Category: არქივი

ერთმნიშვნელოვნად მოვუწოდებ ყველას, ვინც ცდილობს ამ თემით სპეკულირებას და ეთნიკური შუღლის გაღვივებას, არ მოვერიდები ამ სიტყვებს, ძალიან ფრთხილად ვიყოთ ამ თემასთან, – ამის შესახებ შინაგან საქმეთა მინისტრმა, უსაფრთხოების ეროვნული საბჭოს მდივანმა გიორგი გახარიამ დავით გარეჯის გარშემო განვითარებულ მოვლენებთან დაკავშირებით განაცხადა.

დეპუტატმა ლევან კობერიძემ საპარლამენტო უმრავლესობა დატოვა. მან ამის შესახებ ჟურნალისტებს რამდენიმე წუთის წინ განუცხადა.

დეპუტატმა გადაწყვეტილების შესახებ რამდენიმე წუთის წინ ჟურნალისტებთან განაცხადა. მისი გადაწყვეტილება “საერთო სასამართლოების შესახებ“ კანონპროექტს უკავშირდება.

კობერიძე  ამბობს, რომ საქმიანობას დამოუკიდებელი დეპუტატის რანგში გააგრძელებს.

“არსებობს წითელი ხაზები, რისი გადაკვეთაც არ შეიძლება. ამიტომ მივიღე გადაწყვეტილება და ვტოვებ საპარლამენტო უმრავლესობას”, – განაცხადა  უმრავლესობის ყოფილმა დეპუტატმა.

პარლამენტმა ირაკლი კობახიძის მიერ მომზადებული კანონპროექტი უზენაესი სასამართლოს მოსამართლეთა დანიშვნის წესის შესახებ ხმათა უმრავლესობით მიიღო.

“გენტის” მთავარმა მწვრთნელმა იეს თორუპი ადასტურებს, რომ ქართველი თავდამსხმელს ტრავმა აქვს და ის ბევრად სერიოზული იყო, ვიდრე მათ ეგონათ. მისი განცხადებით გიორგი ჩაკვეტაძე ბელგიის თასის ფინალში “მეხელენის” წინააღმდეგ ვერ ითამაშებს.

“ზამთრის შესვენებიდან ვცდილობდით, ჩაკვეტაძე კარგად მოგვემზადებინა, ხოლო შემდეგ ნელ–ნელა სათამაშო დრო მიგვეცა და სრულფასოვნად დაბრუნებულიყო. ანდერლეხტთანაც უმნიშვნელო სიტუაციაში პატარა დაზიანება მიიღო, თუმცა სამწუხაროდ, ეს ტრავმა იმაზე ბევრად სერიოზულია, ვიდრე ველოდით. აქედან გამომდინარე, ის თასის ფინალში ვერ დაგვეხმარება,” – განაცხადა იეს თორუპმა.

შეგახსენებთ, ქართველმა ფეხბურთელმა მუხლზე დაზიანება დეკემბერში მიიღო და მას შემდეგ მის ტრავმაზე საუბარი არ წყდება. ცოტა ხნის წინ გავრცელდა ინფორმაცია თითქოს ჩაკვეტაძემ ტრავმა მოიშუშა და თამაშისთვის მზად იყო, თუმცა 2 თამაშის ჩატარების შემდეგ კვლავ დაიწყო მის ტრავმაზე საუბარი.

უკვე გადაწყვეტილია, რომ 19 წლის ქართველი ნახევარმცველი მუხლზე ოპერაციას გაიკეთებს და მის რეაბილიტაციას 6 თვე დასჭირდება.

87 მომხრე, 33 წინააღმდეგი- პარლამენტმა უზენაესი სასამართლოს მოსამართლეების არჩევის წესთან დაკავშირებული უმრავლესობის საკანონმდებლო პაკეტი მესამე მოსმენით დაამტკიცა.

კენჭისყრამდე “საერთო სასამართლოების შესახებ“ ორგანულ კანონში დაგეგმილ ცვლილებებზე პოლიტიკური დებატები გაიმართა.

საპარლამენტო ოპოზიცია ითხოვდა საკანონმდებლო პაკეტის მეორე მოსმენაზე დაბრუნებას, რასაც უმრავლესობის წევრები არ დაეთანხმნენ.

პარლამენტმა უზენაესი სასამართლოს მისამართლეების შერჩევის საკითხზე ეკა ბესელიას მიერ მომზადებული ალტერნატიული კანონპროექტი პირველი მოსმენით ჩააგდო.აღნიშნულ კანონპროექტს 29 დეპუტატმა დაუჭირა მხარი, 8 კი წინააღმდეგი იყო.

კანონპროექტით რეგულირდება უზენაესი სასამართლოს მოსამართლეთა კანდიდატების იუსტიციის უმაღლესი საბჭოს მიერ შერჩევის პროცედურა, დგინდება მოსამართლეთა საკვალიფიკაციო მოთხოვნები და იუსტიციის უმაღლესი საბჭოს მიერ შერჩეული კანდიდატების პარლამენტისთვის ასარჩევად წარდგენის პროცედურა.

კანონპროექტთან დაკავშირებით დასკვნა გამოაქვეყნა ვენეციის კომისიამ, თუმცა მათი ნაწილი უმრავლესობამ არ გაითვალისწინა.

კორექტირებული ვერსიის მიხედვით სასამართლოს მოსამართლეობის კანდიდატთათვის საკვალიფიკაციო გამოცდები გაუქმდა.

ასევე ჩაიწერა, რომ თუკი იუსტიციის უმაღლესი საბჭოს წევრი უზენაესი სასამართლოს მოსამართლეობის კანდიდატია, ის ხმის მიცემის უფლებით ვერ ისარგებლებს.

ქორეპისკოპოსი იაკობი ამბობს, რომ გიორგი გახარია ეროვნული უსაფრთხოების საბჭოს მდივნიპუტინის მიერაა დანიშნული. 

“რატომ დანიშნეს და ეტყობა პუტინმა სთხოვათ ან მოსთხოვა… რასაც ეგ აშავებს, ამდენ ხანს როგორ არის არ გიკვირს?! ცოტა ხანს, რამდენიმე დღე შემორჩება ეროვნული უსაფრთხოების საბჭოში , მერე ვნახოთ,”- ამბობს  ქორეპისკოპოსი იაკობი.

ეროვნული უსაფრთხოების საბჭოს მდივნის ფუნქცია ვიცეპრემიერს, შინაგან საქმეთა მინისტრ გიორგი გახარიას დაეკისრა.

ეროვნული უსაფრთხოების საბჭო 8-წევრიან სათათბირო ორგანოს წარმოადგენს, რომელსაც პრემიერ-მინისტრი ხელმძღვანელობს. საბჭოს მუდმივი წევრები არიან შინაგან საქმეთა, თავდაცვის, საგარეო საქმეთა და ფინანსთა მინისტრები, სახელმწიფო უსაფრთხოებისა და დაზვერვის სამსახურების ხელმძღვანელები და თავდაცვის ძალების მეთაური. საბჭო აღჭურვილია სტრატეგიულ დონეზე ეროვნული უსაფრთხოების პოლიტიკის დაგეგმვის და კოორდინაციის მანდატით.

“ნუ გააკეთებთ ისე, რომ ვარდების და ცოცხების რევოლუცია ქვების რევოლუციით დამთავრდეს“, – ეს განცხადება „პატრიოტთა ალიანსის წევრმა ემზარ კვიციანმა  პარლამენტის  პლენარულ სხდომაზე გააკეთა, სადაც უზენაესი სასამართლოს მოსამართლეების შერჩევის შესახებ ირაკლი კობახიძის კანონპროექტს მესამე მოსმენით განიხილავენ.

“5 წელიწადია სამართალს ვერ მივაღწიე, რადგან მურუსიძის კლანით არის შევსებული ჩვენი სასამართლო. ნუ გააკეთებთ ისე, როგორც პანკისში მოხდა და პანკისის ხეობის აჯანყება გამოიწვიეთ ბოლოს, ნუ გააკეთებთ ისე, მთელი საქართველო აგიჯანყდეთ, ვარდების და ცოცხების რევოლუცია ქვების რევოლუციით დამთავრდეს ბოლოს“, – განაცხადა  კვიციანმა.

მთავრობის ადმინისტრაციაში ეროვნული უსაფრთხოების საბჭოს პირველი სხდომა გაიმართა. საბჭოს მდივნად შინაგან საქმეთა მინისტრი გიორგი გახარია დაინიშნა.

გიორგი გახარიამ ეროვნული უსაფრთხოების საბჭოს სხდომის დასრულების შემდეგ კომენტარი გააკეთა და აღნიშნა რომ პირველი სხდომა ტექნიკურ დეტალებს ეხებოდა.

„პრემიერისგან მივიღეთ დავალებები. მე საბჭოს წევრებს გავაცანი უსაფრთხოების ეროვნული საბჭოს სტრუქტურა როგორ წარმოგვიდგენია. უახლოეს მომავალში საბჭო ამოქმედდება. მოგეხსენებათ, რომ საბჭო იქნება ძირითადი მაკოორდინირებელი ორგანო ყველა იმ უწყების, რომელიც ჩართულია ქვეყნის უსაფრთხოების უზრუნველყოფაში“, – განაცხადა  გახარიამ.

გახარიას ინფორმაციით, მომდევნო შეხვედრა ერთ თვეში გაიმართება.

ეროვნული უსაფრთხოების საბჭო   8 წევრისგან შედგება. საბჭოს მუდმივი წევრები არიან შინაგან საქმეთა, თავდაცვის, საგარეო საქმეთა და ფინანსთა მინისტრები, სახელმწიფო უსაფრთხოებისა და დაზვერვის სამსახურების ხელმძღვანელები და თავდაცვის ძალების მეთაური.

“ყველა ამ კონფლიქტში რუსეთი იყო საქართველოს მთავარი მოწინააღმდეგე,”- შეიარაღებული ძალების მეთაურმა ვლადიმერ ჩაჩიბაიამ გუშინდელ  განცხადებაზე   განმარტება გააკეთა. 

გენერალმა განმარტა, რომ ყველა ამ კონფლიქტში რუსეთი  საქართველოს მთავარი მოწინააღმდეგე იყო. 

ჩაჩიბაიამ მოუწოდა საზოგადოებას, რომ ნუ შეეცდებიან, სიტყვიდან ამოგლეჯილი ფრაზით მანიპულაციას.

„1990-იან წლებში მომხდარი აფხაზეთისა და სამაჩაბლოს კონფლიქტში რუსეთი იყო, როგორც დამგეგმარებელი, ასევე ის მონაწილეობდა მისი კონვენციური და არაკონვენციური ძალებით. რუსეთის მიერ ინსპირირებული და მხარდაჭერილი კონფლიქტების მე თავად გახლავართ მონაწილე ჩემს თანამებრძოლებთან ერთად. ჩვენ ვიცავდით ჩვენი ქვეყნის ერთიანობას და დამოუკიდებლობას. ყველა ამ კონფლიქტში რუსეთი იყო საქართველოს მთავარი მოწინააღმდეგე. ეს არის ჩემი და ყველა პატრიოტის და ყველა ჯანსაღად მოაზროვნე ქართველის პოზიცია, ამიტომ ყველას ვთხოვ, ნუ შეეცდებიან, ჩემი გამოსვლის ტექსტში ერთი ამოგლეჯილი ფრაზით მანიპულაციას,“ – განაცხადა ჩაჩიბაიამ.

შეგახსენებთ, რომ საქართველოს შეიარაღებული ძალების  დღესთან  დაკავშირებულ ღონისძიებაზე სიტყვით გამოსვლისას  ჩაჩიბაიამ განაცხადა, რომ საქართველომ ბოლო 28 წელიწადში 4 ომი გამოიარა, აქედან 3 სამოქალაქო და 1 რუსეთისგან ფართომასშტაბური აგრესია.

საპარლამენტო უმრავლესობის წევრ ზაზა პაპუაშვილსა და „ნაციონალურ მოძრაობის“ წევრ ნიკა მელიას შორის  დაპირისპირება მოხდა.

ნიკა მელიამ და ზაზა პაპუაშვილმა ერთმანეთს შეურაცხყმოფელი სიტყვებით მიმართეს, რასაც დაპირისპირება მოჰყვა.

ინციდენტი პარლამენტის შესასვლელ კართან, სესიის დაწყებამდე  მოხდა.

ზაზა პაპუაშვილმა ჟურნალისტებთან არ დააკონკრეტა რას მოჰყვა კამათი.

ნიკა მელია აცხადებს, რომ არ აპირებს მოითმინოს ზაზა პაპუაშვილისგან შეურაცხყოფის მოსმენა.

“აუცილებელია ე.წ რეიდების ჩატარება”-ამის შესახებ კალაძემ დედაქალაქის მთავრობის სხდომაზე განაცხადა.

კალაძის განცხადებით, სამშენებლო უსაფრთხოების მიმართულებით  მიდგომები უნდა გამკაცრდეს და სამშენებლო ობიექტებზე  მომუშავე ადამიანები მაქსიმალურად უნდა იყვნენ  დაცული. 

ამისათვის კალაძე სამშენებლო ობიექტებზე  ე.წ. რეიდებს აანონსებს. 

„ძალიან მნიშვნელოვანია კიდევ უფრო გავამკაცროთ ჩვენი მიდგომები და დამოკიდებულება სამშენებლო ობიექტებზე, რომ მაქსიმალურად დაცული იყოს იქ მომუშავე ადამიანების უსაფრთხოება. ამ მიმართულებით, გასულ წელს, მნიშვნელოვანი ცვლილებები განვახორციელეთ, გავამკაცრეთ რეგულაციები, თუმცა, აუცილებელია კიდევ უფრო მეტი ყურადღება, აუცილებელია ე.წ რეიდების ჩატარება, რომ ყველასთვის მოულოდნელი იყოს მისვლა  და გადამოწმება, რომ კიდევ ერთხელ, ადამიანებმა, ყველამ გაითავისოს, თუ რამდენად მნიშვნელოვანია თითოეული ადამიანის სიცოცხლე”, – განაცხადა თბილისის მერმა