“ქუჩაში რომ გახვიდეთ და იკითხოთ, რა აკლია თქვენს ქვეყანას – უპირობოდ ყველა გეუბნებათ, რომ კანონი და სამართალი, „კანონი და სამართალი“ ჰქვია ჩვენ პარტიას“ – ეს განცხადება თაკო ჩარკვიანმა მის მიერ ჯერ კიდევ საპრეზიდენტო არჩევნებამდე დაანონსებული პოლიტიკური გაერთიანების დამფუძნებელთა ყრილობაზე გააკეთა.
პარტიის „ კანონი და სამართალი“ დამფუძნებელთა ყრილობა ექსპოჯორჯიას“ მე-3 პავილიონში გაიმართა, სადაც შეკრებილებს თაკო ჩარკვიანმა საკუთარი გუნდის წევრებად ირაკლი ღლონტი, მიხეილ რამიშვილი, ქეთევან ენუქიძე, გიორგი ცობეხია, თამარ პატარაია და მარი საველიძე წარუდგინა. ახალი პარტიის მხარდამჭერებთან და დელეგატებთან ერთად, დამფუძნებელთა ყრილობას პარტიის გაერთიანებული ოპოზიციის წარმომადგენლებიც ესწრებოდნენ.
„ძალიან კმაყოფილები და ბედნიერები ვართ, რომ შრომა დაფასდა გაერთიანებული ოპოზიციისა მეორე ტურით. ძალიან კარგია, რომ გაანალიზდა კარგად – ძლიერი ოპოზიცია არის და მშვიდად აღარ სძინავს ხელისუფლებას. ეს არის დემოკრატიული, გენიალური ფორმულა, რომლითაც ყველამ უნდა ისარგებლოს. ვის სჭირდება მიძინებული და სუსტი ოპოზიცია?!–მხოლოდ ცუდ ხელისუფლებას, მხოლოდ რუსული კორუფციული მართვის ჯგუფს, რომელიც მგონია , რომ სათავეში არის. მეშვიდე წელია ვხედავ, რომ რუსული კორუფციული მართვის სტილს გვთავაზობს. ზუსტად ის კრიზისი, რომელიც დღეს ქვეყანაშია – ვგულისხმობ ინფლაციას, ნარკოტრაფიკს, პლანტაციებს, რომელიც შემოგვთავაზეს და დროებით შეჩერდა პროგრამა, მონოპოლიზებული ბიზნესი, გარჩევები მაღალ ეშელონებში, თუ ქუჩებში – ეს არის რუსული კორუფციული მართვის სტილი. ქუჩაში რომ გახვიდეთ და იკითხოთ, რა აკლია თქვენს ქვეყანას – უპირობოდ ყველა გეუბნებათ, რომ კანონი და სამართალი, „კანონი და სამართალი“ ჰქვია ჩვენ პარტიას“, – განაცხადა თაკო ჩარკვიანმა. მისივე თქმით, პარტიას კონსულტაციებს უცხოელებიც გაუწევენ , პარტიის სავიზიტო ბარათი რეგიონის განვითარების პროგრამა იქნება. რაც შეეხება სხვა პოლიტიკურ პარტიებთან თანამშრომლობას, თაკო ჩარკვიანის თქმით, „კანონი და სამართალი“ გაერთიანებულ ოპოზიციასთან თანამშრომლობას გეგმავს.
„ჩვენ ერთად არჩევნების მეორე ტური დავდეთ, რაზეა საუბარი. სად არის ქვეყანაში ფუფუნება, რომ პოლიტიკიდან გავწიოთ გრიგოლ ვაშაძე და გიორგი ვაშაძე? ორი ასეთი ნათელი პოლიტიკოსი გვყავდეს და გაწიო? ეს ხომ სისულელეა. განაცხადა თაკო ჩარკვიანმა.
ახალი პარტიის წევრების სიტყვით გამოსვლის შემდეგ, შეკრებილებს სიტყვით გაერთიანებული ოპოზიციის ლიდერმა გრიგოლ ვაშაძემაც მიმართა. „გულწრფელად გილოცავთ, რომ არენაზე გამოჩნდა ორგანიზაცია, რომელსაც სახელმწიფოს ბედი აღელვებს. რასაც ოდესმე გადაწყვეტს, რომ დაიწყოს თაკო ჩარკვიანმა, ვიქნები მის გვერდზე. ჩვენი მთავარი ამოცანა არის რომ შევქმნათ რამდენიმე კოლონა, რომელიც მოვა საქართველოში, ასე ცხოვრება აღარ შეიძლება, დავკარგავთ ქვყანას. ჩვენ ვითანამშრომლებთ, გვაქვს ერთიანი ამოცანები. ამ ჭირის დამარცხება მარტო არ გამოუვა არავის“ – განაცხადა გრიგოლ ვაშაძემ
