Category: არქივი

ჩვენ ვხსნით ყველა კარტს – ეს განცხადება ცოტა ხნის წინ მიხეილ კალანდიას ძმამ, ლუკა კალანდიამ გააკეთა და ხორავას ქუჩის საქმის დღემდე უცნობ დეტალებზე პირველად ალაპარაკდა. ლუკა კალანდიას ინფორმაციით, 2017 წლის 3 დეკემბერს დაკითხვაზე მათ წინააღმდეგ ფიზიკური და მორალური ზეწოლა განხორციელდა და ხელი ძალადობით მოაწერინეს ჩვენებაზე, რომელიც მათი დაწერილი იყო.

დავით სარალიძეს ჯგუფურად, განზრახ მკვლელობის ბრალდებით დაკავებული მიხეილ კალანდიას ძმა ხელისუფლებას და შინაგან საქმეთა სამინისტროს პოლიტიკურ თამაშებში ადანაშაულებს.

ლუკა კალანდია ყვება, რომ მიხეილ კალანდიას ჩვენება მერაბ მორჩაძემ შეაცვლევინა. მისი თქმით, მორჩაძე მათთან 2017 წლის დეკემბრის დასაწყისში ივანე ნაკაიძემ მიაგზავნა, რომელიც ერთ-ერთი დაკავებულის, უკვე მსჯავრდებულის გ.ჯ.-ს ბიძა, ასევე ბიძინა ივანიშვილთან დაახლოებული პირია.

„ეს პიროვნება არის ერთ-ერთის დაკავებულის ბიძა, რომელიც საკმაოდ გავლენიანი ადამიანია და, ალბათ, მათი ინტერესიცაა. იქიდან გამომდინარე, ვამბობ მე ამას, რომ მათ მოგვიგზავნეს, ვითომდა, ჩვენი ნათესავი ადამიანი სახლში იმ მიზნით, რომ მიხეილს შეეცვალა ჩვენება და ჩვეულებრივად განახორციელა ზეწოლა, რის შედეგადაც მიხეილმა მერე ჩვენება შეცვალა. მერაბ მორჩაძე მოვიდა და გვითხრა, რომ ერთ-ერთი დაკავებულის ოჯახის ბავშვობის მეგობარი და ახლობელი იყო. ჩვენ ახლა ვხსნით ყველა კარტს, რაც აქამდე არ გაგვიხსნია, რაზეც აქამდე ჩუმად ვიყავით,“ – განაცხადა ლუკა კალანდიამ.

(more…)

ტრეფიკინგის ბრალდებით დაკავებული უკრაინელი ქალის იულია სუსლიაკის საქმეზე ექსპერტიზის დასკვნა ცნობილია. დოკუმენტს “რადიო თავისუფლება” ასაჯაროვებს.

დასკვნაში წერია, რომ 10 ბავშვიდან 4 იური და იულია სუსლიაკის შვილები არიან, ხოლო 6 ბავშვი მხოლოდ იური სუსლიაკის.

შესაბამისად, იულია სუსლიაკის ჩვენება, ექსპერტიზის დასკვნით გამყარდა. ექსპერტიზა ლევან სამხარაულის სახელობის სასამართლო ექსპერტიზის ეროვნულ ბიუროში ჩატარდა.

იულია სუსლიაკი ამჟამად ტრეფიკინგის ბრალდებით არის დაკავებული.

თბილისის საქალაქო სასამართლომათი უკრაინელი ბავშვის თანმხლებ ქალს, იულია სუსლიაკს წინასწარი, 55-დღიანი პატიმრობა 27 აპრილს შეუფარდა.სუსლიაკს ბრალი წაყენებული აქვს ტრეფიკინგის მუხლით.

ცოტა ხნის წინ მიხეილ სააკაშვილმა საკუთარ ფეისბუქის გვერდზე ვიდეომიმართვა გაავრცელა. საქართველოს ყოფილ პრეზიდენტს ვიტალი კლიჩკოს შეთავაზებაზე გადაწყვეტილების მიღებისთვის ხალხის აზრი აინტერესებს და მოუწოდებს მხარდამჭერებს დააფიქსირონ პოზიცია, ითანამშრომლოს თუ არა სააკაშვილმა კიევის მოქმედ მერთან.

ვიდეომიმართვაში სააკაშვილი თანამშრომლობის რისკებზე საუბრობს.

მისი თქმით, საკუთარ პარტიას „ახალი ძალების მოძრაობას“ ხელოვნური ბარიერები ჯერ კიდევ აქვს რეგისტრაციის მხრივ და შესაძლოა,ვადამდელ არჩევნებში მონაწილეობა ვერ შეძლონ, ამიტომ კლიჩკოს პარტიაში გაწევრიანება არჩევნებში მონაწილეობისთვის კარგი ბერკეტი იქნება.

სააკაშვილმა პარტია “უდარის” რეორგანიზაციაზეც ისაუბრა.

„თუ „უდარში“ წავალთ , ამ პარტიის განახლება. იქ ბევრი ისეთი პირია, რომლებიც ბოლო მომენტამდე პოროშენკოსთან იყვნენ. ამიტომ, მე მგონია, რომ თუ წავალთ, ამ ადამიანებისგან უნდა გავწმინდოთ პარტია. იქ ასევე არიან გარკვეული ადამიანები, რომლებიც დაკავშირებულები არიან კორუფციასთან და მათგანაც უნდა გავთავისუფლდეთ და უფრო მეტიც, მივაღწიოთ მათ ციხეში გაშვებას. ესეც გარკვეული წინაპირობაა განახლებისა და ახალი გაერთიანების…ჩემი გუნდი, „ახალი ძალების მოძრაობა“, შეიძლება ყველა არჩევნების გარეშე დარჩეს. ესეც არჩევანია, მაგრამ მე მესმის, რომ პრეზიდენტ ზელენსკის დახმარება სჭირდება, მათ შორის პარლამენტში, ასევე ახალი კადრებით. იმისთვის, რომ დავეხმაროთ, აუცილებელია მხოლოდ პასიური დამკვირვებლები არ ვიყო და პროცესში ჩავერთოთ“, – განაცხადა სააკაშვილმა.

შეგახსენებთ, კიევის მოქმედმა მერმა ვიტალი კლიჩკომ მიხეილ სააკაშვილს მისი პარტიის ლიდერობა შესთავაზა, თუმცა სააკაშვილს ჯერ არ გადაუწყვეტია, შეუერთდება თუ არა პარტიას.

დღეს კახი კავსაძე 84 წლის გახდა. თბილისის მერმა კახი კალაძემ მსახიობს დაბადების დღე პირდაპირ ეთერსი მიულოცა. კალაძემ მას დიდხანს სიცოცხლე და ჯანმრთელობა უსურვა. 

“დღეს ერთი ძალიან მაგარი კაცის, ძალიან მაგარი ადამიანის დაბადების დღეა – ბატონი კახი კავსაძის. ასეთი ადამიანები, როგორიც კახი კავსაძეა სამაგალითოა და ჩვენს შვილებს ზუსტად ასეთი ადამიანების მაგალითზე უნდა ავუხსნათ და ვუთხრათ ყველაფერი, რაც ამ ადამიანებს აქვთ გაკეთებული ჩვენი ქვეყნისთვის, ჩვენი კულტურისთვის,” – განაცხადა კალაძემ.

ევროპის საბჭოს მინისტრთა კომიტეტი ივანე მერაბიშვილის საქმეზე სტრასბურგის სასამართლოს გადაწყვეტილების აღსრულების პროცესს კვლავ დადებითად აფასებს – ამის შესახებ იუსტიციის სამინისტროს მიერ გავრცელებულ განცხადებაშია ნათქვამი.

განცხადებაში წერია, რომ 2019 წლის 5 ივნისს ევროპის საბჭოს მინისტრთა კომიტეტმა ივანე მერაბიშვილის საქმეზე სტრასბურგის სასამართლოს დიდი პალატის გადაწყვეტილების აღსრულების საკითხი განიხილა. კომიტეტმა კვლავ მოიწონა ის ღონისძიებები, რომელთაც საქართველოს მთავრობა ატარებს სტრასბურგის სასამართლოს გადაწყვეტილების აღსასრულებლად. განცხადებაში აღნიშნულია, რომ მიუხედავად ადვოკატების მოთხოვნისა, მერაბიშვილის გათავისუფლების საკითხი მინისტრთა კომიტეტმა საერთოდ არ განიხილა.

“მინისტრთა კომიტეტმა მოიწონა რომ: 2013 წელს მომჩივნის საკნიდან გაყვანის ეპიზოდზე განახლებული გამოძიების ფარგლებში ივანე მერაბიშვილს მიეცა წვდომა სისხლის სამართლის საქმის მასალებზე და მუდმივად მიეწოდება ინფორმაცია გამოძიების მიმდინარეობის შესახებ;

“იუსტიციის მინისტრის 2019 წლის 13 მაისის ბრძანების შესაბამისად, 2019 წლიდან პენიტენციურ დაწესებულებებში ვიდეომეთვალყურეობის ჩანაწერების შენახვა ამჟამად არსებულ 5-დღიან ვადაზე უფრო ხანგრძლივი პერიოდით – 30 დღით გახდება შესაძლებელი; ამ ბრძანების 15 პენიტენციურ დაწესებულებაში იმპლემენტაციის პროცესი დაიწყება 2019 წლის 1 ივლისს და დასრულდება 2021 წლის 1 იანვრამდე;

პარლამენტმა დაამტკიცა „სისხლის სამართლის საპროცესო კოდექსში“ იუსტიციის სამინისტროს მიერ შეთავაზებული საკანონმდებლო ცვლილებები, რომელიც ითვალისწინებს ფარული და კომპიუტერულ მონაცემთან დაკავშირებული საგამოძიებო მოქმედებების ჩატარების შესაძლებლობას სამოხელეო დანაშაულებზე,”-წერია განცხადებაში.

იუსტიციის სამინისტროს მიერ გავრცელებულ განცხადებაში ასევე ნათქვამია, რომ მერაბიშვილის საქმის შემდგომი განხილვა 2019 წლის სექტემბრის სხდომაზე აღარ გაიმართება და მას მინისტრთა კომიტეტი მოგვიანებით დაუბრუნდება.

დავით სარალიძის განზრახ ჯგუფურად დამამძიმებელ გარემოებებში მკვლელობის ბრალდებით დაკავებული მიხეილ კალანდიას მამა, თენგიზ კალანდია ამბობს, რომ შესაძლოა ისიც დააკავონ.  მან ამის შესახებ  „ინტერპრესნიუსთან“ ინტერვიუში ისაუბრა.

„ხვალ და ზეგ დამიჭერენ მეც და ჩემს უფროს შვილსაც, ასევე ჩვენთან ერთად ორი ბიჭი რომ იყო, მათაც. 9 თვეა, გარეთ ვართ და სპეციალურად არ დაამთავრეს ჩვენი პროცესი, რომ ჩვენს გასაჩუმებლად ბერკეტი ჰქონოდათ, ხმა არ ამოგვეღო. ჩვენ როგორც კი ხმას ამოვიღებთ და იმ პირების სახელებს და გვარებს დავასახელებთ, რომლებიც ფიზიკურად გაგვისწორდნენ, ჩვენს დაკავებას არ გამოვრიცხავ, რომ ხმის ამომღები არავინ დარჩეს“, – განაცხადა კალანდიამ.

მიხეილ კალანდია თავს დამნაშავედ არ ცნობს. ამის შესახებ ხორავას ქუჩაზე მომხდარი მკვლელობის საქმეზე დაკავებულის ადვოკატმა განაცხადა.

ქალაქის მთავარ სამმართველოში მოთავსებულ მიხეილ კალანდიას ბრალს დღეს ოფიციალურად წარუდგენენ, რის შემდეგაც მისთვის აღკვეთის ღონისძიებაზე უკვე სასამართლო იმსჯელებს.

მიხეილ კალანდიას ჯგუფურად, დამამძიმებელ გარემოებებში დავით სარალიძის მკვლელობაში ადანაშაულებენ.

საერთაშორისო ექსპერტების დასკვნით, 2019 წელს  ზაფხულში ჰაერის საშუალო ტემპერატურა 1 გრადუსით მეტი იქნება, ხოლო ნალექის რაოდენობა კი ნორმაზე მეტი.  საქართველოში ამინდის ფორმირებაზე დომინანტურ როლს წყნარ და ატლანტიკის ოკეანეებში მიმდინარე და მოსალოდნელი პროცესები შეასრულებს.

საქართველოს ტერიტორიაზე ზაფხულის სეზონის საშუალო მრავალწლიური ტემპერატურა  დასავლეთ საქართველოს დაბლობზე +21, +22, აღმოსავლეთ საქართველოს ბარში +19, +23 გრადუსია.მთაში +17, 19; მაღალ მთაში +14, +15 გრადუსს შეადგენს.საქართველოს ტერიტორიაზე ზაფხულის სეზონის ნალექების საშუალო მრავალწლიური რაოდენობა (ნორმა) დასავლეთ საქართველოს დაბლობზე 250-300 მმ, სანაპირო რაიონებში 550-600, მთაში 220-250 მმ, მაღალმთაში 250-350 მმ, აღმოსავლეთ საქართველოს ბარში 150-300 მმ, მთიან და მაღალ მთიან რაიონებში 200-300 მმ-ს შეადგენს.

სამხრეთ-აღმოსავლეთ ევროპის რეგიონის ქვეყნების, მათ შორის საქართველოს ექსპერტების კლიმატური პროგნოზის ფორუმზე (SEECOF-21) მომზადებული, 2019 წლების ზაფხულის სეზონის ამინდის პროგნოზი ეყრდნობა გლობალურ და ხმელთაშუა ზღვის, აღმოსავლეთ ევროპის რეგიონების დინამიკურ და სტატისტიკურ მოდელებს.

ნიდერლანდებში, 17 წლის გოგონა საკუთარი ნებით, ლეგალური ევთანაზიის შედეგად გარდაიცვალა. მიზეზად მან განაცხადა, რომ ძალადობის მსხვერპლი  გახდა და სიცოცხლის გაგრძელება აღარ შეეძლო.

ნოა პოთჰოვენმა  სოციალურ ქსელში ბოლო პოსტი დაწერა, სადაც აღნიშნა, რომ მალე ცოცხალი აღარ იქნებოდა და  სიცოცხლის დასრულების შესახებ საბოლოო  გადაწყვეტილება მიიღო.

17 წლის მოზარდმა სექსუალური ძალადობის გამო მიღებული სტრესი და დეპრესია თავის ბიოგრაფიულ წიგნშიც აღწერა.

როგორც აღმოჩნდა,  გოგონა სექსუალური ძალადობის მსხვერპლი პირველად 11 წლის ასაკში გახდა, 14 წლის ასაკში კი ორმა მამაკაცმა გააუპატიურა. მან მომხდარის შესახებ მშობლები საქმის კურსში არ ჩააყენა, რადგან რცხვენოდა.

“მე ვსუნთქავ, მაგრამ აღარ ვცხოვრობ”, – დაწერა მან სოციალურ ქსელში.

ნიდერლანდებში ევთანაზია ლეგალურია. იმ ადამიანების უმეტესობას, ვინც ბოლო წლებში  ევთანაზიით დაასრულა სიცოცხლე, განუკურნებელი სიმსივნე ჰქონდა.