Category: არქივი

შინაგან საქმეთა მინისტრი, გიორგი გახარია  პარლამენტში მისვლას ითხოვს, ამის შესახებ მან  წერილობით მიმართა პარლამენტს და 20-21 ივნისს თბილისში, რუსთაველის გამზირზე განვითარებულ მოვლენებთან დაკავშირებით  პლენარულ სესიაზე გამოსვლა მოითხოვა. ინფორმაციას შს სამინისტრო ავრცელებს.

„საქართველოს პარლამენტის რეგლამენტის 154-ე მუხლის საფუძველზე, მოგმართავთ თხოვნით, კომპეტენციის ფარგლებში, წარვსდგე პარლამენტის პლენალურ სხდომაზე, 2019 წლის 20-21 ივნისს თბილისში, რუსთაველის გამზირზე განვითარებულ მოვლენებთან დაკავშირებით“, – აღნიშნულია შსს-ს ინფორმაციაში.

თბილისში ძლიერი წვიმაა. უხვი ნალექის გამო რამდენიმე უბანში ავტომობილების მოძრაობა დროებით შეფერხდა.  

გარემოს ეროვნული სააგენტოს ინფორმაციით,ხანმოკლე წვიმა ელჭექით 28 ივნისის ჩათვლით მთელ ტერიტორიაზე არის მოსალოდნელი, ზოგან შესაძლოა იყოს სეტყვაც.

(more…)

დღეს, ლონდონში თიბისი ბანკის ჯგუფის (TBC BANK Group PLC) ყოველწლიური აქციონერთა კრება გაიმართა, სადაც 17 საკითხზე იმსჯელეს და მიიღეს გადაწყველება. აქციონერთა 97,63 პროცენტმა მხარი დაუჭირა დირექტორთა საბჭოში მამუკა ხაზარაძისთვის თავმჯდომარის მანდატის გაგრძელებას, ხოლო ბადრი ჯაფარიძის თავმჯდომარის მოადგილედ არჩევას ხმა აქციონერთა 98,74 პროცენტმა მისცა.

თიბისი ბანკის ჯგუფის აქციონერთა შორის 105 ინსტიტუციონალური ინვესტორია, მათ შორის, აშშ-დან, დიდი ბრიტანეთიდან და კონტინენტური ევროპიდან.

აქციონერთა და ინვესტორთა მხრიდან გამოხატული მხარდაჭერა კიდევ ერთხელ მოწმობს თიბისი ბანკის ჯგუფის მიერ არჩეული სტრატეგიის წარმატებას.

ჯგუფი აგრძელებს საერთაშორისო ბაზრებზე გაფართოების სტრატეგიას და ამჟამად წარმატებით ახორციელებს უზბეკეთისა და აზერბაიჯანის ბაზრებზე შესვლას. ამას გარდა, ჯგუფის უახლოესი გეგმებია 2022 წლისთვის 10 მილიონ მომხმარებელს შესთავაზოს სხვადასხვა ტექნოლოგიური სერვისები, რისთვისაც თიბისი ბანკის ჯგუფმა წარმატებით დაიწყო ეკოსისტემების განვითარება, ისეთი როგორიც არის ინტერნეტ კომერცია და უძრავი ქონება.

“პატრიოტთა ალიანსმა” მოსკოვში დაგეგმილი ვიზიტი გააუქმა.

“ნამდვილად იგეგმებოდა შეხვედრა სოხუმის და ცხინვალის პირველ პირებთან, ნამდვილად იგეგმებოდა წინსვლა ამ საკითხებშიც და ვიზების გაუქმების საქმეშიც, მაგრამ ყველა ეს პროცესი, უკვე მეორედ, შეჩერდა და გადაიდო გაურკვეველი დროით. ასე რომ, არსად არ მივდივართ. ზემოთქმულიდან გამომდინარე, სრულიად სხვა კითხვას ვთავაზობ საზოგადოებას, ჩვენ თავს გავცეთ კითხვაზე პასუხი: საერთოდ, გვინდა თუ არა ჩვენ სოხუმის და ცხინვალის დედასამშობლოში დაბრუნება?”-აცხადებს ირმა ინაშვილი.

ქართველი დეპუტატების რუსეთში ვიზიტის შესახებ რუსეთის დუმის დსთ-ს საქმეთა კომიტეტის თავმჯდომარემ ლეონიდ კალაშნიკოვმა განაცხადა.

“პატრიოტთა ალიანსის” წევრები მოსკოვში პარლამენტარიზმის განვითარების საერთაშორისო ფორუმში უნდ ამიეღო მონაწილეობა, რომელიცივლისის დასაწყისში იმართება.

10 სამართალდამცველს, რომელიც მონაწილეობდა აქციის დაშლაში, უკვე შეუჩერდა სამსახურებრივი უფლებამოსილება, – ამის შესახებ შინაგან საქმეთა სამინისტროს ცენტრალური კრიმინალური პოლიციის დეპარტამენტის დირექტორის მოვალეობის შემსრულებელმა მამუკა ჭელიძემ ბრიფინგზე განაცხადა.

„როგორც საზოგადოებისთვის ცნობილია, 2019 წლის 20-21 ივნისს, პარლამენტის მიმდებარე ტერიტორიაზე მიმდინარეობდა მშვიდობიანი აქცია, რამაც მოგვიანებით, შეიძინა ძალადობრივი ხასიათი – აქციის მონაწილეები შეეცადნენ პარლამენტის შენობის შტურმით აღებას, ჯგუფურად თავს დაესხნენ პოლიციელებს და სხვადასხვა ბლაგვი საგნის გამოყენებით გაუწიეს მათ წინააღმდეგობა.

მოსალოდნელი საფრთხეების თავიდან აცილების მიზნით, აქციის დასაშლელად, პოლიცია იძულებული გახდა გამოეყენებინა კანონით განსაზღვრული სპეციალური საშუალებები.

გვსურს საზოგადოებას ვაცნობოთ, რომ შინაგან საქმეთა სამინისტროს გენერალური ინსპექცია აწარმოებს აქციის დაშლის დროს ცალკეულ სამართალდამცველთა მხრიდან შესაძლო გადაცდომების მოკვლევას.

შესწავლის ფარგლებში, ამ ეტაპზე, 10 სამართალდამცველს, რომელიც მონაწილეობდა აქციის დაშლის ოპერაციაში, უკვე შეუჩერდა სამსახურებრივი უფლებამოსილება.

ამ ეტაპზე, მათ შორის ორი სამართალდამცველის ქმედებაში გამოიკვეთა სისხლის სამართლის დანაშაულის ნიშნები. შესაბამისად, აღნიშნული მასალები რეაგირების მიზნით გადაიგზავნება გენერალურ პროკურატურაში.

შინაგან საქმეთა სამინისტრო გამოთქვამს მზადყოფნას ითანამშრომლოს გამოძიებასთან და გენერალურ პროკურატურას მიაწოდოს მოკვლევის პროცესში მოპოვებული ყველა მასალა“, – განაცხადა ჭელიძემ.

“პატრიოტთა ალიანსი” მოსკოვში მიემგზავრება. ქართველი დეპუტატების რუსეთში ვიზიტის შესახებ რუსეთის დუმის დსთ-ს საქმეთა კომიტეტის თავმჯდომარემ ლეონიდ კალაშნიკოვმა განაცხადა.

“პატრიოტთა ალიანსის” წევრები მოსკოვში პარლამენტარიზმის განვითარების საერთაშორისო ფორუმს დაესწრებიან, რომელიც ივლისის დასაწყისში ჩატარდება.

„ქართული დელეგაცია – „საქართველოს პატრიოტთა ალიანსის“ დეპუტატები ჩამოსვლას აპირებენ. უახლოეს დღეებში მიღებული იქნება საბოლოო გადაწყვეტილება“, – განუცხადა კალაშნიკოვმა ჟურნალისტებს.

მალხაზ მაჩალიკაშვილი რუსთაველის გამზირიდან აღებული კარვების და შიგნით არსებული ნივთებს დაბრუნებას ითხოვს. სპეცრაზმის მიერ მოკლული თემირლან მაჩალიკაშვილის მამა ამ წუთებში მთაწმინდის პოლიციის სამმართველოში მივიდა. მალხაზ მაჩალიკაშვილმა პოლიციაში განცხადება შეიტანა, სადაც აღნიშნული ნივთების დაბრუნება მოითხოვა.

პარლამენტის წინ განთავსებული კარვები 20 ივნისის მოვლენების შემდეგ რუსთაველის გამზირიდან აიღეს.

გოგონა,  რომელმაც 20 ივნისის  აქციაზე თვალი დაკარგა, საავადმყოფოს ტოვებს. მაკო გომური ნიუ ჰოსპიტალში მკურნალობდა და ამ დროისთვის მისი ჯანმრთელობის მდგომარეობა დამაკმაყოფილებელია.

მარიამ გომურმა ექიმებსა და გულშემატკივრებს მადლობა გადაუხადა და მზად არის ბრძოლა გააგრძელოს.

“ძალიან კარგად ვგრძნობ თავს, რადგან შემიძლია წავიდე სახლში. მინდა მადლობა გადავუხადო ექიმებს. ნარკოზიდან რომ გამოვედი უამრავი შეტყობინება დამხვდა. დიდ მადლობას ვუხდი ყველას გვერდში დგომისთვის და თანატოლებს მოვუწოდებ, რომ რაღაცების მისაღწევად ერთად უნდა ვიბრძოლოთ”. – განაცხადა მარიამ გომურმა.

შეგახსნებეთ, რომ გოგონამ 20 ივნისს აქციაზე მარცხენა თვალი დაკარგა, მას სპეცრაზმის მიერ ნასროლი ტყვია მოხვდა.  ამ ფაქტს საზოგადოების მხრიდან დიდი გამოხმაურება მოჰყვა.

20 ივნისის ღამეს სამედიცინო დაწესებულებებში 240 პაციენტი მოხვდა. მათგან რამდენიმეს მდგომარეობა სტაბილურად მძიმეა.

მამუკა მდინარაძის განცხადებით, 20 ივნისის ღამეზე  პასუხისმგებლობა ოპოზიციამ უნდ ააიღოს. ფრაქცია  “ქართული ოცნების”  თავმჯდომარის თქმით, წარმოუდგენელია გახარიას ვინმეს სხულის დაზიანების ბრძანება გაეცა.

“ყოველგვარი მორიდების გარეშე გეტყვით, რომ ძალიან მიკვირს, როდესაც პოლიტიკურ პასუხისმგებლობაზე საუბრობთ და არ ახსენებს არავინ ოპოზიციას. არ ახსენებენ იმ პოლიტიკურ სუბიექტებს და პოლიტიკოსებს, რომლებიც მოუწოდებდნენ საქართველოს პარლამენტის შტურმით აღებისაკენ, რომლებიც მოუწოდებდნენ ძალადობისკენ.

მართლაც საშინელი სანახავია და მართლაც ძალიან განვიცდით თითოეული ჩვენგანი თითოეული ადამიანის ჯანმრთელობის მდგომარეობას, ამასთან დაკავშირებით თუ ვერ ხედავს რომელიმე ჟურნალისტი თუ მოქალაქე პოლიტიკურ პასუხისმგებლობას, ვინც ამ ყველაფრის ინსპირაცია, პროვოკაცია, პროვოცირება მოახდინა და ამ ყველაფერმა გამოიწვია ის, რომ პოლიციას მოუწია ძალის გამოყენება, ამაში მე მგონია, რომ ცოტა პარადოქსულ ვითარებას უნდა ვხედავდეთ.

როდესაც საუბარია იმაზე, რომ გახარიამ უნდა აიღოს პოლიტიკური პასუხისმგებლობა, დავიწყოთ თავიდან. პოლიტიკური პასუხისმგებლობა პარლამენტში დაშვებულ ძალიან მძიმე შეცდომაზე, მიუხედავად სხვადასხვა გარემოებებისა, აიღო საქართველოს პარლამენტის თავმჯდომარემ. რაც შეეხება აქციას, აქ, პირველ რიგში, პასუხისმგებლობა უნდა აიღონ იმ ოპოზიციონერებმა, ვინც მოუწოდებდნენ. მეორე რიგში, სამართლებრივი პასუხისმგებლობა უნდა დადგეს იმ ადამიანების, ვინც გადაამეტა უფლებამოსილებას და გასცდა ბრძანებას, გასცდა კანონს და თავის დებულებას, მაგრამ აქ საუბარი არ შეიძლება იყოს მინისტრზე, რომელიც მოქმედებდა ადეკვატურად, გასცემდა ადეკვატურ ბრძანებებს. თქვენ როგორ წარმოგიდგენიათ, რომ მინისტრი გახარია ვინმეს სხეულის დაზიანების ბრძანებას გასცემდა იმ დღეს? თუ როგორ წარმოგიდგენიათ, რეალურად? ”-განაცხადა მდინარაძემ.