მალხაზ მაჩალიკაშვილი, რომელიც დღეს პარლამენტის წინ პანკისის სოლიდარობის აქციაზე მივიდა ამბობს, რომ გუშინ მართლაც იყო დაკავებული რამდენიმე საათის განმავლობაში.
მისი დაკავების შესახებ ინფორმაცია გუშინ პანკისში ვითარების დაძაბვის პარალელურად გავრცელდა, თუმცა მალევე ეს ინფორმაცია მაჩალიკაშვილმა უარყო.დღეს ის ამბობს, რომ არ უნდოდა ხეობაში ისედაც დაძაბული ვითარება მისი დაკავების გამო კიდევ უფრო დაძაბულიყო და ამიტომ მისი დაკავების შესახებ ინფორმაცია დამალა.
“რაც გუშინ მოხდა ეს იყო თემირლანის ოპერაცია 2 .სუსი ცდილობს ერთი გასროლით ორი კურდღელი მოკლან.რაც კი ხდება დღეს ხეობაში ეს არის ყველაფერი სუსის ნამოქმედარი. გუშინდელი ამბავი იყო ისევ და ისევ სუსის ნამოქმედარი.გუშინ დავმალე და არ მივეცი საშუალება რომ გაეშუქებინათ ყველა ჟურნალისტს. ვიძახდი არ ვარ დაკავებული.დიახ, მე ვიყავი დაკავებული, მაგრამ მე შემეშინდა, რომ ჩემი დაკავება ხეობაში არ გაეგოთ და ამას ხეობაში არ მოყოლოდა დიდი ამბავი.
ხეობაში მივდიოდი იმისთვის, რომ დამელაგებინა სიტუაცია, მაგრამ ამ დებილმა და დეგენერატმა მთავრობამ ეს არ განსაზღვრა. იმის ჭკუა ამათ არა აქვთ, ან მეორე – ჩემი დაკავებით ზუსტად ეგ ქონდათ გამიზნული რომ ხეობაში კიდევ უფრო დაიძაბებოდა სიტუაცია და ამით ისარგებლებდნენ.“ – ამბობს მაჩალიკაშვილი და ყვება, რომ ის გომბორის გზაზე, შუამთასთან დააკავეს, გადმოსვეს მანქანიდან და უთხრეს, რომ გურჯაანის პოლიციაში მიყავდათ. მაჩალიკაშვილმა ამ დროს თავის ადვოკატთან დაკავშირება მოასწრო, მისი დაკავების ამბის გახმაურების შემდეგ კი მის ორ ტელეფონზე, რომლებიც თან ქონდა უამრავი ზარი შევიდა სხვადასხვა უფლებადამცავი ორგანიზაციებიდან და ჟურნალისტებისგან.
პირველად შევეცადე გამეწია წინააღმდეგობა, მაგრამ ჩემს თავს ეს არ ვაკადრე. რო შევეკითხე სად გადაგყევართ მიპასუხეს გურჯაანში. მე ვუთხარი რატომ გურჯაანში, თელავში გადამიყვანეთმეთქი.როცა გადავყავდი გურჯაანში, მოვახერხე რომ დამერეკა ჩემს ადვოკატთან. ვიგრძენი ეს საფრთხე – რატომ არა თელავში. ამასობაში შევეცადე გამეშვა მესიჯი მარიამ კუბლაშვილთან. სანამ გადავყავდი გურჯაანის პოლიციაში ჩემს ორ ტელეფონზე იმდენი ზარი შემოვიდა, პასუხს ვერ ვასწრებდი . მგონი იქ უკვე მიხვდნენ რომ ძალიან დიდ შეცდომას უშვებდნენ. გურჯაანიდან დამაბრუნეს ისევ თელავში უკან. სანამ მანქანა მომაკითხავდა, ვიყავი ამათთან ერთად მანქანაში. თავისუფლება აღკვეთილი. დაახლოებით სამი საათი გრძელდებოდა.
მე ეს ფაქტიურად გუშინ დავმალე იმის გამო, ეს რომ გაეგოთ ხეობაში რომ მაჩალიკაშვილი ყავთ აყვანილი ამას მოყვებოდა ისეთი რამე, რომ ამის დალაგებას ვერც მე და ვერც ვერავინ ვერ შეძლებდა. როგორც თემირლანზე არ ქონდათ პასუხი, ისე არ ქონდათ პასუხი რატომ დამაკავეს.
რაც შეეხება გიორგი გახარიას, მე გუშინ ძალიან არ მინდოდა მივსულიყავი გიორგი გახარიასთან და მაინც მივედი და ჩემი სათხოვარი იყო ერთი– გაეყვანათ ჯარი პანკისის ხეობიდან და გათავისუფლებულიყვნენ დაკავებულები. გაითვალისწინეს ჩემი თხოვნა თუ სხვა მიზეზების გამო მოხდა ეს, ჩემი თხოვნა შესრულდა.“ – ამბობს მალხაზ მაჩალიკაშვილი.
