Category: არქივი

1 ივლისიდან მეტროს მუშაობა დილის 06:00 საათზე დაიწყება და ღამის 11:00 საათზე დასრულდება-ამის შესახებ დღეს დედაქალაქის მთავრობის სხდომაზე გახდა ცნობილი. მეტროს ახალი განრიგი სარეაბილიტაციო სამუშაოებს უკავშირდება, რომელიც  პირველი ივლისიდან დაიწყება. კახა კალაძის განცხადებით, მეტროს მუშაობის დრო ერთი საათით შემცირდება. 

„მეტრო ჩვეულებრივად დილის 06:00 საათიდან დაიწყებს მუშაობას, უბრალოდ ერთი საათით ადრე, ღამის 11:00 საათზე დაამთავრებს მუშაობას. ეს კეთდება იმისთვის, რომ ჩვენ კომპანიას და იქ მომუშავე ადამიანებს მივცეთ შესაძლებლობა, რომ ის სამუშაოები, რომელიც არის დაგეგმილი, ძალიან მნიშვნელოვანია ჩვენთვის უსაფრთხოება, ჩემთვის, ჩემი თანამშრომლებისთვის და ვფიქრობ, ყველა ადამიანისთვის არის ერთ-ერთი პრიორიტეტი, შესაბამისად, ამ პროექტის განხორციელება არის ძალიან მნიშვნელოვანი,“ – განაცხადა  კალაძემ.

მეტროსადგურში დილასაც  შეფერხება იყო. “სადგურის მოედანზე” მყოფი მოქალაქეები აცხადებდნენ, რომ მეტრო თითქმის, ნახევარი საათით გაჩერებული იყო.

“თბილისელების ფეხებზე დაკიდების უფლებას არავის მივცემ” – ეს განცხადება დედაქალაქის მერმა თბილისის მთავრობის სხდომაზე გააკეთა.  კალაძემ სხდომაზე უკმაყოფილება გამოთქვა მრგვალი ბაღის რეაბილიტაციის შესახებ და განაცხადა, რომ  უკმაყოფილოა იმ კომპანიით, რომელსაც სამუსაოების შესრულება დაევალა.

თბილისის მერმა მის მოადგილეს დაავალა, რომ კომპანიას ხელშეკრულება გაუწყვიტოს.

„არავინ მუშაობს, არის 1-2 მუშა საწყლად, დაათრევენ ამ ქვებს ხან – იქეთ , ხან – აქეთ. გადათხრილი და გადანგრეულია ყველაფერი. ირაკლი, ასე გაგრძელება ჩვენთვის მიუღებელია. კომპანიას არ აინტერესებს არც ქალაქის მთავრობა, არც მერია, მაგრამ ჩემთვის თბილისის მოსახლეობა ძალიან მნიშვნელოვანია. თბილისელების ფეხებზე დაკიდების უფლებას არავის მივცემ. იმოქმედეთ მარტივად. ეს კომპანია ვერ და არ გააგრძელებს სამუშაოებს,”-განაცხადა კალაძემ.

TV25 ქობულეთის სანდასუფთავებაში არსებულ პრობლემებზე საუბრობს.მათი ინფორმაციით,  ქობულეთის სანდასუფთავების სამსახურში დაახლოებით 15-მდე ადამიანია ფიქტიურად დასაქმებული. ჟურნალისტმა შეკითხვით დასუფთავების სამსახურის უფროსს მიმართა, რომელმაც საკუთარი ნათესავის დასაქმება არ უარყო.

“რას ხედავ ნეპოტიზმს, ვინმეს ხარჯზე დავასაქმე? არა შენს ცოლის ძმას ხო არ დავნიშნავდი აბა, დავნიშნე დიახ,  მოვედი შევხედე ადგილები ცარიელი და მოვიყვანე ცოლის ძმა და დავნიშნე, რა არის ამაში ცუდი?”- აცხადებს ქობულეთის დასუფთავების სამსახურის უფროსი სულიკო ბლადაძე.

კომპანია GWP განცხადებას ავრცელებს, რომელსაც უცვლელად გთავაზობთ:

„მგალობლიშვილის ქუჩაზე დაზიანებული წყალსადენიდან წყლის დინების გასაჩერებლად უკვე დაიკეტა ჩამკეტ-მარეგულირებელი ურდულები.

როგორც კი, წყალსადენის ქსელი წყლისგან დაიცლება, მაქსიმალურად ოპერატიულად დავიწყებთ ტექნიკურ სამუშაოებს მიზეზების დასადგენად და დაზიანების აღმოსაფხვრელად.

სამუშაოების მიმდინარეობის შესახებ მოსახლეობას დამატებით მივაწვდით ინფორმაციას.

რაც შეეხება წყალმომარაგების შეზღუდვას, ამ ეტაპზე წყლის მიწოდება შეზღუდული აქვს მგალობლიშვილის, ჩერქეზიშვილის, შარტავას, ცინაციძის, საირმის და მიმდებარე ქუჩებს.

დღის განმავლობაში მოსახლეობას წყალს ცისტერნებით მივაწვდით“, – აღნიშნულია  განცხადებაში.

წყალტუბოში ახალგაზრდა გოგონამ შეყვარებულის საფლავზე თავი მოიკლა,– ამის შესახებ ინფორმაციას „თაიმერი“ ავრცელებს.

გამოცემის ინფორმაციით, გარდაცვლილმა გოგონამ სასაფლაოზე თავი ჩამოიხრჩო.

ორი თვის წინ, ხობის რაიონის სოფელ ჭალადიდში, გოგონას შეყვარებული მამაკაცი ავტოავარიაში დაიღუპა.

გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.

დიდ დიღომში წყლის მილი დაზიანდა – პეტრიწისი ქუჩის მაცხოვრებლების ინფორმაციით, დაზიანებული მილიდან წყალი ძლიერი ჭავლით დაახლოებით ერთი საათის მანძილზე მოედინებოდა.

როგორც „ჯორჯიან უოთერ ენდ ფაურის“ საზოგადოებასთან ურთიერთობის სამსახურში განაცხადეს, დაზიანებულია წყალსადენის განშტოება. დაზიანების აღსადგენად ადგილზე მუშაობს კომპანიის ტექნიკური ჯგუფი. როგორც კომპანიაში განმარტავენ, დაზიანებული მილი ახალაშენებული კორპუსთან მდებარეობს, სადაც მობინადრეები შესახლებული ჯერ არ არიან.

კომპანიაში აცხადებენ, რომ სამუშაოები დაახლოებით 4-5 საათში დასრულდება, მოსახლეობას კი წყლის მიწოდება არ შეეზღუდება.

შეგახსენებთ, რომ დღეს ეს ქალაქში წყლის მილის დაზიანების მეორე შემთხვეააა. რამდენიმე საათის წინ მგალობლიშვილის ქუჩაზე, 2 დღის წინ დაზიანებული და გუშინ შეკეთებული მილი, ისევ გასკდა.

შსს-მ იმერეთში უკანონო ავტომატური ცეცხლსასროლი იარაღი ამოიღო.  1978 წელს დაბადებული მ.გ. ცეცხლსასროლი იარაღის უკანონო შეძენა-შენახვის ბრალდებით დააკავეს.

სამართალდამცველებმა სოფელ დიმში, მ.გ.-ს ​საცხოვრებელი სახლის ჩხრეკისას, “აკს”-ის მოდელის ავტომატური ცეცხლსასროლი იარაღი, 2 მჭიდი და 40 საბრძოლო ვაზნა ნივთმტკიცებად ამოიღეს.

გამოძიება ცეცხლსასროლი იარაღის მართლსაწინააღმდეგო შეძენა-შენახვის ფაქტზე მიმდინარეობს, სისხლის სამართლის კოდექსის 236-ე მუხლის მე-3 ნაწილით.
დანაშაული თავისუფლების 3-დან 6 წლამდე ვადით აღკვეთას ითვალისწინებს.

(more…)

უკრაინელი პოლიტიკოსი ვიტალი კლიჩკო მიხეილ სააკაშვილს თავისი პოლიტიკური პარტიის  “უდარის” ხელმძღვანელობას სთავაზობს.

ფეისბუკის საკუთარ გვერდზე კლიჩკომ ვიდეომიმართვა გაავრცელა, კიევის მერმა განაცხადა, რომ  მიხეილ სააკაშვილის “ახალ ძალთა მოძრაობას” არჩვენებში მონაწილეობისთვის დაბრკოლებები შეექმნა, კლიჩკომ განაცხადა, რომ მზადაა უკრაინაში ჩასულ სააკაშვილთან ითანამშრომლოს. 

კლიჩკოს განცხადებით, იგი თავადაც პარტიის ლიდერად დარჩება და დედაქალაქის მერის ვალდებულებებსაც შეითავსებს.

უკრაინის პრეზიდენტი ბრიუსელში პირველი ოფიციალური ვიზიტით იმყოფება და ადასტურებს რომ საქართველოს პრემიერ-მინისტრ, მამუკა ბახტაძეს შეხვდა. ვოლოდიმირ ზელენსკი უკვე შეხვდა ევროკომისიის პრეზიდენტ, ჟან-კლოდ იუნკერსა და ნატოს გენერალურ მდივანს იენს სტოლტენბერგს.

“დიახ, ძალიან კარგი ადამიანია. ჩვენ გავცვალეთ ტელეფონის ნომრები. ვისაუბრეთ ჩვენს ურთიერთობაზე, საქართველოზე და უკრაინაზე”, — აღნიშნა უკრაინის პრეზიდენტმა.

მამუკა ბახტაძე ბრიუსელში 4 ივნისს ჩავიდა. როგორც ბელგიაში საქართველოს ელჩმა, ნატალია საბანაძემ განაცხადა, პრემიერი დამოუკიდებლობის დღესთან დაკავშირებით აშშ-ს ელჩის მიღებას დაესწრებოდა. მისივე თქმით, ზელენსკისა და ბახტაძის შეხვედრა დღის წესრიგით გათვალისწინებული არ იყო.