Category: არქივი

სურსათის ეროვნული სააგენტო და გაეროს სურსათისა და სოფლის მეურნეობის ორგანიზაცია(FAO) მოსახლეობას სააღდგომო დღეებთან დაკავშირებით აფრთხილებს და მოუწოდებს, თავი შეიკავონ ისეთ საეჭვო ადგილებში ხორცპროდუქტებისა და კვერცხის შეძენისაგან, სადაც არ არის დაცული ჰიგიენური პირობები.

აღდგომის დღესასწაულის მოახლოებასთან დაკავშირებით, სურსათის ეროვნული სააგენტო სამომხმარებლო ბაზარზე კონტროლს ახორციელებს.

სახელმწიფო კონტროლი 70-ზე მეტ ობიექტში განხორციელდა და შენახვის პირობების დარღვევის ერთეული შემთხვევა დაფიქსირდა.კრიტიკული შეუსაბამობის არცერთი შემთხვევა არ გამოვლენილა. სარეალიზაციო ქსელში ასევ მოწმდება თუ რამდენად არის დაცული ეტიკეტირების მოთხოვნები, ვარგისიანობის ვადა, შენახვისა და რეალიზაციის პირობები.

სურსათის ეროვნული სააგენტო მოუწოდებს მომხმარებელს ყურადღებით გაეცანონ ეტიკეტზე მითითებულ ინფორმაციას.

ხორცის შეძენისას მომხმარებელმა ყურადღება უნდა მიაქციოს რამდენიმე გარემოებას:

ქვეყნის დასახელება (სადაც მდებარეობს სასაკლაო), სასაკლაოს აღიარების ან პირობითი აღიარების ნომერი (სადაც დაიკლა ცხოველი); ასევე დამზადების თარიღი და საათი;
თუ ხორცი მიღებულია საქართველოში დაბადებული, გაზრდილი ცხოველისგან (“წარმოშობა − საქართველო”), ეტიკეტზე მითითებული უნდა იყოს ცხოველის საიდენტიფიკაციო საყურე ნიშნის ნომერი;
თუ ხორცი იმპორტირებულია, ეტიკეტზე მითითებული უნდა იყოს იმპორტიორი ქვეყნის დასახელება;
სხვადასხვა წარმომავლობის ხორცი (საქონელი, ცხვარი, ღორი, თხა) მაცივარში განცალკევებით უნდა იყოს განთავსებული. ასევე, ცალ-ცალკე უნდა განთავსდეს სხვადასხვა ქვეყნიდან (ბრაზილია, უკრაინა და სხვა) იმპორტირებული ხორციც.
ეტიკეტი გამოკრული უნდა იყოს თვალსაჩინო ადგილას იმ მაცივარზე, რომელშიც პროდუქტი ინახება

ხოლო კვერცხის შეძენისას მომხმარებელმა ყურადღება უნდა მიაქციოს შემდგომ გარემოებებს:

კვერცხი შეიძინოს ისეთ ადგილებში სადაც ჰიგიენური და შენახვის ნორმები დაცულია;
მოხარშული კვერცხი უნდა ინახებოდეს მაცივარში 24 საათი, +2-6 გრადუსამდე ტემპერატურულ რეჟიმზე.
მაცივარში ან სხვა საყოფაცხოვრებო ჭურჭელში მოთავსებამდე კვერცხი უნდა გაირეცხოს -— სასურველია დაცული ხელებით;
იმისთვის, რომ კვერცხი მოხმარებისთვის უსაფრთხო იყოს, იგი გულდასმით უნდა მოიხარშოს ან შეიწვას.

მძღოლებს, რომლებსაც ტაქსის მანქანების გადაღებვისა და ქიმწმენდის ვაუჩერები გაუნულდათ, მათ ასაღებად დამატებით 2-კვირიანი ვადა მიეცემათ.ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა.

„როდესაც ავტომობილი გაივლის ტექნიკურ დათვალიერებას, ორი კვირის განმავლობაში მძღოლები უფლებამოსილნი არიან, მიმართონ შესაბამის კომპანიას და აიღონ, როგორც გადაღებვის და ფირის გადაკვრის, ასევე ქიმწმენდის ვაუჩერები.

ჩვენ გვქონდა შეხვედრა საინიციატივო ჯგუფთან და კომუნიკაციის ფარგლებში ირკვევა, რომ არის დაახლოებით 1500-მდე ტაქსის მძღოლი, ვინც ეს ორკვირიანი ვადა გაუშვა გარკვეული მიზეზების გამო. მათ წესით და კანონით ეს ვაუჩერები ერგებოდათ, მაგრამ იმის გამო, რომ ამ ორკვირიან ვადაში არ მიმართეს შესაბამის კომპანიას, გაუნულდათ ეს ვაუჩერები. მივიღეთ გააწყვეტილება , რომ მათ ვაუჩერის მიღების ვადა გავუხანგრძლივოთ. 1500 მძღოლს ექნება შესაძლებლობა პირველი მაისიდან 15 მაისის ჩათვლით მიმართონ კომპანიას და მიიღოს ვაუჩერები,“ – კახა კალაძემ.

კალაძის განცხადებით, ტაქსების რეფორმა გეგმის მიხედვით მიდის, ხოლო მერია პარალელურად აგრძელებს ტაქსის მძღოლებთან კმოლაპარაკებებს.

ლევან ჯიბღაშვილის გირაოთი გათავისუფლებამ საზოგადოებაში ბევრი კითხვის ნიშანი გააჩინა, მაშინ, როცა იგივე დანაშაულისთვის სხვების მიმართ სასამართლო დაუნდობელია, რატომ გაათავისუფლეს ჯიბღაშვილი გირაოს სანაცვლოდ. საზოგადოების დიდი ნაწილისთვის ეჭვს  იწვევს, ის ფაქტიც რომ არ ხმაურდება საქმის დეტალები, რა რაოდენობის ნარკოტიკი ამოიღეს მსახიობის მანქანიდან და რატომ არ მოითხოვა საგამოძიებო უწყებამ მისთვის წინასწარი პატიმრობის შეფარდება, როცა სხვა პირების შემთხევებში, დაკავება მინიმუმ ორთვიანი წინასწარი პატიმრობით სრულდება.

სოციალურ ქსელში გავრცელდა ფოტო, სადაც ჯიბღაშვილი თავისი დაბადების დღის წვეულებაზე შინაგან საქმეთა მინისტრის მოადგილესთან, კახაბერ საბანაძესთან ერთად სუფრასთან იმყოფება. 
გავრცელებული ინფორმაციით, დაკავების მომენტში მსახიობი სწორედ ვინმე კახას სახელს ახსენებდა.სწორედ ამიტომ გაჩნდა ეჭვი, რომ ნარკოტიკების შეძენა-შენახვის ბრალდებით დაკავებული ჯიბღაშვილი, სწორედ საბანაძის ჩარევის შემდეგ გაათავისუფლეს.

ციხიდან გამოსულმა ჯიბღაშვილმა კახა საბანაძესთან ნაცნობობა დაადასტურა, თუმცა უარყო რომ დაკავების მომენტში დასახმარებლად მინისტრის მოადგილეს ახსენებდა. მსახიობის განცხადებით, 
ის ითხოვდა ერთ-ერთი ადვოკატის, კახა ასლანიშვილის ან ამირან გიგუაშვილის დასწრებას.

ჯიბღაშვილის მოულოდნელ გათავისუფლებაზე განცხადება გაავრცელა “გირჩმაც” და ფაქტს შერჩევითი სამართალი უწოდა. პოლიტიკურ გაერთიანებაში შეკითხვები აქვთ პრკურატურის მისამართით. “გირჩში” ჯიბღაშვილის გათავისუფლებას მიესალმებიან, თუმცა მათი შეკითხვები საქმის დეტალებს შეეხება, რომელიც ჯერჯერობით არ ხმაურდება.

მსახიობი ლევან ჯიბღაშვილი 10 ათასლარიანია გირაოს გადახდის შემდეგ გვიან ღამით  გაათავისუფლეს.

ჯიბღაშვილს ბრალი სისხლის სამართლის კოდექსის 260 მუხლის პირველი და მესამე ა ქვეპუნქტებით ედება , რაც 5 დან 8 წლამდე თავისუფლების აღკვეთას გულისხმობს.

პროკურატურა ჯიბღაშვილისთვის 15 ათასლარიანი გირაოს შეფარდებას ითხოვდა. თუმცა თბილისის საქალაქო სასამართლომ მას აღკვეთი ღონისძიების სახით 10 ათასლარიანი გირაო გშეუფარდა.

შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიულ-სამძებრო და საგამოძიებო ღონისძიებების შედეგად, ყაჩაღობის ბრალდებით წარსულში მრავალჯერ ნასამართლევი 1955 წელს დაბადებული ჟ.გ. დააკავეს.

დანაშაული 6-დან 9 წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ მიმდინარე წლის 24 აპრილს, მარტვილში ერთ-ერთი მოქალაქის საცხოვრებელ სახლს სამი ნიღბიანი პირი თავს დაესხა. მათ ოჯახის წევრს სხეულის დაზიანება მიაყენეს, ცეცხლსასროლი იარაღის მუქარით ოქროს ნივთები და ფული გაიტაცეს და შემთხვევის ადგილიდან მიიმალნენ. დაშავებულის ჯანმრთელობას საფრთხე არ ემუქრება.
პოლიციამ დანაშაულში ბრალდებული ჟ.გ. მომხდარიდან რამდენიმე წუთში მარტვილში დააკავა, რაც შეეხება სხვა პირებს მათ დასაკავებლად ოპერატიულ-საგამოძიებო მოქმედებები მიმდინარეობს.
სამართალდამცველებმა ნაყაჩაღარი ოქრო და ფული ნივთმტკიცებად ამოიღეს.

გამოძიება სისხლის სამართლის კოდექსის 179-ე მუხლის მე-2 ნაწილით მიმდინარეობს, რაც ჯგუფურად ჩადენილ ყაჩაღობას გულისხმობს.

ესპანეთის პროკურატურამ რუსეთს ე.წ. კანონიერი ქურდის ტარიელ ონიანის ექსტრადირების მოთხოვნით ოფიციალურად მიმართა.

ესპანეთში ტარიელ ონიანს ბრალად ფულის გათეთრება ედება.ესპანეთის პროკურატურა ტარიელ ონიანისთვის 8-წლიან პატიმრობას ითხოვს.

2005 წელს ესპანეთში ფართომასშტაბიანი ოპერაცია ჩატარდა, მაშინ ესპანელმა სამართალდამცველებმა 30-მდე ე.წ. კრიმინალური ავტორიტეტი დააკავეს. ონიანმა ესპანეთიდან გაქცევა მოახერხა.

პოლიტიკური გაერთიანება “გირჩი” ლევან ჯიბღაშვილის საქმეზე პროკურატურას და სასამართლოს შეკითხვებით მიმართავს.”გირჩში”  ჯიბღაშვილის გათავისუფლებას მიესალმებიან, თუმცა მათი  შეკითხვები საქმის დეტალებს შეეხება, რომელიც არ ხმაურდება.

“ჩვენ ვულოცავთ ბატონ ლევან ჯიბღაშვილს თავისფლებას და მისგან განსხვავებით, ვფიქრობთ რომ არც ერთი ადამიანი ნარკოტიკების ფლობის და მოხმარების გამო არ უნდა იჯდეს ციხეში, უფრო მეტიც სრულად ვეთანხმებით საკონსტიტუციო სასამართლოს მსჯელობის ხაზს და ეს ადამიანის თავისუფალი განვითარების უფლების ნაწილი გვგონია.

შესაბამისად, იმედი გვაქვს რომ ბატონი ლევანი თავისუფლებაში დარჩება საქმის არსებითად გადაწყვეტის შემდეგაც.

ამავდროულად გვინდა, რომ ეს შემთხვევა სხვა ადამიანების გასათავისუფლებლადაც გამოვიყენოთ და გვაქვს შემდეგი კითხვები:

1. შინაგან საქმეთა სამინისტროსგან გვაინტერესებს რა ოდენობის და რა სახის ნარკოტიკული საშუალება იქნა ამოღებული?

2. პროკურატურისგან გვაინტერესებს იგივე ჯგუფის, იგივე ან ნაკლები ოდენობის ნარკოტიკული საშუალების ფლობის გამო (260-ე მუხლი) ბრალდებული პირების წინააღმდეგ რამდენჯერ იყო მოთხოვნილი აღკვეთის ღონისძიებად პატიმრობა, უკანასკნელი ერთი წლის განმავლობაში?

3. სასამართლოსგან გვაინტერესებს, იგივე ჯგუფის იგივე ან ნაკლები ოდენობის ნარკოტიკული საშუალების ფლობისთვის, რამდენ პირს შეეფარდა აღკვეთის ღონისძიებად პატიმრობა, უკანასკნელი ერთი წლის განმავლობაში?

4. სასამართლოსგან გვაინტერესებს, იგივე ან ნაკლები ოდენობის იგივე ჯგუფის ნარკოტიკული საშუალების ფლობისთვის რამდენ ადამიანს მიესაჯა ბოლო ერთი წლის განმავლობაში პატიმრობა?

5. სასჯელ აღსრულების სამინისტროსგან გვაინტერესებს რამდენი ადამიანი იხდის დღეს სასჯელს იგივე ჯგუფის, იგივე ან ნაკლები ოდენობის ნარკოტიკული საშუალების ფლობისთვის?

ჩვენ ვთვლით რომ ამ კითხვებზე პასუხის გაცემა აუცილებელია, იმისთვის რომ გამოვრიცხოთ შერჩევითი სამართლიანობის საფუძვლიანი ეჭვი ამ საქმეში, მით უმეტეს არსებობს ინფორმაცია, რომ დაზარალებული დაკავებისას ითხოვდა დახმარებას მაღალი თანამდებობის პირისგან, ქალაქის მერისგან.” – ნათქვამია გირჩის განცხადებაში.

შეგახსენებთ, რომ ჯიბღაშვილმა გლდანის ციხე გვიან ღამით, 10 ათას-ლარიანი გირაოს გადახდის შემდეგ დატოვა.

პროკურატურა ჯიბღაშვილისთვის 15 ათას-ლარიანი გირაოს შეფარდებას ითხოვდა, თუმცა თბილისის საქალაქო სასამართლომ მას აღკვეთი ღონისძიების სახით 10 ათას-ლარიანი გირაო შეუფარდა.

“ჩემი ცხოვრების არც ერთ ეტაპზე, არასოდეს მისარგებლია პირადი კონტაქტებით”-განაცხადა გლდანის ციხის დატოვების შემდეგ ლევან ჯიბღაშვილმა.

ჟურნალისტების შეკითხვაზე, ახსენებდა თუ არა დაკავების მომენტში შინაგან საქმეთა  მინისტრის მოადგილის კახა საბანაძის სახელს,  ჯიბღაშვილმა უპასუხა, რომ ის თავის იურისტ  კახა ასლანიშვილთან დარეკვას ითხოვდა.მან  უარყო გავრცელებული ინფორმაცია, რომ  დაკავების მომენტში კახა კალაძესთან დარეკვასაც ითხოვდა.

„ჩემთან ერთად გადაღებულ ძალიან ბევრი ადამიანი ფოტოს ნახავთ გამომდინარე ჩემი ძალიან დიდი კონტაქტებიდან. შეიძლება ითქვას, რომ ნახევარ საქართველოს ვიცნობ და ნახევარ საქართველოსთან მაქვს გადაღებული ფოტო, მათ შორის ყოფილ მინისტრებთან, ყოფილ პრემიერებთან და არ აქვს ამას მნიშვნელობა. აქედან გამომდინარე, მე, ჩემი ცხოვრების არც ერთ ეტაპზე, არასოდეს მისარგებლია პირადი კონტაქტებით. ეს იცის აბსოლუტურად ყველამ. ჩემმა წრემ და ძალიან ბევრმა ჟურნალისტმაც. მით უმეტეს მაშინ, როცა მე მომივიდა ასეთი შეცდომა, ,მით უმეტეს ამ მომენტში, არ ვისარგებლებდი არც ამ ადამიანით და არც სხვა დანარჩენი პიროვნებებით. კახა კალაძეს საერთოდ არ ვიცნობ, არასოდეს გამარჯობა არ გვითქვამს ერთმანეთისთვის. “, – განაცხადა ჯიბღაშვილმა.

მსახიობი ლევან ჯიბღაშვილი 10 ათასლარიანია გირაოს გადახდის შემდეგ გაათავისუფლეს.

ჯიბღაშვილს ბრალი სისხლის სამართლის კოდექსის 260 მუხლის პირველი და მესამე ა ქვეპუნქტებით ედება , რაც 5 დან 8 წლამდე თავისუფლების აღკვეთას გულისხმობს.

პროკურატურა ჯიბღაშვილისთვის 15 ათასლარიანი გირაოს შეფარდებას ითხოვდა. თუმცა თბილისის საქალაქო სასამართლომ მას აღკვეთი ღონისძიების სახით 10 ათასლარიანი გირაო გშეუფარდა.

ჩრდილოეთ კორეის ლიდერი კიმ ჩენ ინი რუსეთშია. რუსეთში კიმ ჩენ ინი გამთენიისას  ჯავშანმატარებლით ჩავიდა. 

25 აპრილს, ჩრდილოეთ კორეის ლიდერი რუსეთის პრეზიდენტს ვლადიმერ პუტინს შეხვდება.

ეს კიმ ჩენ ინისპირველი ვიზიტია  რუსეთში, ჩრდილოეთ კორეის ლიდერის რანგში.

ნარკოდანაშაულში ბრალდებული მსახიობი ლევან ჯიბღაშვილი 10 ათასლარიანი გირაოს სანაცვლოდ გათავისუფლდება.

სასამართლომ გადაწყვეტილება რამდენიმე წუთის წინ მიიღო.

პროკურატურა  მისთვის 15 ათას ლარიან გირაოს ითხოვდა.

მსახიობი გუშინ დააკავეს, მას ბრალი დიდი ოდენობით ნარკოტიკების შეძენა-შენახვისთვის  ედება ბრალად.

გამოძიების ინფორმაციით,  მისი მანქანიდან დიდი ოდენობით ნარკოტიკები ამოიღეს.  ჯიბღაშვილის ადვოკატი  ადასტურებს, რომ ნარკოტიკები ნამდვილად მისი მანქანიდან ამოიღეს, თუმცა ამბობს რომ სხვა გარემოებებზე მოგვიანებით ისაუბრებს.