პარლამენტის შენობასთან ხმაურია. „გადადგეს რუსეთუმე გახარია“ – ასეთი შინაარსის ბანერი პარლამენტის წინ გამოფინეს.
პარლამენტის შენობასთან „ნაციონალური მოძრაობის“ ლიდერები,მათი მხარდამჭერები და მოქალაქეები საყვირების აქციას მართავენ.
გამკაცრებულია უსაფრთხოების ზომები. პერიმეტრზე მობილიზებულია პოლიცია.
გამკაცრებულია შესვლა შენობაში. აკრედიტირებული ჟურნალისტები პარლამენტში შესვლამდე შემოწმებას შინაგან საქმეთა სამინისტროს წარმომადგენელთან გადიან.
ლარმა გაუფასურების რეკორდი მოხსნა.
ეროვნული ბანკის მიერ გამოქვეყნებული მონაცემების თანახმად, 1 აშშ დოლარის ღირებულებამ 2.7945 ლარი შეადგინა. კურსი, რომელიც გუშინ მოქმედებდა, 2.7798 ლარი იყო.
დღემდე ლარის გაუფასურების ისტორიული მაქსიმუმი 2019 წლის 28 მაისს დაფიქსირდა. კერძოდ, იმ დღეს დადგენილი კურსით ერთი დოლარი 2,7876 ლარი იყო.
გაცილებით მაღალია კურსი სავალუტო ჯიხურებსა და კომერციულ ბანკებში. სავალუტო ჯიხურებში ერთი დოლარის ღირებულება 2.81 ლარია.
საქართველოს ბანკში 1 დოლარის ღირებულება 2.85 ლარს აღწევს, თიბისი ბანკში კი მისი ღირებულება 2.86 ლარია.
“მინდა გავემიჯნო იმ ადამიანის მოსაზრებას, რომელთანაც მთელი ჩემი პროფესიული ცხოვრება გავატარე – ბატონი რობერტ სტურუას” – ამის შესახებ კომპოზიტორმა გია ყანჩელმა განაცხადა.
“მინდა გავემიჯნო იმ ადამიანის მოსაზრებას, რომელთანაც მთელი ჩემი პროფესიული ცხოვრება გავატარე – ბატონი რობერტ სტურუას აზრით საქართველო დამთავრდა, მე არ ვიზიარებ ამ მოსაზრებას, ვინაიდან საქართველოს ფეხზე დადგომა ისევ დაიწყო. მინდა გავემიჯნო სასულიერო და სამოქალაქო პირების იმ ნაწილს, რომელიც ურთიერთპატივისცემის ნაცვლად საზოგადოებას ურთიერთდაპირისპირებას მოუწოდებს. ნება მომეცით ჩემი დამოკიდებულება დასახიჩრებული და დაპატიმრებული ახალგაზრდების მიმართ გამოვხატო ჩემი ციტატით ჩემი სიმღერიდან “ჰერიო ბიჭებო”. – “ჰერიო ბიჭებო ჰერიო, არ გავახაროთ მტერიო”, – განაცხადა გია ყანჩელმა ტვ პირველის ეთერში.
შეგახსენებთ, გია ყანჩელის გამოხმაურება რობერტ სტურუას განცხადებას მოჰყვა, მან განაცხადა, რომ “ბოროტმა სულმა იმარჯვა, ნაცისტები ზეიმობენ: საქართველო აღარ არის!“
ირაკლი კობახიძე პარლამენტის თავმჯდომარის თანამდებობას დღეს ოფიციალურად დატოვებს.
კობახიძის თანამდებობიდან წასვლის შესახებ განცხადება კახა კალაძემ რამდენიმე დღის წინ გააკეთა.
საპარლამენტო უმრავლესობა ამ თანამდებობაზე არჩილ თალაკვაძის კანდიდატურას დაუჭერენ მხარს.
მას შემდეგ რაც არჩილ თალაკვაძე კობახიძის ადგილს დაიკავებს, საპარლამენტო უმრავლესობის ლიდერი გია ვოლსკი იქნება.
ყაზბეგში ადგილობრივმა მოსახლეობამ Mountain Set: Kazbegi საფესტივალო ტერიტორია დაარბია. დამტვრეულია ინფრასტრუქტურა. ინფორმაცია ამის შესახებ სოციალურ ქსელში გავრცელდა.
ინფორმაცია საფესტივალო ტერიტორიის დარბევის შესახებ კლუბ BASSIANI-ს დამფუძნებელმა, ნაჯა ორაშვილმა, გაავრცელა.
“ამასობაში ადგილობრივმა მოსახლეობამ დაარბია Mountain Set: Kazbegi-ის საფესტივალო ტერიტორია, დაამტვრიეს ინფრასტრუქტურა და ფიზიკურად გაუსწორდნენ მუშახელს – წმინდა მიწაზე ფეხი არ დადგათო,”- წერს ორაშვილი.
ელექტრონული მუსიკის ფესტივალი ყაზბეგში Mountain Set 28-29-30 ივნისსაა დაგეგმილი.
საქართველოში 2 დაკარგულ გერმანელ გოგონას ეძებენ.
სოციალურ ქსელში ერთ-ერთი დაკარგულის ძმა წერს:
“!იძებნება !
ჩემი და ტაბეა და მისი მეგობარი მაია ავტოსტოპით ჩამოვიდნენ გერმანიიდან საქართველოში. რამოდენიმე დღე საქართველოში გაატარეს. 15 ივნისს იყვნენ თბილისში.
ხომ არ გინახავთ?
რაიმე ინფორმაციის არსებობის შემთხვევაში, გთხოვთ, დაგვიკავშირდეთ: [email protected]
ან დაუკავშირდეთ პოლიცია: 112
უგზოუკვლოდ დაკარგულების საიდენთიფიკაციო ნომერი: BY1217-007146-19/6
წინასწარ გიხდით მადლობას, ოჯახი!”
ერთ-ერთი ტურისტი, რომელიც მეტეხის ეკლესიის მიმდებარე ტერიტორიიდან სიმაღლიდან გადავარდა, საავადმყოფოში გადაყვანის შემდეგ გარდაიცვალა. ტურისტი ინგოროყვას კლინიკაში იყო მოთავსებული.
შეგახსენებთ, რომ გუშინ სარამოს რიყეზე სამი ტურისტი სიმაღლიდან გადავარდა. შემთხვევა სავარაუდოდ ერთ-ერთი კონსტრუქციის ჩამოშლას მოჰყვა. ერთი ტურისტი ადგილზე გარდაიცვალა, ერთი კი საავადმყოფოში გადაყვანის შემდეგ. ამ დროისთვის მესამე დაშავებულს კლინიკა „ამტელ-ჰოსპიტალში“ შესაბამისი მკურნალობა უტარდება.