“ლიბერალურ-დემოკრატიულ ღირებულებებზე დამყარებული სამოქალაქო ცნობიერების ჩამოყალიბება”-ზოგადი განათლების შესახებ კანონიდან ამ ტერმინის ამოღება ჩავარდა.
სხდომა ხმაურის ფონზე მიმდინარეობდა.ოპოზიციამ კანონპროექტზე კენჭისყრის გადადება მოითხოვა.
მათი მოთხოვნა იყო, რომ კანონპროექტი მაშინ გაეტანათ კენჭისყრაზე, სანამ საბოლოო სახით არ ჩამოყალიბდებოდა.
განათლების კომიტეტის თავმჯდომარე მარიამ ჯაშის თქმით, კანონპროექტიდან სიტყვა ლიბერალურს არ ამოიღებენ, რადგან ეს საკითხი პრინციპულად მნიშვნელოვანი არ არის.
მეორე მოსმენამდე კანონპროექტის ავტორები ნუკრი ქანთარია და გენადი მარგველაშვილი განათლების სამინისტროსთან კონსულტაციებს გამართავენ.
წარმოდგენილი კანონპროექტი კენჭისყრაზე პირველი მოსმენით მაინც დააყენეს, თუმცა ის დეპუტატებმა ჩააგდეს.