მთავრობის ადმინისტრაციასთან განვითარებული მოვლენებს ყოფილმა პრეზიდენტობის კანდიდატი, ზურაბ ჯაფარიძე სოციალურ ქსელში ეხმაურება. ის წერს რომ მთავარი მოძალადე ფიგურა არის საპატრიარქო ხოლო მის უკან კი რუსეთი დგას. “ერთ მხარეს არის სიბნელე. ერთმნიშვნელოვნად. ტანსაცმლის ფერით ამოიცნობა რომელი მხარეა ეს. ვასაძე პაიკია. მთავარი მოძალადე არის საპატრიარქო, რომლის უკანაც მაღალი ალბათობით რუსეთია… კართაგენი უნდა დაინგრეს!”-წერს ჯაფარიძე
თბილისის მერმა კახი კალაძემ და დიზაინერმა ანუკი არეშიძემ ჯვარი დაიწერეს. ჯვრისწერამდე ილია მეორემ კალაძის უმცროსი შვილები მონათლა. თუ ვინ ესწრებოდა ჯვრისწერას ჯერ-ჯერობით უცნობია.წყვილს 4 შვილი ლევან, კახაბერ, ვაჩე და ნიკოლა კალაძეები ჰყავთ.
{{PHOTOGALLERY}}
მალხაზ მაჩალიკაშვილის ხელმოწერების კამპანის ოპოზიცია უერთდება.ხელმოწერების შეგროვება დროებითი საგამოძიებო კომისიის შემქნის მოთხოვნით, დაახლოებით, ერთი კვირის წინ დაიწყო. რუსთაველის გამზირზე უკვე 3 ათასზე მეტმა ადამიანმა მოაწერა ხელი.
რუსთაველის გამზირზე დღეს გაერთიანებული ოპოზიცის თბილისის ორგანიზაციის წევრები მივიდნენ და საკუთარი მხარდაჭერა ხელმოწერებით დააფიქსირეს.„ნაციონალური მოძრაობის“ წევრების განცხადებით, ისინი ხელმოწერებით, უპირველეს ყოვლისა, ხელისუფლების მიმართ პროტესტს გამოხატავენ, რადგან უკვე 2 წელია, პასუხი არ გაეცა კითხვას, სპეცოპერაციის დროს, რომელსაც 19 წლის ბიჭის სიცოცხლე ემსხვერპლა, სახელმწიფომ გამოიყენა თუ არა გადამეტებული ძალა.
„დღეს ჩვენ, სამწუხაროდ, ვცხოვრობთ ქვეყანაში, რომლის მთავარი მოკავშირე გახლავთ კრიმინალი და ამ ხელისუფლების პირობებში მალხაზ მაჩალიკაშვილს ძალიან გაუჭირდება სიმართლის პოვნა. თუმცა, მე დარწმუნებული ვარ, ძალიან ცოტა დრო დარჩა იქამდე, როდესაც სიმართლე აღდგება და ჩვენ მაქსიმალურად დავუდგებით გვერდში ბატონ მალხაზს. ეს ხელმოწერები სწორედ იმას ემსახურება, რომ ვაიძულოთ “ქართული ოცნების” ხელისუფლება, შეიქმნას საგამოძიებო კომისია პარლამენტში“, – განაცხადა ზაალ უდუმაშვილმა.
მალხაზ მაჩალიკაშვილი იმედს გამოთქვამს, რომ ხალხის მხარდაჭერით ხელისუფლება იძულებული გახდება, პარლამენტში საგამოძიებო კომისია შექმნას და ყველა არსებულ კითხვას პასუხი გასცეს.
„მე დარწმუნებული ვარ, რომ ამათ უნდათ, თუ არა, ამ კომისიას შექმნიან და ჩემთან ვინც დგას, ყველა ამ ადამიანის შეკითხვას პასუხს გასცემენ და ყველა დამნაშავე დაისჯება. ჩემი მიზანია, რომ თემირლანის მიმართ ჩადენილი დანაშაულით ეს სისტემა ჩამოვშალო მთლიანად და მე ამას მივაღწევ“, – განაცხადა მალხაზ მაჩალიკაშვილმა.
არასამთავრობო ორგანიზაციების წარმომადგენლები მთავრობის ადმინისტრაციასთან განვითარებული მოვლენების შეფასებისას საუბრობენ. მესამე სექტორში აცხადებენ, რომ ლგბტ თემის წინააღმდეგ მიმართული მოძრაობის კვალი რუსეთამდე მიდის.
მთავრობას მკაფიო პოზიციის დაფიქსირებისკენ მოუწოდებს საქართველოს ახალგაზრდა იურისტთა ასოციაციის თავმჯდომარე, სულხან სალაძე. მისი თქმით, ხელისუფლებამ უნდა აჩვენოს საზოგადოებას, თუ ვის მხარეს დგას – იცავს შეკრების თავისუფლებას თუ კონკრეტულ ჯგუფებს უჭერს მხარს.
„გუშინ ძალიან ნათლად და მკაფიოდ გამოიკვეთა, რომ ეს პროცესი არ არის პროცესი, რომელიც აქ ადგილზე მზადდება, ჩვენ ვნახეთ, მათ შორის, საქართველოს პარტნიორი მეგობარი ქვეყნების წინააღმდეგ მიმართული განცხადებები, რაც დამაფიქრებელია და სავარაუდოდ, მიანიშნებს, რომ, გარკვეულწილად, მაინც ამ პროცესს შეიძლება მივყავდეთ ჩვენ რუსული კვალისკენ და კიდევ ერთი, რაც ყველაზე მნიშვნელოვანია, მე ვფიქრობ, რომ ზოგადად, ხელისულფებამ ნათლად და მკაფიოდ უნდა უთხრას საზოგადოებას, სად დგას ის – ის დგას შეკრების და მანიფესტაციების თავისუფლების მხარეს, ის დგას, ყველა ადამიანის თანასწორობის მხარეს თუ ის ირჩევს იმ მდგომარეობას, როდესაც გარკვეული კონიუნქტურის თუ რეალობის გათვალისწინებით, მისი მიზანია კონკრეტული ჯგუფების მხარდაჭერა,“ – განაცხადა სულხან სალაძემ.
გარდა ხელისუფლებისა, სხვა პოლიტიკურ პარტიებსაც მოუწოდებს არასამთავრობო ორგანიზაცია ”საერთაშორისო გამჭვირვალობა – საქართველოს” პროგრამის მენეჯერი, გიორგი გვილავა პოზიციის დაფიქსირებისკენ.
„გარდა იმისა, რომ სახელმწიფო ვალდებულია, აღკვეთოს და პრევენცია მოახდინოს ძალადობის, ამის გარდა, სახელმწიფო უნდა დაინტერესდეს ძალადობისკენ მოწოდებისკენ და ორგანიზებით ასეთი აქციების, რომლებიც საფრთხეს უქმნიან ადამიანის სიცოცხლეს და ჯანმრთელობას. ასევე, საინტერესოა, ამ პროცესში რა პოზიცია აქვს პოლიტიკურ სპექტრს იმიტომ, რომ ძალიან დიდი მნიშვნელობა აქვს ასეთი მომენტების დროს, როგორ იცავს პოლიტიკურ სპექტრი კონსტიტუციას და რამდენად სცემენ კონსტიტუციას ისინი პატივს. მათი განცხადებები არის ძალიან მნიშვნელოვანი. სამწუხაროდ, იმ მომენტში, როცა დაძაბული იყო მდგომარეობა, ასეთი განცხადებები არ იყო. ფაქტი ერთია, საჯაროდ ჩანდა, როგორ მოხდა ამ ყველაფრის ორგანიზება და ვინ რას აკეთებდა ამ პროცესში, პასუხი ამაზე წესით მარტივი უნდა იყოს და დაველოდოთ, რა პასუხი ექნება შსს-ს, ეს არის ძალიან მნიშვნელოვანი,“ – განაცხადა გვილავამ.
დაპირისპირება მთავრობის ადმინისტრაციის შენობასთან მთელი ღამის განმავლობაში გრძელდებოდა. ვითარება „თბილისი პრაიდის“ ორგანიზატორებსა და კონტრაქციის მონაწილეებს შორის რამდენჯერმე უკიდურესად დაიძაბა.
არ გვჭირდება გარედან მოტანილი დაპირისპირებები – ასე ეხმაურება საქართველოს პრეზიდენტი მთავრობის ადმინისტრაციასთან გუშინ განვითარებულ მოვლენებს. როგორც სალომე ზურაბიშვილმა ჟურნალისტებს უთხრა, ის არ ეთანხმება დაპირისპირების პროვოცირებას არც ერთი მხრიდან.
„მე ვარ ყველას პრეზიდენტი. ეს გულისხმობს, რომ მე ვარ ამავე დროს იმათი პრეზიდენტიც, ვისაც განსხვავებული რელიგიური შეხედულებები თუ სექსუალური ორიენტაცია აქვს. ჩემთვის არ აქვს ამ ყველაფერს მნიშვნელობა. მე ვფიქრობ, რომ არც ერთი ადამიანი არ უნდა იყოს დისკრიმინაციის მსხვერპლი. თუმცა, იმასაც ვიტყვი, რომ არ ვეთანხმები დაპირისპირების პროვოცირებას არც ერთი მხრიდან. იმედია, ამ ქვეყანას საკუთარი დაპირისპირებები ეყოფა, არ გვჭირდება გარედან შემოტანილი ახალი დაპირისპირებები“, – განაცხადა სალომე ზურაბიშვილმა.
საქართველოს ხელისუფლებაში საქმიანობის დაწყებამდე ის რუსეთში ცხოვრობდა, იქვე ჰქონდა ბინა და ბიზნესი.
შინაგან საქმეთა სამინისტროს ქვემო ქართლის პოლიციის დეპარტამენტის რუსთავის საქალაქო სამმართველოს თანამშრომლებმა, საქონლის ქურდობის ბრალდებით 1968 წელს დაბადებული, წარსულში ნასამართლევი ხ.ა. დააკავეს.
გამოძიებით დადგინდა, რომ დაკავებულმა მიმდინარე წლის 7 ივნისს მოქალაქეს მსხვილფეხა პირუტყვი მოჰპარა.
ანალოგიური ბრალდებით დააკავეს მარნეულის რაიონული სამმართველოს თანამშრომლებმა 1988 წელს დაბადებული ა.გ. მან მარნეულის რაიონის სოფელ დამიაში მცხოვრებ მოქალაქეს პირუტყვი მოჰპარა.
სამართალდამცველებმა ნაქურდალი საქონელი პატრონებს დაუბრუნეს.
დანაშაული 3-დან 5 წლამდე ვადით თავისუფლების აღკვეთას ითვალისწინებს.
გამოძიება ქურდობის ფაქტებზე, საქართველოს სსკ-ს 177-ე მუხლის მე-2 ნაწილის “ა” ქვეპუნქტით მიმდინარეობს.