94 მომხრე არცერთი წინააღმდეგი-არჩილ თალაკვაძე პარლამენტის თავმჯდომარედ აირჩიეს. ერთსულოვანი მხარდაჭერის შემდეგ პარლამენტის სასესიო დარბაზში საქართველოს ეროვნული ჰიმნი შესრულდა. ჰიმნის დასრულების შემდეგ თალაკვაძემ თავმჯდომარის სკამი დაიკავა და ამ დროისთვის პარლამენტის სხდომას უძღვება.
კენჭისყრაში მონაწილეობა არ მიუღიათ „ნაციონალური მოძრაობის“ და „ევროპული საქართველოს“ წევრებს.
“გიორგი გახარიამ იმ ღამეს სისხლისღვრას გადაარჩინა ბევრი ახალგაზრდა”- ეს განცხადება, საპარლამენტო უმრავლესობის წევრმა, მიხეილ ყაველაშვილმა ჟურნალისტებთან გააკეთა.
„პოლიციამ იმ დღეს ჩვენი საზოგადოება გადაარჩინა სისხლისღვრას, მერწმუნეთ, რომ აქ მოხდებოდა საშინელება, სისხლისღვრა მოხდებოდა, ვცახცახებდი. გადავრჩით სისხლისღვრას. შემდეგ განვითარებულ მოვლენებზე, ის მობრძანდება პარლამენტში, დეტალურად მოჰყვება, თუ როგორ და რანაირად განვითარდა. პირად საუბრებში, სერგი კაპანაძე, არ ვიცი, კიდევ ვინ არიან, ჩვენ ადამიანებს ვაჩერებდითო, რომ ვეუბნები, რომ პასუხისმგებელი იყავი ამ შევარდნაზე? რატომ არ ემიჯნები იმ ძალადობრივ ძალად, რომელმაც განაცხადა, ნიკა მელიას ხელის მოქნევით, განაცხადა, რომ ახლა შევდივართ პარლამენტში, აქ მომღიმარი სახეებით, სამადაშვილი, ბოკუჩავა, გოცირიძე ელოდებოდნენ თავისი აქტივით, რომ სცენარი იყო, რომ ისინი უნდა შემოვარდნილიყვნენ, როგორც 2003 წელს, დაემხოთ, აქ პარლამენტში, გამოეცხადებინათ, რომ დამხობილია ხელისუფლება, ეს იყო სცენარი.
“ეს არ განახორციელა და ამას ხელი შეუშალა გიორგი გახარიას. ჩემი შვილები არიან, ორი მყავს, მისი მეგობრები დადიან, როგორო წარმოგიდგენიათ, რომ ვინმეს თავში მოუვიდეს, რომ ახალგაზრდას თავში ესროლეს. ის დაისჯება, ვინც დამიზნებით ესროლა. პოლიტიკური პასუხისმგებლობას დააკისრებს ნაციონალურ მოძრაობს, რომელმაც გაბედა და შტურმით აღება მოინდომა და შეცდომაში შეყვანა ჩვენი ახალგაზრდები,“ – განაცხადა მიხეილ ყაველაშვილმა.
ემზარ კვიციანი პარლამენტში დროებითი საგამოძიებო კომისიის შექმნას ითხოვს, რომელიც გამოიძიებს 20 ივნისს მართლმადიდებლური საპარლამენტო ასამბლეის ჩაშლის საკითხს და ასევე დათვლის მიყენებულ ზარალს.
” თუ მართლმადიდებელი ხარ..ვინმემ განსაზღვრა საერთოდ რამხელა დანაკარგი გვაქვს ჩვენ ამ ასამბლეის ჩაშლით? პოლიტიკურიც და ეკონომიურიც, სასწრაფოდ უნდა იქნას გამოძიებული და მაქვს წინადადება შევქმნათ დროებითი საგამოძიებო კომისია აქ პარლამენტში და იქნას გამოძიებული, ვინ უწყობდა ხელს ამ პროვოკაციას და ვინ დგას ამ ყველაფრის უკან”- განაცხადა კვიციანმა.
შეგახსნებთ, რომ 20 ივნისს მართლმადიდებლური საპარლამენტო ასამბლეა მას შემდეგ ჩაიშალა, რაც რუსი დეპუტატის პარლამენტში ხილვამ საზოგადოების პროტესტი გამოიწვია.
თბილისის სატრანსპორტო კომპანიის ცნობით, მეტროპოლიტენის ორ სადგურს შორის მდებარე დამხმარე გვირაბში დღეს ტექნიკური ხარვეზი დაფიქსირდა.
„მეტროსადგურების – „ისნისა“ და „300 არაგველის“ სადგურებს შორის მდებარე დამხმარე გვირაბში 12:00 საათისთვის დაფიქსირდა ტექნიკური ხარვეზი, ადგილზე იმყოფებოდა ტექნიკური ჯგუფი, რომელმაც დროულად მოახდინა რეაგირება და ხარვეზის გამოსწორება. მეტროს მოძრაობა არ შეფერხებულა და ჩვეულ რეჟიმში ემსახურება მგზავრებს“, – აღნიშნულია თბილისის სატრანსპორტო კომპანიის განცხადებაში.
მმართველი გუნდიდან წასულმა ეკა ბესელიამ 20 ივნისის ღამესთან დაკავშირებით ყოფილ თანაგუნდელებს მიმართა და მათი განცხადებები გააკრიტიკა.
“სკამების გამო ნუ დაკარგეთ სახე. გასულიყავით გარეთ და იმ ბავშვებს გადაფარებოდით, სადაც არც რევანშის საფრთხე იყო.ახლა რომ მიყურებ ასე ურცხვად იმიტომ არის ტოლობის ნიშანი თქვენსა და იმ მოძალადეებს შორის. სადარბაზოებში დაკავებულების ცემა, დევნა, ეს მიგაჩნიათ, რომ ნორმალურია და ამაზე არ უნდა აიღოს პასუხისმგებლობა მინისტრმა?”-მიმართა ბესელიამ. მის განცხადებას სხდომათა დარბაზში ხმაური მოჰყვა, სესიაზე კვლავ შესვენება გამოცხადდა.
შეგახსენებთ, რომ ოპოზიცია სესიას არ ესწრება მათ პროტეტსის ნიშნად სხდომათა დარბაზი დატოვეს.
ამ წუთებში პარლამენტში ვითარება უკიდურესად დაიძაბა. სესიის დაწყებიდან მალევე დეპუტატები ერთმანეთს ფიზიკურად დაუპირისპირდნენ.
ოპოზიცია ითხოვდა დღის წესრიგში შს მინისტრის, გიორგი გახარიას თანამდებობიდან გადაყენების საკითხის დაყენებას, რაზეც მმართველი გუნდისგან უარი მიიღეს. სიტუაცია იმდენად იმდენად დაიძაბა, რომ სხდომის სპიკერმა თამარ ჩუგოშვილმა 10 წუთიანი შესვენება გამოაცხადა.