Category: არქივი

გუშინ კახეთში, უბედური შემთხვევა მოხდა. ლაგოდეხში ექსკურსიაზე მყოფი 16 წლის მოსწავლე ხევში გადავარდა.

16 წლის გოგონა კერძო სკოლა “ალბიონის” მოსწავლეა. როგორც სოციალური ქსელიდან ირკვევა, რომ ის ბლოგერისა და სოციალური მედიის მენეჯერის სალომე ბარკერის უმცროსი და არის.

“ვე­ძებთ სო­ფის”,-დაწერა სალომე ბარკერმა ფეისბუქის საკუთარ გვერდზე.

ლაგოდეხში, 16 წლის მოზარდის სამძებრო სამუშაოებში მყვინთავები ჩაერთნენ. ექსკურსიაზე მყოფ მოსწავლეს მაშველები გუშინ საღამოდან ეძებენ.
სამაშველო სამსახურის ინფორმაციით, სავარაუდოდ გოგონას ადგილსამყოფელი ცნობილია, თუმცა, რთული მდებარეობის გამო, ადგილამდე მიღწევა ვერ ხერხდება, რის გამოც მდინარეს კალაპოტი უნდა შეუცვალონ.

რუსთავში, მეგობრობის გამზირზე ხანძრის დროს, სამმა სამხედრო მომსახურემ  ორი მცირეწლოვანი ბავშვი გადაარჩინა. ამის შესახებ ინფორმაციას ადგლობრივი მედია”ინფო რუსთავი“ ავრცელებს.

მათი ინფორმაციით, ჯარისკაცები რუსთავში გასამართ ღონისძიებაზე მიდიოდნენ, რა დროსაც გზიდან შეამჩნიეს, რომ ფანჯრიდან კვამლი გამოდიოდა, ადგილზე მისულებს კი ბინაში ძლიერი ხანძარი დახვდათ. ვრცელდებოდა ინფორმაცია, რომ სახლში ორი მცირეწლოვანი იმყოფებოდა. მეზობლების თქმით, ბავშვების მამა გარეთ იყო და სახლში ვერ შედიოდა. მცირეწლოვნები სახლიდან ჯარისკაცებმა გამოიყვანეს.

მაღალი დაკვამლიანების შედეგად სამხედროებმა მძიმე ინტოქსიკაცია მიიღეს. ერთ-ერთი მათგანი ინგოროყვას კლინიკაშია გადაყვანილი, ხოლო ორს – კლინიკა “რუსთავში“ შესაბამისი სამედიცინო კვლევები უტარდება.

„ჯორჯიან მანგანეზი“ გაფიცულ თანამშრომლებთან დაკავშირებით განცხადებას ავრცელებს,მასში ის პირობებია ის პირობებია ჩამოთვლილი, რომელიც გაფიცულებს გუშინ  შესთავაზეს.

“1. 2019 წლის 1-ელი ივლისიდან, რესტრუქტურიზაცია-რეორგანიზაციის დაწყებისთანავე, ხელფასის 25%-იანი, ეტაპობრივი ზრდა, უფრო კონკრეტულად: 2019 წლის 1-ელი ივლისიდან – 15%-იანი ზრდა, ხოლო 2020 წლის 1-ელი ივლისიდან – 10%-იანი ზრდა;

2. ხელფასის მატებასთან დაკავშირებით, კომპანიას თანამშრომლებისთვის შეთავაზებული ჰქონდა ალტერნატიული წინადადებაც: წლის 1-ელი ივლისიდან – ხელფასის 10 %-იანი ზრდა რესტრუქტურიზაცია-რეორგანიზაციის ხარჯზე; ასევე, 26 მაისის მდგომარეობით, კომერციულ ბანკებში მათ მიერ აღებული საბანკო სესხების დაფარვა;

სახელფასო დანამატები გავრცელდება 1000 ლარამდე ხელფასის მქონე პირებზე.

3. კონტრაქტორი კვებითი კომპანიის ახლით ჩანაცვლება, რაც დასაქმებული თანამშრომლების კვების რაციონისა და ხარისხის გაუმჯობესების პირობა გახდება;

4. სადაზღვევო კომპანიასთან პრობლემური საკითხების დარეგულირება და დასაქმებული პირების მოთხოვნებთან შესაბამისობაში მოყვანა;

5. ჭიათურაში მძიმეწონიანი მანქანების მოძრაობის სრულად შეზღუდვა;

6. 3 თვის ვადაში კონტრაქტორი კომპანიების მიერ ნაწარმოები მანგანუმის მადნის გადასაზიდი სარკინიგზო ტერმინალის მშენებლობის უზრუნველყოფა;

7. ჭიათურაში, სანატორიუმის მიმდებარე ტერიტორიაზე მშენებარე პარკისა და ატრაქციონების პარკის მშენებლობის დაფინანსება-კეთილმოწყობაში მონაწილეობა;

8. ჭიათურის მერიისთვის დასუფთავების სპეციალური ტექნიკის შეძენა და გადაცემა;

9. კარიერების შესასვლელებში საკარიერო მანქანების გარეცხვის უზრუნველსაყოფად სპეციალური სამრეცხაოების მოწყობა;

10. ზემოაღნიშნული პირობების შესრულებაზე კონტროლისა და ზედამხედველობის განხორციელება დასაქმებულების მიერ შეთავაზებული პროფკავშირების მიერ.

აღსანიშნავია, რომ ეს არის ის მაქსიმუმი, რის შეთავაზებაც დღეს „ჯორჯიან მანგანეზს“ შეუძლია, რათა ჭიათურაში უკიდურესად დაძაბული ვითარების დარეგულირება და განმუხტვა შესაძლებელი გახდეს, რაც ამ სიტუაციაში უმნიშვნელოვანესია როგორც კომპანიის თანამშრომლებისთვის, ასევე – რიგითი ჭიათურელებისთვის.

სამწუხაროა, რომ „ჯორჯიან მანგანეზის“ შეთავაზებებს დასაქმებულები არ დათანხმდნენ“- ნათქვამია ჯორჯიან მანგანეზის მიერ გავრცელებულ განცხადებაში.

დღეს, პარლამენტში ბიუროს სხდომაზე სკოლის მოსწავლეების ტრანსპორტირებასთან დაკავშირებული კანონპროექტს განიხილავენ.

საკანონმდებლო წინადადების თანახმად, სასკოლო ღონისძიებების დროს მძღოლებს მოსწავლეების გადაადგილების უფლება იმ შემთხვევაში ექნებათ, თუ ისინი გარკვეული ტიპის დოკუმენტაციას წარადგენენ.

საპარლამენტო უმრავლესობის წევრებმა მოამზადეს საკანონმდებლო ცვლილებები, რომელიც
„საგზაო მოძრაობის შესახებ“ კანონში უნდა შევიდეს.ცვლილებების თანახმად, სასკოლო ღონისძიებაზე მძღოლის მიერ მოსწავლეთა უსაფრთხო გადაყვანის წესების დარღვევაზე ჯარიმები წესდება.

ლაგოდეხში, 16 წლის მოზარდის სამძებრო სამუშაოებში მყვინთავები ჩაერთნენ. ექსკურსიაზე მყოფ  მოსწავლეს მაშველები გუშინ საღამოდან ეძებენ, 16 წლის გოგონას   ჩანჩქერის მიმდებარე ტერიტორიაზე ფეხი დაუცდა და ხევში გადავარდა.

სამაშველო სამსახურის ინფორმაციით, ცნობილია მისი ადგილსამყოფელი, თუმცა, რთული მდებარეობის გამო, ადგილამდე მიღწევა ვერ ხერხდება, რის გამოც მდინარეს კალაპოტი უნდა შეუცვალონ.

უბედური შემთხვევა გუშინ  მოხდა. კერძო სკოლა “ალბიონის” მოსწავლეები ექსკურსიაზე იმყოფებოდნენ, რა დროსაც 16 წლის მოზარდს ფეხი დაუცდა და დინებამ წაიღო. ექსკურსიაზე მყოფი მოსწავლეები და მშობლები ლაგოდეხის პოლიციაში წუხელვე გამოჰკითხეს.

მომხდარ ფაქტთან დაკავშირებით განცხადება გაავრცელა დაცული ტერიტორიების სააგენტომ. მასში ნათქვამია, რომ ლაგოდეხის დაცულ ტერიტორიაზე, „ნინოს ხევის ჩანჩქერის” მარშრუტზე ადიდებულია მდინარე, დაზიანებულია ინფრასტრუქტურა და ვიზიტორებს ალტერნატიული ტურისტული ბილიკებით სარგებლობისკენ და წესების მკაცრად დაცვისკენ მოუწოდებს.

სოფელ ზერტში მდებარე საბავშვო ბაღში, აღსაზრდელები ბუნებრივ მოთხოვნილებებს სათლებში იკმაყოფილებენ.

ინფორმაცია „დიანიუსმა“ გაავრცელა, რომლის თანახმადაც, ზერტის ბაღში მეორე სართულზე კუსტარული საპირფარეშო პლასტმასის სათლებით მოაწყეს. 

ბაღის დირექტორის მოადგილე ამბობს, რომ ბაღი ნაქირავებ შენობაში მეორე სართულზეა, სადაც საპირფარეშო არ არის. გარეთ ბავშვების ჩაყვანა ზამთარში უჭირდათ. ტუალეტი ეზოშია, თუმცა უნიტაზის გარეშე.

ბაღში 114 ბავშვია და მხოლოდ 7 საწოლი დგას, რაც იმას ნიშნავს, მოზარდების უმეტესობა ძილს ვერ ახერხებს. მშობლები, ამბობენ რომ სხვა გამოსავალი არ აქვთ და ამიტომ პრეტენზიაც არ გამოუთქვამთ.

გორის სკოლამდელი აღზრდის სააგენტოს დირექტორი ამბობს, რომ სათლებით მოწყობილი კუსტარულ საპირფარეშოში შესახებ თავიდანვე იცოდა და აღნიშნა, რომ ქოთნების შეძენას განიხილავენ.

გარდა ამისა, შენობაზე, რომლის მეორე სართულზეც საბავშვო ბაღია განთავსებული, კომუნისტური ლოზუნგებიცაა გამოფენილი. ქოთნებზე დიდი პრობლემა კი ისაა, რომ დილა-საღამოს ბავშვები სტალინის ანფასს შეჰყურებენ.