მომღერალმა ნინი ქარსელაძემ დაიცავი საქართველოს შეკრება დაწყების შემდეგ მალევე დატოვა. როგორც ნინი ქარსელაძე აცხადებს მან მოისმინა ორგანიზატორების მთავარი მიზნები რომლებსაც არ იზიარებს.შეხვერის დაწყებამდე ნინი ქარსელაძემ აღნიშნა, რომ ის ქართული ოცნების და მისი ლიდერის, ბიძინა ივანიშვილის, მხარდამჭერია. თუმცა, სურდა გაეგო, რა მიზნით აღარ უჭერენ დღევანდელ ხელისუფლებას მხარს შეკრების მონაწილეები და სწორედ ამის გამო მივიდა ფილარმონიაში.მოძრაობის ლიდერი, დავით მაღრაძე აცხადებს, რომ მათი მთავარი მიზანია, ხელისუფლების შეცვლის შედეგ მართვის სადავეები წინა ხელისუფლების ხელში არ გადავიდეს.დღევანდელ შეკრებას ქართული ოცნებიდან წასული დეპუტატებიც დაესწრნენ, თუმცა, მათი უმრავლესობა აღნიშნავდა, რომ შეხვედრაზე გახმოვანებული მესიჯების შემდეგ მიიღებენ გადაწყვეტილებას, შეუერთდებიან თუ არა ამ მოძრაობას.
Category: არქივი
-
ქართულმა ოცნებამ მარნეულში მერობის კანდიდატი წარადგინა
ქართულმა ოცნებამ მარნეულში შუალედური არჩევნებისთვის მერობის კანდიდატად ზაურ დარგალი წარადგინა. წარდენას პრემიერ მინისტრი, ქართული ოცნების პოლიტიკური მდივანი და სახელმწიფო მინისტრი ქეთევან ციხელაშვილი ესწრებოდნენ.
“ზაურ დარგალი არის მართლაც საამაყო მაგალითი, თუ როგორ უნდა შეძლოს ახალგაზრდა, ეთნიკურად აზერბაიჯანელმა მიაღწიოს ძალიან დიდ წარმატებას თავისი შრომითა და განათლებით.
ზაური მე გავიცანი დაახლოებით 6 წლის წინ და მას შემდეგ ჩვენ ყველანი ვხედავთ მის ძალიან დიდ პროგრესს, წარმატებას. მისი წარმატება მდგომარეობს მის შრომისმოყვარეობაში.
მე მჯერა რომ ზაურ დარგალი იქნება თქვენი საამაყო ქალაქის მერი. ის მოემსახურება მარნეულელ ხალხს, ის იზრუნებს თქვენს კეთილდღეობაზე და მუდამ თქვენს გვერდით იქნება.
რაც შეეხება მის ოპონენტს, მე მინდა კიდევ ერთხელ ვთქვა, რომ ჩვენ მივდივართ მომავლისკენ და არასდროს არ დავბრუნდებით წარსულში. ჩვენ კარგად გვახსოვს, რომ წინა ხელისუფლების ხელწერა იყო ჩვენი მოსახლეობის ჩაგრვა, მათ წინააღმდეგ მიმართული არნახული ძალადობა, რომელიც 2012 წელს ჩვენ, ბატონი ბიძინა ივანიშვილის ლიდერობით დავამარცხეთ და კიდევ ერთხელ გავიმეორებ, რომ ნურავის ნუ ექნება იმედი, ამ უსუსურ ოპონენტებს მივმართავ , რომ ისინი შეძლებენ რაიმე ფრომით შუღლისა და განხეთქილების შემოტანას ჩვენს საზოგადოებაში.
ჩვენ, ჩვენი გუნდი ამას არ დავუშვბეთ და ამ არჩევნებზე ჩვენ აუცილებლად გავიმარჯვებთ. კიდევ ერთხელ ვუსურვებ ჩვენს კანდიდატს წარმატებებს, ღმერთი იყოს თქვენი მფარველი.“ – ასე მიმართა ირაკლი ღარიბაშვილმა მარნეულელებს.
პრემიერ მინისტრმა კი მარნეულში ხელისუფლების გეგმებზე და პროექტებზე ისაუბრა:
“მარნეული არის აგრარული კუთხე, რომელიც სოფლის მეურნეობის პროდუქციით ამარაგებს მთელ საქართველოს და თითოეულმა თქვენთაგანმა ძალიან კარგად იცის, რომ ჩვენ სამჯერ გავზარდეთ სოფლის მეურნეობის მხარდამჭერის პროგრამები და სწორედ მარნეული გახლავთ ერთ-ერთი მთავარი ბენეფიციარი ამ პროგრამების და მე გპირდებით, რომ სოფლის მეურნეობის პროგრამებში კიდევ უფრო მეტ ინვესტიციებს ჩავდებთ და გავასამმაგებთ იმ პროგრამებს, რომლებიც დღეს მოქმედებს თქვენს ლამაზ მუნიციპალიტეტში.
19 მაისს თქვენ აირჩევთ მარნეულში ახალ მერს, რომელიც პასუხისმგებელი იქნება თქვენს მუნიციპალიტეტში არსებული პრობლემების მოგვარებაზე და თქვენივე რჩევით ჩვენ შევარჩიეთ ღირსეული კანდიდატი. ადამიანი, რომელიც დაიბადა და გაიზარდა მარნეულში. თავისი საქმის ნამდვილი პროფესიონალი, ღირსეული , პატიოსანი და ენერგიით სავსე ახალგაზრდა ზაურ დარგალი. მე დარწმუნებული ვარ, რომ ზაური იქნება ძალიან მაგარი მერი თქვენი მუნიციპალიტეტისთვის და ის ყველა არსებულ პრობლემას გადაჭრის ჩვენთან ერთად. 19 მაისს დარწმუნებული ვარ ზაური მიიღებს თქვენ მხარდაჭერას, ის გაიმარჯვებს არჩევნებში და ამით გაიმარჯვებს მარნეული, ამით გაიმარჯვებს ის, რომ ჩვენ შევძლებთ ერთობლივად კიდევ უფრო მეტი პროექტის რეალიზაციას თქვენს ლამაზ მუნიციპალიტეტში.“ –განაცხადა ბახტაძემ
-
გიგი უგულავა მიხეილ სააკაშვილს ფეისბუქ დებატებში იწვევს
“ევრორპული საქართველოს“ ლიდერი, გიგი უგულავა მიხეილ სააკაშვილს ფეისბუქ დისკუსიას სთავაზობს. მიზეზი სააკაშვილის მიერ გაკეთებული განცხადებებია საერთაშორისო ინსტიტუტების უკრაინასთან და საქათრველოსთან დამოკიდებულების შესახებ. უგულავა თვლის, რომ სააკაშვილის განცხადებები რეალობის არასწორი ინტერპრეტაციაა.“ძალიან ბევრი საკამათო თეზისია გამოთქმული ბატონი მიხეილის მიერ, მეტიც – იძლევა ისეთი ინტერპრეტაციების შესაძლებმობებს, რომ საზიანოც შეიძლება იყოს უკრაინისა და საქართველოსთვის. ევროკავშირისა და საერთაშორისო ინსტიტუტების ბიუროკრატიზმი, ხშირად არის ხოლმე შემაფერხებელი ფაქტორი სწრაფი განვითარებისთვის, როცა ქვეყანაში რეფორმისტული მთავრობაა, მაგრამ მტკიცება იმისა რომ მათ მხოლოდ “გარკვეულ ჩარჩოებში” სურთ ჩვენი განვითარება ფუნდამენტურად არასწორია. მარტივი ლოგიკაა – ყველას აწყობს მეზობლად ჰყავდეს არააგრესიული და განვითარებული მეზობელი, რადგან ეს ორმხრივი სარგებლობის მომტანია.
“ევროპას ჩვენი მუშა ხელი უნდა მხოლოდ” – მცდარია. თუ რამეზეა დღეს ევროპაში კამათი, ეს მიგრანტების თემაა. ბრექსითის ერთ ერთი განმაპირობებელი მიზეზიც პოლონელი მუშა ხელის “სიმრავლე” იყო. 21-ე საუკუნეში ევროპის კოლონიალისტურ პოლიტიკაზე უკიდურესი მემარცხენეებიც კი აღარ საუბრობენ (ამერიკისგან განსხვავებით. აქაც ცხადია დაუმსახურებლად), რადგან ასეთი დიდი ხანია აღარ არსებობს. ის რაც ჩვენ ცალსახად არ მოგვწონს, გვაღიზიანებს – ეს ევროკავშირის ბიუროკრატიზმია, ოღონდ ამას “კოლონიალიზმი” არ ქვია. რუსეთის კონტექსტში, ან რუსეთთან რაიმე ტიპის ბმაში ევროპასთან ამ ტერმინის ხმარება კი ფუნდამენტურად არასწორია, რადგან საუბრის კონტექსტის მიღმა, ის შთაბეჭდილებას ქმნის თითქოს ტოლობის ნიშანია დასმული.
მოკლედ, ილიას თეზისის “ჩვენი თავი ჩვენადვე უნდა გვეყუდნოდეს” აბსოლუტურად არაწორი ინტერპრეტაციაა.ბატონო მიხეილ, მოდით, რადგან ჩვენი გამონათქვამები ხშირად საკამათოა, მინდა შემოგთავაზოთ თქვენ და ენმ-ს, გვქონდეს ღია ფეისბუქდისკუსია ამგვარ მნიშვნელოვან თემებზე. ამით ვანახებთ ჩვენს საზოგადოებას სად ემთხვევა ჩვენი პოზიციები, სად განსხვავდება. მოვახერხოთ ეს, ქოცებისგან განსხვავებით, საქმიანად, ემოციის გარეშე და ურთიერთპატივისცემით. ამით ვანახოთ მაგალითი, რომ თუნდაც ფუნდამენტურად განსხავებული პოზიციების შემთხვევაში, შეგვიძლია დიალოგი, რაც მნიშვნელოვანია საერთო მიზნის – ივანიშვილის ხელისუფლებიდან ჩამოშორების – მისაღწევად. მარტივად, ასე უფრო დაგვიჯერებს ხალხი.“– წერს გიგი უგულავა საკუთარ ფეისბუქ გვერდზე.მიხეილ სააკაშვილმა 12 აპრილს ვარშავაში უკრაინელებთან შეხვედრისას განაცხადა, რომ უკრაინის რეფორმები საზღვარგარეთისთვის არ უნდა ჩატარდეს.
“აი, დღეს ვუყურებ, მაკრონი საფრანგეთის პრეზიდენტი, რომელსაც დღეს უკრაინის პრეზიდენტობის კანდიდატი ვოლოდიმირ ზელენსკი შეხვდა უმტკიცებდა საერთაშორისო სავალუტო ფონდს, რომ ის მათ დაელაპარაკება. არაა საჭირო არავისთან მოლაპარაკება. უკრაინაში რეფორმები საერთაშორისო სავალუტო ფონდისთვის არ უნდა განხორციელდეს. მე კარგად ვიცნობ ამ სტრუქტურებს და მინდა გითხრათ რომ კი, ევროპელებს სურთ, რომ უკრაინა არსებობდეს, რომ ის იყოს წარმატებული, თუმცა რაღაც ჩარჩოების ფარგლებში. ძალიან წარმატებული უკრაინა არავის სჭირდება, თავს ნუ მოვიტყუებთ, ისევე, როგროც არავის სჭირდება ძალიან წარმატებული საქართველო. ყოველთვის ყველას, მათ შორის, დასავლურ ქვეყნებს… ერთი მხრივ, რა თქმა უნდა, არსებობს ვლადიმერ პუტინი, რომელსაც უკრაინა საერთოდ არ სჭირდება, ვისთვისაც უკრაინა ანაქრონიზმია, ვერ ხვდება, რატომაა, რისთვისაა ეს ქვეყანა. მეორე მხრივ კი, არის დასავლეთი, რომელსაც ასევე კოლონიალური მიდგომები აქვს რომ კი, იყოს უკრაინა, არსებობდეს, ოღონდ სადღაც კუთხეში. მათ უკრაინა სჭირდებათ, როგორც სამუშაო ძალა ” – თქვა სააკაშვილმა.
-
შსს–მ ნარკოტიკების ინტერნეტით რეალიზატორები დააკავა
შინაგან საქმეთა სამინისტროს თბილისის პოლიციის დეპარტამენტის გლდანი-ნაძალადევის სამმართველოს დეტექტივებმა, დიდი ოდენობით ნარკოტიკების უკანონო შეძენა-შენახვის და გასაღების მცდელობის ბრალდებით, თბილისში დანაშაულებრივი დაჯგუფების 2 წევრი – 1975 წელს დაბადებული ა.ზ. და 1998 წელს დაბადებული გ.ჯ. დააკავეს.
შსს–ს ინფორმაციით ა.ზ. ორგანიზებას უწევდა დანაშაულებრივ ჯგუფს, რომლის წევრებიც მისსავე დროებით საცხოვრებელ ბინაში სარეალიზაციოდ ამზადებდნენ ნარკოტიკულ საშუალებებს, აფასოებდნენ და შემდგომ სპეციალურად შერჩეულ ლოკაციებზე, სამალავებში ათავსებდნენ.
დაჯგუფების წევრები აღნიშნული სამალავების მისამართებს ნარკოტიკული საშუალებების შეძენის მსურველ პირებს ატყობინებდნენ, რაშიც თანხას დისტანციური არხებით იღებდნენ.
სამართალდამცველებმა, საგამოძიებო მოქმედებების ფარგლებში ჩატარებული ა.ზ.-ს საცხოვრებელი ბინის და ამავე ბინაში მყოფი 6 პირის პირადი ჩხრეკისას, დიდი ოდენობით ნარკოტიკული საშუალებები: „ემბაუმი“, „ექსტაზი“, „ჰაშიში“ და ე.წ. „ბიო“ ამოიღეს.
პოლიციამ თბილისში ერთ-ერთი ბრალდებულის მიერ მითითებული სამალავებიდან სარეალიზაციოდ გამზადებული ნარკოტიკული საშუალებები ნივთმტკიცების სახით ამოიღო.
თბილისის საქალაქო სასამართლომ ორივე ბრალდებულს აღკვეთის ღონისძიების სახით 2- თვიანი წინასწარი პატიმრობა შეუფარდა.
დანაშაული 7–დან 14 წლამდე ვადით თავისუფლების აღკვეთას ითვალისწინებს.
შსს–ს ინფორმაციით მხილებული არიან დანაშაულებრივი ჯგუფის სხვა წევრებიც.
გამოძიება დიდი ოდენობით ნარკოტიკული საშუალების უკანონო შეძენა-შენახვის, ასევე, წინასწარი შეთანხმებით ჯგუფის მიერ ნარკოტიკული საშუალების უკანონო გასაღების მცდელობის ფაქტებზე, სისხლის სამართლის კოდექსის 19-260-ე მუხლის მე-5 ნაწილის „ბ“ ქვეპუნქტით, 260-ე მუხლის მე-3 ნაწილის „ა“ ქვეპუნქტით, 260-ე მუხლის 1-ლი და მე-2 ნაწილებით მიმდინარეობს.
-
V საარტილერიო ბრიგადაში სამხედროების ოჯახის წევრები დასათვალიერებლად შეუშვეს
თავდაცვის უწყების სავალდებულო სამხედრო მოსამსახურეების ოჯახის წევრებისთვის ღია კარის დღე გაიმართა. სავალდებულო სამხედრო მოსამსახურეების ოჯახის წევრებმა V საარტილერიო ბრიგადაში სამხედროების საცხოვრებელი პირობები მოინახულეს. მათ სამედიცინო პუნქტი, ყაზარმები, სასადილო და ყველა ის ადგილი დაათვალიერეს, სადაც სავალდებულო სამხედრო მოსამსახურეები მსახურობენ. V საარტილერიო ბრიგადაში სავალდებულო სამხედრო სამსახურს 90-მდე სამხედრო გადის.თავდაცვის მინისტრის ლევან იზორიას ბრძანებით სამხედრო მოსამსახურეების ოჯახის წევრებს შესაძლებლობა აქვთ 6 თვეში ერთხელ, ღია კარის დღეების ფარგლებში, ადგილზე გაეცნონ კვების, საყოფაცხოვრებო და სამხედრო სამსახურის გავლასთან დაკავშირებულ საკითხებს. ღონისძიების ფარგლებში, სტუმრებმა სპეციალურად გამოფენილი ტექნიკა, აღჭურვილობა და შეიარაღებაც დაათვალიერეს.
თავდაცვის სამინისტროს ინფორმაციით უწყებაში სავალდებულო სამხედრო სამსახური, საერთაშორისო გამოცდილების გაზიარების შედეგად, განახლებული ფორმით ფუნქციონირებს. ახალი სისტემით ვადიანი სამხედრო მოსამსახურეები, საკონტრაქტო მოსამსახურეების ანალოგიურად, 10 კვირიან სრულფასოვან საწყის საბრძოლო მომზადების (BCT) კურსს გადიან. ჯარისკაცები გაუმჯობესებული სოციალური პაკეტით და უქმე დღეებში დასვენების შესაძლებლობით სარგებლობენ. გაიზარდა წვევამდელების ყოველთვიური ანაზღაურებაც.
-
ბათუმის პოლიციის სამმართველოში საკრებულოში ჩხუბის მონაწილეები გამოკითხეს
აჭარის პოლიციის მთავარ სამმართველოში ბათუმის საკრებლოს წევრების გამოკითხვა გვიან ღამემდე გაგრძელდა. დაკითხვაზე იმყოფებოდნენ, როგორც ოპოზიციის, ასევე მმართველი გუნდის წარმომადგენლები.
დეპუტატების განცხადებით, სამართალდამცავებს საკრებულოში მომხდარ ინციდენტთან ჰქონდათ შეკითხვები.
ნაციონალური მოძრაობის წევრების განცხადებით, ორივე შემთხვევაში სიტყვიერი შეურაცხყოფა და ფიზიკური დაპირისპირება ქართული ოცნების დეპუტატებმა დაიწყეს.
მირდატ ქამადაძის თვლის, რომ მმართველი გუნდის წევრებს მწვავე შეკითხვებზე პასუხის გასაცემად არ ჰყოფნით ინტელექტი ან ვერ თოკავენ ემოციებს და გადადიან ფიზიკურ დაპირისპირებაზე.
ქართული ოცნების წევრები კი ნაციონალურ მოძრაობას პროვოკაციაში ადანაშაულებენ.
-
რატომ უკიდიათ საპატრიარქოს შესასვლელში რუსეთის პატრიარქის პორტრეტი. საპატრიარქოს განმარტება
ბიძინა ივანიშვილის საპატრიარქოში სტუმრობის შემდეგ გამოხმაურება მოყვა იმ ფოტოს, რომელზეც კედელზე ჩამოკიდებული რუსეთის პატრიარქის, ალექსი პირველის პორტრეტი ჩანს. სოციალურ ქსელებში გავრცელებულ კრიტიკულ შეფასებებს საპატრიარქო სპეციალური განცხადებით პასუხობს:
“საპატრიარქო რეზიდენციის ერთ-ერთ შესასვლელ ოთახში კედელზე კიდია ორი პირველიერარქის ფერწერული პორტრეტი, რადგან მათ სახელს უკავშირდება საქართველოს ეკლესიის ავტოკეფალიის აღდგენის ცნობა.
ესენია:
რუსეთის პატრიარქი უწმიდესი ალექსი I, რომელიც 1943 წელს საქართველოს ეკლესიის ავტოკეფალიის აღიარების შემდეგ პირველად ოფიციალურად ჩამოვიდა საქართველოში და მცხეთაში უწმიდეს კალისტრატესთან ერთად ერთობლივი წირვა აღასრულა.
დამსოფლიო პატრიარქი, ყოვლადუწმინდესი დიმიტრიოსი, რომელმაც 1990 წელს საპატრიარქო სიგელებით დაადასტურა საქართველოს ეკლესიის ავტოკეფალიის ცნობა უძველესი დროიდან.
ასე რომ, ნებისმიერი პიროვნება კადრში შეიძლება მოხვდეს როგორც ერთ, ისე მეორე პიროვნების პორტრეტთან.
დღეს კათოლიკოს-პატრიარქისა და ბ-ნ ბიძინა ივანიშვილის შეხვედრის ფოტოზე, უკანა პლანზე, ჩანს პატრიარქ ალექსი I-ის სურათი, რაც ზოგიერთებისთვის ქილიკის მიზეზი გახდა.
სამწუხაროდ, ბოლო დროს ეკლესიის მიმართ უსაფუძვლო, ცილისმწამებლური და შეურაცხმყოფელი ქმედებები არის გახშირებული და ცალკეული პიროვნებების დღევანდელი კომენტარებიც ამის კიდევ ერთი დადასტურებაა.
P.S. კადრში ჩანს ორივე პატრიარქის ფერწერული ტილო.“ – ნათქვამია საპატრიარქოს განცხადებაში.
-
სუსმა ქრთამის აღების ბრალდებით მებაჟე დააკავა
სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა ჩატარებული ოპერატიულ-სამძებრო და საგამოძიებო მოქმედებების შედეგად ქრთამის აღების ფაქტზე, საქართველოს ფინანსთა სამინისტროს შემოსავლების სამსახურის საბაჟო დეპარტამენტის მებაჟე ოფიცერი გია გ. დააკავეს.
სუს–ის ინფორმაციით, გამოძიებამ დაადგინა, რომ გია გ. საქართველოს მოქალაქეს დაჰპირდა, რომ თავისი სამსახურებრივი უფლებამოსილების ფარგლებში, სარფის საბაჟო პუნქტის გავლით, თურქეთიდან საქართველოში არადეკლარირებული საქონლის მალულად შემოტანაში დაეხმარებოდა. კერძოდ, იგი არ დააფიქსირებდა არადეკლარირებულ საქონელს, რომელიც ავტომანქანაში მალულად იქნებოდა განთავსებული, რის სანაცვლოდაც მოქალაქეს ქრთამის სახით ეტაპობრივად 5000 ლარი გამოართვა.
გამოძიება ქრთამის აღების ფაქტზე მიმდინარეობს (საქართველოს სსკ-ის 338-ე მუხლის 1-ლი ნაწილით, რაც სასჯელის სახით 6-დან 9 წლამდე თავისუფლების აღკვეთას ითვალისწინებს).
გამოძიებას სახელმწიფო უსაფრთხოების სამსახურის ანტიკორუფციული სააგენტო აწარმოებს.
-
ნაპოვნია უძველესი ადამიანის ახალი სახეობა
არქეოლოგმა არმანდ მიჯარესმა ფილიპინების გამოქვაბულში ძვლების უცნაური ნარჩენები იპოვა. ძვლები ძალიან ჰგავს ადამიანისას, მაგრამ არც იმდენად, რომ იგივე სახეობად ჩაითვალოს.
ჰომინიდების ჯგუფის პრიმატი ადამიანის ერთგვარი ბიძაშვილია, რომელიც მასზე გაცილებით დაბალია და ლიტერატურულ პერსონაჟებს, მცირე ზომის ჰობიტებს ჩამოჰგავს. მას ლათინურად Homo Luzonensis უწოდეს.
აღმოჩენის პრეზენტაცია ფილიპინების დედაქალაქ მანილაში ხუთშაბათს, 11 აპრილს გაიმართა. არქეოლოგ არმანდ მიჯარესის თქმით, პრიმატი დედამიწაზე დაახლოებით 50 ათასიდან 67 ათასამდე წლის წინ სახლობდა. მეცნიერი ასევე ამბობს, რომ ამ სახეობის წარმომადგენლები სავარაუდოდ, აღმოჩენის ადგილზე არ ცხოვრობდნენ, მათი ძვლები გამოქვაბულში შესაძლოა წყალმა შერეცხა.
-
რომელი ზოდიაქოს ნიშნით იბადება ყველაზე მეტი მილიარდერი
ბრიტანულმა ბიზნესრესურსმა, The UK Domain–მა ფორბსის მილიარდერთა განახლებული სია გააანალიზა, რათა განესაზღვრა, რომელი ზოდიაქოს ნიშნით იბადება სტატისტიკურად ყველაზე მეტი მდიდარი ადამიანი. შედეგები სიის 250 წევრის დაბადების დღეების თარიღების ანალიზს ეფუძნება.როგორც ირკვევა, მდიდრების ტოპ–სიაში ყველაზე მეტი სასწორია, ანუ 23 სექტემბრიდან 22 ოქტომბრამდე პერიოდში დაბადებული ადამიანები. სულ 250 კაციანი სიიდან 27 მილიარდერი სწორედ სასწორია.ასტროლოგები ამას სულაც არ თვლიან გასაოცრად. სასწორის მმართველი პლანეტა– ვენერა ცნობილია არა მხოლოდ მისი სასიყვარულო ხიბლით, არამედ სიმდიდრის მიზიდვის უნარითაც. ეს არის წონასწორობის ნიშანი, ამიტომაც ფულთან დაკავშირებულ ყველა გადაწყვეტილებას მისი წარმომადგენლები აწონ–დაწონვის შედეგად იღებენ. გარდა ამისა, სასწორების ხასიათი პრაქტიკულად გამორიცხავს იმპულსიურ საქციელს თუ შენაძენს. ისინი ყველაფერს დიდხანს იაზრებენ.კიდევ ერთი მნიშვნელოვანი გარემოება – მათ კოსმიურ რუკაზე მერვე სახლი, რომელიც ტრანსფორმაციას უკავშირდება კუროს მიერ იმართება და დაბადებასა და სიკვდილზეა პასუხისმგებელი. ეს იმას ნიშნავს, რომ სასწორებს უფრო მეტი შანსი აქვთ კარგი მემკვიდრეობა მიიღონ.თუმცა ამ თეორიას მოწინააღმდეგეებიც ჰყავს. მაგალითად ფილოსოფიის დოქტორი, ასტროლოგი და მკვლევარი კალიფორნიის სან დიეგოს უნივერსიტეტიდან რაჯ ჩადხა, რომელიც ამტკიცებს, რომ მრავალი წელია მდიდარი ადამიანების ასტროლოგიურ მონაცემთა ბაზას აკეთებს და ვერ დაადასტურებს, რომ მილიარდერების უმრავლესობა სასწორები არიან. მისი აზრით შეუძლებელია თეორია მხოლოდ ერთ მონაცემზე – ოფიციალურ ზოდიაქოს ნიშანზე დააფუძნო. მისი აზრით ყველა პლანეტა ერთობლიობაში უნდა იქნას განხილული – მათი ფართობითი ძალა და ნატალურ რუკაში მდებარეობა. სწორედ ეს ინდივიდუალური თანწყობა ახდენს გავლენას ადამიანის ბედზე.რეიტინგის კრიტიკოსებს კიდევ ერთი არგუმენტი აქვთ: ყველაზე მდიდარი ზოდიაქოს ნიშნების სიის ბოლოში აღმოჩნდნენ მშვილდოსანი და თხის რქა. (ფორბსის 250 კაციან სიაში 8 თხის რქა და 8 მშვილდოსანია). არადა, ნებისმიერმა ასტროლოგმა იცის რამდენად შრომისმოყვარეები, ამბიციურები და კონსერვატიულები არიან ფულთან ურთიერთობაში თხის რქები, რაც მათ საშუალებას აძლევს დიდი ქონება დააგროვონ. მაგალითად, პლანეტის ყველაზე მდიდარი ადამიანი – ამაზონის დამფუძნებელი ჯეფ ბეზოსი სწორედ თხის რქაა.