Category: არქივი

“არცერთი სოციალური მუშაკი არ უბრუნდება სამსახურს, გაფიცვის გონივრული ვადა გვაქვს მანამ სანამ არ დაკმაყოფილდება ჩვენი მოთხოვნები”- ამის შესახებ სოც მუშაკებმა რამდენიმე წუთის წინ განაცხადეს.

“ეს იყო პირველი კომუნიკაცია მინისტრთან, თითოეულ პუნტზე საჭიროა შეთანხმება ყველა სოციალურ მუშაკთან,სოციალური მუშაკები ვინარჩუნებთ ერთიანობას, ეს ნიშნავს რომ ყველა სოციალურ მუშაკს ხულოში, წალკაში, თბილისში   ვეკითხებით პოზიციას და მხოლოდ იმ შემთხვევაში შევწყვეტთ გაფიცვას, თუ ყველა სოციალური მუშაკისთვის იქნება დამაკმაყოფილებელი მოთხოვნები”-განაცხადა შეხვედრიდან გამოსულმა  სოც მუშაკმა მარიამ ბანძავამ.

სოც მუშაკების პოზიციის საპირისპიროდ შეხვედრიდან გამოსულმა ჯანდაცვის მინისტრმა, დავით სერგეენკომ განაცხადა, რომ შეხვედრა შეთანხმებით დასრულდა და  სოც მუშაკებთან პასუხგაუცემელი კითხვები არ დარჩენილა.

რამდენიმესაათიანი მოლაპარაკება სოც მუშაკებსა და ჯანდაცვის მინისტრ დავით სერგეენკოს შორის შეთანხმებით დასრულდა. შეხვედრის დასრულების შედეგ სერგეენკომ ჟურნალისტებთან კომენტარი გააკეთა და განაცხადა,რომ გაფიცულ სოც მუშაკებთან შეთანხმება შედგა და მოთხოვნების უმეტესობა უახლოეს მომავალში შესრულდება.

“კონკრეტულ საკითხებზე სამუშაო ჯგუფები იმუშავებენ და 1 კვირის განმავლობაში სამოქმედო გეგმა გაიწერება, რომლის მიხედვითაც მოთხოვნები ეტაპობრივად შესრულდება”-განაცხადა სერგეენკომ.

“ყველა პუნქტი განვიხილეთ, საბოლოო შეთანხმება არის ესეთი რომ რაზეც შევთანხმდით ამას ყველაფერს დოკუმენტის სახით გააცნობენ სხვა სოციალურ მუშაკებს, მოისმენენ მათ პოზიციებს და ამის მერე მიიღებენ საბოლოო გადაწყვეტილებას გაფიცვის შეწყვეტაზე.მე ვფიქრობ რომ არცერთი კითხვა არ დარჩენილა პასუხგაუცემელი ამიტომ ვფიქრობ რომ გაფიცვა შეწყდება”
რაც შეეხება ხელფასების ზრდას, მინისტრის განცხადებით, ამის შესაძლებლობა 9 თვის მანძილზე არ იქნება. 
შეგახსენებთ, რომ სოც მუშაკები 25  მარტს მთელი ქვეყნის მასშტაბით  გაიფიცნენ, ისინი სამუშაო პირობების გაუმჯობესებასა და ბენეფიციარებისთვის ეფექტიანი სერვისის შექმნას  ითხოვენ.

ფრაქცია “ნაციონალური მოძრაობის” თავმჯდომარეს არ სჯერა, რო პირადი ცხოვრების ამსახველი კადრების გავრცელების საქმეებს ივანიშვილის ხელისუფლება ოდესმე გამოიძიებს. რომა გოცირიძე დარწმუნებულია, რომ ამ ჩანაწერებთან კავშირი აქვს თავად ხელისუფლებას.

სუსი საკუთარ რესურსებს ოპოზიციაზე ხარჯავს- ასე აფასებს სახელმწიფო უსაფრთხოების სამსახურის ყოველწლიურ ანგარიშს “ნაციონალური მოძრაობის” ერთ-ერთი ლიდერი რომან გოცირიძე

გოცირიძის თქმით, რუსეთის მხრიდან საქართველოს წინააღმდეგ ჰიბრიდული ომი რომ ხორციელდება, ეს ყველამ იცის, მაგრამ ამ მიმართულებით სახელმწიფოს არცერთი ქმედითი ნაბიჯი არ გადაუდგამს.
„არაფერი იმაში სიახლე არაა,რომ რუსეთი საქართველოს წინააღმდეგ ჰიბრიდულ ომს ეწევა, მაგრამ ამ 7 წლის განმავლობაში ამ ომში მონაწილე თუნდაც ერთი აგენტი ვერ გამოავლინეს“ აცხადებს რომან გოცირიძე. 

ყვითელი სამარშრუტო ტაქსები, სავარაუდოდ, ცენტრალურ ქუჩებზე აღარ იმოძრავებს და შიდასაუბნო ქუჩებზე გადაინაცვლებს. 

როგორც ცნობილია მერიაში პროექტზე უკვე  აქტიურად მუშაობენ.

“აუცილებლად გადაიხედება შესაბამისი კონტრაქტი, რადგან ვსაუბრობთ საზოგადოებრივი ტრანსპორტის ქსელის განახლებაზე და  გარდაუვალი პროცესია.  უახლოეს პერიოდში მოწოდებული იქნება საბოლოო ანგარიში მუნიციპალური ტრანსპორტის განახლებულ ქსელთან დაკავშირებით და ეს, რა თქმა უნდა, შეეხება ყვითელ მიკროავტობუსებსაც. ყვითელი მიკროავტობუსების ქსელის მოწესრიგება მოხდება და ის ცენტრალური ქუჩებიდან სავარაუდოდ, გადავა შიდა საუბნო არეალებში,” – განაცხადა  თბილისის ვიცე-მერმა ირაკლი ხმალაძემ.

შინაგან საქმეთა სამინისტრომ  ეკონომიკის მინისტრის, გიორგი ქობულიას აგარაკის ქურდობის ბრალდებით ერთი პირი დააკავა.

დაკავებული  29 წლის მამაკაცია, რომელმაც მინისტრის  აგარაკზე უკანონოდ შეაღწი და  სხვადასხვა ნივთი მოიპარა.

„შინაგან საქმეთა სამინისტროს თბილისის პოლიციის დეპარტამენტის ძველი თბილისის სამმართველოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების, შედეგად, ქურდობის ბრალდებით, 1990 წელს დაბადებული, პირობითი მსჯავრის ქვეშ მყოფი მ.უ. დააკავეს.სასჯელი 4-დან 7 წლამდე ვადით თავისუფლების აღკვეთას ითვალისწინებს.

გამოძიებით  დადგინდა, რომ დაკავებულმა მიმდინარე წლის 16 მარტს დაბა წყნეთში მდებარე,  გიორგი ქობულიას აგარაკზე უკანონოდ შეაღწია, საიდანაც სხვადასხვა ნივთი მოიპარა და შემთხვევის ადგილიდან მიიმალა. სამართალდამცველებმა მ.უ. მომხდარიდან მალევე თბილისში დააკავეს. პოლიციამ ნაქურდალი ნივთების ნაწილი ნივთმტკიცებად ამოიღო.

გამოძიება ქურდობის ფაქტზე, საქართველოს სისხლის სამართლის კოდექსის 177-ე მუხლის მე-2 ნაწილის „ა“ და მე-3 ნაწილის „გ“ ქვეპუნქტით მიმდინარეობს“, – ნათქვამია შსს-ს განცხადებაში.
მინისტრის აგარაკის ძარცვის ფაქტზე ინფორმაცია გუშინ გავრცელდა, თუმცა ქობულიამ ამის შესახებ კომენტარის გაკეთება “პირად ცხოვრებაში”ჩაურევლობის მოტივით არ ისურვა.

პირადი ცხოვრების ამსახველი ფარული ვიდეოჩანაწერების საქმეზე დაკავებულები  5 000-ლარიანი გირაოს სანაცვლოდ გაათავისუფლეს. ოთხივე დაკავებული პირი  სასამართლო დარბაზიდან გაათავისუფლეს.

გადაწყვეტილება თბილისის საქალაქო სასამართლოს მოსამართლემ, დავით კურტანიძემ რამდენიმე წუთის წინ გამოაცხადა.

პროკურატურამ სასამართლოს პატიმრობის გირაოთი შეცვლის შუამდგომლობით მიმართა. სასამართლომ აღნიშნული შუამდგომლობა დააკმაყოფილა და ზაალ ლატარიას, ზურაბ სოლომნიშვილს, თემურ ირემაძესა და ანტონ ღლონტს აღკვეთის ღონისძიების სახით შეფარდებული პატიმრობა გირაოთი შუცვალა.

სამართალდამცავებმა პირადი ცხოვრების ამსახველი ვიდეოჩანაწერის გავრცელების ფაქტზე ჩატარებული ოპერატიულ-საგამოძიებო მოქმედებების შედეგად, ვიდეოჩანაწერის შენახვის და გავრცელების ბრალდებით, სულ 18 პირი დააკავეს. მათგან 14 პირს აღკვეთის სახით გირაო შეუფარდეს, დღეს კი დანარჩენი 4 პირიც გაათავისუფლეს.

ყველა მათგანს ბრალი საქართველოს სისხლის სამართლის კოდექსის 157-ე პრიმა მუხლის პირველი და მეორე ნაწილებით აქვთ წარდგენილი.

როგორც უღირსი საქციელია კადრების გავრცელება და მორალური შანტაჟის განხორციელება, ასევე უღირსი საქციელია, სხვას დააბრალო ყველაფერი – ასე აფასებენ მმართველ გუნდში დღეს ეკა ბესელიას განცხადებას.

საუბარია, უმრავლესობის ყოფილი დეპუტატის მიერ გამოქვეყნებულ  სოციალურ ქსელში გამოქვეყნებულ სტატუსზე, სადაც ბესელია ყოფილ თანაგუნდელებს მათიკაშვილს, ოხანაშვილს და კილაძეს “კოლექტიურ ტერორისტებად” მოიხსენიებს.

მათიკაშვილი ამბობს, რომ ეკა ბესელიას ბრალდებებზე დამატებით კომენტარს არ გააკეთებს.

“როგორც გავრცელება-ატვირთვა დანაშაულთან ერთად არის უზნეო და უღირსი საქციელი, ასევე უზნეო და უღირსი საქციელია ამის დაბრალება ვინმესთვის და რაღაცის გამოგონება,“-აცხადებს დავით მათიკაშვილი.