Category: არქივი

პარლამენტის თავმჯდომარის, არჩილ თალაკვაძის განცხადებით, ყველა პირობა არსებობს იმისთვის, რომ შეთანხმება ოპოზიციასა და მმართველ გუნდს შორის შედგეს.

,,ჩვენი მხრიდან დღეს ყველა სამართლიანი, პრაგმატული და მოთხოვნილი პირობა არის აბსოლუტურად დაკმაყოფილებული და ეს იცის ოპოზიციამ”,- ამბობს თალაკვაძე.

მისივე თქმით, ,,ქართული ოცნება” მხარს უჭერს 40%-იან პრინციპს, რაც ნიშნავს, რომ 40%-ზე ნაკლები მხარდაჭერით პარტიას მთავრობის დაკომპლექტების უფლება არ ექნება. თალაკვაძე ამბობს, რომ მმართველ გუნდს არც კი უფიქრია ამაზე საარჩევნო კამპანიის დაგეგმვისას, რადგან ყველა საპარლამენტო არჩევნებში ამაზე მაღალი შედეგი აჩვენეს. 

,,ოპოზიცია არ ელოდა, 10 დღის განმავლობაში მათი მთავარი სპიკერები ამბობდნენ, რომ პარტიას , რომელსაც 40%-ზე დაბალი მხარდაჭერა აქვთ, არ უნდა ჰქონდეთ უმრავლესობის დაკომპლექტების შესაძლებლობა. რა თქმა უნდა, ჩვენი პოზიციაც ეს არის. ჩვენ არც კი გვიფიქრია ოდესმე ჩვენი კამპანიის დაგეგმვისას, არც ერთ საპარლამენტო არჩევნებში ჩვენ არ გვქონია ამაზე ნაკლები შედეგი. ჩვენ ვგეგმავთ, რომ გავიმარჯვოთ დამაჯერებლად და მივიღოთ 40-ზე გაცილებით მაღალი შედეგი”,- აცხადებს პარლამენტის თავმჯდომარე.  

რაც შეეხება მანდატების განაწილების პროპორციებს, თალაკვაძის განცხადებით, ეს მეორეხარისხოვანი იქნება, თუ კანონმდელობაში 40%-ის პრინციპი აისახება. 

,,თუ 40%-ის პრინციპი იქნება ასახული კანონმდებლობაში, 110/40-ზეც , 100/50-ზეც რეალურად ხდება მეორეხარისხოვანი, ვინაიდან ამ ჩამკეტის, ანუ ამ 40%-იანი ბარიერის დაწესების შემთხვევაში, ეს განაწილება 10-ით მეტი იქნება თუ ნაკლები, დიდ გავლენას საბოლოო შედეგებზე ვერ ახდენს”,- ამბობს ,,ქართული ოცნების” ლიდერი. 

ის ასევე აღნიშნავს, რომ იმ პოლიტიკურ პარტიას, რომელიც ხელს შეუშლის შეთანხმებას, მოუწევს საზოგადოებას და საერთაშორისო პარტნიორებს აუხსნას, რა იყო რეალური მიზეზი და მოტივაცია, რაც შეთანხმებისთვის ხელისშემშლელი გახდა.

დღეს ,,ქართული ოცნების” ოფისში უმრავლესობის სხდომა გაიმართა, სადაც საარჩევნო სისტემაზე იმსჯელეს.

აჰა მთავრობამ აკრძალა ხალხმრავალი ღონისძიებები. რა თქმა უნდა საპროტესტო აქციებიც შედის აქ – ამის შესახებ „ლეიბორისტული პარტიის“ ლიდერმა შალვა ნათელაშვილმა სოციალურ ქსელში დაწერა.

„აჰა მთავრობამ აკრძალა ხალხმრავალი ღონისძიებები. რა თქმა უნდა საპროტესტო აქციებიც შედის აქ. გეუბნებოდით ვირუსი ივანიშვილს ტუზივით ეცემა მეთქი. ამაზე ბიძინოიდები ქირქილებდნენ ან ტრადიციულად იგინებოდნენ. მაგრამ, ფაქტი სახეზეა, სანამ არ შემოიტანეს დაავადება, საზღვარი, იგივე ირანთან ცოცხალი თავით არ დაკეტეს. ამიტომ შეფასდება, ეს მათი მოცილების შემდეგ, განზრახ სასიკვდილო ინფექციის გავრცელებაში ხელისშეწყობად და ივანიშვილის თამადობით აგებენ პასუხს კანონის მთელი სიმკაცრით“, – წერს შალვა ნათელაშვილი.

ინფექციური საავადმყოფოს დირექტორი თენგიზ ცერცვაძე ამბობს, რომ ზიარებისას ერთჯერადი კოვზების გამოყენებას რეკომენდაციას გაუწევდა.

მისივე თქმით, მიუხედავად რეკომენდაციისა, რელიიგიის კომპეტენციაში ვერ ჩაერევა.

,,ვერ ჩავერევი რელიგიის კომპეტენციაში, მაგრამ მე რა თქმა უნდა რეკომენდაციას გავუწევდი ერთჯერადი კოვზების გამოყენებას”,- ამბბოს ცერცვაძე.

პრესკონფერენციაზე დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ თქვა, რომ რელიგიურ რიტუალებთან დაკავშირებით რეკომენდაციების ვერ გასცემს.

29 თებერვალს საპატრიარქომ განცხადება გაავრცელა, რომელშიც წერდა, რომ ეკლესია საერთო კოვზიდან ზიარების პრაქტიკის შეცვლას არ აპირებს, რადგან საშიში ინფექციები ადრეც გავრცელებული და მორწმუნეები ამას არ უშინდებოდნენ.

დღეს მეუფე ნიკოლოზმა მრევლს მოუწოდა, ნაკურთხი წყალი ასხურონ სახლში და კორონავირუსი არ მიეკარებათ. მან თქვა, რომ ,,ღვინო ანტისეპტიკურია და მასში გაწმენდილი კოვზი ბაქტერიებისგან თავისუფალია”.

დაავადებათა კონტროლის ეროვნული ცენტრის ხელმძღვანელის, ამირან გამყრელიძის თქმით, რელიგიურ რიტუალებთან დაკავშირებით რეკომენდაციების ვერ გასცემენ.

,,არ ვარ სასულიერო პირი და არ მაქვს უფლება რეკომენდაციაში ჩავდო ის სპეციფიკა და ნიუანსები, რაც რელიგიურ რიტუალებთან არის დაკავშირებული”,- აცხადებს გამყრელიძე.

მისი თქმით, საპატრიარქოს თხოვნით, სასულიერო პირებთან შეხვედრა ჩაატარეს და ზოგად ჰიგიენასთან დაკავშირებით რეკომენდაციები მისცეს.

29 თებერვალს საპატრიარქომ განცხადება გაავრცელა, რომელშიც წერდა, რომ ეკლესია საერთო კოვზიდან ზიარების პრაქტიკის შეცვლას არ აპირებს, რადგან საშიში ინფექციები ადრეც გავრცელებული და მორწმუნეები ამას არ უშინდებოდნენ.

დღეს მეუფე ნიკოლოზმა თქვა, რომ ,,ღვინო ანტისეპტიკურია და მასში გაწმენდილი კოვზი ბაქტერიებისგან თავისუფალია”. მან მრევლს მოუწოდა, ნაკურთხი წყალი ასხურონ სახლში და კორონავირუსი არ მიეკარებათ.

პრემიერ-მინისტრის ხელმძღვანელობით კორონავირუსთან დაკავშირებით მოქმედმა უწყებათაშორისმა საკოორდინაციო საბჭომ მორიგი სხდომა გამართა. არსებული ვითარების შესახებ ინფორმაციის ურთიერთგაცვლისა და კოორდინირებული ნაბიჯების გადადგმის მიზნით უწყებათაშორისი საბჭო მთავრობის მეთაურთან ინტენსიურ რეჟიმში იკრიბება.

როგორც „ პრემიერ-მინისტრის პრესსამსახური  აცხადებს, საბჭოს დღევანდელ სხდომაზე აღინიშნა ის ფაქტი, რომ ახალი კორონავირუსით ინფიცირებულთა რაოდენობა არ გაზრდილა, ხოლო ამ დრომდე ინფიცირებული სამი პირის ჯანმრთელობის მდგომარეობა დამაკმაყოფილებელია. საკოორდინაციო საბჭოს მიაწოდა ინფორმაცია, რომ ამ ეტაპზე კარანტინში 100-ზე მეტი ადამიანი რჩება.

კორონავირუსის გავრცელების აღკვეთის მიზნით, უწყებათაშორისი საკოორდინაციო საბჭო მოუწოდებს საქართველოს მოქალაქეებს, თავი შეიკავონ მოგზაურობისგან, განსაკუთრებით კი, ჯანდაცვის მსოფლიო ორგანიზაციის მიერ მაღალი რისკის ზონებად განსაზღვრულ ქვეყნებში.

უწყებათაშორისი საბჭოს სხდომაზე შინაგან საქმეთა სამინისტროსა და ფინანსთა სამინისტროს საბაჟო დეპარტამენტს მიეცათ დავალება, საქართველოს მასშტაბით ყველა სასაზღვრო-გამშვებ პუნქტსა და აეროპორტებში დამონტაჟდეს თანამედროვე სტანდარტების შესაბამისი საველე კარვები, სადაც ჯანმრთელობის მსოფლიო ორგანიზაციის მიერ მაღალი რისკის ზონებად განსაზღვრული ქვეყნებიდან შემოსული მგზავრები სპეციალურ დაწესებულებაში გადაყვანამდე განთავსდებიან.

ახალი კორონავირუსის გავრცელების პრევენციის მიზნით, უწყებათაშორისმა საბჭომ გასცა რეკომენდაცია საზოგადოებრივი თავშეყრის ადგილებში ხალხმრავალი ღონისძიებების გაუქმების შესახებ. აღნიშნული ინფორმაცია უკვე მიეწოდათ ადგილობრივ თვითმმართველობებს.

ამასთან, აქტიურ ფაზაში გადავიდა საქართველოს მასშტაბით სკოლებსა და საბავშვო ბაღებში სადეზინფექციო სამუშაოები. სასწავლო დაწესებულებები, ისევე, როგორც საზოგადოებრივი ტრანსპორტი, ჯანდაცვის სამინისტროს რეკომენდაციების შესაბამისად, სპეციალური ხსნარებით მუშავდება.

უწყებათაშორისი საკოორდინაციო საბჭო პრემიერ-მინისტრის ხელმძღვანელობით სხდომებს სისტემატურ რეჟიმში განაგრძობს, ქვეყანაში პანიკის საფუძველი არ არსებობს და მთავრობა სრულად მართავს პროცესს.

,,ქართული ოცნების” დეპუტატის, ლადო კახაძის აზრით, ყველა ადამიანი დაბადებიდან მაჟორიტარია, ხოლო შემდეგ აყალიბებს საზოგადოებას და პარტიას.

,,მე მაქვს ასეთი ნათქვამი ხმამაღლა, სატელევიზიო სივრცეშიც, უმრავლესობაშიც და მოსახლეობის დიდმა ნაწილმა ჩემი, როგორც ერთი ადამიანის აზრი იცის. ადამიანი დაიბადება თუ არა, არის მაჟორიტარი. თქვენ ყველა მაჟორიტარები ხართ. ინდივიდები ხართ, მაგრამ მერე, გარკვეული დროის მერე თქვენს ცხოვრებას უკავშირებთ ერთმანეთს, ქმნით საზოგადოებას, ქმნით გუნდს. აი, ეს გუნდი ამაყია თითოეული თქვენგანის შენატანი წვლილით, როგორც ინტელექტუალური, ასევე ბრძოლისუნარიანი და ბევრი რამ.

მე ვთვლი, რომ საქართველოს აქვს ის პოტენციალი, რომ თავისი მაჟორიტარებისგან, თავისი კარგად ორგანიზებული ადამიანისაგან, შექმნან პარტიები”,- ამბობს კახაძე.

ჯანდაცვის მინისტრის, ეკატერინე ტიკარაძის განცხადებით, ამ ეტაპზე ქვეყანაში ეპიდემიის გავრცელების რისკი დაბალია.

მისი თქმით, კარანტინში 100-ზე მეტი პაციენტია მოთავსებული და სამინისტრო დამატებითი საკარანტინე სივრცეების მოძიებაზე მუშაობს.

,,ამ ეტაპზე, კორონავირუსით დაინფიცირებული სამი პაციენტი თავს გრძნობს კარგად. ისინი ექვემდებარებიან მკურნალობას. ასზე მეტი პაციენტი მოთავსებულია საკარანტინო სივრცეებში. ჩვენ ვმუშაობთ დამატებით სივრცეების მოძიებაზე. ამ ეტაპზე გორის სამხედრო ჰოსპიტალიც უზრუნველყოფს დამატებით ადგილს, ასევე მიმდინარეობს მუშაობა საერთაშორისო პარტნიორებთან, დღეის მდგომარეობით, ქვეყანაში ეპიდსიტუაცია არის დამაკმაყოფილებელი, ამ ეტაპისთვის საქართველოში ეპიდემიის გავრცელების რისკი არის დაბალი”,- ამბობს ტიკარაძე.

შეგახსენებთ, რომ საქართველოში კორონავირუსით 3 ადამიანია ინფიცირებული და მათი მდგომარეობა დამაკმაყოფილებელია. 

ახალქალაქისა და კუმურდოს მიტროპოლიტის მეუფე ნიკოლოზი ამბობს, რომ ღვინო, რომელიც ზიარებისას გამოიყენება, ანტისეპტიკური და ბაქტერიებისგან თავისუფალია- ქრისტეს სისხლია და ,,წვავს და განწმენდს ყველაფერს”.

,,ღვინო, რომელიც ბარძიმში გარდაიქმნება სისხლად, რითიც ვეზიარებით, არის ანტისეპტიკი, რელიგიური შინაარსის გარეშე რომ ვთქვათ. ღვინოში გაწმენდილი კოვზი არის თავისუფალი ბაქტერიებისგან. რაც შეეხება ერთჯერად კოვზებს, ეს არის პრინციპულად არასწორი. იმიტომ რომ, გარდა იმისა, რომ ღვინო სისხლად გარდაიქცევა, გვჯერა, რომ ეს არის ქრისტეს სისხლი და ხორცი, რომელიც თვითონ წვავს ყველაფერს და განწმენდს ყველანაირ ავადმყოფობას”,- ამბობს მეუფე ნიკოლოზი.

მეუფე მრევლს მოუწოდებს, საღამოს ნაკურთხი წყალი აპკურონ სახლში და კორონავირუსი არ მიეკარებათ.

,,პანიკის ატეხვა არაა სწორი. ქართველებს გვაქვს ასეთი ანდაზა: დედის წინ მორბენალ კვიცს ან მგელი შეჭამს ან მგლის ფერი ძაღლიო. მგელი არის ეს კორონავირუსი და მგლისფერი ძაღლი არის პანიკა, რომელიც უფრო საშიშია, ვიდრე თვითონ კორონავირუსი, ამიტომ მოვუწოდებ მოსახლეობას, ნუ მიეცემით პანიკას. პატრიარქმა ასეთი რამ თქვა, ყოველ დილას და საღამოს ნაკურთხი წყალი ვასხუროთ სახლში, რამდენმა ადამიანმა შეასრულა ეს ლოცვა-კურთხევა? გააკეთეთ და არ მოგეკარებათ ეს კორონავირუსი”,- თქვა მეუფე ნიკოლოზმა.