თბილისში, ნაფარეულის ქუჩაზე ცეცხლსასროლი იარაღიდან რამდენჯერმე გაისროლეს. თვითმხილველების ინფორმაციით, მიმავალი მანქანიდან დაახლოებით 5-ჯერ გაისროლეს. არსებული ინფორმაციით, დაჭრილი არავინ არ არის. ადგილზე სამართალდცავები იმყოფებიან.
როგორც შინაგან საქმეთა სამინისტროში განაცხადეს, გამოძიება სსკ-ს 236-ე მუხლის მე-3 და მე-4 ნაწილით მიმდინარეობს, რაც ცეცხლსასროლი იარაღის უკანონო შეძენა-შენახვა-ტარებას გულისხმობს.სხვა დეტალები ამ ეტაპზე უცნობია.
თბილისის მერის, კახა კალაძის თქმით, ,,ნაციონალური მოძრაობა” ხავსს ეკიდება და 2020 წლის საპარლამენტო არჩევნებზე ეს ხავსიც არ შერჩებათ.
,,ვის თავში მოხვდა [დასავლელი პარტნიორების განცხადებები], ვის სახეში, ვის ცხვირ-პირში, მაგას 2020 წლის არჩევნები აჩვენებს. ნაციონალური მოძრაობა, ეს ადამიანები ერთადერთი დამოკიდებულები არიან ამ განცხადებებზე, ხომ იცით, ნათქვამია, წყალწაღებული ხავსს ეკიდებოდაო, ისეა მათი საქმე, ხოლო 2020 წლის ოქტომბერში არც ხავსი არ შერჩებათ ხელში. მაგის პირობას ვაძლევ”,- ამბობს კალაძე.
ის ასევე აღნიშნავს, რომ პრობლემა არ აქვს პროპორციულ არჩევნებთან, თუმცა პარლამენტის დეპუტატების ნაწილი ამ ცვლილებებს ეწინააღმდეგება.
,,საერთოდ ვერ ვხედავ პრობლემას, 110/40-ზე, 120/30-ზე თუ საერთოდ პროპორციული არჩევნები იქნება, საერთოდ ვერ ვხედავ პრობლემას, თუმცა, გუნდში იყო დეპუტატების გარკვეული რაოდენობა, რომელიც ეწინააღმდეგებოდა საარჩევნო სისტემის ცვლილებას. რა თქმა უნდა, გუნდშიც უნდა მოხდეს შეჯერება და კონსენსუსი, თუ როგორი საარჩევნო სისტემა იქნება”,- აცხადებს ,,ქართული ოცნების” ლიდერი.
კალაძე პროპორციული არჩევნების ჩაგდების შემდეგ ამბობდა, რომ ,,ოპოზიციური პარტიების ლიდერების ქმედებებიდან გამომდინარე” პროპორციული არჩევნები საფრთხის შემცველია.
დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის, ამირან გამყრელიძის ვაჟი, ნიკოლოზ გამყრელიძე თვითიზოლაციაში იმყოფება. ამის შესახებ ინფორმაციას “primetime” ავრცელებს.
ნიკოლოზ გამყრელიძე „ევექსის“ სამედიცინო ქსელის სამეთვალყურეო საბჭოს წევრია. სავარაუდოდ, თვითიზოლაციის მიზეზი იტალიიდან ჩამოსულ ჯგუფთან კონტაქტი გახდა. ამ ჯგუფიდან ერთ-ერთ მოქალაქეს, რომელიც ექიმი გახლავთ, კორონავირუსი დაუდგინდა.
ნიკოლოზ გამყრელიძის თვითიზოლაციის შესახებ ინფორმაციას ამირან გამყრელიძემაც ადასტურებს.
შეგახსენებთ, ამ დრომდე, საქართველოში კორონავირუსის 9 შემთხვევა დაფიქსირდა.
იურისტი ლელა დეკანაძე თავისი გამოცდილების შესახებ ყვება, რომელიც ქუთაისის აეროპორტში, მილანიდან ჩამოფრენის შემდეგ შეემთხვა.
“ჩამოვფრინდი ქუთაისში მილანიდან. ჯერ კიდევ ვერ მოვდივარ გონს, ცხოვრებაში ასეთი სტრესული მოგზაურობა არ მახსოვს.მთელი გზა ვფიქრობდი, ხომ არ ჯობდა დავრჩენილიყავი იტალიაში, რომ საფრთხე არ შემექმნა ჩემი ოჯახისთვის და გარშემო ადამიანებისთვის. საშინლად მძიმე პასუხისმგებლობით ვარ დატვირთული, თვითიზოლაციაში ვარ და არ ვიცი რა შემიძლია მეტი გავაკეთო საფრთხის ასაცილებლად, რაც ჩემგან ძალიან ბუნებრივად მოდის.ამას იმიტომ გიყვებით, რომ აეროპორტში საოცარ ამბებს შევესწარი. ქართველები, რომლებთან ერთადაც ჩამოვედი სიცხის გასინჯვის გამოც კი გაღიზიანდნენ, ლანძღავდნენ პოლიციელებს, პერსონალს, მთავრობას და ყველაფერს მოძრავს და უძრავს სამყაროში.
იყვნენ ადამიანები, რომლებსაც ჰქონდათ პრეტენზია თუ რატომ მიმდინარეობდა შემოწმების პროცესი ნელა, რადგან მათ სახლში შვილები ელოდებოდნენ, ზოგიერთ მათგანს კი ნათესავები და ახლობლები აეროპორტთან. ეს ადამიანები ვერანაირ პასუხისმგებლობას ვერ გრძნობდნენ, ვერც იმას იაზრებდნენ რა საფრთხის მატარებლები იყვნენ და ვერც “მონატრებული შვილების” უსაფრთხოებაზე ფიქრობდნენ. არცერთი ჩვენგანი არ გადაუყვანიათ კარანტინში (სიმპტომების არარსებობის გამო) თუმცა, მივიღეთ თვითიზოლაციის რეკომენდაციები და ჩემ კითხვაზე თუ როგორ ხდებოდა ამის კონტროლი პასუხი იყო “შინაურული”, რომ ეგ შეუძლებელია და ჩვენ ადამიანურად არ უნდა ვიკადროთ.
ვიცი, რომ ბევრს არაფერს შეცვლის ჩემი სიტყვები, მაგრამ მაინც მინდა მივმართო ყველას, ვინც ასეთი “ცხელი” ზონებიდან ჩამოდის: გთხოვთ იფიქრეთ თქვენს გარშემო ადამიანებზე, ოჯახებზე, დარჩით თვითიზოლაციაში. არგუმენტები, რომ “მე შანსი არაა რამე მქონდეს” არ მუშაობს ვირუსის წინაშე, თითოეული ჩვენგანი მომეტებული რისკის მატარებელია და მოდი, გავიაზროთ ეს მარტივი რამ.ვიცი ძალიან რთულია, როცა ამდენი ხანი არ გინახავს საყვარელი ადამიანები და იძულებული ხარ შორიდან უყურო და ვერ ჩაეხუტო, უბრალოდ ახლა მათთვისაც და ჩვენთვისაც უკეთესია ასე მოქცევა. ვიყოთ მეტად პასუხისმგებლიანები რთულია მაგრამ არა შეუძლებელი” – წერს ლელა დეკანაძე.
ახალი კორონავირუსის გავრცელების საფრთხის გამო, კანის კინოფესტივალი შესაძლოა წელს, 12 მაისიდან 23 მაისის ჩათვლით, აღარ ჩატარდეს. ამის შესახებ Variety წერს.
საფრანგეთის ჯანდაცვის მინისტრის რეკომენდაციით, საზოგადოებრივ თავშეყრის ადგილებში გამართული ღონისძიებები, რომელსაც შესაძლოა 5 ათასი, ან მეტი ადამიანი დაესწროს, უმჯობესია, რომ გაუქმდეს. მსგავსი შეზღუდვა 31 მაისამდე გასტანს, რაც ფესტივალის ჩატარების პერიოდსაც მოიცავს.
წელს, კანის რიგით 73 კინოფესტივალის ჟიურის თავმჯდომარე რეჟისორი სპაიკ ლი უნდა იყოს. ფესტივალის ადმინისტრაციას ოფიციალური კომენტარი ჯერჯერობით არ გაუკეთებია.
პარლამენტში სიტყვით გამოსვლისას დეპუტატსა და ექიმ ლადო კახიძეს პირბადე ყურზე ეკეთა.
შეგახსენებთ, საკანონმდებლო ორგანოში “მინისტრის საათის” ფორმატში რეგიონული განვითარებისა და ინფრასტრუქტურის მინისტრს მაია ცქიტიშვილს უსმენენ.
საქართველოს პარლამენტის თავმჯდომარემ იურიდიულ და საპროცედურო საკითხთა კომიტეტებს დაავალა, რომ კანონპროექტების ელექტრონულად განხილვისა და კენჭისყრის შესაძლებლობაზე იმუშაონ.
არჩილ თალაკვაძის თქმით, აღნიშნული შესაძლებლობა განსაკუთრებულ შემთხვევებში იქნება გამოყენებული.
“მოგმართოთ ყველას, რათა ვიფიქროთ და მოვამზადოთ ინიციატივა, რომელიც განსაკუთრებულ შემთხვევებში პარლამენტს მისცემს შესაძლებლობას, კანონპროექტები განიხილოს ელექტრონული პროცედურით და გადაწყვეტილების მისაღებად ელექტრონული კენჭისყრა ჩაატაროს.
ვფიქრობ, დღესაც არის საფუძველი, რატომაც შეიძლება მომავალში ასეთი პლატფორმა პარლამენტს დასჭირდეს. მინდა, მივმართო იურიდიულ და საპროცედურო კომიტეტებს, ასევე იურიდიულ დეპარტამენტს, რომ იმსჯელონ ამ ინიციატივის გარშემო და დროულად მოვამზადოთ, დაჩქარებული წესითაც განვიხილოთ თუ საჭიროა“, – განაცხადა არჩილ თალაკვაძემ.
სახალხო დამცველმა მეფე ერეკლეს აბანოში მექისეს მიერ სექსუალური შევიწროების ფაქტი დაადგინა და ჭრელ აბანოს რეკომენდაციით მიმართა.
ომბუდსმენის განცხადებით, რეკომენდაციის გაცემის საფუძველი გახდა ესპანეთის მოქალაქის განცხადება, რომ შპს ჭრელი აბანოს საკუთრებაში არსებული დაწესებულება “მეფე ერეკლეს აბანო” მომხდარი სავარაუდო სექსუალური შევიწროვების ფაქტზე მიუთითებდა.
სახალხო დამცველის განცხადებით, მექისე მამაკაცმა პროფესიული მდგომარეობის გამოყენებით ადგილი ჰქონდა სექსუალური ხასიათის ფიზიკურ ქცევას, რომელმაც ქალს დამამცირებელი და შეურაცხმყოფელი გარემო შეუქმნა
საქართველოს სახალხო დამცველმა შემდეგი რეკომენდაციებით მიმართა შპს ჭრელ აბანოს:
შრომის კოდექსის მე-5 მუხლის მე-9 ნაწილის შესაბამისად, დისკრიმინაციის (მათ შორის სექსუალური შევიწროების) ამკრძალავი დებულებები ასახოს შრომის შინაგანაწესში, კოლექტიურ ხელშეკრულებებსა და სხვა დოკუმენტებში
„ვირუსი ვრცელდება მთლიანად ევროპაში, ამიტომ ერთი კონკრეტულ ქვეყანასთან ფრენების აკრძალვაზე რეკომებდაციას ჯანდაცვის მსოფლიო ორგანიზაცია არ იძლევა“ – ამის შესახებ ჯანდაცვის მინისტრის მოადგილე თამარ გაბუნიამ განაცხადა.
„ჩინეთთან და ირანთან შეზღუდვა დაწესდა მხოლოდ იმ მოტივით, რომ იმ კონკრეტული მომენტისთვის ყველაზე მაღალი რისკი მოდიოდა ჩინეთზე და ირანზე. დღეს უკვე რისკები ვრცელდება მთელს ევროპაშიც, ამდენაც იზოლირებულად კონკრეტული ქვეყნიდან შეზღუდვას მაქსიმალური ეფექტი ვერ ექნება“- აღნიშნა მინისტრის მოადგილემ.
მისი თქმით შეფასდება ზოგადად ევროპის ქვეყნების რისკი, დაიწერება ჯანდაცვის მსოფლიო ორგანიზაციის რეკომენდაცია და მხოლოდ შემდეგ მიიღებენ გადაწყვეტილებას იტალიასთან დაკავშირებით.
გუშინ კორონავირუსის შემთხვევის რიცხვი საქართველოში 5-ით გაიზარდა, ყველა პაციენტის ისტორია იტალიაში მოგზაურობას უკავშირდება.
კორონავირუსით დაავადებული ერთი პირის მდგომარეობა საშუალოზე მძიმეა – ამის შესახებ ინფექციური საავადმყოფოს სამედიცინო დირექტორმა ჟურნალისტებთან საუბრისას განაცხადა. მისი თქმით, პირველი სამი პაციენტის მდგომარეობა, რომლებიც ინფექციურ საავადმყოფოში ერთი კვირაა იმყოფებიან, სტაბილურია.
„ერთი პაციენტის მდგომარეობა 24 საათის მეთვალყურეობის შემდეგ საშუალოზე მძიმეა, მაინც საყურადღებოა ეს პაციენტი, რადგან დაავადება კარგად არის გამოვლენილი. მეორე პაციენტის მდგომარეობა არის მსუბუქი და თუ ასე შენარჩუნდება, კარგი იქნება. დანარჩენი შვიდი პაციენტი არის კლინიკის გამოვლინების გარეშე, დადებითი ტესტირებით, ამათთან გრძელდება ყოველდღიური მეთვალყურეობა კვლევები და შეფასება დინამიკაში, როგორ ვითარდება სიტუაცია. ყველასთან მოსალოდნელია დაავადების პროგრესირება და გამოვლენა, რაც შეეხება პირველ სამ პაციენტს, რომელიც დაახლოებით ერთი კვირაა ჩვენთან წევს, მათთან სტაბილური სიტუაციაა“, – განაცხადა ეზუგბაიამ.
შეგახსენებთ, რომ გუშინ კორონავირუსის შემთხვევის რიცხვი საქართველოში 5-ით გაიზარდა და ჯამში 9 ინფიცირებულია.