Category: არქივი

ახალ ზელანდიაში მეჩეთებზე თავდასხმის შემდეგ იარაღის ტარებასთან დაკავშირებით არსებული კანონი მკაცრდება. ამის შესახებ ქვეყნის პრემიერ-მინისტრმა განაცხადა. ჯასინდა არდერნის განცხადებით ცვლილება ძალაში უახლოეს საათებში შევა. მოქმედი კანონმდებლობის საფუძველზე ახალ ზელანდიაში ნახევრად ავტომატური იარაღის ყიდვა თავისუფლად არის შესაძლებელი. ამისთვის უბრალო ლიცენზიაც კი საკმარისია. ნახევრად ავტომატური იარაღის ყიდვა 16 წლის ასაკის მოქალაქეებს შეუძლიათ, ხოლო ავტომატური იარაღის ყიდვა 18 წლის მოქალაქეებს. 

15 მარტს მეჩეთებზე თავდასხმაში ბრალდებულს სასამართლომ წინასწარი პატიმრობა შეუფარდა. 28 წლის ბრენტონ ტარანტი წინსაწარი დაკავების საკანში 5 აპრილამდე დარჩება. ახალ ზელანდიაში, ქალაქ კრაისტჩერჩში ორ მეჩეთზე თავდასხმას 50 ადამიანი ემსხვერპლა, მათ შორის, ბავშვებიც. არიან დაშავებულებიც. პირველი თავდასხმა მასჯიდ ალ ნურის მეჩეთში მოხდა, სადაც 300-მდე ადამიანი იმყოფებოდა. თვითმხილველთა განცხადებით, მეჩეთში შავებში ჩაცმული მამაკაცი ცეცხლსასროლი იარაღით შეიჭრა და სროლა დაიწყო. თავდამსხმელმა ცეცხლი ჯერ მამაკაცების, შემდეგ კი ქალების სამლოცველო დარბაზში გახსნა და სამართალდამცველების მისვლამდე ადგილიდან მიიმალა. მალევე მორიგი თავდასხმა ქალაქ კრაისტჩერჩში მდებარე კიდევ ერთ მეჩეთში განხორციელდა.

თავდასხმის ფაქტებზე პოლიციამ ავსტრალიის მოქალაქე ბრენტონ ტარანტი დააკავა. მან თავდასხმამდე „ანტიიმიგრაციული მანიფესტი“ გამოაქვეყნა, სადაც საკუთარ ქმედებებს განმარტავს. ბრენტონ ტარანტი თავდასხმის პროცესს სოციალურ ქსელში პირდაპირ ეთერშიც გადასცემდა. ორივე თავდასხმასთან დაკავშირებით სულ ოთხი ადამიანია დაკავებული, მათ შორის ერთ-ერთი ავსტრალიის მოქალაქეა.

ტერორისტული აქტიდან მალევე ინტერნეტში გავრცელდა მეჩეთზე თავდამსხმელის იარაღის მჭიდის ფოტოც, რომელზეც დავით აღმაშენებლისა დ დავით სოსლანის სახელები ქართულად აწერია. ამოღებული იარაღის შესახებ საქართელოს სახელმწიფო უსაფრთოების სამსახურმა სტრატეგიულ პარტნიორებს უკვე მიმართა.

საპარლამენტო უმრვალესობის ლიდერი, არჩილ თალაკვაძე გაქურდეს. ამის შესახებ კურიერს ინფომირებულმა წყარომ აცნობა. ფაქტი ნუცუბიძის პლატოზე მოხდა.

მძარცვლები მე-12 კორპუსის მესამე სართულზე თალაკვაძის საცხოვრებელ სახლში, ვერანდიდან შევიდნენ და სეიფი მოიპარეს. სეიფში თალაკვაძე ფულს და იარაღს ინახავდა.

არჩილ თალაკვაძემ განაცხადა, რომ კომენტარს ამ თემაზე ხვალ გააკეთებს.

“გვეგონა სპეცოპერაცია ტარდებოდა, იმდენი პოლიცელი იყო, მთელი დღე ზევით ქვევით დარბოდნენ ” ყვება ნუცუბიძის ქუჩის ერთ ერთი მცხოვრები, რომელმაც ვინაობის გამხელა არ ისურვა.

ხმაურის ფონზე დამტკიცებული თბილისის გენერალური გეგმა – 37 მომხრე, 4 წინააღმდეგი – საკრებულომ დედაქალაქის მიწათსარგებლობის გენერალური გეგმა დაამტკიცა. სხდომა, რომელზეც გენგეგმა დედაქალაქის მერის მოადგილემ წარადგინა, ხმაურის, ოპოზიციის მწვავე კრიტიკისა და ურთიერთბრალდებების ფონზე მიმდინარეობდა. „ნაციონალურმა მოძრაობამ“ მას მხარი არ დაუჭირა და განაცხადა,რომ ეს კალაძე-ივანიშვილის პირადი ბიზნესგეგმაა და არა დედაქალაქზე მორგებული ექსპერტების მიერ შედგენილი ქალაქის განვითარების დოკუმენტი. „ნაციონალური მოძრაობის „კრიტიკის საგანი ბოტანიკური ბაღის მიმდებარე ტერიტორიაც გახდა, რომელიც ივანიშვილის რეზიდენციის მომიჯნავეა და რომელსაც ოპოზიციის თქმით სტატუსი ეცვლება, რომ იქ მშენებლობა იყოს შესაძლებელი. საკრებულოს თავმჯდომარემ ლევან ხაბეიშვილს ფანტაზიის უნარი „მოუწონა“.

„ევროპული საქართველო“ გენეგმის განხილვას დაესწრო თუმცა კენჭისყრაში მონაწილეობა არ მიუღია. უმარვლესობამ კი ოპოზიცია არასწორი ინფორმაციის გავრცელებაში დაადანაშაულა. მათი თქმით, ახალი გენერალური გეგმა არა კონკრეტულად რომელიმე პოლიტიკური პარტიის, არამედ ქალაქის დოკუმენტია. დედაქალაქის გენერალურ გეგმა საკრებულოში მერის მოადგილემ წარადგინა. მაია ბითაძის თქმით, დოკუმენტი დედაქალაქისთვის უპრეცედენტოა. კომპაქტურობა, შეკავშირებულობა და მწვანე ქალაქის კონცეფცია – ეს ის სამი ძირითადი მიმართულებაა, რომლებსაც ბითაძის თქმით, დოკუმენტი ითვალისწინებს. გენერალურ გეგმაზე მისმა ავტორებმა – „სითი ინსტიტუტის“ წარმომადგენლებმაც ისაურებს თბილისის განვითარების გენერალური გეგმის პროექტზე „სითი ინსტიტუტი“ 2015 წლიდან მუშაობდა, თუმცა მერიამ პროექტი რამდენჯერმე დაიწუნა, რის გამოც მისი მიღება ამ დრომდე ჭიანურდებოდა.

გიორგი გაჩეჩილაძე, ანუ “უცნობი“ დღეს ტვ პირველის ეთერში “დაიცავი საქართველოს“ გააქტიურებაზე საუბრობდა, რომლის ერთ–ერთი დამფუძნებელი თვითონაც არის. გუშინ პოეტმა დავით მაღრაძემ განაცხადა, რომ მოძრაობა აქტიურად ერთვება საზოგადოებრივ–პოლიტიკურ ცხოვრებაში. რას ფიქრობს და რას გეგმავს გია გაჩეჩილაძე.უცნობის მთავარი თეზისები დაიცავი საქართველოსთან, პოლიტიკურ სფეროში გააქტიურებასთან და სამომავლო გეგმებთან დაკავშირებით:

• ყოველდღიური ურთიერთობა აქვს დავით მაღრაძესთან და განიხილავენ იმას, რაც ქვეყანაში ხდება.
• გუშინ გაიგო, რომ დავით მაღრაძე გრიგოლიასთან გამოსვლას და განცხადების გაკეთებას აპირებდა.“კონკრეტულად არ გვილაპარაკია. იდეის დონეზე ვფიქრობთ ყველანი, რომ ახალი სისხლი არის საჭირო პოლიტიკაში და საზოგადოებრივ ცხოვრებაში.“
• რაღაც უნდა მოხდეს 2020 მდე თორემ შეიძლება შარს გადავეყაროთ.საპრეზიდენტო არჩევნებმა დაანახა, რომ რაღაც უნდა შეიცვალოს. გრძნობს პასუხისმგებლობას, რომ მეორე ტურის წინ ხალხს თვითონაც პირდებოდა ცვლილებებს, თუმცა არაფერი შეიცვალა და ამის ნიშანი იყო სასამართლოს თემა.თვლის, რომ ასე გაგრძელება აღარ შეიძლება, თუმცა რა უნდა მოხდეს ვერ აკონკრეტებს.
• “დაიცავი საქართველოს“ როლზე და კონკრეტულ გეგმებზე ვერ თუ არ საუბრობს.თვლის, რომ დროა ახალგაზრდა სახეების წარმოჩენის. “პოლიტიკური პარტია იქნება, არჩევნებში მონაწილეობა იქნება თუ არა ამაზე არ ყოფილა ლაპარაკი, მაგრამ რაღაც ახალი რომ უნდა მოხდეს ქართულ პოლიტიკურ ცხოვრებაში ეს ფაქტია.“
• მთავარ პრობლემად მასაც დავით მაღრაძის მსგავსად მიაჩნია, რომ ყველაფერი ივანიშვილ–სააკაშვილის დაპირისპირების გარშემო ტრიალებს. “ეგ არის ზუსტად დღეს რომ ვერ ვიძვრებით ადგილიდან . მაგათი ბრძოლის გამო.ორივე უნდა გადავხაზოთ და ახალი ფურცლით დავიწყოთ ქვეყნის მშენებლობა.შეგნებულად ხდება მაგათი ბრძოლა თუ შეუგნებლად, ამდენი წლის მანძილზე ეს ხდება, რომ მაგათი შიშით სხვა პოლიტიკური ძალისთვის ვეღარ მიუცია ადამიანს ხმა. “
• დღეს ძალიან ბევრს ვლაპარაკობთ ორივეზე. უნდა დავიკიდოთ ორივე ძალა და ახალი ფურცლით დავიწყოთ.
• დაწერილი აქვს სატელევიზიო პროექტი, რომლის შეტანას აპირებს საზოგადოებრივ არხზე. უნდა ამ ტელეგადაცემით რაღაც ახალი ძალის ფორმირებაში მიიღოს მონაწილეობა. თუ საზოგადოებრივი არ დათანხმდა, ვინც დათანხმდება იმასთან წავა. თვლის, რომ საზოგადოებისთვის 2020 ისთვის კარგ საქმეს გააკეთებს თავისი სატელევიზიო პროექტით.
• ვერ აკონკრეტებს, რა პროცესში და ვისთან ერთად ერთვება და არის თუ არა ის პროცესი, რომელშიც ერთვება არის ივანიშვილის ხელისუფლებიდან გაშვების პროცესი. თუმცა თვლის, რომ “ ივანიშვილი ის აღარ არის რაც იყო 7 წლის წინ“.
• დავიღალეთ ერთი და იგივე სახეებით 25 წლის განმავლობაში.ყავლი გაუვიდა ყველაფერს7
• “თუ გული გულობს 3 მილიონი კაცის მოვლას რა უნდა.“
• მზად არ არის გვარები და სახელები დაასახელოს, თუმცა ბევრი ახალგაზრდა იცის ისეთი, ვინც წაადგება თავის ქვეყანას.
• ამბობს რომ არის ივანიშვილის ოპოზიციაში, თუმცა მისი კრიტიკისას თავშეკავებულია.
• “შვიდი რვა წელი გავიდა, ადამიანები რომლებმაც მართლა თავისუფლებისთვის ბრძოლას თავი შეაკლეს და თავისუფლების ხარისხით გამოირჩევიან იმ ადამიანებთან კომუნიკაციის პრობლემა აქვს ამ ადამიანს(ბიძინას).ალბათ ჩათვალა რომ ეს ხალხი არ ჭირდება. არ ვიცი ვინ ურეჩევს ამ სიტუაციას, მაგრამ ისევ ეს ხალხი იქნება დასაყრდნობი მას თუ რამე პრობლემა შეექმნა პოლიტიკურად. ამასაც ვერ ხვდება.“ (იგულისხმება უმრავლესობიდან გასული ხალხი.)
• პრემიერი “ნი რიბა ნი მიასაა“.
• პარლამენტის თავმჯდომარე გრძელთმიანი “ნი რიბა ნი მიასა“.
• თბილისის მერი ის არ გამოდგა, რაც ეგონა რომ უნდა ყოფილიყო თილისის მერი. მაგალითად, არ მოიწონა და არ განახორციელა მისი მეგობრების პროექტები.
• გახარია ნიჭიერი კაცია, მაგრამ მოცემულოაბ სადაც ის არის ჩავარდნილი არ აძლევს გასაქანს, რომ თავისი თავი გამოაჩინოს.
• არ იცის ხაზარაძის მიმართ წერილი მართლა გახარიამ დაწერა თუ არა.
• ამბობს, რომ მისი ძმა პოლიტიკაში დაბრუნებას არ აპირებს. არწმუნებდა, რადგან თვლის, რომ ლევანი ჭირდება ქართულ პოლიტიკურ სივრცეს, მაგრამ ვერ დაარწმუნა, რადგან ლევანს უკვე ეზიზღება ქართული პოლიტიკა.

27 წლის გიგი გეგეჭკორი გარდაცვლილი იპოვეს. ახალგაზრდა დუშეთის რაიონის სოფელ წითელსოფლის მიმდებარედ, ტყის მასივში თოკით ჩამომხრჩვალი ნახეს. გიგი გეგეჭკორს 7 დღის განმავლობაში ეძებდნენ. „შეტყობინებაში მითითებული იყო, რომ გიგი გეგეჭკორი 9 მარტს, დაახლოებით 22:00 საათზე, გავიდა დუშეთის მუნიციპალიტეტის სოფელ წითელსოფელში მდებარე სახლიდან, სადაც ის მეგობრებთან ერთად იმყოფებოდა. მიღებული შეტყობინებისთანავე პოლიციამ და სამაშველო სამსახურმა მყისიერად დაიწყეს დაკარგული პირის ძებნის სამუშაოებში. 7-დღიანი ინტენსიური ძებნის შემდეგ, 15 მარტს გიგი გეგეჭკორის ცხედარი სამაშველო სამსახურის თანამშრომლებმა, დუშეთის რაიონის სოფელ წითელსოფლის მიმდებარედ, ტყის მასივში თოკით ჩამომხრჩვალი იპოვეს,“ – აცხადებენ შინაგან საქმეთა სამინისტროში.