newsreport.ge

Category: არქივი

  • NATO-ს პასუხი რუსეთის მუქარას

    ჩრდილო ატლანტიკური ალიანსი რუსეთის მუქარაზე კომენტარს აკეთებს. ის, რასაც NATO საქართველოში აკეთებს, ჩრდილოატლანტიკური ალიანსი თავდაცვისუნარიონობის ამაღლებად განიხილავს და არა აგრესიად. 

    “რასაც ჩვენ საქართველოში ვაკეთებთ, ამ ქვეყნის თავდაცვისუნარიანობას ზრდის და არა აგრესიის შესაძლებლობებს. საქართველოს უფლება აქვს, გააძლიეროს საკუთარი თავდაცვის შესაძლებლობები, რათა უკეთ შეძლოს საკუთარი ხალხისა და ტერიტორიის დაცვა. ეს არის ის, რასაც NATO საქართველოში აკეთებს”, განაცხადა NATO-ს სამეკავშირეო ოფისის ხელმძღვანელმა საქართველოში როსარია პუგლასმა.

    წყარო – “აქცენტი”

  • დავით კირკიტაძე ციხეში დაქორწინდა

    “ნაციონალური მოძრაობის” წევრი დავით კირკიტაძე ე.წ. მატროსოვის ციხეში დაქორწინდა. მისი რჩეული ესთეტიკური ცენტრის გაყიდვების დირექტორი, 27 წლის მარიამ ახობაძეა.

    წყვილის სამოქალაქო ქორწინების გასაფორმებლად სასჯელაღსრულების მე-9 დაწესებულებაში რეესტრის თანამშრომელი მიავლინეს.

    დავით კირკიტაძემ ქორწინების მოთხოვნით ციხის ადმინისტრაციას თავად მიმართა.

    წყარო – პრაიმ ტაიმი

  • თევდორე მღვდლის ქუჩაზე ხანძარია

    ხანძარი თევდორე მღვდლის ქუჩაზე – სავარაუდოდ, საცხოვრებელი სახლი იწვის. საგანგებო სიტუაციების მართვის სამსახურში განაცხადეს, რომ ხანძარი საცხოვრებელი კორპუსის მეექვსე სართულზე გაჩნდა. ადგილზე 5 სახანძრო-სამაშველო ჯგუფია მობილიზებული.

  • ივანიშვილი რუსულ ბაზებს დენით უფასოდ ამარაგებს – ოქრუაშვილი

    საქართველოს ენერგოსექტორის კომერციულ ოპერატორს (ესკოს) და კომპანია “ინტერ რაოს” შორის მოკლევადიანი კონტრაქტის გაფორმებას თავდაცვის ყოფილი მინისტრი ირაკლი ოქრუაშვილი აკრიტიკებს. ყოფილი მინისტრი სოციალურ ქსელში წერს კონტრაქტით გამოწვეულ შესაძლო საფრთხეებზე. 

    “ესენი უკვე მავნებლებიც აღარ არიან. უკვე აშკარად მტრები გახდნენ საკუთარი ქვეყნის. გუშინ, ეკონომიკის მინისტრის, გიორგი ქობულიას დავალებით, ხელშეკრულება გააფორმეს აფხაზეთისათვის რუსეთიდან 45 მილიონი კილოვატსაათი ელექტროენერგიის შესყიდვის და უფასოდ მიწოდების შესახებ.

    მარტივად რომ ვთქვათ, რუსულ ბაზებს, ოთხოზორიას მკვლელებს და ათას ნაძირალას, ჩვენი ჯიბიდან ამოღებული ფულით ნაყიდი დენით უფასოდ ამარაგებს ივანიშვილი. მაშინ, როდესაც აქ 100 000-ზე მეტი ბავშვი შიმშილობს და ჯარისკაცს ფორმას ვერ აცმევენ. ენგურჰესი დაცალეს, 50%-ზე მეტი ელექტროენერგია ისედაც უფასოდ აჩუქეს აფხაზებს და დამატებით რუსეთიდან უყიდეს.

    მაგ მავნებლურ სქემას კალაძემ ჩაუყარა საფუძველი, როდესაც ენერგეტიკის მინისტრი იყო. მოვა დრო და ყველას მოეთხოვება”, წერს ირაკლი ოქრუაშვილი. 

    ცნობისათვის: საქართველოს ეკონომიკის სამინისტროს ინფორმაციით, “ენგურჰესის გადატვირთვის თავიდან ასაცილებლად და ოპტიმალური ბალანსის შესანარჩუნებლად, საქართველოს ენერგოსექტორის კომერციულ ოპერატორს (ესკოს) და კომპანია “ინტერ რაოს” შორის მოკლევადიანი კონტრაქტი გაფორმდა”.

    კონტრაქტის შესაბამისად, “ოკუპირებულ აფხაზეთს დეფიციტის დასაფარად 2019 წლის მარტში ერთჯერადად მიეწოდება 45 მლნ კვტსთ ელექტროენერგია, რაც ოკუპირებული აფხაზეთის მიერ ელექტროენერგიის წლიური მოხმარების 20 პროცენტს შეადგენს. რეგიონი ელექტროენერგიას მიიღებს ელექტროგადამცემი ხაზი “სალხინოს” მეშვეობით, რომელიც საქართველოს ენერგეტიკული სისტემის შემადგენელი ნაწილია”.

    ამასთნ, მას შემდეგ, რაც აფხაზეთში ელექტროენერგიის მოხმარება გაიზარდა, საქართველოს მთავრობა ზამთრის სეზონზე პერიოდულად მიმართავდა მსგავსი მექანიზმის გამოყენებას აფხაზეთში მოხმარების დეფიციტის დასაბალანსებლად.

    “აღსანიშნავია, რომ 2018 წელს “ენგურჰესზე” გამომუშავებული ელექტროენერგიის დაახლოებით 60 პროცენტი საქართველოს კონტროლირებად ტერიტორიას მიეწოდა, 40 პროცენტი კი, ოკუპირებულ აფხაზეთს, რაც ოპტიმალურთან მიახლოებული პარამეტრებია”.

    როგორც ცნობილია, ოკუპირებული აფხაზეთის ტერიტორიაზე ელექტრონერგიის ჭარბ მოხმარებას ვეღარ უზრუნველყოფს იქედან გამომდინარე, რომ ყოველი წლის თებერვლის ბოლოს, ენგურჰესზე წყლის დონე კრიტიკულ ნიშნულამდე ეცემა.

  • კოდუების დედა, ბიზნესმენი ლაურა ღაჭავა კოტრდება

    სხვადასხვა ბიზნესის მფლობელი, ყოფილი მაღალჩინოსნის, ერეკლე კოდუას დედა ამბობს, რომ სამკერვალო ქარხანა დახურა, რის შედეგადაც 250 თანამშრომელი სამსახურის გარეშე დარჩა. ამის მიზეზად ლაურა ღაჭავა მის წინააღმდეგ მიზანმიმართულ ქმედებებს ასახელებს.

    “ახლა მოდაში კალაძე, ბაგრატიონი და სხვები არიან, ნაცვლად იმისა, რომ მრავალწლიანი გამოცდილების მქონე ქალ ბიზნესმენს ხელი შეუწყონ, პირიქით ხდება. მითუმეტეს მაშინ, როდესაც დაახლოებით 12 მილიონი სესხი მაქვს აღებული სწორედ ამ ქარხნის გამო და 3.5 მილიონი კიდევ გადასახდელი მაქვს თიბისი ბანკისთვის, ახლა კი ჰაერში ვარ”, აცხადებს ლაურა ღაჭავა.

    მისივე თქმით, “მონკლერი” მისი ყველაზე მსხვილი დამკვეთი იყო, სხვა კონტრაქტები კი ხარჯებსაც ვერ ფარავდა. უწევდა მკერავების ტრანსპორტირების, კვების, დაზღვევის უზრუნველყოფა- “7 წელია, ქარხანა მუშაობს და ამ ხნის განმავლობაში ინვესტიცია მუდმივად უკან ბრუნდებოდა”.

    ღაჭავას თქმით, ამ ფაქტის გამო გაოგნებულები არიან მისი პარტნიორებიც, მათ შორის გერმანელი და პოლონელი დამკვეთები, რომლებისგან ახალი შეკვეთის მიღებას ელოდა, თუმცა მათ საქართველოში ვიზიტი გადადეს, რასაც თიბისი ბანკის ირგვლივ განვითარებულ მოვლენებს უკავშირებს.

    “ახალ მინისტრთან შეხვედრა არ მქონია, რა აზრი აქვს. ვფიქრობ და სამწუხაროდ გამოსავალს ვერ ვპოულობ”, ამბობს ლაურა ღაჭავა.

    წყარო – gbc.ge

  • თიბისის საქმე: ბიზნესმენი ავთო წერეთელი პირველ კომენტარს აკეთებს

    თიბისის 17 მილიონიანი სესხის ბენეფიციარი, ბიზნესმენი, “ტვპირველის” დამფუძნებელი ავთო წერეთელი ბანკის მიერ ვალის ჩამოწერის შესახებ ინფორმაციას ტყუილს უწოდებს. ავთო წერეთელი აცხადებს, რომ ხაზარაძე-ჯაფარიძეს მან თავისი ფული ასეხა – აღებული კრედიტი უკვე მის განკარგულებაში იყო და ამ კრედიტს მას მისცემდა, ვისაც უნდოდა.

    “რაც არ უნდა იხტუნაონ, მანდ ფულის გათეთრება გამორიცხულია”,ამბობს წერეთელი.

    ბიზნესმენი აცხადებს, რომ ახლა ვალი ისრაელის კომპანიის Martello Group-ის გადასახდელია. 25 000 -ზე მეტი კი ბანკში მას აქვს შეტანილი.

    ბიზნესმენი განმარტავს, რომ ბანკთან შემხებლობაში მას ხაზარაძე-ჯაფარიძესთან ურთიერთობა არ აქვს, პირადი ურთიერთობები კი სხვაა.

    საქართველოს გენერალური პროკურატურა “თიბისი ბანკის საქმეზე“ დაკავშირებით საქმეს უკანონო შემოსავლის ლეგალიზაციის ფაქტზე იძიებს. საუბარია 17 მილიონ დოლარზე. 8 იანვარს ცნობილი გახდა, რომ გენერალურმა პროკურატურამ მიმდინარე გამოძიების ფარგლებში “თიბისი ბანკიდან” გარკვეული დოკუმენტაცია ამოიღო.

     

  • “პოლიტიკოსის ჯგუფური სექსის” ფაილი მათიკაშვილმა პოლიციას გადასცა

    “გირჩის” მიერ ჩატარებული ექსპერიმენტის ერთ-ერთი ადრესატი დავით მათიკაშვილი აცხადებს, რომ მან მართლაც მიიღო ჰაკიმ ფაშას სახელით გაგზავნილი “პოლიტიკოსის ჯგუფური სექსის” ფაილი. პოლიტიკოსმა ამის გამო პოლიციას მიმართა.

    “26 თებერვალს, გვიან, რაღაც ფაილი მომივიდა, განვაცხადე პოლიციაში. კანონიც მავალდებულებდა და პირადად ჩემი ინტერესია, არავის პირადი ცხოვრების ამსახველი კადრები არ მოხვდეს ჩემს არეალში. დღეს უკვე გამოკითხვის ოქმი გაკეთდა – ჩემი თანდასწრებით გაიხსნა ვიდეო. ვნახეთ, რომ მართალია პარლამენტარის სექსია, მაგრამ საქართველოს არ ეხება. ხუმრობაა, ექსპერიმენტია თუ რა არის, ჯობს, უკეთესად იხუმრონ. გამომძიებელი აქ მოვიდა დილას, გამომძიებლის თანდასწრებით გაიხსნა ეს ვიდეო. ხუმრობის მიზანი რა იყო, გასაგებია, მაგრამ სხვა კუთხითაც უნდა შევხედოთ ამ თემას”, ამბობს დავით მათიკაშვილი.

  • დონალდ ტრამპისა და კიმ ჩენ ინის შეხვედრას ვაშინგტონი ისტორიულს უწოდებს

    {{ARTICLEIMAGE}}

    სამიტის პირველი დღე

    დონალდ ტრამპი და ჩრდილოეთ კორეის ლიდერი კიმ ჩენ ინი კიდევ ერთხელ შეხვდნენ ერთმანეთს. ვიეტნამში გამართული მეორე სამიტის პირველი დღის ბოლოს, ტრამპმა განაცხადა რომ ის უკან არ დაიხევს კორეის ნახევარკუნძულის ბირთვული განიარაღების დაპირებიდან. ჟურნალისტის კითხვაზე: გამოაცხადებენ თუ არა ისინი კორეის ომის დასასრულს, რომელმაც 1953 წლიდან აქტიურ შეიარაღებას ჩაუყარა საფუძველი, ტრამპმა უპასუხა: „ვნახოთ“.

    ლიდერები სადილამდე, ცოტა ხნით ჰანოის მეტროპოლის სასტუმროს შეხვედრების დარბაზში განმარტოვდნენ. მათთან ერთად მხოლოდ თარჯიმანები იმყოფებოდნენ. „ჩვენ დიდ პროგრესს მივაღწიეთ და ვფიქრობ, ყველაზე დიდი პროგრესი ჩვენი ურთიერთობებია, რაც მართლაც კარგია“ – უთხრა ჟურნალისტებს ხანმოკლე შეხვედრის შემდეგ დონალდ ტრამპმა და იმედი გამოთქვა, რომ ეს შეხვედრაც ისეთივე მნიშვნელოვანი, ან კიდევ უფრო კარგი იქნება.
    ეკონომიკური პოტენციალი

    დონალდ ტრამპმა ვიეტნამელთა გულითად მასპინძლობას გაუსვა ხაზი და თქვა, რომ ჩრდილოეთ კორეას წარმოუდგენლად დიდი ეკონომიკური პოტენციალი გააჩნია. „მოუთმენლად ველოდები თვალყური ვადევნო ამ ფაქტს და დავეხმარო განხორციელებაში“ – აღნიშნა ტრამპმა.

    აშშ-ს ოფიციალური წარმომადგენლებიდან, სადილზე პრეზიდენტს სახელმწიფო მდივანი მაიკ პომპეო და თეთრი სახლის აპარატის უფროსი მიკ ლავენი ახლდნენ. მრგვალ მაგიდას ჩრდილოეთ კორეის მხრიდან კიმ ჩენ უნთან ერთად უსხდნენ კიმ იონგ ჩოლი, მუშათა პარტიის ცენტრალური კომიტეტის თავჯდომარის მოადგილე და საგარეო საქმეთა მინისტრი რი იანგ ჰო. „საინტერესო დიალოგი გვექნება“ – თქვა ჩრდილოეთ კორეის ლიდერმა.
    „ჩვენი ურთიერთობა ძალიან განსაკუთრებულია“ – განაცხადა დონალდ ტრამპმა ოფიციალური სადილის დაწყებამდე. ცოტა ხნის შემდეგ კი სოციალურ ქსელ „ტვიტერზე“ დაწერა, რომ კიმ ჩენ უნთან „დიდებული შეხვედრები და სადილი“ ჰქონდა.

    ხუთშაბათის შეხვედრები

    ხვალ ორი ქვეყნის ლიდერებს შორის ინტენსიური დისკუსია იგეგმება. ტრამპმა აღნიშნა რომ ჩრდ. კორეის ლიდერთან პრესკონფერენციას მოაწყობს და მოლაპარაკების შედეგებზე უფრო დეტალურად ისაუბრებენ.
    თეთრი სახლის კორესპონდენტებს ვიეტნამში უამრავი შეზღუდვა აქვთ დაწესებული. ვარაუდობენ რომ ფხენიანის რეგულაციების გამო. სამიტამდე ერთი დღით ადრე ჰანოიში აკრედიტებულმა ჟურნალისტებმა აღმოაჩინეს რომ ისინი, იმ სასტუმროს პრესცენტრიდან, სადაც კიმ ჩენ უნია გაჩერებული,გაძევებულები არიან.

    მედიის წარმომადგენლები იძულებულები გახდნენ ვიეტნამის მთავრობის მიერ მოწყობილ საერთაშორისო მედიის ცენტრში გადასულიყვნენ სადაც 3 ათასზე მეტი ჟურნალისტი იყრის თავს. სადილის წინ კი გადაღებაზე მხოლოდ რამდენიმე ჟურნალისტი და ტელეარხ „სი-ბი-ესის“ ჯგუფი დაუშვეს.

    დიდი მოლოდინია აშშ-ში მეორე სამიტისადმი, ვაშინგტონი ამ შეხვედრას ისტორიულს უწოდებს. საკმაოდ დიდი ზეწოლაა ტრამპზე რომ უფრო მეტ შედეგს მიაღწიოს ვიდრე სინგაპურის შეხვედრის შემდეგ, კიმ ჩენ უნისგან მიღებული გაურკვეველი დაპირება – სანქციების მოხსნის სანაცვლოდ, ბირთვული იარაღის განვითარება შეეჩერებინა.

    ჩრდ.კორეის დაპირებებზე ბირთვული განიარაღების შესახებ ამერიკული დაზვერვა სკეპტიკურად უყურებს. არაერთი საერთაშორისო დამკვირვებელი აღნიშნავს რომ ჩრდ. კორეაში ბირთვული აქტივობა ჯერ კიდევ შეინიშნება. თუმცა ტრამპი აცხადებს რომ მოლაპარაკებების შემდეგ ფხენიანს ბალისტიკური რაკეტები აღარ გამოუცდია, რაც ასევე სერიოზული მიღწევაა.

    გასულ თვეში დაზვერვის ეროვნული სააგენტოს დირექტორმა დენ ქოუთსმა ჯინა ჰასპელმა, დაზვერვის ცენტრალური სააგენტოს დირექტორმა, თქვეს რომ ბოლო ერთი წლის მანძილზე სარაკეტო გამოცდების შეწყვეტის და ამერიკასთან მოლაპარაკების გაგრძელების სურვილის მიუხედავად, ფხენიანი ბირთვული ამბიციების დათმობას არ აპირებს. მათივე აზრით ქვეყნის ლიდერი „ბირთვულ იარაღს რეჟიმის გადარჩენისთვის კრიტიკულად“ თვლის. ჩრდილოეთ კორეის „რეჟიმი ერთგულია გრძელი რადიუსის ბირთვული რაკეტის შექმნის პროცესის, რაც შეერთებული შტატებისთვის პირდაპირი საფრთხის შემცველია“ – აცხადებს ჯინა ჰასპელი.

    წყარო:https://www.amerikiskhma.com/a/us-nokor-hanoi-first-day-of-summit/4806606.html?fbclid=IwAR0_YX8WfE8Z1YClCgVn-8Fm8ED9LkUfXkyw-04tNu46J06IM8KgFt20RJo

  • ბრალდებებს არ მივიღებთ ქვეყნისგან, რომელსაც საქართველოს ტერიტორიები აქვს ოკუპირებული – აშშ

    რუსეთისგან, რომელსაც ოკუპირებული აქვს აფხაზეთი და “სამხრეთ ოსეთი”, ვენესუელასთან დაკავშირებით ბრალდებებს არ მივიღებთ – ამის შესახებ გაეროს უშიშროების საბჭოში ვენესუელის კრიზისთან დაკავშირებით გამართულ შეხვედრაზე აშშ-ის წარმომადგენელმა განაცხადა. ელიოტ აბრამსმა ვენესუელაში შექმნილი მძიმე პოლიტიკური და ჰუმანიტარული ვითარების შესახებ დებატებზე რუსეთის წარმომადგენლის განცხადებებს უპასუხა.

    “სრულიად მიუღებელია რუსეთის ფედერაციის მხრიდან ჩვენი მისამართით გამოთქმული ბრალდება, ვენესუელაში სამხედრო ინტერვენციასთან დაკავშირებით. ეს მიუღებელია იმ ქვეყნისგან, რომელსაც ოკუპირებული აქვს საქართველოს ტერიტორიები, “სამხრეთ ოსეთი” და აფხაზეთი და ასევე უკრაინის ტერიტორია – ყირიმი. განცვიფრებული ვარ საბჭოზე ამ ბრალდების მოსმენით”. რაც შეეხება ვენესუელას, საერთაშორისო თანამეგობრობას, მათ შორის, ამერიკის შეერთებულ შტატებს, დახმარების თხოვნით მიმართა ქვეყნის ლეგიტიმურმა ხელისუფალმა, ხუან გუაიდომ. რუსეთის დახმარება კი განკუთვნილია არა ხალხისთვის, არამედ მადუროს რეჟიმისთვის”.

  • მუსიკალურ–პოლიტიკური სკანდალი რუსულ თემაზე. უკრაინა ევროვიზიაში მონაწილეობას არ მიიღებს

    არცერთი უკრაინელი მომღერალი არ იმღერებს 2019 წლის ევროვიზიაზე, რომელიც ისრაელში გაიმართება.  ამ ინფორმაციას უკრაინის საზოგაოებრივი მაუწყებელი ავრცელებს.
    “ნაციონალურ მაუწყებელს შეეძლო შეერჩია ნებისმიერი შემსრულებელი არა შესარჩევი კონკურსის მონაწილეებისგან, თუმცა ასეთ ალტერნატივაზე უარი ვთქვით, რადგან პატივისცემით ვეკიდებით მაყურებლის არჩევანს შესარჩევ კონკურსში“– ნათქვამია უკრაინული საზოგადოებრივი მაუწყებლის განცხადებაში.
    მანამდე ცნობილი გახდა, რომ შესარჩევი კონკურსის ექვსი ფინალისტიდან ოთხმა სიმღერის კონკურსში მონაწილეობაზე უარი თქვა. დანარჩენ ორს კი შექმნილ სიტუაციაზე კომენტარი არ გაუკეთებია.

    შესარჩევი კონკურსის გამარჯვებულმა, მომღერალმა Maruv (ანა კორსუნი) ევროვიზიის კონკურსში მონაწილეობაზე უარი ორშაბათს განაცხადა. ინსტაგრამზე საკუთარი ფანებისთვის მიმართვაში მან განმარტა, რომ ასეთი გადაწყვეტილება იმ ხელშეკრულების კაბალური პუნქტების გამო მიიღო, რომელიც კონკურსში მონაწილეობისთვის ხელმოსაწერად შესავაზეს. მათ შორის არის პუნქტი, რომლითაც კონტრაქტის ხელმოწერის მომენტიდან ევროვიზიის კონკურსის შემდეგ სამი თვის განმავლობაში მომღერალს რუსეთში გასტროლების გამართვა ეკრძალება.

    Maruv, ისევე როგორც ეროვნული შესარჩევი კონკურსის ბევრი მონაწილე კრიტიკის ქარცეცხლში აღმოჩნდა იმის გამო, რომ რუსეთში გამოსვლებს არ წყვეტს. თავად მომღერალი ამაში პრობლემას ვერ ხედავს და ამბობს, რომ თავისი მუსიკით “მშვიდობა მოაქვს და ხალხების გაერთიანება უნდა“.
    კონკურსის გამარჯვებული და საზოგადოებრივი მაუწყებელი ვერ შეთანხმდნენ, რა მისია ეკისრება სიმღერის საერთაშორისო კონკურსზე უკრაინის წარმომადგენელს.ტელეკომპანია თვლის, რომ მომღერალს, რომელიც ქვეყანას საერთაშორისო არენაზე წარმოადგენს , აქვს ვალდებულება უკრაინის კულტურული ელჩი იყოს და მსოფლიო საზოგადოებამდე არა მხოლოდ მისი სიმღერა, არამედ უკრაინული საზოგადოების გზავნილებიც მიიტანოს. თუმცა მომღერალი ამ ხედვას არ დაეთანხმა:

    “ მე უკრაინის მოქალაქე ვარ, გადასახადებს ვიხდი და გულწრფელად მიყვარს უკრაინა. მაგრამ არ ვარ მზად გამოვიდე ლოზუნგებით და კონკურსში ჩემი მონაწილეობა ჩვენი პოლიტიკოსების პრომო აქციად ვაქციო. მე მუსიკოსი ვარ და არა იარაღი პოლიტიკურ ასპარეზზე“– განაცხადა მან.

    პირველ ადგილზე გასული მომღერლის უარის შემდეგ კონკურსის ორგანიზატორებმა მისი შემცვლელის მოძებნა სხვა ფინალისტებს შორის სცადეს, თუმცა გუშინ ჯგუფებმა Kazka–მ Brunettes Shoot Blondes–მა, რომლებმაც ეროვნულ შესარჩევ კონკურსში მესამე და მეოთხე ადგილი დაიკავეს განაცხადეს, რომ კონკურსში მონაწილეობაზე უარს ამბობენ. მანამდე უარი განაცხადა მეორე ადგილის მფლობელმა ჯგუფმა Freedom Jaz.
    ოთხშაბათს უკრაინის მინისტრთა კაბინეტმა ტელევიზიისა და რადიოს სახელმწიფო კომიტეტს და საზოგადოებრივ მაუწყებელს დაავალა ცვლილებების შეტანა ევროვიზიის მონაწილეთა შერჩევის წესებში.
    უკრაინის ვიცე პრემიერის, ვიაჩესლავ კირილენკოს განცხადებით წესები უნდა შეიცვალოს იმ გარემოებების გათვალისწინებით, რომლებმაც დიდი საზოგადოებრივი რეზონანსი გამოიწვია 2019 წლის შესარჩევი კონკურსისას.
    უკრაინა ევროვიზიის კონკურსის გამარჯვებული ორჯერ გახდა. 2004 წელს მომღერალმა რუსლანამ პირველი ადგილი დაიკავა. 2016 წელს კი კონკურსის ტრიუმფატორი მომღერალი ჯამალა გახდა. უკრაინამ ევროვიზიაზე ორჯერ დაიკავა მეორე ადგილი – 2007 წელს ვერკა სერდიუჩკამ და 2008 წელს ანა ლორაკმა. ევროვიზიის რიგით 64–ე კონკურსი მაისში თელ–ავივში გაიმართება.