რა წერილი მიიღო მამუკა ხაზაარძემ არჩევნების მეორე ტურის წინ – “თიბისი ბანკის” დამფუძნებელმა ამის შესახებ პარლამენტში საფინანსო-საბიუჯეტო კომიტეტის სხდომაზე სიტყვით გამოსვლისას ისაუბრა. დეპუტატების მხრიდან შეკითხვის შემდეგ, ხაზარაძემ დააკონკრეტა, რომ ამ წერილის ავტორი გიორგი გახარია იყო.

“არ ვაპირებთ სენსაციებით მოქმედებას, წერილების გამოქვეყნებას და წერილების ფრიალს. არ გვინდა პოლიტიკურ დებატებში ჩავერიოთ. ალბათ აზრი არ აქვს კომისიას დაველოდო. მუქარის წერილი გახარიასგან იყო მოწერილი. შეიძლება ვიღაცას ეგონოს, რომ პოლიტიკური ამბიციები გვაქვს. ჩვენ პოლიტიკურ პროცესებში ჩარეული არ ვართ. ეტყობა, ვიღაცას არ მოვეწონეთ და ეს ყველაფერი, რაც ხდება, ამიტომ ხდება. განცდა სიმართლის, არ არის. ქართული ბიზნესი, აი ამ სტერეოტიპით არის უკვე შეპყრობილი. სათქმელი იცით რამდენი აქვთ, მაგრამ ოთახებში და კულისებში მიიღება გადაწყვეტილება. მოდით რა, თვალებში ვუყუროთ ერთმანეთს. აქ არ ვარ მოსული, რომ ან ოპოზიციის, ან პოოზიციის გული მოვიგო. ამ ქვეყნიდან მე არ წავალ, მე იმიტომ მოვედი თქვენთან, რომ თქვენ დაეხმაროთ არა მარტო მამუკა ხაზარაძეს. არ მაინტერესებს ნოლები ანგარიშზე, თუ არ იქნება თავისუფლება. პროკურატურა არ უნდა გვაშანტაჟებდეს პრესკონფერერნციებით. არ დავთმობთ ერთი წამით და ერთი ნაბიჯით არც წავალთ უკან. საბჭოთა “კაგებეშნიკერი” პრაქტიკა, რომ ვიღაცას თავს ლაფი დაასხან და მერე მიდის გამოძიება და იდება თაროზე, უნდა დამთავრდეს. ადამიანებს არ აქვთ საშუალება, პასუხი გასცეს, ეს უნდა შეწყდეს. ან ბრალი დააყენონ, ვინ არის დამნაშავე, ან საკითხი შეწყვითონ. თაროზე არ შემოვადებინებთ ამ საქმეს”.

რა წერილი მიიღო მამუკა ხაზაარძემ არჩევნების მეორე ტურის წინ – “თიბისი ბანკის” დამფუძნებელმა ამის შესახებ პარლამენტში საფინანსო-საბიუჯეტო კომიტეტის სხდომაზე სიტყვით გამოსვლისას ისაუბრა.

მამუკა ხაზარაძის თქმით, აღნიშნული წერილი მას აქვს.

“არჩევნების მეორე ტურის წინ მე ვიღებ წერილს ერთ-ერთი მაღალჩინოსნისგან, რომელიც მუქარით, პირდაპირი მუქარით გვეუბნება, რომ ისინი ჩვენს რეპუტაციას დაანგრევენ ადგილზე და საერთაშორისო ასპარეზზე. მე ძალიან გამიკვირდა, რომ ასეთი წერილი დაწერეს და ეს ყველაფერი სიტყვიერად არ გვითხრეს. იქ იყო მოთხოვნები, რომელიც რა თქმა უნდა, ჩვენ არ შევასრულეთ, ამიტომ ახლა მე გეტყვით, ბოლოს დასკვნაში, როგორ მინდა გთხოვოთ, რომ ეს პროცესი წავიდეს. ამის მერე თქვენ იცით მოვლენების განვითარება რაც მოხდა”, განაცხადა მამუკა ხაზარაძემ.

(more…)

პარლამენტში “თიბისი ბანკის“ დამფუძნებლების, მამუკა ხაზარაძისა და ბადრი ჯაფარიძის საკომიტეტო მოსმენა მიმდინარეობს. გამოსვლის მიწურულს ხაზარაძემ ეროვნული ბანკის პრეზიდენტის პასუხისმგებლობის საკითხის დაყენება მოითხოვა.

“თიბისი ბანკის” საქმეზე ფინანსური მონიტორინგის სამსახურის მიმართვის საფუძველზე გენერალურმა პროკურატურამ უკანონო შემოსავლის ლეგალიზაციის ბრალდებით გამოძიება დაიწყო. ევროვნულმა ბანკმა კი 14 თებერვალს „თიბისი ბანკის“ სამეთვალყურეო საბჭოს თავმჯდომარეს, მამუკა ხაზარაძეს და მის მოადგილეს, ბადრი ჯაფარიძეს ხელმოწერის უფლება შეუჩერა. ასევე,”თიბისი ბანკის“ აქციონერთა კრებას მათი სამეთვალყურეო საბჭოდან გაწვევისთვის ორთვიანი ვადა მისცა. ხაზარაძის და ჯაფარიძის ხაზარაძემ ბანკის სამეთვალყურეო საბჭოს დატოვეს და განაცხადეს, რომ საკუთარი სიმართლის დასამტკიცებლად ბრძოლას განაგრძობენ.

ავტოსაგზაო შემთხვევას წავკისი-თბილისის გზაზე, 3 ახალგაზრდის სიცოცხლე ემსხვერპლა. ინფორმაციას რუსთავი2 ავრცელებს. ამავე წყაროს ცნობით, შემთხვევა მაშინ მოხდა, როდესაც 18, 20 და 23 წლის ბიჭები დაბადების დღიდან თბილისში ბრუნდებოდნენ. 

მძღოლმა საჭე ვერ დაიმორჩილა, მანქანა სავალი ნაწილიდან გადავიდა, კედელს დაეჯახა და ამოტრიალდა. მგზავრები კი მანქანიდან გადმოცვივდნენ.

სამივე ახალგაზრდა ადგილზე გარდაიცვალა. ადგილზე გვიანობამდე მობილიზებული იყვნენ სამაშველოს, სასწრაფოს და პატრულის ეკიპაჟები. მიმდინარეობს გამოძიება.

მმართველი პარტია “ქართული ოცნების” სათაო ოფისში დღეს საპარლამენტო უმრავლესობის სხდომა გაიმართება. შეხვედრას, რომელიც 16:00 საათზეა ჩანიშნული, პარტია “ქართული ოცნების” თავმჯდომარე ბიძინა ივანიშვილი უხელმძღვანელებს. 

მოსალოდნელია, რომ საუბარი იქნება პარტიაში შექმნილ ვითარებაზე და საპარლამენტო უმრავლესობიდან ცალკეული დეპუტატების გასვლის საკითხზე.