შინაგან საქმეთა სამინისტროს ინფორმაციით რიკოთის გვირაბში, მიმდინარე წლის 7-9 მაისს, გვირაბის სახანძრო–სავენტილაციო სისტემების შემოწმებისა და შესწავლის სამუშაოებთან დაკავშირებით, საავტომობილო მოძრაობა აიკრძალება.
• 7 მაისის 22:00 სთ-დან 8 მაისის 08:00 სთ-მდე;
• 8 მაისის 22:00 სთ-დან 9 მაისის 08:00 სთ-მდე;
• 9 მაისს 14:00 სთ-დან 20:00 სთ-მდე.
რიკოთის გვირაბის ჩაკეტვის პერიოდში საავტომობილო მოძრაობა შესაძლებელი იქნება გვირაბის შემოვლით გზაზე.
“რუსთავი 2 გადადის საგანგებო მდგომარეობაზე გადადის”-ნიკა გვარამიამ საგანგებო ბრიფინგზე რუსთავი-2-ის წინააღმდეგ ახალ სარჩელზე განაცხადა.
“დაიწყო რუსთავი 2-ზე შეტევის ახალი ფაზა და რა თქმა უნდა ეს ფაზა იქნება უკანასკნელი და გადამწყვეტი არა მხოლოდ რუსთავი 2 -სთვის არამხოლოდ თავისუფალი სიტყვისთვის ამ ქვეყანაში ეს იქნება ძალიან მნიშვნელოვანი ეტაპი და ძალიან სიმბოლურია რომ ეს ბრძოლა რუსული ორიენტაციის ძალებსა და დასავლური ორიენტაციის ძალებს შორის და იმედი მაქვს რომ ყველა დასავლური ორიენტაციის ზალა გააცნობიერებს ამას, ეს ბრძოლა გადის რუსთავი 2-ზე.
სასამართლოს მორიგ სარჩელს ნიკა გვარამია მოსარჩელეს ალტერნატიულ დავას სთავაზობს.
“მე ვთავაზობ ქალბატონ ნიჟარაძეს გამოიტანოს სარჩელი ქართული სასამართლოდან და შეიტანოს ნებისმიერ საერთაშორისო არბიტრაჟში, ვიდავოთ იმ სასამართლოში, რომლიოსაც ორივე მხარესაც გვჯერა, თუ ეს არის დავა 2 ბიზნესსუბიექტს შორის, შეიტანოს სარჩელი ნებისმოერ არბიტრაჟში”-განაცხადა გვარამიამ.
2017 წლის 2 მარტს, უზენაესმა სასამართლომ რუსთავი 2 ქიბარ ხალვაშს მიაკუთვნა. ამის შემდეგ, ევროსასამართლომ, 39-ე მუხლის საფუძველზე, უზენაესი სასამართლოს გადაწყვეტილების აღსრულების უვადოდ შეჩერების გადაწყვეტილება მიიღო.
სამხრეთ ოსეთის დე ფაქტო რესპუბლიკის ხელისუფლება ეგრეთ წოდებული საზღვრის ჩაკეტვის გადაწყვეტილების შესახებ იუწყება. ინფორმაციას დე ფაქტო რესპუბლიკის ინფორმაციის სახელმწიფო კომიტეტის სააგენტო „რესი“ ავრცელებს. ე.წ. საზღვრის დაკეტვას 9 მაისს, მეორე მსოფლიო ომის აღსანიშნავ ღონისძიებებს უკავშირებენ.
„უსაფრთხოების ზომების უზრუნველსაყოფად, დიდ სამამულო ომში გამარჯვების 74-ე წლისთავთან დაკავშირებით, 8 მაისის 20 საათიდან, დროებით შეჩერდება მოქალაქეთა გადაადგილება სახელმწიფო საზღვარზე“, – წერია განცხადებაში. დე ფაქტო ხელისუფლების ცნობით, გამშვები პუნქტები 10 მაისს დილის 6 საათზე გაიხსნება.
.
„დარწმუნებული ვარ, რომ ვერც ერთ ქართველ ემიგრანტს ვერ შეიყვანენ შეცდომაში“, – ამის შესახებ სოციალურ ქსელში ევროვიზიის კონკურსზე საქართველოს წარმომადგენელი ოთო ნემსაძე წერს.
ევროვიზიის კონკურსის ქართველი მონაწილე სოციალურ ქსელში იმ ფაქტს აპროტესტებს, რომ ემიგრანტებს თამთა გოდუაძის მხარდაჭერისკენ მოუწოდებენ.
“აი ესეთი გამყიდველები ჩაგრავდნენ ჩვენს ქვეყანას ყოველთვის.შანსებიც გვაქვს და მაგარ ლაივსაც დავდებთ.დარწმუნებული ვარ რომ ვერც ერთ ქართველ ემიგრანტს ვერ შეიყვანენ შეცდომაში.
აქ საქმე არ ეხება ოთო ნემსაძეს აქ საქმე საქართველოშია, ასე რომ ყველა ერთად დავუდგეთ ჩვენს ქვეყანას გვერდში,წარმატებები თამთას”-წერს ოთო ნემსაძე.
შეგახსენებთ, რომ ცოტა ხნის წინ გავრცელდა თამთა გოდუაძის ვიდეომიმართვა, სადაც ის უცხოეთში მცხოვრებ ქართველებს მხარდაჭერისკენ მოუწოდებს. საბერძნეთში მოღვაწე ქართველი მომღერალი ევროვიზიის კონკურსზე კვიპროსის სახელით მონაწილეობს.
“სოფელ დუისში ჩატარებული სპეცოპერაციის საქმეზე გამოძიება დასკვნით ეტაპზეა და უახლოესი 2 თვის განმავლობაში მიღებული იქნება შემაჯამებელი გადაწყვეტილება,”-თემირლან მაჩალიკაშვილის საქმეზე სპეციალურ განცხადებას საქართველოს პროკურატურა ავრცელებს.
“თბილისის პროკურატურის საგამოძიებო ნაწილში მიმდინარეობს გამოძიება 2017 წლის 26 დეკემბერს, ახმეტის რაიონში, სოფელ დუისში ჩატარებული სპეცოპერაციის დროს, სამსახურებრივი უფლებამოსილების, იარაღის გამოყენებით, შესაძლო გადამეტების ფაქტზე, (დანაშაული გათვალისწინებული საქართველოს სისხლის სამართლის კოდექსის 333-ე მუხლის მე-3 ნაწილის „ბ“ ქვეპუნქტით).
ამ ეტაპზე, საქმეზე ჩატარებულია მთელი რიგი საგამოძიებო და საპროცესო მოქმედებები, მათ შორის: დათვალიერებულია შემთხვევის ადგილი და ამოღებულია გამოძიებისთვის მნიშვნელოვანი ნივთები, ჩატარებულია სასამართლო-სამედიცინო და კომპლექსური (გენეტიკური, ბალისტიკური, ტრასოლოგიური) ექსპერტიზები.
გამოძიებამ გამოკითხა არაერთი პირი, მათ შორის თემირლან მაჩალიკაშვილის ოჯახის წევრები, მეზობლები. ასევე გამოკითხულია საგამოძიებო მოქმედებაში მონაწილე ყველა პირი (სახელმწიფო უსაფრთხოების სამსახურის თანამშრომლები).
გარდა ამისა, თემირლან მაჩალიკაშვილის ოჯახის და მათი ინტერესების დამცველი ადვოკატების მოთხოვნით, მათი და მათ მიერ მოწვეული ექსპერტების უშუალო მონაწილეობით ჩატარდა არაერთი საგამოძიებო მოქმედება. ამასთანავე, გამოძიების ყველა ეტაპზე, საგამოძიებო ორგანოსა და აღნიშნულ პირებს შორის აქტიურად მიმდინარეობდა და დღესაც მიმდინარეობს კომუნიკაცია. ოჯახის ინტერესების დამცველი ადვოკატები არაერთხელ გაეცნენ მოცემულ სისხლის სამართლის საქმეს.
ამავდროულად, საქმეზე დანიშნულია კომისიური სასამართლო-სამედიცინო ექსპერტიზა თემირლან მაჩალიკაშვილისთვის ჩატარებული სამედიცინო დახმარების დროულობისა და ადეკვატურობის დასადგენად, რომელიც დღეის მდგომარეობითაც არ დასრულებულა.
ამჟამად, მოცემულ საქმეზე კვლავ ინტენსიურად ტარდება ყველა საჭირო და შემხვედრი საგამოძიებო მოქმედებები, თუმცა გამოძიება დასკვნით ეტაპზეა და უახლოესი 2 თვის განმავლობაში მიღებული იქნება შემაჯამებელი გადაწყვეტილება,”-ნათქვამია პროკურატურის მიერ გავრცელებულ განცხადებაში.
უკრაინის მოქმედი პრეზიდენტი პეტრო პოროშენკო პროკურატურაშია დაბარებული.პოროშენკოს სავარაუდოდ, 7 მაისს დაჰკითხავენ.
როგორც უკრაინის გენერალურ პროკრატურაში განაცხადეს, პოროშენკოს დაკითხვა ევრომაიდნის აქტივისტების წინააღმდეგ ჩადენილი დანაშაულებების გამოძიების ფარგლებში სურთ.
აღსანიშნავია, რომ ეს არ არის პირველი შემთხვევა, როდესაც პოროშენკოს გენერალურ პროკურატურაში იბარებენ.
2016 წლის ნოემბერში უკრაინის მოქმედმა პრეზიდენტმა ჩვენება ამ საქმეზე მისცა, თუმცა მას დაკითხვის პროტოკოლისთვის ხელი არ მოუწერია.
საბერძნეთში მოღვაწე ქართველი მომღერალი თამთა გოდუაძე, ევროვიზიის კონკურსში მონაწილეობას იღებს და ქართველებს მხარდაჭერას სთხოვს. ვიდეომიმართვა
ევროვიზიის ქართული ფანკლუბის იუთუბის გვერდზე გამოჩნდა.
თამთა კვიპროსის სახელით იასპარეზებს და შეასრულებს სიმრერას „RERLAY“.
ევროვიზიის ნახევარფინალის კონკურსი 14 მაისს გაიმართება, 18 მაისს კი ფინალში, კონკურსის გამარჯვებული გამოვლინდება.
საქართველოს ევროვიზიაზე ოთო ნემსაძე წარადგენს. ქართველი მონაწილე რომან გიორგაძის სიმღერას „სულ წინ იარეს“ შეასრულებს.
კახეთში კალაპოტიდან გადმოსულმა მდინარე ალაზანმა საავტომობილო გზა დატბორა. შედეგად, წნორი-ლაგოდეხის მიმართულებით მოძრაობა ჩაიკეტა.
ამ დროისთვის კახეთში მაშველები მუსაობენ, ისინი წყალში ჩარჩენილი ავტომობილების გამოყვანას ცდილობენ.
მდინარე ალაზანში წყლის დონე ისევ მატულობს.
ანონსი
7 მაისს, 14.00 საათზე საქართველოს რაგბის კავშირში გაიმართება პრესკონფერენცია თიბისი რაგბის სერიების შესახებ.
მისამართი: ჭაბუა ამირეჯიბის გზატკეცილი #6
მეგან მარკლმა ცოტა ხნის წინ ბიჭი გააჩინა.
ბრიტანეტის სამეფოში ახალი ოჯახის წევრის დაბადება პრინცმა ჰარიმ დაადასტურა და საზოგადოებას მხარდაჭერისთვის მადლობა გადაუხადა.
მან ასევე განაცხადა, რომ ბავშვის სახელი ჯერ არ მოუფიქრებიათ.