Category: არქივი

ფოლკლორული ანსამბლი რუსეთში მღერის. ანსამბლ „ბასიანის“ რეპერტუარი,საგანგებოდ მოსკოვური გასტროლისთვის მომზადდა, სადაც ასევე რუსული სიმღერებიც შევიდა.
ფოლკლორის ცენტრის აღმასრულებელი დირექტორი, გიორგი დონაძე, მისი მოადგილეები – ელიზბარ ხაჩიძე და გიორგი გაბუნია ამჟამად მოსკოვში იმყოფებიან. ხვალ მათი ანსამბლი „ბასიანი“ მოსკოვის თეატრ „ზალატოე კალცოში“ სოლო კონცერტის გამართავს.

ვერც მათი ხელმძღვანელი და ვერც ფოლკლორული ცენტრის თანამშრომლები ვერ ხედავენ განსხვავებას ეროვპულ ქვეყნებსა და ოკუპანტ ქვეყანას შორის.

ფოლკლორული ანსამბლის სოლო კონცერტი 3 ათასი რუბლი, ანუ 120 ლარი ღირს. რამდენიმესაათიანი პროგრამით სახელმწიფო ანსამბლი 23 თებერვლამდე ერთი დღით ადრე, ქართულ საგალობლებს ეროვნული საკრავის აკომპანიმენტით შეასრულებს.

ვერც მათი ხელმძღვანელი და ვერც ფოლკლორული ცენტრის თანამშრომლები ვერ ხედავენ განსხვავებას ეროვპულ ქვეყნებსა და ოკუპანტ ქვეყანას შორის.

მთავარმა პროკურატურამ  დიდი რაოდენობით ოქროს ნივთების ქურდობისთვის ერთი პირი დააკავა.
გავრცელებული ინფორმაციით, ბრალდებულმა დაცული სეიფიდან ათი ათასობით ლარის ოქრო და ბრილიანტი გაიტანა. ბრალდებული წინასწარი დაკავების იზოლატორშია მოთავსებული.

“მითვისება სამსახურებრივი მდგომარეობის გამოყენებით და დიდი ოდენობით, დანაშაული გათვალისწინებული სსკ-ის 182-ე მუხლის მეორე ნაწილის “დ” და მესამე ნაწილის “ბ” ქვეპუნქტებით” – აცხადებენ უწყებაში.

ჩხოროწყუს მუნიციპალიტეტის სოფელ ლეგახარეში ავტოსაგზაო შემთხვევის შედეგად 35 წლის მამაკაცი გარდაიცვალა. ერთმანეთს ორი მსუბუქი ავტომანქანა შეეჯახა, შეჯახების შედეგად, ავტომანქანაში მყოფი ახალგაზრდა მამაკაცი ადგილზე გარდაიცვალა.

მომხდარზე გამოძიება სისხლის სამართლის კოდექსის 276-ე მუხლის მე-5 ნაწილით დაიწყო, რაც ტრანსპორტის მოძრაობის ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.

ეუთოს საპარლამენტო ასამბლეის ზამთრის სესია დასრულდა. უსაფრთხოება, ეკონომიკა, გარემოს დაცვა და ადამიანის უფლებები, მედიის თავისუფლება და საარჩევნო პროცესები – ეს ის საკითხებია, რომლებზეც პლენარულ და საკომიტეტო სხდომების ფორმატში 56 ქვეყნის 300-მდე პარლამენტის წევრმა დისკუსიები გამართა. ქართველმა კანონმდებლებმა საკომიტეტო და ორმხრივ შეხვედრებზე საქართველოს ოკუპირებულ ტერიტორიებზე შექმნილ ვითარებასა და აღნიშნულ რეგიონებში ადამიანის უფლებების დარღვევის ფაქტებზე უცხოელ კოლეგებს ინფორმაცია მიაწოდეს და საერთაშორისო ინსტრუმენტების ჩართვის მნიშვნელობაზე ისაუბრეს. ზამთრის მე-18 სესია 21-22 თებერვალს, ავსტრიის დედაქალაქში გაიმართა.

ცეცხლსასროლი იარაღის და საბრძოლო მასალის უკანონო შეძენა-შენახვის ბრალდებით ერთი პირი დააკავეს. შინაგან საქმეთა სამინისტროს ინფორმაციით, დაკავებული 1990 წელს დაბადებული, წარსულში ნასამართლევი პირია.
მას ბრალი ცეცხლსასროლი იარაღის და საბრძოლო მასალის უკანონო შეძენა-შენახვაში ედება.ჩადენილი დანაშაული 6 წლამდე ვადით თავისუფლების აღკვეთას ითვალისწინებს.

თბილისში მომხდარი ქურდობის 3 ფაქტზე 2 პირია დაკავებული. გამოძიებით დადგინდა, რომ ერთ-ერთმა დაკავებულმა ფანჯიკიძის ქუჩაზე, ერთ-ერთი მოქალაქის საცხოვრებელი ბინიდან, სადაც დამლაგებლად მუშაობდა, ოქროს ძვირფასი სამკაულები და საათები მოიპარა, რის შემდეგაც შემთხვევის ადგილიდან მიიმალა. პოლიციამ იგი მომხდარიდან მალევე დააკავა, ნაქურდალი ნივთები კი ნივთმტკიცებად ამოიღო. მეორე პირი კი ჭავჭავაძის ქუჩაზე მდებარე, ერთ-ერთი მოქალაქის საცხოვრებელი ბინის გაქურდვის ბრალდებით დააკავეს.დანაშაული 6-დან 10 წლამდე ვადით თავისუფლების აღკვეთას ითვალისწინებს.

ევროპული საქართველო ოჯახური ტიპის სასტუმროს მფლობელებისთვის წყლის ტარიფის გაზრდას აპროტესტებს. აკაკი ბობოხიძის თქმით, საბოლოო გადაწყვეტილება მარეგულირებელმა კომისიამ ერთ თვეში უნდა მიიღოს, რის შემდეგაც სასტუმროს მფლობელებს კომერციული ფართებისთვის დაწესებული ტარიფის გადახდა მოუწევთ, რაც საყოფაცხოვრებო ტარიფს 13-ჯერ აღემატება. ოპოზიციის შეფასებით, გადასახადების მატება ბიზნესისთვის დამღუპველი იქნება.

ეკონომიკისა და მდგრადი განვითარების სამინისტროში 2019 – 2021 წლებში საქართველოს გაზიფიცირების სამოქმედო გეგმაზე ისაუბრეს. უწყების ცნობით, უახლოეს 3 წლის განმავლობაში სამუშაოებისთვის სახელმწიფო ბიუჯეტიდან 200 მლნ ლარზე მეტი გაიხარჯება, რის შედეგადაც, ქვეყანაში აბონენტების 90 პროცენტზე მეტი იქნება გაზიფიცირებული. სამინისტროში მთიანეთში არსებული დასახლებების გაზიფიცირების აუცილებლობაზეც ისაუბრებს.