Category: არქივი

რატომ არ ეუბნება არაფერს ეკა ბესელია ბიძინა ივანიშვილს საჯაროდ – ამ კითხვით მიმართეს მმართველი გუნდის ყოფილ წევრს “ტვპირველის” ჟურნალისტებმა. ბესელიამ განაცხადა, რომ ყველაზე მძიმე მოსასმენი ბიძინა ივანიშვილისთვის იყო ის, რაც მან დღეს  ბრიფინგზე თქვა – “პირველი ოქტომბრის იდეალებთან ჩვენ აღარ ვართ და რომ პარტია მას დაშორდა – ყველაზე მძიმე მოსასმენი მისთვის ეს იყო. რაღაც მთხოვენ, რატომ არ აგინებ ბიძინა ივანიშვილს ეს არ არის ჩემი როლი და ფუნქცია, ამას აზრი არ აქვს”,-თქვა ბესელიამ გადაცემა “პირველებში”.

“ქართული ოცნების” ოფისში გამართული შეხვედრიდან გამოსულმა ნუკრი ქანთარიამ არ დაადასტურა მედიაში გავრცელებული ინფორმაცია, რომ პარტიის დამფუძნებელმა პოლიტიკური გაერთიანებიდან გარიცხა ყველა, ვინც მმართველ გუნდთან დაპირისპირებული და უკვე საპარლამენტო უმრავლესობიდან წასული ეკა ბესელიას კანონპროექტს მხარი დაუჭირა. 

ზვიად კუპრავა, რომელსაც სასამართლომ აღმკვეთი ღონისძიების სახით შეფარდებული გირაო გუშინ დაუსწრებლად პატიმრობით შეუცვალა, ხელისუფლებას პოლიტიკურ დევნაში ადანაშაულებს. სამართალდამცველთა რეფორმირების ცენტრის ხელმძღვანელი, რომელიც გაერთიანებული ოპოზიციის შტაბშია მას შმდეგ, რაც პოლიციაში გამოკითხვაზე არ მივიდა, საქართველოში აკრედიტირებულ საელჩოებს, არასამთავრობო ორგანიზაციებს და პარლამენტს მიმართავს, გაეცნონ სისხლის სამართლის 2 საქმეს, რომლებიც კუპრავას თქმით, შეთითხნილია იმისთვის, რომ მისი დევნის ბერკეტად გამოიყენონ

ზვიად კუპრავა 2 საქმეზეა ბრალდებული. მას წინასწარი პატიმრობა ადვოკატ ირაკლი ზაქარეიშვილის ფიზიკური შეურაცხყოფის გამო შეუფარდეს. სამართალდამცველთა რეფორმირების ცენტრის ხელმძღვანელის წინააღმდეგ საქმე აღიძრა სასამართლოს უპატივცემულობის ბრალდებითაც. ეს საქმე საქალაქო სასამართლოში მომხდარ ინცინდენტს უკავშირდება, როცა კუპრავა შვილმოკლულ ზაზა სარალიძესთან ერთად შესვენებაზე სასადილოში შევიდა, თუმცა როგორც თავად ამბობს, მას ჭამა არ აცალეს და სასადილოდან სხდომათა დარბაზში ძალის გამოყენებით აიყვანეს, რის გამოც პოლიციასთან დაპირისპირება მოუხდა

{{VIDEO}}

ნაზი ჯანეზაშვილი მზადაა, თანამდებობა დატოვოს, თუ მოსამართლის თანამდებობებიდან ჩინჩალაძე, მურუსიძე და სხვა მოსამართლეები წავლენ. ასე უპასუხა იუსტიციის უმაღლესი საბჭოს არამოსამართლე წევრმა თამარ ჩუგოშვილის გუშინდელ ინიციატივას, რომლითაც პარლამენტის ვიცე-სპიკერმა კოლეგებს უვადო მოსამართლეების დანიშვნისა და იუსტიციის საბჭოს პრობლემის მოგვარების გზად პარლამენტის მიერ დანიშნული საბჭოს წევრების გამოწვევა შესთავაზა. მოსამართლეებთან ერთად მათ შორის არამოსამართლე წევრი ნაზი ჯანეზაშვილიც არის, რომელიც მუდმივად აკრიტიკებს საბჭოს მუშაობას. ჯანეზაშვილი ამბობს, რომ მისი უფლებამოსილების შეწყვეტაზე საუბარი მისთვის შეურაცხმყოფელია, თუმცა მზადაა ჩუგოშვილთან კონსულტაციები გაიაროს.

დაუდასტურებელი ინფორმაციით, ბიძინა ივანიშვილმა პარტიიდან გარიცხა ის დეპუტატები, რომლებმაც ეკა ბესელიას კანონპროექტს მხარი დაუჭირეს. ეს გადაწყვეტილება სავარაუდოდ, ქართული ოცნების ოფისში მიმდინარე დახურულ შეხვედრაზე მიიღეს – რომელიც მას შემდეგ დაიწყო, რაც დღეს პარტიიდან წასვლის შესახებ ჯერ ეკა ბესელიამ და ლევან გოგიჩაიშვილმა, შემდეგ კი ბექა ნაცვლიშვილმა განაცხადეს.

პარტიიდან და საპარლამენტო უმრავლესობიდან გარიცხულთა სიაში 17 დეპუტატი სახელდება, – ისინი, ვინც უკვე პარტიიდან წასულ ბესელიასთან და გოგიჩაიშვილთან ერთად მოსამართლეთა უვადოდ დანიშვნის შეჩერების კანონპროექტის ინიციატორები იყვნენ – გედევან ფოფხაძე, ოთარ ჩრდილელი, ზვიად კვაჭანტირაძე, კობა ნარჩემაშვილი,ალექსანდრე ერქვანია და ლევან კობერიძე. და ასევე, საპარლამენტო უმრავლესობის ის დეპუტატებიც, რომლებმაც ბესელიას პროექტს კენჭისყრისას დაუჭირეს მხარი. ესენი არიან: რევაზ არველაძე; ბიძინა გეგიძე; გიორგი მოსიძე; ბექა ნაცვლიშვილი; ზაზა პაპუაშვილი; რუსლან პოღოსიანი; გია ჟორჟოლიანი; ალექსანდრე ქანთარია; ოთარ ჩრდილელი და მირიან წიკლაური. შეხვედრა ქართულ ოცნებაში ამ დრომდე მიმდინარეობს, ჯერჯკერობით გარიცხვის შესახებ ინფორმაცია პარტიას ოფიციალურად არ დაუდასტურებია.

ე.წ. ციანიდის საქმეზე მსჯავრდებული დეკანოზი გიორგი მამალაძე ღუდუშაურის კლინიკიდან ციხის საავადმყოფოში, სასჯელაღსრულების მე-18 დაწესებულებაში გადაიყვანეს. მისი უფლებადამცველი მიხეილ რამიშვილი ამ გადაწყვეტილების გამო სკანდალურ განცხადებას აკეთებს და ამბობს, რომ შესაძლოა, დეკანოზის მოკვლა სურდეთ.

ექიმის თქმით, პაციენტის მდგომარეობა სტაბილურია, თუმცა დეკანოზის დიაგნოზზე ექიმი არ საუბრობს.

“დიაგნოზის შესახებ პაციენტის უფლების კანონიდან გამომდინარე, დიაგნოზს არ ვასაჯაროებ. ეს პაციენტისთვის ცნობილია. მისი მდგომარეობდა შეფასდა როგორც სტაბილური და გაეწერა კლინიკიდან”,ამბობს ღუდუშაურის კლინიკის ექიმი. 

შექმნილი ვითარების გამო მიხეილ რამიშვილი პატრიარქს მიმართავს, დეკანოზის შეწყალების საკითხზე პრეზიდენტთან უშამდგომლოს. ადვოკატი ილია მეორეს პირდება, რომ დეკანოზი პატრიარქს თავად დაარწმუნებს, რომ უდანაშაულოა.

“მამა გიორგი კი არ გადაიყვანეს ციხის საავადმყოფოში, არამედ ისეთივე ქმედება განახორციელეს, როგორც ის მოიპარეს თავის დროზე აეროპორტიდან. ჩვენ არანაირი გაფრთხილება არ მიგვიღია და შემთხვევით გავიგეთ, რომ წერდნენ. ორი საათის განმავლობაში საპატრიარქოს სამსახურიდან და სასჯელაღსრულების დეპარტამენტიდან ყველანაირი პირობა შექმნეს, რომ ჩვენ სამედიცინო დოკუმენტაცია არ აგვეღო, რაზეც გიორგი მამალაძის ხელმოწერა იყო საჭირო”,ამბობს მიხეილ რამიშვილი. 

მისივე ინფორმაციით, სასჯელაღსრულების დეპარტამენტის წარმომადგენელი ექიმზე ზემოქმედებას ახორციელებდა და სწორედ ამ დროს გახდა შეუძლოდ ექიმი.  

“ისეთი თვალებით მიყურებდა, სასაკლაოზე რომ წაიყვან ადამიანს”,თქვა მიხეილ რამიშვილმა დეკანოზზე. 

“გევედრებით, თქვენ არ დაგინახავთ მისი თვალები”, ამბობს ადვოკატი. 

პატრიარქის მდივან-რეფერენტის მკვლლეობის მომზადებისთვის მსჯავრდებული დეკანოზი გიორგი მამალაძე ღუდუშაურის კლინიკაში 15 თებერვალს მიიყვანეს. პენიტენციური სამსახურის ცნობით, მას ჰიპერტონული კრიზი ქონდა, თუმცა ამ დრომდე პატიმარს კლინიკაში დიაგნოზი ვერ დაუდგინეს. ოჯახის ინფორმაციით კი მამალაძის ჯანმრთელობის მდგომარეობა მძიმეა და მისი საკანში დაბრუნება შესაძლოა ფატალური შედეგებით დასრულდეს.

ზვიად კუპრავა, რომელსაც სასამართლომ აღმკვეთი ღონისძიების სახით შეფარდებული გირაო გუშინ დაუსწრებლად პატიმრობით შეუცვალა, ხელისუფლებას პოლიტიკურ დევნაში ადანაშაულებს. სამართალდამცველთა რეფორმირების ცენტრის ხელმძღვანელი, რომელიც გაერთიანებული ოპოზიციის შტაბშია მას შემდეგ, რაც პოლიციაში გამოკითხვაზე არ მივიდა, საქართველოში აკრედიტირებულ საელჩოებს, არასამთავრობო ორგანიზაციებს და პარლამენტს მიმართავს, გაეცნონ სისხლის სამართლის 2 საქმეს, რომლებიც კუპრავას თქმით, შეთითხნილია იმისთვის, რომ მისი დევნის ბერკეტად გამოიყენონ

ზვიად კუპრავა 2 საქმეზეა ბრალდებული. მას წინასწარი პატიმრობა ადვოკატ ირაკლი ზაქარეიშვილის ფიზიკური შეურაცხყოფის გამო შეუფარდეს. სამართალდამცველთა რეფორმირების ცენტრის ხელმძღვანელის წინააღმდეგ საქმე აღიძრა სასამართლოს უპატივცემულობის ბრალდებითაც. ეს საქმე საქალაქო სასამართლოში მომხდარ ინცინდენტს უკავშირდება, როცა კუპრავა შვილმოკლულ ზაზა სარალიძესთან ერთად შესვენებაზე სასადილოში შევიდა, თუმცა როგორც თავად ამბობს, მას ჭამა არ აცალეს და სასადილოდან სხდომათა დარბაზში ძალის გამოყენებით აიყვანეს, რის გამოც პოლიციასთან დაპირისპირება მოუხდა.