ქართულმა ოცნებამ მთაწმინდის რაონის პარლამენტის შუალედურ არჩევნებში მაჟორიტარობის კანდიდატად ლადო კახაძე ოფიციალურად მთაწმინდის პარკში წარადგინა. წარდგენისას სცენაზე ავიდნენ და მხარდამჭერებს სიტყვით მიმართეს პრემიერ მინისტრმა და თბილისის მერმა.
მამუკა ბახტაძის თქმით დღეს ქართველ ერს სჭირდება კონსოლიდაცია და ერთსულოვნება. კონსოლიდაცია ჩვენი ეროვნული ინტერესების გარშემო. მისი აზრით სწორედ „ქართული ოცნება“ გახლავთ ერთადერთი პოლიტიკური ძალა, ვისაც შეუძლია დაიცვას ქართული სახელწიფოს ინტერესები და გააერთიანოს ქართული საზოგადოება ამ ინტერესების გარშემო.
“საქართველოს წინაშე არის ძალიან ბევრი და მტკივნეული გამოწვევა. ამ გამოწვევების დაძლევა შესაძლებელია მხოლოდ ერთსულოვნებით და მუხლჩაუხრელი შრომით. ჩემს მეგობრებთან ერთად რამდენიმე კვირის წინ დავაანონსეთ ახალი რეფორმა – ის ეროვნული იდეა, რომელიც აუცილებლად დაგვეხმარება, რომ დავძლიოთ საქართველოს წინაშე არსებული ყველა გამოწვევა და ეს არის განათლება. ჩემთვის განსაკუთრებით სასიხარულოა, რომ დღეს მე ვიმყოფები საზოგადოებაში, რომლისთვის განათლება არის განსაკუთრებული ფასეულობა. შარშან ჩვენ საპრეზიდენტო არჩევნების დროს პირველ ტურში ჩვენი მოქალაქეებისგან მივიღეთ კონკრეტული გზავნილი, რომ ჩვენი საზოგადოება ელოდება სწრაფ და ხელშესახებ შედეგებს და მე მსურს, შეგპირდეთ, რომ ჩვენ აუცილებლად უზრუნველვყოფთ სწრაფ და ხელშესახებ შედეგებს. მთაწმინდა არის გამორჩეული ადგილი ჩვენი ქვეყნისთვის და დედაქალაქისთვის. ჩვენ გამორჩეული უბნისთვის შევარჩიეთ გამორჩეული და ძალიან ღირსეული კანდიდატი – ლადო კახაძე. ლადო კახაძე არის თავის სამშობლოზე და ხალხზე უზომოდ შეყვარებული ადამიანი და მან ეს დაამტკიცა თავისი პროფესიული საქმიანობის დროს. ბევრისთვის ლადო არის პროფესიონალიზმის ეტალონი. ლადო კახაძემ თავისი სამოქალაქო აქტივობით დაამტკიცა, რომ ის ყოველთვის ქართველი ხალხის ინტერესების სადარაჯოზეა, მიუხედავად ნებისმიერი პოლიტიკური სპეკულაციისა და პირადად ჩემთვის ეს არის ერთ-ერთი ყველაზე დასაფასებელი თვისება“. – განაცხადა პრემიერ მინისტრმა.
კახა კალაძე ამბობს, რომ მთაწმინდის რაიონი თბილისის გულია და საქართველოს ახალი ისტორია, სწორედ აქ, ამ ისტორიულ უბანში იწერება.
“დარწმუნებული ვარ,რომ ჩვენ ყველა ერთად, თითოეული ქართველი, თითოეული მთაწმინდელი, ამ ულამაზესი რაიონის ქუჩებში,შევქმნით ჩვენი ქვეყნის ისეთ ისტორიას, რომელშიც ადგილი აღარასდროს ექნება ძმათა მკვლელ ომს, თუ სამოქალაქო დაპირისპირებას, ადგილი აღარ ექნება ტრიბუნიდან შუღლისკენ მოწოდებებს, ადგილი აღარ ექნება ერთმანეთისკენ ხელის გაშვერას და სწორედ 9 აპრილის იდეალებით ერთმანეთის სიყვარულით და გვერდში დგომით გავაკეთებთ ჩვენი ქვეყნის, ჩვენი ქალაქის, ჩვენი უბნის საქმეს. სწორედ ასეთი სულისკვეთებით აღსავსე, სიკეთის მთესველი ადამიანი გვყავს წარმოდგენილი მთაწმინდის მაჟორიტარულ ოლქში დეპუტატობის კანდიდატად. ადამიანი, რომლის პროფესიაც პირდაპირ არის დაკავშირებული სიცოცხლესთან და სიკეთის კეთებასთან, ადამიანი რომელსაც სხვა ადამიანზე ცუდს ვერ დააცდენინებ. ის, როგორც ნამდვილი ექიმი, ყველას გადარჩენის, ყველას დაცვის მიზეზს ეძებს და პოულობს კიდეც, რადგან მისი გული სავსეა სიკეთით.
სწორედ ეს მიდგომა, ეს დამოკიდებულებაა ის, რაც ბოლო დროს ჩვენს ყოველდღიურობას და მითუმეტეს პოლიტიკას ძალიან აკლია. ამიტომ, მთაწმინდელებს დეპუტატობის კანდიდატად წარვუდგენთ თავის ქვეყანაზე და თავის ქალაქზე უზომოდ შეყვარებულ ადამიანს. ბატონ ლადო კახაძეს. ბატონო ლადო, თქვენ იცით, რომ მთაწმინდაზე ძალიან ბევრ პროექტს ვახორციელებთ, რადგან მის მდიდარ არქიტექტურულ და კულტურულ მემკვიდრეობას განსაკუთრებული ზრუნვა და მოვლა-პატრონობა სჭირდება. რეაბილიტაცია-რეკონსტრუქციის მიმართულებით არსებული პროექტები, ძალიან მნიშვნელოვანია ეკონომიკური პოტენციალის ასათვისებლად და გასავითარებლად.
მთაწმინდა საერთაშორისო ვიზიტორებისთვის ერთ-ერთი ყველაზე მიმზიდველი რაიონია და ჩვენ თქვენთან ერთად, მთაწმინდის ეკონომიკური პოტენციალი ბოლომდე უნდა ავითვისოთ, რაც არსებითად გაზრდის მთაწმინდის რაიონში მცხოვრები ადამიანების შემოსავლებს. დარწმუნებული ვარ, მთაწმინდელების თანადგომით, თქვენ ღირსეულად გაიმარჯვებთ და თქვენი სახით, თბილისს, მთაწმინდის ოლქს პარლამენტში კიდევ ერთი ღირსეული ქომაგი შეემატება.
თბილისი აუცილებლად იქნება სისოცხლით, ტრადიციებით, კეთილდღეობით სავსე ქალაქი და ამას ჩვენ ყველა ერთად, ერთმანეთის გვერდში დგომით აუცილებლად შევძლებთ!“ – განაცხადა კალაძემ.
ამერიკაში მოღვაწე ქართველი ექიმი, ზურაბ გურული ქართული წარმოების პირბადეებს სოციალურ ქსელში ეხმაურეა. როგორც ის აღნიშნავს პირბადეების გამოყენება ვირუსს ვერ 100%-ით გაფილტრავს, თუმცა მისი გამოყენება ვარგისია მხოლოდ განსაკუთრებული რისკის ქვეშ მყოფი ადამიანებისთვის.
„ბევრი შეკითხვა მივიღე ინბოქსში და ამიტომ საჯაროდ ვუპასუხებ ყველას ჩემს მოსაზრებაზე ქართული წარმოების ნიღბებთან დაკავშირებით. ფართო მასებისათვის მოსახმარი ნიღაბის მთავარი დანიშნულებაა ვირუსის განსაკუთრებულად დიდი, ტოქსიკური დოზებისაგან თავის არიდება, საუბარით, ხველებითა და ცემინებით გამოფრქვეული ნერწყვის მექანიკური შეჩერებით. ამასთან, სახეზე ხელის უშუალოდ შეხების შანსების მაქსიმალური შემცირება.
ვირუსის ფილტრაციას ასეთი ნიღბები ვერ მოახდენენ და არც არიან ამისთვის შექმნილი. ვირუსმფილტრავი ნიღბების წარმოება ძალიან ჩახლართული და რთული ტექნოლოგიაა, ამასთან ძვირადღირებულიც, ამიტომ მათი მასობრივი წარმოების აწყობა ხანგრძლივ პროცესსა და დიდ თანხებს მოითხოვს. ამასთან, ფართო მასებს ნამდვილად არაფერში სჭირდებათ ვირუსმფილტრავი ნიღბები. სოციალური დისტანციის დაცვა და უბრალო მექანიკური ბარიერი ცხვირპირზე საკმარისია.
ვირუსმფილტრავი ნიღბები სჭირდებათ სამედიცინო პროფესიონალებს და დაინფიცირების მაღალი რისკის მქონე სხვა ადგილებში მომსახურე პერსონალს.შესაბამისად, ზემოაღნიშნული მიზნებისათვის ქართული ნიღბები საკმარისია და არავითარი ლუგარის ლაბორატორიის შემოწმება არ სჭირდება, რადგან აბსოლუტურმა დილეტანტმაც კი იცის, რომ რამდენიმე ფენა მარლა ვირუსს ვერ გაფილტრავს. ამიტომ ამაზე აპელაცია კომიკურია და ვერ ვხვდები რა უნდა შეემოწმებინა ლაბორატორიას.
ვიზუალზე და ფინანსურ მაქინაციებზე კომენტარს ვერ გავაკეთებ. ეს უკვე მოქალაქეთა ესთეტიკური და პოლიტიკური პრეფერენციების სფეროა და მე პირადად სისულელედ მიმაჩნია მასში ჩარევა, მითუმეტეს რომ საზოგადოების აბსოლუტური უმრავლესობა ფრიად კმაყოფილია! ” – დაწერა საკუთარ ფეისბუქზე ზურაბ გურულმა.
„ნაციონალური მოძრაობის“ ინფორმაციით, “ქართული ოცნების” ახალგაზრდული ორგანიზაციის წევრებმა დღეს, ზუგდიდში მოსახლეობასთან სანდრა რულოვსის შეხვედრის ჩაშლა სცადეს.
მათი ინფორმაციით, მთავარი მოქმედი გმირი მმართველი პარტიის აქტივისტი გიორგი გოგინავა იყო, რომელიც სიტუაციის პროვოცირებას მაშინ შეეცადა, როცა ოპოზიციის მერობის კანდიდატი მოსახლეობას ადგილობრივ პრობლემებზე ესაუბრებოდა, რასაც ადგილზე სიტყვიერი დაპირისპირებაც მოჰყვა.
ვიდეოკადრებს „ნაციონალური მოძრაობა“ ავრცელებს.
დღეს გაერთიანებული ოპოზიციის ზუგდიდის მერობის კანდიდატი სანდრა რულოვსი სოფელ ჭითაწყაროში იმყოფებოდა. ზუგდიდის მერობის კანდიდატი დევნილებს შეხვდა და მათი პრობლემები მოისმინა.
კორპუსს, რომელშიც დევნილები ცხოვრობენ, ქარმა სახურავი გადახადა, რის გამოც მაცხოვრებლებს წვიმის დროს, ბინაში წყალი ჩასდით.
“ხელისუფლება მობინადრეებს არაერთხელ დაჰპირდა როგორც სახურავის, ასევე კორპუსამდე მისასვლელი გზის შეკეთებას, თუმცა არც ერთი მოუგვარებია. ჭითაწყაროელებს სჭირდებათ ხელისუფლება, რომელიც დაპირებებს შეასრულებს. ზუგდიდის მერის არჩევნები ამისთვის მშვენიერი შანსია” – განაცხადა სანდრა რულოვსმა.
დღეს 11 აპრილს, საქართველოს ძალოსანთა ნაკრების წევრმა. ბათუმში მიმდინარე ევროპის ჩემპიონატზე ატაცის ოქროს მედალი ევროპის 23-წლამდელთა რეკორდით მოიპოვა. დავითაძემ ჩემპიონატზე, 89 კილოგრამ წონით კატეგორიაში 170 კილოგრამი დაძლია, რომლითაც გამარჯვება მოიპოვა. დავიითაძემ ჩემპიონატზე 23-წლამდელთა ევროპის რეკორდი 2 კილოგრამით გააუმჯობესა და ოქროს მედალი მოიპოვა.
20 წლის თბილისელმა ძალოსანმა, რომელიც ევროპის მოქმედი ჩემპიონი და მსოფლიოს ჩემპიონატის პრიზიორია, ერთ დისციპლინაში ტიტული უკვე შეიანრჩუნა.ძალოსანთა ევროპის ჩემპიონატი ბათუმში, 6-13 აპრილს იმართება.
„ივანიშვილი ცდილობს აბსოლუტურად ღიად მოისყიდოს საქართველოს ეკლესია,“ -ამ განცხადებით განცხადება, „ევროპული საქართველოს“ წევრმა, ლევან თარხნიშვილმა საპატრიარქოში ბიძინა ივანიშვილსა და ილია მეორეს შორის გამართული შეხვედრა შეაფასა.
თარხნიშვილი ივანიშვილის მიერ შეხვედრის დროს გაცემულ დაპირებას, როდესაც მან სამების ტაძრის მოხატვის სრულად დაფინანსებისთვის მზაობა გამოხატა, სწორედ შუალედურ არჩევნებს უკავშირებს.
„არავის არ ეპარება ეჭვი, რომ ეს ემსახურება იმ შუალედურ არჩევნებს, რომელიც იქნება 7 ოლქში და სწორედ იმის გამო, რომ ბიძინა ივანიშვილმა იგრძნო საფრთხე დამარცხების და იგრძნო ის, რომ ამ დამარცხებიდან დაიწყება მისი საბოლოო დასამარება და მისი რეჟიმის საბოლოო დასასრული, სწორედ ამიტომ, ცდილობს ყველა ხერხს მიმართოს, მათ შორის ამ ხერხსაც, როდესაც ცდილობს აბსოლუტურად ღიად მოისყიდოს საქართველოს ეკლესია,“ – განაცხადა ლევან თარხნიშვილმა.
ბიძინა ივანიშვილსა და ილია მეორეს შორის შეხვედრა საპატრიარქოში დღეს შედგა, რომელსაც სხვა სასულიერო პირებიც ესწრებოდნენ.
საპატრიარქოს ინფორმაციით, ბიძინა ივანიშვილი პატრიარქს ასევე, სამების ტაძრის მოხატვის სრულ დაფინანსებას დაპირდა.
2019 წლის იანვარ-მარტში საქართველოს 882,130 ტურისტი ეწვია,რაც 2018 წლის იანვარ-მარტის მაჩვენებელზე 5.1%-ით მეტია
2019 წლის 3 თვეში საქართველოში 1,617,548 საერთაშორისო მოგზაურთა ვიზიტი შედგა, ზრდა წინა წლის ანალოგიურ პერიოდთან შედარებით +2.2%-ია.
ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა 2019 წლის I კვარტლის მდგომარეობით არსებული ტურიზმის სტატისტიკური მონაცემები შეაჯამა. პრეზენტაციას ეკონომიკისა და მდგრადი განვითარების მინისტრი გიორგი ქობულია დაესწრო ღონისძიებაზე წარმოდგენილი იყო კერძო სექტორი.
პოზიტიური ტენდენცია ნარჩუნდება ევროკავშირის ქვეყნებიდან, საქართველოში საერთაშორისო ვიზიტორების ვიზიტების ზრდის კუთხით გამოირჩეოდნენ: ლატვია +84.5%, სლოვაკეთი +81.8%, პოლონეთი +79.1%, ჩეხეთი +66.8%, ლიეტუვა +43.3%, გერმანია +30.8% და სხვა. განსაკუთრებული ზრდა დაფიქსირდა შემდეგი ქვეყნებიდან: ისრაელი +114.6%, ჩინეთი +59.3%, საუდის არაბეთი +52.8%და სხვა.
მნიშვნელოვნად გაუმჯობესდა ვიზიტების სტრუქტურა. იზრდება შედარებით მაღალმხარჯველიანი სეგმენტის წილი: ევროკავშირის ქვეყნები, საჰაერო გზით განხორციელებული ვიზიტები და საერთაშორისო ტურისტული ვიზიტები.
2019 წელს განსაკუთრებული ზრდა ფიქსირდება საჰაერო გზით განხორციელებულ ვიზიტებში +23,8%, წილი კი 26,6%-ს შეადგენს, 2018 წელს კი საჰაერო ვიზიტების წილი 21,7%-ს შეადგენდა.
“მნიშვნელოვანია, რომ კერძო სექტორს გავუზიარეთ დეტალური მონაცემები თუ ვინ ჩამოდის საქართველოში, რა მიზნით, რომელ რეგიონებს სტუმრობენ, საშუალოდ რა დანახარჯები აქვთ, ასევე რა ტურისტული პროდუქტები გამოიკვეთა. განსაკუთრებული აქცენტი გავაკეთეთ იმ ქვეყნების ტურისტებზე, რომლებიც გამოირჩევიან მაღალმხარჯველუნარიანობით საქართველოში, ჩვენ კერძო სექტორს ვაწვდით გამჭვირვალე ინფორმაციას, თუ როგორ განვახორციელებთ სტრატეგიული სამიზნე ბაზრების იდენტიფიცირებას, რომელიც ორი კრიტერიუმით ფიქსირდება, ეს არის დანახარჯები და ღამეების გათენების საშუალო რაოდენობა. 2019 წლის პირველი კვარტალი საკმაოდ პოზიტიური ზრდის ტემპით გამოირჩევა ყველა კრიტერიუმით, როგორც საერთაშორისო მოგზაურების, ასევე ვიზიტორების და ტურისტული ნაკადების კუთხით. “ -განაცხადა მარიამ ქვრივიშვილმა.
წინასწარი მონაცემებით, 2019 წლის იანვარ-თებერვალში შემოსავალი საერთაშორისო მოგზაურობიდან საქართველოში შეადგენს 334 მილიონ დოლარს (ზრდა +4.8%), რაც15 მილიონით მეტია წინა წლის ანალოგიურ მაჩვენებელზე.
2018 წელს შემოსავალი საერთაშორისო მოგზაურობიდან საქართველოში შეადგენს 3.2მილიარდ დოლარს (ზრდა +19.1%), რაც 518 მილიონით მეტია წინა წლის ანალოგიურ მაჩვენებელზე.
ტურიზმის წილი მთლიან შიდა პროდუქტში 2018 წლის მონაცემებით შეადგენს 7.6%-ს. ზრდა წინა წელთან შედარებით +21.5%-ია.
„პოლიტიკურ საფლავში მყოფი მმართველი პარტიიდან კიდევ არაერთი პოლიტიკოსი წავა“ – ასე აფასებს ქართულ ოცნებაში მიმდინარე პროცესებს საკრებულოს წევრი „ნაციონალური მოძრაობიდან“ ლევან ხაბეიშვილი. მას შემდეგ, რაც საკრებულოს უმრავლესობის წევრებმა ვატო შაქარიშვილმა და ჯაბა ჯიშკარიანმა „ქართული ოცნება“ დატოვეს, ლევან ხაბეიშვილი ირწმუნება, რომ კახა კალაძეს,. როგორც პარტიის გენერალურ მდივანს და თბილისის მერს საკრებულოში უმრავლესობა ეშლება. „მიდის შეუქცებადი პროცესი. „ოცნება“ მარტივ მამრავებად დაიშლება“ – აცხადებს ლევან ხაბეიშვილი.