მამუკა ბახტაძის ევროსაბჭოს საპარლამენტო ასამბლეაზე სიტყვით გამოსვლამდე, დარბაზში ქართული ფოლკლორი აჟღერდა. ევროსაბჭოში ანსამბლმა რუსთავმა „ჩაკრულო“ შეასრულა.
საქართველოს პრემიერ-მინისტრი სამუშაო ვიზიტით სტრასბურგში იმყოფება. მამუკა ბახტაძის სიტყვით გამოსვლა სიმბოლურად საქართველოს ევროსაბჭოში გაწევრიანების 20 წლისთავს ეძღვნება.
როგორც მოგეხსენებათ, სუმოს საგაზაფხულო ტურში (ჯუნგიო) ორი ქართველი სუმოისტი ლევან გორგაძე ”ტოჩინოშინი” და თეიმურაზ ჯუღელი ”გაგამარუ” იღებენ მონაწილეობას.
ტოჩინოშინმა 13 ორთაბრძოლა გამართა, საიდანაც 12-ში მოახერხა გამარჯვების მოპოვება. მან ჟურნალისტებთან საუბარში განაცხადა, რომ ყველანაირი ტრავმა მოშუშებული აქვს და ოპტიმალურ ფორმაში იმყოფება.
ტოჩინოშინს ბოლო ორთაბრძოლის ჩატარება ახალ ოძეკთან, ტაკაკეიშოსთან მოუწია. სწორედ ეს ორი სუმოისტი დაუპირისპირდა ერთმანეთს ოძეკის წოდებისთვის მარტის ბაშოზე და მაშინ იაპონელმა რიკიშიმ იმარჯვა.
თუმცა გუშინდელ ორთაბრძოლაში ქართველმა “რევანში” აიღო, მეტოქე ხელში აიტაცა და დოჰიოდან ისე გაიყვანა.
იხილეთ ვიდეო:
View this post on Instagram
A post shared by Sportmiambe (@sportmiambe1) on Apr 9, 2019 at 8:52am PDT
ზუგდიდის მერობის კანდიდატი სანდრა რულოვსი ზუგდიდის აგრარულ ბაზარს ეწვია და ხალხს გაესაუბრა.
სანდრა რულოვსის განცხადებით, მერად არჩევის შემდეგ ის იმ პროექტების განხორციელებას აპირებს, რომელიც ხელს შეუწყობს დასაქმებას. მისი თქმით, მერიაში კორუფციის აღმოფხვრის შედეგად დაიზოგება მილიონობით ლარი სოციალური და ჯანდაცვის პროგრამებისთვის.
„მიდი, იბრძოლეო, მეუბნებიან, მამხნევებან, რაც დიდ ძალას მაძლევს“- აცხადებს სანდრა რულოვსი.
როგორც გაირკვა ხაბიბ ნურმაგომედოვის მეტოქე დასტინ პორიესა და მაქს ჰოლოუეის შორის გამარჯვებული იქნება. აღნიშნული ბრძოლა 13 აპრილს შედგება.
მაქს ჰოლოუეისა და ხაბიბს შორის ბრძოლა ადრეც უნდა შემდგარიყო, თუმცა მაქსი ტრავმის გამო ბრძოლას ჩაეხსნა და საბოლოოდ ხაბიბი იაკინტას დაუპირისპირდა. რაც შეეხება დასტინ პორიეს, მას ხაბიბთან არ უბრძოლია და ეს ბრძოლა ძალიან ბევრს აინტერესებს, რადგან ორივე ერთი სტილის მებრძოლია.
მაქს ჰოლოუეი და დასტინ პორიე ერთმანეთს მეორედ უპირისპირდებიან. პირველი ორთაბრძოლა საკმაოდ მარტივად, პორიეს გამარჯვებით დასრულდა, თუმცა უნდა აღინიშნოს, რომ მაშინ მაქს ჰოლოუეი საკმაოდ ახალგაზრდა და გამოუცდელი იყო და იმის შემდეგ ძალიან დიდი პროგრესი განიცადა.
საგულისხმოა ის ფაქტიც, რომ საკუთარი შანსი ისევ ვერ მიიხო ტონი ფერგიუსონმა, რომელმაც არაერთხელ განაცხადა და დაამტკიცა, რომ საჩემპიონო ბრძოლას იმსახურებდა ხაბიბთან.
შეგახსენებთ, ხაბიბ ნურმაგომედოვი ამ დროისთვის ნევადას სპორტული კომისიის მიერ დისკვალიფიცირებულია და იგი ოქტაგონზე დაბრუნებას სექტემბრამდე ვერ შეძლებს, თუმცა მისი თქმით, იგი ოქტომბრამდე არ იბრძოლებს.
ქუთაისის მეორე საჯარო სკოლის საკლასო ოთახში ჭერი ჩამოინგრა. შემთხვევა გაკვეთილების მიმდინარეობისას მოხდა. საკლასო ოთახში პირველკლასელები იმყოფებოდნენ.
შემთხვევის შედეგად არავინ დაშავებულა.სკოლის რეაბილიტაცია 2016 წელს დასრულდა, თუმცა პედაგოგები ამბობენ, რომ პრობლემები შენობაში სწორედ სარემონტო სამუშაოების შემდეგ გაუარესდა. როგორც ცნობილი გახდა, ეს არ იყო ჭერის ჩამონგრევის პირველი შემთხვევა, ქუთაისის მეორე სკოლაში ჭერის ჩამოშლის ფაქტი უკვე მეოთხედ დაფიქსირდა.
ჩემპიონთა ლიგის მეოთხედფინალური დაპირისპირების პირველ მატჩში, ტოტენჰემმა საკუთარ ახალ უაით ჰარტ ლეინზე მანჩესტერ სიტის უმასპინძლა და მეტოქე მინიმალური სხვაობით 1:0 დაამარცხა.
თამაში მაღალ ტემპში დაიწყო და ორივე გუნდი დასაწყისიდანვე ცდილობდა უპირატესობის მოპოვებას. სიტი დაცვაში განსაკუთრებით ინგლისელ ფორვარდს ჰარი კეინს უფრთხოდა და მას განსაკუთრებულად მეურვეობდნენ. პირველი ტაიმის გამორჩეულ მომენტად აგუეროს აცილებული პენალტი იქცა. მე-11 წუთზე სტერლინგის დარტყმული მეტოქეს ხელზე მოხვდა და თერთმეტმეტრიანი დაინიშნა. ბურთთან სერხიო აგუერო მივიდა, თუმცა მეკარემ დარტყმის კუთხე გამოიცნო და ბურთი აიღო.
ამის შემდეგ სიტი თავის თავს აღარ ჰგავდა. მატჩის განმავლობაში მხოლოდ ორჯერ მოახერხეს კარში ზუსტად დარტყმა, ხოლო ტოტენჰემი საკუთარი შანსის მოლოდინში იყო.
საბოლოო ჯამში ყველაფერი ლონდონელთა სასარგებლოდ წარიმართა და მატჩის მიწურულს 78-ე წუთზე სონმა ზუსტი დარტყმით ანგარიში გახსნა. ამის შემდეგ სიტის ფეხბურთელებმა სცადეს გააქტიურება და ანგარიშის გათანაბრება, თუმცა უშედეგოდ. მატჩი ტოტენჰემის გამარჯვების დასრულდა 1-0.
მარცხის შემდეგ მანჩესტერ სიტის თავკაცმა პეპ გუარდიოლამ გუარდიოლამ პრესკონფერენციაზე ყველას გასაკვირად საკუთარი გუნდის თამაში დადებითად შეაფასა და თქვა, რომ ზოგჯერ ფრეს მარცხი ჯობიაო:
„ვფიქრობ, ძალიან კარგად ვითამაშეთ. მეტოქეზე მეტი მომენტი შევქმენით და მატჩს ვაკონტროლებდით. თამაშის ხარისხი განსაკუთრებით მეორე ტაიმში მომეწონა. ვერ ვიტყვი, რომ საუკეთესო შედეგი დაფიქსირდა, შარშან უარესი იყო.
ხანდახან 0:1 წაგება უკეთესია, ვიდრე 0:0, რადგან ამ დროს უფრო იგებ თუ რისი გაკეთებაა საჭირო. მატჩის ჩანაწერს კიდევ ერთხელ ვნახავ, თუმცა კიდევ ერთხელ ვიტყვი, რომ კარგად ვითამაშეთ,“-განაცხადა ესპანელმა სპეციალისტმა.
ბათუმის “შერატონში”, კაზინოში მყოფმა პირმა 112-ში დარეკა და ასაფეთქებლის არსებობის შესახებ შეატყობინა. აზერბაიჯანის მოქალაქე ასაფეთქებელ ნივთიერებაზე ცრუ შეტყობინებისთვის დააკავეს.
შსს-ს ცნობით, აჭარის პოლიციის დეპარტამენტის ბათუმის საქალაქო სამმართველოს თანამშრომლებმა მოსამართლის განჩინების საფუძველზე, 1991 წელს დაბადებული, აზერბაიჯანის რესპუბლიკის მოქალაქე ო.ს. დააკავეს.
დაკავებულმა მიმდინარე წლის 31 მარტს „112“-ში დარეკა, რომ ბათუმში, სასტუმრო „შერატონის“ კაზინოში, ასაფეთქებელი მოწყობილობა იყო დამონტაჟებული. დადგინდა, რომ ზარის განხორციელების დროს ბრალდებული აღნიშნულ კაზინოში იმყოფებოდა.
სასტუმრო “შერატონში” გამოცხადდნენ სამართალდამცველები და გამნაღმველები. განხორციელდა მოქალაქეების ევაკუაცია და ჩატარდა ყველა შესაბამისი სამუშაო,თუმცა ასაფეთქებელი მოწყობილობა კაზინოში არ აღმოჩნდა.
გამოძიება ცრუ შეტყობინების ფაქტზე, საქართველოს სსკ-ს 331-ე მუხლის მე-2 ნაწილის „გ“ ქვეპუნქტით მიმდინარეობს.
დანაშაული 5-დან 7 წლამდე ვადით თავისუფლების აღკვეთას ითვალისწინებს.
“მან თავად გასცა პასუხი კითხვას, რატომ წავედით პარტიიდან” -საპარლამენტო უმრავლესობის ყოფილი წევრი ეკა ბესელია ბიძინა ივანიშვილის გუშინდელ ინტერვიუს აფასებს.
ბესელიას თქმით, ბიძინა ივანიშვილი გულწრფელი არ ყოფილა როდესაც გუნდიდან ყოფილი თანამებრძოლების წასვლაზე საუბრობდა.
“ასეთ უხერხულ მდგომარეობაში მყოფი ბიძინა ივანიშვილი ინტერვიუს დროს განსაკუთრებით იმ ნაწილში, რომელიც ეხებოდა ჩვენი წასვლის მიზეზებს არ მახსოვს. ყოველ შემთხვევაში დიდი ხანია არ მახსოვს ასეთი. ეს იმით იყო განპირობებული, რომ არ იყო გულწრფელი როდესაც ამაზე საუბრობდა.
არ შეიძლება არ ახსოვდეს ის პროტესტი, რომელიც ჯერ კიდევ მის პოლიტიკაში მოსვლამდე გვქონდა ჩვენ, თუ ადევნებდა თვალს, სააკაშვილის რეჟიმის წინააღმდეგ ბრძოლას. იმ მოსამართლეების ქმედების გამო, რომლებიც სწორედაც რომ ძალადობის მსახურნი იყვნენ და არა მსხვერპლნი როგორც თავად უწოდებს მათ. ყოველ შემთხვევაში ჩემი ბრძოლა არ დაწყებულა არც შარშან, არც შარშანწინ და არც გუშინ, 20 წელია მე სასამართლოს დამოუკიდებლობისთვის ვიბრძვი. ჩემი პოლიტიკური და სხვების პოლიტიკური მეხსიერება გაცილებით დიდია, ვიდრე მისი აღმოჩნდა გუშინ სამწუხაროდ.
თავად გასცა პასუხი იმ კითხვებს რატომ წავედით ამ პარტიიდან და რატომ დავტოვე, პარტია რომელიც მასთან ერთად დავაფუძნე თავად უპასუხა ამ კითხვას. სწორედ იმ მთავარი განსხვავების გამო, რომელის დემონსტრირებაც მოახდინა მან ამ ინტერვიუთი. მან თქვა რომ ის იცავს და მიაჩნია, რომ მსხვერპლი არიან ის მოსამართლეები, რომელთა მიმართაც არსებობს საზოგადოების მაღალი უნდობლობა. ზარდიაშვილები თურმე მსხვერპლი არიან იმიტომ რომ მათ მოინანიეს და თქვეს, რომ ადეიშვილ-მერაბიშვილი თურმე არ არიან უსამართლოდ გასამართლებული და ეს საკმარისი აღმოჩნდა, რომ ის დამდგარიყო ამ ადამიანების დამცველად”-განაცხადა ეკა ბესელიამ.
შეგახსენებთ, რომ ბიძინა ივანიშვილმა გუშინ საღამოს ტელეკომპანია “იმედთან” ინტერვიუში ყოფილ თანამებრძოლებზეც ისაუბრა და განაცხადა, რომ ფასეულობები პარტიიდან წასულ დეპუტატებს აერიათ და არა ქართულ ოცნებას.
“რატომ წავიდნენ გუნდიდან, ვერ დაამტკიცეს. გუნდში მათ მე მივეცი საუბრის საშუალება, სამს ჰქონდა პოზიცია, რომელსაც ვერ ასაბუთებდნენ, დანარჩენები დაწყნარდნენ, რადგან ნახეს, რომ მათი ზედმეტი აქტიურობა არაფერზე იყო დაფუძნებული. მათი მიზეზი საბაბადაც ვერ გამოდგებოდა, რადგან მოსამართლეებთან დაკავშირებით ყველა პოზიცია შეჯერებული იყო. ისინი დაიყვნენ, მოახერხეს და აურიეს ფასეულობები. ვნახოთ როგორი სასამართლოა ის, რასაც განიცდიან და რატომღაც მეექვსე წელიწადს”, — განაცხადა ივანიშვილმა გუშინდელ ინტერვიუში.
მიატოვა საყვარელმა პოეტმა მაღრაძემ და დარჩენილია დამწყები პოეტი თალაკვაძის ამარა – განაცხადა რომან გოცირიძემ ბიძინა ივანიშვილის გუშინდელ ინტერვიუზე.
“ნაციონალური მოძრაობის” წევრის შეფასებით, ბიძინა ივანიშვილი პოლიტიკური ოპონენტების დევნითაა დაკავებული, რადგან თანამებრძოლები შემოეცალა.
გოცირიძემ ბიძინა ივანიშვილის მიერ ანაკლიის პორტზე გაკეთებული განცხადებაც უარყოფითად შეაფასა და აღნიშნა,რომ მსგავსი საუბრები ინვესტორისთვის ძალიან უარყოფითი გზავნილია.
“ეს იყო შეშინებული კაცის დარდები, რომელიც ხვდება, რომ კარგავს ძალაულფებას, რომ დარჩა მარტო, გაწირა ყველამ, ვისაც კი ელემენტარულად ჭკუა მოეკითხება. ოთხჯერ ახსენა „კაპიტანი გიგაური,“ ორჯერ მეტად შალვა შავგულიძე, უთვალავჯერ „ნაციონალური მოძრაობა“ და არცერთხელ უხსენებია რუსეთი. არის გახლართული თავის პარტიულ ინტრიგებში, მიატოვა საყვარელმა პოეტმა მაღრაძემაც კი და დარჩა დამწყები პოეტი თალაკვაძის ამარა. ადამიანი, რომელსაც წამოცდენებით მეტის თქმა შეუძლია, ვიდრე ხმამაღალი საუბრით. წამოცდა, რომ ანაკლიის პროექტი არის წამგებიანი და მისი რენტაბელურობა შეიძლება მიღწეული იყოს 30-40 წლის შემდეგ, ამას რომ ინვესტორი მოისმენს, როგორ უნდა გაბედოს ანაკლიის პროექტში მონაწილეობა,“-განაცხადა რომან გოცირიძე.
შეგახსენებთ, რომ გუშინ ტელეკომპანია “იმედის” ეთერში ბიძინა ივანიშვილმა ყოფილი თანამებრძოლები გააკრიტიკა და ასევე ანაკლიის პორტის წამგებიანობაზე ისაუბრა. ივანიშვილმა განაცხადა, რომ ანაკლიის პორტიდან ბიზნესმენი სარგებელს დიდი ხნის განმავლობაში ვერ მიიღებს, ამიტომ ის მომგებიანი არ არის.