ხელისუფლებამ მოახერხა – დაპირისპირებული პოლიტიკური ძალები ერთ მაგიდასთან დავსხედით”,განაცხადა “დემოკრატიული მოძრაობის” ლიდერმა ნინო ბურჯანაძემ ოპოზიციის შეხვედრის შემდეგ.
ოპოზიციური პარტიები საპარლამენტო არჩევნების მთლიანად პროპორციული სისტემით ჩატარების თაობაზე საკონსტიტუციო ცვლილებებისთვის საჭირო მილიონი ხელმოწერის შეგროვების კამპანიას იწყებენ. ყველა მინუს ბიძინა ივანიშვილი და მისი გუნდი – 20 ოპოზიციური პარტიის წარმომადგნლები დღეს ერთ მაგიდასთან მსჯელობდნენ.
ზვიად კვაჭანტიტაძემ საპარლამენტო უმრავლესობა დატოვა – შესაბამისი თხოვნით დეპუტატმა ბიუროს უკვე მიმართა. კვაჭანტირაძე ამბობს, რომ მისი გადაწყვეტილება გარკვეულწილად პროტესტია იმის საწინააღმდეგოდ, რაც დღეს პარლამენტში ხდება.
“გადაწყვეტილება, რომელიც მივიღე, ჩემთვის მტკივნეული, თუმცა სწორი იქნება. მე ვუერთდები ჩემი კოლეგების იმ მცირერიცხოვან ჯგუფს, რომლებმაც მიიღეს ანალოგიური გადაწყვეტილება. მიზეზი მხოლოდ მოსამართლეების საკითხი არ ყოფილა, თუმცა ეს იყო ყველაზე დიდი წითელი ხაზი”, ამბობს კვაჭანტირაძე.
საპარლამენტო უმრავლესობის დატოვებას კობა ნარჩემაშვილიც არ გამორიცხავს. ამბობს, რომ მორალურად მიუღებელი იქნება, დარჩეს გუნდში მაშინ, როდესაც ამა თუ იმ საკითხთან დაკავშირებით საწინააღმდეგო მოსაზრება ექნება.
“თუკი ოპონირების რეჟიმში იქნება თემები, რომლებიც აზრთასხვადასხვაობას გამოიწვევს, უბრალოდ მორალურად იქნება მიუღებელი ჩემთვის, თან ვიყო უმრავლესობაში, თან ვიყო წინააღმდეგი რიგი საკითხებისა – ასე რომ, ამას არ გამოვრიცხავ”, განაცხადა კობა ნარჩემაშვილმა.
ცოტა ადრე უნდა წავსულიყავი – გედევან ფოფხაძე
საპარლამენტო უმრავლესობიდან ჟორჟოლიანიც მიდის
ბექა ნაცვლიშვილმა საპარლამენტო უმრავლესობა დატოვა
ეკა ბესელიამ “ქართული ოცნება” დატოვა
ბიძინა ივანიშვილი დღეს მმართველი გუნდის წევრებს შეხვდება
მმართველი გუნდიდან წასული ეკა ბესელია კვლავ პარლამენტის თავმჯდომარეს აკრიტიკებს და ამბობს, რომ ირაკლი კობახიძე სათანადოდ ვერ აცნობიერებს რეალობას. “პარლამენტი არ არის საკუთარი “საძმაკაცოს” ადგილი, აცხადებს ბესელია და კობახიძის იმპიჩმენტის საკითხის დაყენებას არ გამორიცხავს.
“მე მგონი, ვერ ხვდება, რა ხდება დღეს, რა პროცესი მიმდინარეობს, სამწუხაროდ. ის რომ, ამ პროცესს ისე აფასებდეს, როგორც უნდა აფასებდეს, სამწუხაროდ, არ დაუშვებდა ასეთ ფატალურ შეცდომებს და პარლამენტი არ გახდებოდა 5 კაცის სათარეშო ადგილი. ეს არ არის ის ინსტიტუცია, სადაც საძმაკაცო, სამეგობრო და სადაქალო შეიძლება, არსებობდეს. ეს არის პარლამენტი, წარმომადგენლობითი ორგანო. მე წინა პარლამენტში ძალიან ბევრი რამ გავაკეთე, რომ ეს ინსტიტუციური სიძლიერე ეჩვენებინა პარლამენტს და გული დამწყდა, როდესაც დავინახე, როგორ ინგრევა, რაც ძალიან დიდი რუდუნებით, 4 წელი ვაშენეთ. მე მგონი, ამას უბრალოდ ვერ აცნობიერებს. თუ ამას განზრახ აკეთებს, კიდევ უფრო დიდი უბედურებაა”, განუცხადა ბესელიამ “რუსთავი2-ს”.
ამავე არხთან საუბარში ბესელიას სულისკვეთებას იზიარებს დავით ჭიჭინაძე, რომელიც კობახიძის ადგილს ლონდონში, “მადამ ტუსოს” მუზეუმში ხედავს.
“კობახიძე გასაშვებია პოლიტიკიდან, ადგილიც კი მივუჩინე, მადამ ტუსოს მუზეუმში. კარგია რომ ჩემი კოლეგებიც მეთანხმებიან ამაში. ის უნდა წავიდეს პარლამენტიდან და პოლიტიკიდან, რადგან “ქართული ოცნების” რეიტინგი ეცემა, რაც ცუდია, განაცხადა დავით ჭიჭინაძემ.
საპარლამენტო ოპოზიცია იმპიჩმენტის შესაძლო დაყენებას მხარს უჭერს და მიიჩნევს, რომ მნიშვნელოვანია, საკანონდებლო ორგანო ბიძინა ივანიშვილის კონტროლისგან გათავისუფლდეს.
“ნაციონალური მოძრაობის” პოლიტიკური საბჭოს თავმჯდომარე ნიკა მელია ამბობს, რომ ირაკლი კობახიძე “ქართული ოცნების” თავმჯდომარის ჭანჭიკია.
“ამ ინიციატივისთვის მხარის არდაჭერა არ იქნებოდა სწორი. რომ არა ბიძინა ივანიშვილი, კობახიძე ვერ იქნებოდა იქ, სადაც არის. ქალბატონი ბესელია რას გულისხმობს, როდესაც საუბრობს ბატონ კობახიძეზე? გულისხმობს ბატონ ივანიშვილს? თუმცა ყველაფერს რომ თავი დავანებოთ, არ იქნება სწორი, რომ ოპოზიციამ არ დაუჭიროს მხარი ერთი, თუნდაც მსხვილი ჭანჭიკის მოშორებას”, განაცხადა ნიკა მელიამ.
“ქართული ოცნების” შიგნით პოლიტიკური გუნდის რღვევის პროცესს კობახიძის იმპიჩმენტს თუ სხვადასხვა თანამდებობის პირების ჩამოშორებას, ჩვენ ხელს შევუწყობთ ყველა იმ პროცესს და მივიღებთ მონაწილეობას, რომელიც კიდევ უფრო მეტად შეაფერხებს ივანიშვილის გავლენებს პარლამენტს და იმ მავნებლური გადაწყვეტილებების მიღებას, რომლითაც ეს პარლამენტი გამოირჩევა,” ეს კი ირაკლი აბესაძის განცხადებაა “ევროპული საქართველოდან”.
განმარტებისთვის: პარლამენტის თავმჯდომარის უფლებამოსილების შეწყვეტის წესი ასეთია:
1. პარლამენტის თავმჯდომარეს უფლება აქვს, ყოველგვარი ახსნა-განმარტების გარეშე, წერილობით მიმართოს საქართველოს პარლამენტს ან საჯაროდ განაცხადოს გადადგომის შესახებ. აღნიშნულ ფაქტს პარლამენტი ცნობად იღებს უახლოეს პლენარულ სხდომაზე, რაც ფორმდება საოქმო ჩანაწერით.
2. პარლამენტის თავმჯდომარე გადამდგარად ითვლება ამის შესახებ წერილობით მიმართვის/საჯაროდ განცხადების მომენტიდან.
3. პარლამენტის თავმჯდომარე შეიძლება გადააყენოს პარლამენტმა. პარლამენტის თავმჯდომარის გადაყენების საკითხი პარლამენტის წინაშე შეიძლება წერილობით დასვას პარლამენტის სრული შემადგენლობის არანაკლებ ერთმა მესამედმა.
4. პარლამენტის საპროცედურო საკითხთა და წესების კომიტეტი 7 დღის ვადაში ამოწმებს პარლამენტის წევრთა ხელმოწერების ნამდვილობას და დასკვნას პლენარულ სხდომაზე წარუდგენს პარლამენტს.
5. პარლამენტის თავმჯდომარის გადაყენების შესახებ გადაწყვეტილებას პარლამენტი იღებს განხილვის გარეშე, საკითხის დასმიდან 15 დღის ვადაში.
6. პარლამენტის თავმჯდომარე გადაყენებულად ითვლება, თუ მის გადაყენებას მხარი დაუჭირა პარლამენტის სრული შემადგენლობის უმრავლესობამ.
7. თუ პარლამენტმა ამ მუხლის მე-5 პუნქტით განსაზღვრულ ვადაში არ მიიღო გადაწყვეტილება პარლამენტის თავმჯდომარის გადაყენების შესახებ, პარლამენტის წევრს, რომელმაც ხელი მოაწერა პარლამენტის თავმჯდომარის გადაყენების საკითხს, მომდევნო 6 თვის განმავლობაში უფლება არა აქვს, კვლავ მიიღოს მონაწილეობა აღნიშნული საკითხის დასმაში.
8. პარლამენტის თავმჯდომარის უფლებამოსილების ვადამდე შეწყვეტის შემთხვევაში პარლამენტი 14 დღის ვადაში, დადგენილი წესით ირჩევს ახალ პარლამენტის თავმჯდომარეს.
{{ARTICLEIMAGE}}
NATO-ს ქმედებები, მათ შორის სამხედრო სწავლებების ინტენსიურობა და მასში საქართველოსა და უკრაინის ჩართულობა, იძულებულს ხდის რუსეთს, ქვეყნის უსაფრთხოებისთვის საპასუხო ზომები მიიღოს. ამის შესახებ რუსეთის თავდაცვის მინისტრმა სერგეი შოიგუმ განაცხადა. მისი თქმით NATO-ს სამხედრო პოტენციალის გაზრდა არღვევს მსოფლიოში არსებულ უსაფრთხოების სისტემას.
“ორჯერ გაიზარდა NATO-ს სწავლების მასშტაბები და ინტენსიურობა, რომელშიც უფრო აქტიურად მონაწილეობენ NATO-ს არაწევრი ქვეყნები უკრაინა და საქართველო. ამგვარი ქმედება არღვევს მსოფლიოში არსებულ უსაფრთხოების სისტემას”, გრძელდება ბალტიისპირეთის, აღმოსავლეთ და სამხრეთ ევროპის ქვეყნებში NATO-ს ბაზირების სისტემის განვითარება და ამგვარ ვითარებაში ჩვენ იძულებულნი ვართ, ადეკვატური რეაგირება მოვახდინოთ”, განაცხადა რუსეთის თავდაცვის მინისტრმა
დიდი ბრიტანეთის ელჩი ჯასტინ მაკენზი ქართული ენის შესწავლით არის დაინტერესებული. ის ამ პროცესს საკუთარ “TWITTER”-ზე ამ ფოტოთი ეხმაურება
{{ARTICLEIMAGE}}
მან ინგლისურად ასე განმარტა ზმნა – შემომეხარჯა – ,,შემთხვევით, სრულად დავხარჯე – მაგრამ არ მინდოდა და ახლა ველოდებით, რომ ამ ფაქტს გაგებით მოეკიდებით”.
27 თებერვალს პრაღაში, სასტუმრო “ავგუსტინერში” დაიწყო რუსეთთან ურთიერთობის საკითხებში საქართველოს პრემიერ-მინისტრის სპეციალური წარმომადგენლის, ზურაბ აბაშიძისა და რუსეთის საგარეო საქმეთა მინისტრის მოადგილის, გრიგორი კარასინის მორიგი შეხვედრა. შეხვედრის დაწყებამდე კი კარასინმა უსიამოვნო “სიურპრიზზე” ისაუბრა. რუს დიპლომატს არ დაუკონკრეტებია, თუ რა უსიამოვნო მოულოდნელობები ჰქონდა მხედველობაში.
“ჩემი “მესიჯი” არის იგივე – მიუხედავად სირთულეებისა უნდა განვაგრძოთ ურთიერთობების განვითარება და ასევე მინდა გავაფრთხილო ჩემი ქართველი კოლეგები იმ შესაძლო მოულოდნელობების შესახებ, რაც უსიამოვნოა ორივე ქვეყნისათვის”, განაცხადა რადიო თავისუფლებასთან რუსეთის საგარეო საქმეთა მინისტრის მოადგილემ, გრიგორი კარასინმა.
პრაღის შეხვედრაზე ზურაბ აბაშიძე და გრიგორი კარასინი სავაჭრო-ეკონომიკურ, სატრანსპორტო და ჰუმანიტარულ საკითხებს განიხილავენ. საუბრის ერთერთი მთავარი თემაა საბაჟო მონიტორინგის შესახებ საქართველოსა და რუსეთს შორის 2011 წელს ხელმოწერილი შეთანხმება, რომლის შესრულება, ზურაბ აბაშიძის თქმით “სუბიექტურ და ობიექტურ” სიძნელეებს აწყდება.
ზურაბ აბაშიძემ რადიო თავისუფლების შეკითხვის პასუხად განაცხადა, რომ ბიძინა ივანიშვილთან ამასწინანდელ შეხვედრაზე მან მმართველი პარტიის ლიდერი “საქმის კურსში ჩააყენა პრაღაში მიმდინარე მოლაპარაკებებზე”
საქართველოს და აზერბაიჯანის პრეზიდენტები ქვეყნებს შორის სახელმწიფო საზღვრის დელიმიტაციის პროცესის დასრულებაზე შეთანხმდნენ. ამის შესახებ სალომე ზურაბიშვილმა ილჰამ ალიევთან შეხვედრაზე ისაუბრა.
“გადავწყვიტეთ, საქართველოს სახელმწიფო საზღვრის დელიმიტაციისა და დემარკაციის კომისიას მითითება მივცეთ, რომ განაახლონ მუშაობა და საბოლოოდ დავადგინოთ ჩვენი ერთობლივი საზღვარი, რომელიც უნდა იყოს გამაერთიანებელი საზღვარი და არა გამიჯვნის საზღვარი. ნორმალურია, რომ ჩვენი მეგობრული ურთიერთობებიდან გამომდინარე, ეს საკითხი დასრულდეს”,თქვა პრეზიდენტმა.
საქართველოს პრეზიდენტი აზერბაიჯანში ოფიციალური ვიზიტით იმყოფება. სალომე ზურაბიშვილის დახვედრის ოფიციალური ცერემონია “ზაგულბას” სასახლეში გაიმართა. პრეზიდენტებმა პატივი მიაგეს აზერბაიჯანის სახელმწიფო დროშას, რის შემდეგაც პირისპირ და გაფართოებულ ფორმატში შეხვედრები შედგა. ამის შემდეგ კი ერთობლივი პრესკონფერენცია გამართეს. ზურაბიშვილმა ალიევი საქართველოში ზაფხულში დაგეგმილ ბათუმის კონფერენციაზე მოიწვია. თავის მხრივ კი, ალიევისაგან მიიღო შემოთავაზება, რომ ჩინეთში, საქართველო – აზერბაიჯანის ერთობლივი დელეგაცია გაიგზავნოს.
“ჩვენი პოლიტიკური ურთიერთობები მაღალ დონეზეა, რეგულარულად ტარდება მაღალი დონის შეხვედრები, კონსულტაციები. საქართველო და აზერბაიჯანი ტერიტორიულ მთლიანობასთან მიმართებაში ყველა საერთაშორისო ორგანიზაციაში სოლიდარობას უცხადებენ და მხარს უჭერენ ერთმანეთს”. ჩვენ წარმატებული ერთობლივი პროექტები გვაქვს. თუ ისტორიას გადავხედავთ, 90-იანი წლების ბოლოს ბაქო-სუფსის აშენება იყო დიდი მოვლენა, ამით კი შესაძლებლობა მოგვეცა, შავი და კასპიის ზღვები დაგვეკავშირებინა ერთმანეთთან. ამის შემდეგ ბაქო-თბილისი-ჯეიჰანის ნავთობსადენი აშენდა, შემდეგ ბაქო-თბილისი-ერზრუმის გაზსადენი, ეს ყველაფერი ერთობლივი ძალისხმევით მოხდა. დღეს ეს პროექტები ჩვენს ეკონომიკურ განვითარებას აძლიერებს. ბაქო-თბილისი-ყარსის რკინიგზის გახსნის შემდეგ აზერბაიჯანმა თავის მეზობლებთან მიაღწია შეთანხმებებს და შედეგად, ტვირთბრუნვა კიდევ გაიზრდება. ყველა სფეროში ჩვენს თანამრომლობას დიდი პერსპექტივები გააჩნია. გვაქვს პოლიტიკური ნება და საქართველო და აზერბაიჯანი მომავალშიც მხარს დაუჭერენ ერთმანეთს, ვიფიქრებთ ახალ პროექტებზე. დარწმუნებული ვარ, ჩვენს ხალხებს და სახელმწიფოს დიდი მომავალი აქვს. დღევანდელი ოფიციალური ვიზიტი ჩვენი ურთიერთობებისთვის დიდი მნიშვნელობის მატარებელია”.
პრეზიდენტის ადმინისტრაციის ინფორმაციით სალომე ზურაბიშვილის ვიზიტის მიზანი აზერბაიჯანთან, როგორც მეზობელ სახელმწიფოსთან, სტრატეგიული პარტნიორობის გაგრძელება და განვითარებაა. პოლიტიკურ-ეკონომიკური და სავაჭრო ურთიერთობების გაღრმავებასთან ერთად, პრიორიტეტული იქნება ასევე კულტურული ურთიერთობების განვითარებაც. ვიზიტის ფარგლებში, დაგეგმილია შეხვედრები ქართველ სტუდენტებთნ, წარმატებული ბიზნესსექტორის წარმომადგენლებთან და დიასპორასთან. საქართველოს პრეზიდენტი ასევე ეწვევა კახს ზაქათალას და ბელაქანს, სადაც ეთნიკურად ქართველი აზერბაიჯანის მოქალაქეები ცხოვრობენ.
ოპოზიციის თითქმის ყველა პარტიის წარმომადგენელი დღეს ერთ მაგიდასთან მსჯელობენ და საპარლამენტო არჩევნების მთლიანად პროპორციული სისტემით ჩატარების თაობაზე, საკონსტიტუციო ცვლილებებისთვის მილიონი ხელმოწერის შეგროვების კამპანიას იწყებენ. ამბობენ, რომ მაჟორიტარული საარჩევნო სისტემა არასამართლიანია, რადგან უმრავლესობას საშუალება აქვს, ამომრჩევლის ხმები მოიპაროს. როგორც გრიგოლ ვაშაძე, დავით უსუფაშვილი, ნინო ბურჯანაძე და ოპოზიციის სხვა ლიდერები შეთანხმდნენ, ბიძინა ივანიშვილს არჩევბების გაყალბების შესაძლობას აღარ მისცემენ. ოპოზიცია არჩევნების პროპორციული სისტემით ჩატარების თაობაზე მილიონი ხელმოწერის შეგროვებას მთელი ქვეყნის მასშტაბით დღეიდან იწყებს.