიდვის სამართლებრივ დონეზე აკრძალვას საკრებულოს უმრავლესობა მხარს უჭერს. ამბობენ, რომ შედეგად, დედაქალაქში ქაოტური განაშენიანება დასრულდება და თბილისი გენერალური გეგმის ძირითადი პარამეტრების მიხედვით განვითარდება.

საკრებულოს ოპოზიცია კი ამბობს, რომ საჭიროა გაირკვეს, ინიციატივას რაიმე ხარვეზები ხომ არ აქვს. ფარქცია ნაციონალური მოძრაობის წევრის, ნიკოლოზ ვაჩეიშვილის თქმით, ნარმანიას მერობის დროს კოეფიციენტების გადამეტების მიმართულებით საგამონაკლისო მუხლი არსებობდა, რის შედეგადაც უამრავი შენობა აშენდა, რომელსაც ფორმალურად სასტუმრებო ერქვა, მაგრამ რეალურად, კოეფიცინტის გადაჭარბებით აგებული მულტიფუნქციური ნაგებობები იყო.

თბილისის ყოფილი მერი კი კალაძის გადაწყვეტილებას პოპულისტურს და არასამართლიანს უწოდებს და ამბობს, რომ კოეფიციენტების მატების აკრძალვაზე საუბარი ჯერ ნაადრევია, ვინაიდან ქალაქის გენერალური გეგმა არ დამტკიცებულა. გიგი უგულავა კალაძეს მოუწოდებს, გაასაჯაროვოს მისი მერობის პერიოდში კა-2 კოეფიციენტი რამდენჯერ და ვისზე გაიყიდა.

კა2 კოეფიციენტების გაყიდვის შესახებ ინიციატივას მერია საკრებულოს ერთ კვირაში წარუდგენს. საკრებულო კი ამ ცვლილებაზე, თილისის გენერალურ გეგმასთან ერთად, მარტის დასწყისში იმსჯელებს.

ამერიკელი სენატორები დონალდ ტრამპს მიმართავენ, საჯაროდ მოსთხოვოს რუსეთს, შეწყვიტოს ოკუპაცია და საქართველოს ტერიტორიაზე მყოფი სეპარატისტების მხარდაჭერა. ამის შსახებ სენატში წარდგენილ კანონპროექტშია ნათქვამი, რომელსაც ორპარტიული მხარდაჭრა აქვს და რომელიც რუსეთის მიმართ უკვე არსებულ სანქციებზე უფრო მკაცრ სანქციებს აწესებს – კერძოდ, რუსეთის აგრესიული ქმედებების საპასუხოდ, მასზე ეკონომიკურ, პოლიტიკურ და დიპლომატიურ ზემოქმედებას ზრდის.

“არ შეიძლება პუტინის ქმედებების მოთმენა. ერთი რამ ცხადია: მოსკოვი კვლავაც გააგრძელებს ზემოქმედებას, ვიდრე მას არ შეხვდება რეალური წინააღმდეგობა. ამიტომაც ჩვენ შეგვაქვს აქტი, რომელიც ერთიანი სახით პასუხობს კრემლისგან მომდინარე საფრთხის შემცველ რეალობას; ამავე დროს, იგი ჩვენს მოწინააღმდეგეებსა და მოკავშირეებს აწვდის მკაფიო გზავნილს, რომ აშშ-ის კონგრესი დაიცავს ჩვენს ინსტიტუტებს, მოკავშირეებსა და ფასეულობებს”,  ნათქვამია აშშ-ის სენატის საგარეო ურთიერთობათა კომიტეტის თანათავმჯდომარის, აქტის წარმდგენი სენატორის, მენენდესის განცხადებაში.

საქართველოს საგარეო საქმეთა სამინისტროს ინფორმაციით, კანონპროექტი სენატმა და წარმომადგენელთა პალატამ უნდა დაამტკიცოს, რის შემდეგაც ის აშშ-ის პრეზიდენტს გადაეგზავნება, ტრამპის ხელმოწერის შემთხვევაში კი კანონის ძალას მიიღებს.

აშშ-ის კონგრესისა და ევროკავშირის ინიციატივას, რომლის მიხედვითაც, რუსეთის ფედერაციას სანქციების ახალი პაკეტი უნდა დაუწესდეს, ევროპული საქართველო ეხმაურება და მთავრობას მოუწოდებს, იმუშაოს, რათა რუსეთის ფედერაციაზე დასაწესებელი სანქციების მოთხოვნებში საქართველოს საკითხი – ამ ეტაპზე ოთხოზორია-ტატუნაშვილის სია შვიდეს.

სენატორ გარდნერის (რესპუბლიკელი – კოლორადოს შტატი) განმარტებით კი, “პუტინის რუსეთი არის არალეგიტიმური რეჟიმი, რომელიც ყველა შესაძლო გზით ცდილობს ძირი გამოუთხაროს საერთაშორისო სამართალს და დაანგრიოს აშშ-ის ლიდერობით არსებული ლიბერალური, გლობალური წესრიგი. ამ აქტით კონგრესი აჩვენებს ძლიერ, ორპარტიულ სიმტკიცეს კრემლის სიცრუის წინააღმდეგ და იმედი მაქვს, რომ ეს აქტი მალე მიიღებს კანონის ძალას”.

აქტის თანასპონსორი სენატორი შაჰინი (დემოკრატი – ნიუ ჰემპშირის შტატი) აღნიშნავს, რომ ეს საკანონმდებლო აქტი ეყრდნობა კონგრესის წინა პერიოდის ძალისხმევებს, რომ რუსეთს მოეთხოვოს პასუხი აშშ-ისა და გლობალური მსოფლიო წესრიგის წინააღმდეგ მისი აგრესიული ქცევისთვის.

საქართველოს საგარეო საქმეთა სამინისტროს ინფორმაციით, სენატორების მიერ წარდგენილი აქტი შეიცავს ახალ ელემენტებს. კერძოდ, რუსეთის მიერ საზღვარგარეთის ქვეყნების დემოკრატიულ ინსტიტუტებში ჩარევის საპასუხოდ, რუსეთს სანქციებს უწესებს.

“ასევე საკანონმდებლო აქტი შეიცავს მნიშვნელოვან დებულებებს. კერძოდ, ასახავს ნატო-სადმი აშშ-ის ძლიერ მხარდაჭერას, ქმნის ეროვნული ერთობის ცენტრს (Nატიონალ Fუსიონ ჩენტერ), რომ გაუმკლავდეს ჰიბრიდული სახის საფრთხეებს, სახელმწიფო დეპარტამენტის ფარგლებში ქმნის კიბერუსაფრთხოებისადა ციფრული ეკონომიკის ოფისს; ზემოქმედებას ახორციელებს რუსეთის ხელისუფლებაზე, რომ შეაჩეროს ობსტრუქციული სახის საერთაშორისო ძალისხმევები; მოითხოვს, რომ აშშ-ის სახელმწიფო მდივანმა წარმოადგინოს არგუმენტაცია, თუ რამდენად პასუხობს რუსეთი კრიტერიუმს, რათა იგი შეიყვანონ ტერორიზმის სპონსორი ქვეყნების სიაში; მოითხოვს რუსეთის გავლენის წინააღმდეგ შექმნილი ფონდის ხელახალ ავტორიზაციას. იგი დახმარებას აღმოუჩენს კრემლის ჩარევისადმი მოწყვლად ევროპულ ქვეყნებს”, წერია საქართველოს საგარეო უწყების მიერ გავრცელებულ ინფორმაციაში.

უწყების ინფორმაციით, ზემოხსენებული კანონპროექტი საჭიროა დამტკიცდეს აშშ-ის სენატისა და წარმომადგენელთა პალატის მიერ, რის შემდეგაც იგი აშშ-ის პრეზიდენტს გადაეგზავნება. პრეზიდენტის მიერ კანონპროექტზე ხელმოწერის შემთხვევაში, იგი კანონის ძალას მიიღებს.

შვედეთში მსოფლიოს სამთო სათხილამურო ჩემპიონატი გრძელდება. საქართველოს ნაკრების წევრი ნინო წიკლაური ქალებს შორის გიგანტურ სლალომში 98 მონაწილეს შორის 52-ე ადგილზე გავიდა. პირველ დაშვებას მან ერთი წუთი და 9.53 წამი მოანდომა, მეორე დაშვებისას წუტი და  7.27 წამი. ორივე ცდის ჯამში ქართველმა მოთხილამურემ 2 წუთი და 16.8 წამი აჩვენა.

ოპოზიცია თიბისის საქმეში მმართველი პარტიის ლიდერის, ბიზნესმენის ბიძინა ივანიშვილის კვალს ხედავს. საპარლამენტო უმრავლესობას კი ეროვნული ბანკის ქმედების სისწორეში ეჭვი არ შეაქვს.

არასამთავრობო ორგანიზაციები რუსეთის ინტერესებზე მიუთითებენ და ამ კონტექსტში ანაკლიის პორტის მშენებლობასთან ავლებენ პარალელს.

საფინანსო ინსტიტუტის ირგვლივ განვითარებულ მოვლემებში უარყოფით კონტექსტს ხედავს ექსპერტთა ნაწილიც. solostudio.agency/-მ რამდენიმე კომენტარი შეკრიბა და გთავაზობთ მათ ჩამონათვალს:

რომან გოცირიძე, “ნაციონალური მოძრაობა”: ქვეყანას არ ჰყავს ეროვნული ბანკი, ამიტომ გვენეტაძე და მისი მოადგილეები უნდა გადადგნენ, რადგან მთვრობის ლაქიები არიან. პროცესები იმართება ივანიშვილის დავალებით, გახარიას მონაწილეობით, გვენეტაძის მორჩეილებით.

ზურაბ ჭიაბერაშვილი, ევროპული საქართველო: თუ ივანიშვილს მივცემთ საშუალებას, მოაშთოს თავისუფლების ყველანაირი გამოვლინება ამ ქვეყანაში, მივიღებთ პუტინის სექტორს.

ეკა ბესელია, ქართული ოცნება” : ეს საქმე სრულიად თავისუფალი უნდა იყოს ნებისმიერი პოლიტიკური განწყობებისა და გავლენებისგან. არ უნდა დატოვოს არანაირი ეჭვი საზოგადოებაში და ჩვენს პარტნიორებში მიუკერძოებლობასთან დაკავშირებით, უნდა იყოს მყარი მტკიცებულება, არაფერი საეჭვო, რომელიც შექმნის განცდას, რომ უსამართლობა ხდება ქვეყანაში.

ოთარ დანელია, ქართული ოცნება: ეროვნული ბანკის განცხადება ალბათ გარკვეული გარემოებებიდან გამომდინარეობს. ამიტომ, ვერ შევიტან ეჭვს მათ საქმიანობაში. რაც შეეხება ანაკლიასთან კავშირს, ამას უსაფუძვლოდ მივიჩნევ, რადგან მთავრობაა ამის ხელშემწყობი.

ბექა ნაცვლიშვილი, “ქართული ოცნება”: TBC ბანკი არ არის უმწეო ორგანიზაცია, რომელსაც არ შეუძლია მაღალკვალიფიციური იურისტების დაქირავება, ამიტომ აქ უთანასწორო პოზიციაში არავინ დგას.

ნინო ევგენიძე, ექსპერტი: ნებისმიერი ასეთი გაუმჭირვალე შეტევები საბანკო სექტორის წინააღმდეგ ჩვენი ქვეყნის ეკონომიკურ განვითარებას და ინვესტიციების მოზიდვას ნაკლებად შეუწყობს ხელს.

ეკა გიგაური, საერთაშორისო გამჭვირვალობა: შეიძლება, არსებობდეს ძალიან დიდი ინტერესი რუსეთის მხრიდან, რომ ანაკლიის პორტი არ აშენდეს. ამიტომ, როდესაც ასეთი პრობლემები ექმნება “თიბისი” ბანკს, რომელის ამ პროექტში არის ჩართული, ეს არის თავისთავად ძალიან დიდი პრობლემა.