Category: არქივი

“საკუთარი რეპუტაციის შელახვის რისკის ფასად, ვცდილობდით, არ გვესაუბრა „თიბისი ბანკის“ საქმის დეტალებზე,” – ამის შესახებ ეროვნული ბანკის პრეზიდენტმა კობა გვენეტაძემ პარლამენტის რიგგარეშე პლენარულ სხდომაზე  განაცხადა.

„მსურს საზოგადოება და ამ დარბაზში მყოფი თითოეული ადამიანი დავარწმუნო, რომ „თიბისი ბანკი“, ისევე როგორც ქვეყნის მთლიანი საფინანსო სისტემა, ჩვენს რეგიონში ერთ-ერთი ყველაზე კარგად განვითარებული და სტაბილურია. ამაში მნიშვნელოვანი წვლილი სწორედაც ეროვნული ბანკის საერთაშორისო სტანდარტების შესაბამისი რეგულაციების და ჩარჩოს გატარებასაც მიუძღვის. ეს არის ის ჩარჩო, რომელიც მუდმივად ვითარდება და რომელიც მუდივად ზრუნავს ხარისხისა და სტანდარტის შენარჩუნებაზე.

ჩვენ დიდი სიფრთხილით ვწონით თითოეულ სიტყვას ჩვენს განცხადებებში, როდესაც ისინი კონკრეტულ საფინანსო ინსტიტუტებს უკავშირდება. შეგიძლიათ გადახედოთ ჩვენს პირველ განმარტებებს „თიბისი ბანკთან“ დაკავშირებით. საკუთარი რეპუტაციის შელახვის რისკის ფასად, ვცდილობდით, არ გვესაუბრა დეტალებზე. ასეც იყო, ვიდრე ეროვნული ბანკის მიმართ წამოსული თავდასხმები თავად არ გახდა რისკის შემცველი საფინანსო სისტემისთვის,“ – განაცხადა გვენეტაძემ თავის დასკვნით სიტყვაში.

პარლამენტის რიგგარეშე სხდომაზე „თიბისი ბანკის“ საქმეზე და საბანკო რეგულაციებზე ეროვნული ბანკის პრეზიდენტის კობა გვენეტაძის მოსმენა გაგრძელდა.

“მთავარი ეშმაკის ფეხი თვითონ არის” -, „ევროპული საქართველოს“ წევრმა, გიგი უგულავამ ბიძინა ივანიშვილის მიერ გავრცელებული ღია წერილი შეაფასა.

ივანიშვილის წერილი  9 აპრილთან დაკავშირებით დღეს დილას გავრცელდა, ივანიშვილმა  ხელისუფლების ოპონენტები  გააკრიტიკა.

გიგი უგულავას განცხადებით, ბიძინა ივანიშვილი ფარისეველია, რადგან მისი თქმით, „ოცნების“ ლიდერი წლების წინ თავად აფინანსებდა 9 აპრილის ერთერთ მთავარ ჯალათს, გენერალ ლებედს.

„ვეთანხმები მას, რომ „ეშმაკი ჰყოფს“, მაგრამ მთავარი ეშმაკის ფეხი არის თვითონ იმიტომ, რომ 7 წლის განმავლობაში ღვარძლის, შურისძიების და ბოღმის ნთხევის მეტი მას და მის „ოცნებას“ არაფერი უკეთებია და ის ნაპრალები გააჩინა ჩვენს საზოგადოებაში, რომლის გამთლიანებას კიდევ შეიძლება წლები და ათწლეულები დასჭირდეს. ამიტომ, სრული ფარისევლობაა აქ მისგან საუბარი, სრული ფარისევლობაა და ამაზრზენია, როდესაც ის 9 აპრილზე საუბრობს და ადარებს პირველ ოქტომბერს იმიტომ, რომ 9 აპრილი იყო საბჭოთა კავშირიდან გამოსვლა, ჩვენი ქვეყნის დამოუკიდებლობის და თავისუფლების მოპოვება და პირველი ოქტომბერი იყო ერთი პარტიის მიერ მეორე პარტიაზე გამარჯვება. რომელ 9 აპრილზე საუბრობს ბიძინა ივანიშვილი, იმ 9 აპრილზე, რომელიც ლებედმა და როდიონოვმა დაარბიეს და რომლის რასკრუჩინიაში იღებდა და მონაწილეობდა და რომლის კამპანიაში მონაწილეობდა. რომელ 9 აპრილზე საუბრობს ბიძინა ივანიშვილი, რომლის მერეც არა საქართველოს, არამედ რუსეთის მოქალაქედ დარჩა და ვიგავორი რომ კარგი ყოფილიყო, ამას თვითონ ამბობს, ბორის ივანიშვილი დაიწერა პასპორტში ბიძინას ნაცვლად. ეს არის ადამიანი, რომელიც 9 აპრილზე უნდა გველაპარაკებოდეს, ამ ადამიანისთვის საერთოდ არ არსებობს ღირებულება საქართველოს დამოუკიდებლობა,“ – განაცხადა გიგი უგულავამ.

პარლამენტის რიგგარეშე პლენარულ სხდომა, სადაც დეპუტატებმა მოულოდნელად გაარკვიეს, რომ კვლავ ეროვნული ბანკის პრეზდენტს კობა გვენეტაძეს უნდა მოუსმინონ, ხმაურით დაიწყო. დამოუკიდებელმა დეპუტატმა დავით ჭიჭინაძემ პარლამენტის თავმჯდომარე ხშირი მივლინებების გამო გააკრიტიკა.

დავით ჭიჭინაძემ განაცხადა, რომ პარლამენტის რიგგარეშე სხდომის მოწვევის თაობაზე დამოუკიდებელი დეპუტატებისათვის არავის უცნობებია და ამის თაობაზე მათ შემთხვევით გაიგეს.
“დამოუკიდებელ დეპუტატებს სად უნდა გაგვეგო, ვინ უნდა შეწუხებულიყო, რომ დღევანდელი სხდომის შესახებ გაგვეგო? – რეგლამენტში წერია, რომ როგორც კი პრეზიდენტი გამოაცხადებს რიგგარეშე სხდომის მოწვევის შესახებ, დეპუტატებს დაუყონებლივ უნდა გვეცნობოს. დღეს მე კომიტეტის სხდომაზე მოვედი და შემთხვევით გაირკვა, რომ არის პარლამენტის პლენარული სხდომა“, – განაცხადა დავით

პარლამენტის რიგგარეშე სხდომა, რომელზეც ეროვნული ბანკის პრეზიდენტის კობა გვენეტაძის მოსმენა უნდა გაგრძელებულიყო ხმაურით დაიწყო. საპარლამენტო ოპოზიციის წარმომადგენლებს და დამოუკიდევბელ დეპუტატებს პრეტენზიები სხდომის წამყვან ვიცე-სპიკერ გია ვოლსკისთან ჰქონდათ. დეპუტატების განმარტებით, მათ კომიტეტზე მისულებმა გაიგეს, რომ რიგგარეშე სხდომა ტარდებოდა. რიგგარეშე სხდომაზე დიდი ხნის განმავლობაში მიმდინარეობდა კამათი იმაზე, რომ სხდომა არაუფლებამოსილად გამოცხადებულიყო, რადგან პრეტენზიების მქონე დეპუტატების განცხადებით, რიგგარეშე სხდომის მოწვევის შეახებ, მათ ინფორმაცია არ მიუღიათ, ეროვნული ბანკის პრეზიდენტის მოსმენა კი პარლამენტის თავმჯდომარემ წინა კვირაში 16 აპრილს დააანონსა. 

{{VIDEO}}

“გირჩი” სახელმწიფო აუდიტის სამსახურს სთავაზობს, საპატრიარქოს შეამოწმოს.პოლიტიკურ ორგანიზაცია “გირჩში” ამბობენ, რომ თუ საქართველოს მართლმადიდებელი სამოციქულო ეკლესიის საპატრიარქოს აუდიტი ჩაუტარდება და უწყება ამ საქმეს კეთილსინდისიერად გააკეთებს, “გირჩი” აუდიტს შესაბამის დოკუმენტაციას წარუდგენს.

“გირჩის” ინფორმაციით, სახელმწიფო აუდიტის სამსახური პარტიისგან ითხოვს:

საარჩევნოდ უნდა შეიქმნას სპეციალური ფონდი;

3 კვირაში ერთხელ აუდიტის სამსახურს უნდა გაუგზავნონ ფინანსური ანგარიშები;

საარჩევნო პერიოდის ფინანსური ანგარიში უნდა წარადგინონ აუდიტორულ დასკვნასთან ერთად;

“ჩვენი შემოთავაზება გულისხმობს შემდეგს – თუ ჩაატარებთ საქართველოს მართლმადიდებლური სამოციქულო ეკლესიის საპატრიარქოს აუდიტს და საჯაროდ დაგვარწმუნებთ, რომ ეს საქმე კეთილსინდისიერად გააკეთეთ, ჩვენ შევასრულებთ სპექტაკლში ერთერთ როლს და გადმოგიგზავნით “სახელმწიფო აუდიტის სამსახურის გენერალური აუდიტორის 2016 წლის 5 მაისის #2915/21 ბრძანებით დადგენილ ფორმებს,” – აღნიშნული  გირჩის მიერ გავრცელებულ განცხადებაში.

12 მარტს ცნობილი გახდა, რომ “გირჩი” აუდიტის სამსახურისთვის დეკლარაციის გადაგზავნას არ აპირებს. სახელმწიფო აუდიტის სამსახურში “გირჩის” განცხადებაზე კომენტარს ჯერჯერობით არ აკეთებენ. “მოქალაქეთა პოლიტიკური გაერთიანებების შესახებ” კანონის თანახმად კი, აუდიტის სამსახურისთვის მის მიერ მოთხოვნილი და ამ კანონით განსაზღვრული ინფორმაციის მიწოდების კანონით დადგენილი ვალდებულების შეუსრულებლობა იწვევს ფიზიკური პირის დაჯარიმებას 1 000 ლარით, ხოლო იურიდიული პირის დაჯარიმებას – 2 000 ლარით.

პარლამენტმა ხელახალი  კენჭისყრის შედეგად, სკოლის  გამოსაშვები გამოცდების გაუქმების შესახებ მთავრობის საკანანმდებლო ინიციატივას მხარი დაუჭირა.

“ზოგადი განათლების შესახებ“ კანონში შესატანი ცვლილებების პროექტი დღევანდელ რიგგარეშე სხდომაზე 80 ხმით, მესამე მოსმენით დამტკიცდა. რვა დეპუტატმა ხმა კანონპროექტის  წინააღმდეგ მისცა.

ინიციატივა 5 აპრილის სხდომაზე კენჭისყრის შედეგად ჩავარდა. მიზეზად დეპუტატებმა დარბაზში ხმაური და ღილაკების არევა დაასახელეს.

პროექტის თანახმად, უქმდება სკოლის გამოსაშვები გამოცდები, რაც სრული ზოგადი განათლების დამადასტურებელი სახელმწიფო დოკუმენტის – ატესტატის ზოგადი განათლების საშუალო საფეხურის დაძლევის შემდგომ უგამოცდოდ   გაცემას გულისხმობს.

“გაქცევამდე, დავით ბაგრატიონმა ანას დაურეკა, სთხოვდა, შვილისთვის კარგად ეპატრონა”- ეს ინფორმაცია ანა ბაგრატიონის ადვოკატმა  ლევან გორელაშვილმა “კვირას” პრესკლუბში გამართულ პრესკონფერენციაზე განაცხადა.

“როცა გამოძიება დაიწყო, დავით ბაგრატიონს მაშინ გაუჩნდა მზრუნველი შვილის იმიჯის მორგების სურვილი და წავიდა დედის სანახავად. ეს არის გამოგონილი საბაბი, რომ საზოგადოებას აუხსნან ეს გაქცევა. გარდა ამისა, მისი ადვოკატისგან, ბატონი ლევან ჩხეიძისგან გახდა ცნობილი, რომ ეს ქალბატონი შუაღამეს გახდა ცუდად და შუაღამესვე წავიდა დავითი ესპენეთში მაშინ, როდესაც შუადღეს დავითი დაუკავშირდა ანას მობილურ ტელეფონზე.

ეს ჩემთვის ცნობილი გახდა არა უშუალოდ ანას მოყოლის შედეგად, არამედ პირადად ვიყავი შემსწრე, რომ დავითმა ანას დაურეკა მობილურით. ეს იყო უცნაური, რადგან ისინი ზარებით არ კონტაქტობენ უკვე საკმაო პერიოდია. პირადად მოვისმინე ეს საუბარი. საუბარი იყო ძალიან უცნაური. იგი იყო ძალიან აღელვებული, ცრემლებამდე აღელვებული ისტერიულად მოითხოვდა ანასგან, რომ მათი შვილისთვის, გიორგისთვის კარგად მოევლო, კარგად ეპატრონა, რაც უცნაური იყო მისი მხრიდან.

ფხიზელ მდგომარეობაში მყოფს ნამდვილად არ ჰგავდა. არ პასუხობდა ანას შეკითხვებს. არაფერი უხსნებია საკუთარი დედის ჯანმრთელობის მდგომარეობის შესახებ. საუბრის ბოლოს გამოემშვიდობა ანას, ეს არ იყო ჩვეულებრივი დამშვიდობება, ეს იყო გამომშვიდობება, თითქოს, მეორედ ამ ადამიანს ცხოვრებაში ვეღარ ნახავდა. ამან მინიშნება მოგვცა, რომ ამ ადამიანს ჯერ კიდევ შუადღეზე განზრახული ჰქონდა საქართველოს დატოვება. ჩვენი ინფორმაციით, მის მიერ ავიაბილეთების შეძენა დროში მნიშვნელოვნად უსწრებს დედამისის ცუდად გახდომის პერიოდს ”- განაცხადა ლევან გორელაშვილმა. 

შეგახსენებთ, დავით ბაგრატიონ-მუხრანელმა, რომლის წინააღმდეგაც ყოფილ ცოლზე შესაძლო ძალადობის ფაქტზე შინაგან საქმეთა სამინისტრომ გამოძიება დაიწყო, ქვეყანა რამდენიმე დღის წინ დატოვა. ადვოკატის განმარტებით, ამის მიზეზი დავითის დედის ჯანმრთელობის მდგომარეობა გახდა.

დავით ბაგრატიონ-მუხრანელის განცხადებით მისი დაცვის ქვეშ მყოფი არ აპირებდა გამოძიებასთან თანამშრომლობას.
“დავით ბაგრატიონი არ დაუშვებს, ამდაგვარი სცენა იხილოს საქართველომ, რომ საქართველოს სამეფო სახლის მეთაური ადის ქალაქის სამმართველოს კიბეებზე და აძლევს პოლიციას ჩვენებას, ეს არის შეურაცხმყოფელი, ეს არის დამამცირებელი მისი სტატუსის მქონე ადამიანისთვის”-განაცხადა ადვოკატმა ლევან ჩხეიძემ.