მეტროსადგურ „ნაძალადევში“ ვაგონში დაკვამლიანება შეინიშნებოდა, რის გამოც მგზავრი ცუდად გახდა. მომხდარის გამო მეტროსადგურში მოძრაობა მცირე ხნით შეფერხდა.
თბილისის სატრანსპორტო კომპანიაში აცხადებენ, რომ მატარებლის მხოლოდ ერთი ვაგონის გაუმართაობა დაფიქსირდა, რის გამოც მატარებელი მთლიანად დაიცალა მგზავრებისგან. ამ დროისთვის მეტროსადგური ჩვეულ რეჟიმში მუშაობს.
ნიკა მელიასთვის სადეპუტატო მანდატის შეწყვეტის წინააღმდეგი საპროცედურო კომიტეტის 8 წევრიდან მხოლოდ ერთი, ხათუნა გოგორიშვილი აღმოჩნდა.
მელიასთვის იმუნიტეტის შეწყვეტას მხარი დაუჭირეს – გიორგი კახიანმა, სოფიო კილაძემ, შალვა კიკნაველიძემ, კარლო კოპალიანმა, ივლიანე წულაიამ და ენძელა მაჭავარიანმა.
სხდომაზე არ იმყოფებოდა ორი დეპუტატი – ეკა ბესელია და ალექსანდრე ერქვანია.
კომიტეტმა ნიკა მელიასთვის სადეპუტატო იმუნიტეტის მოხსნას მხარი დაუჭირაგადაწყვეტილებას, რომლის მიხედვითაც მელიას შესაძლოა პატიმრობა შეეფარდოს კენჭი რამდენიმე წუთის წინ საპროცედურო და იურიდიულ საკითხთა კომიტეტის სხდომაზე უყარეს.იმუნიტეტის მოხსნის მოთხოვნით პარლამენტს პროკურატურამ მიმართა. ნიკა მელიას პირველი კომენტარი გადაწყვეტილების მიღების შემდეგ.
„ბიძინა ივანიშვილი არის მონურ მორჩილებაში პუტინთან იმიტომ, რომ მას თავის მხრივ ჰყავდეს სხვები მონურ მორჩილებაში, ხედავთ ივანიშვილი მონურ მორჩილებაში მყოფი ადამიანები რას აკეთებენ, მათ შორის პარლამენტში,“ – აღნიშნა მელიამ.
ნიკა მელიას თქმით, რუსი დეპუტატი გავრილოვი ქართველი დეპუტატების დასჯას ითხოვს, ივანიშვილი კი პუტინის დავალებებს ასრულებს.
„ამ წუთამდე რომ აქ ვარ და აქამდე ხელბორკილები რომ არ დამადეს, ესეც გასაკვირია. ახლა ყველაზე ცოდო და რთულ მდგომარეობაში ვინც არის, ბიძინა ივანიშვილი არა იმიტომ, რომ მოსახლეობის უდიდესი ნაწილის წინააღმდეგ წავიდა, არამედ იმიტომ, რომ პუტინი სხვა გზას არ უტოვებს,“ – განაცხადა ნიკა მელიამ.
კომიტეტმა ნიკა მელიასთვის სადეპუტატო იმუნიტეტის მოხსნას მხარი დაუჭირა.
საპროცედურო საკითხთა და იურიდიული კომიტეტების გაერთიანებული სხდომა რამდენიმე საათის განმავლობაში ხმაურის ფონზე მიმდინარეობდა.საბოლოოდ კომიტეტმა “ნაციონალური მოძრაობის“ წევრის ნიკა მელიასთვის იმუნიტეტის შეჩერების შესახებ გადაწყვეტილება ხმათა უმრავლესობით მიიღო. გადაწყვეტილებას 15 მომხრე და 4 მოწინააღმდეგე ჰყავდა.
საკითხს განსახილველად პლენარულ სხდომაზე დღესვე გაიტანენ.
კომიტეტის სხდომა, სადაც ნიკა მელიასთვის სადეპუტატო იმუნიტეტის მოხსნის საკითხი განიხილება, კვლავ დაპირისპირების ფონზე მიმდინარეობს.
სხდომის წამყვანმა ანრი ოხანაშვილმა ოპიზიციონერ გამომსვლელებს რამდენჯერმე შეაწყვეტინა სიტყვა, რასაც სიტყვიერი შეურაცხყოფა მოჰყვა.
“დაიღალა საზოგადოება ასეთი ადამიანების ყურებით რომლებიც ცინიზმით გამოირჩევიან, დამშვიდდით და ცინიზმს მოეშვით” მიმართა ოხანაშვილმა ხათუნა გოგორიშვილს, რასაც ოპოზიციონერი დეპუტატის მხრიდან საპასუხო რეპლიკა მოჰყვა: ” დღეს ერთი პლიუსი დაგისვეს ანრი ყოჩაღ” -უპასუხა გოგორიშვილმა.
დაპირისპირება მცირე ხანს გაგრძელდა. ოხანაშვილის კიდევ ერთ რეპლიკას გოგორიშვილმა ასე უპასუხა: “თავხედის ხმა მესმის, წესიერად მოიქეცი”
“გამარჯვებული საქართველოს“ლიდერი ირაკლი ოქრუაშვილი სოციალურ ქსელში მისი შესაძლო დაკავების ფაქტს ეხმაურება და ბიძინა ივანიშვილის შვილს ბერა ივანიშვილს მიმართავს.
“ჩემო ბერა! იმ ერთ გზააბნეულ ქართველ პოლოტიკოსს, სახლში რომ გყავს, უთხარი – დღეს დასაჭერად არ მცალია, ქორწინების 20 წლისთავი მაქვს და ხვალ გამომიაროს“, – წერს ოქრუაშვილი
ვრცელდება ინფორმაცია,რომ ნიკა მელიას გარდა, “ევროპულის საქართველოს“ ერთ-ერთი ლიდერის გიგი უგულავას და “გამარჯვებული საქართველოს“ ლიდერის ირაკლი ოქრუაშვილის დაკავებაც იგეგმება.
შეგახსენებთ, რომ 20 ივნისს განვითარებული მოვლენების გამო გამოკითხვაზე ირაკლი ოქრუაშვილი და გიგი უგულავა დაიბარეს.
კომიტეტის სხდომაზე, სადაც ნიკა მელიასთვის იმუნიტეტის მოხსნის საკითხი იხილება, მმართველი პარტიის დეპუტატმა, ნუკრი ქანთარიამ ნაციონალური მოძრაობის დეპუტატს, ასე მიმართა თინათინ ბოკუჩავას.
“კარქით, კარქით, კარქით, კარქით, კარქით, კარქით ნუ ჭყივიხართ; არ გვინდა თქვენი წიწინი, წიწინი არ გვინდა, წიწინი არ გვინდა, წიწინი არ გვინდა. აბა, გაჩერდი ერთი წუთი, გაჩერდი გენაცვალე. იოგებს გაუფრთხილდი, პატარა გოგო ხარ, იოგებს გაუფრთხილდი თუ შეიძლება, გამოგადგება მომავალში”.
პეკინზე “iPhone +”-ის მაღაზიაზე რამდენიმე წუთის წინ შეიარაღებული თავდასხმა მოხდა. თავდამსხმელმა მძევლად მაღაზიის ერთი თანამშრომელი აიყვანეს. პირი, რომელიც მაღაზიაში შეიწრა ცივი იარაღით არის შეიარაღებული. ის სამართალდამცველებმა უკვე დააკავეს ახალგაზრდა მამაკაცი. დაკავებული ჯერ კიდევ შენობაში იმყოფება. როგორც შს სამინისტროში აცხადებენ, მამაკაცი მაღაზიაში ყაჩაღობის მიზნით შეიჭრა. მას მძევალი არ აუყვანია და საპატრულო პოლიციის თანამშრომლებმა ადგილზე დააკავეს.უწყების ცნობით, გამოძიება 179-ე, ყაჩაღობის მუხლით მიმდინარეობს.
პროკურატურის ინფორმაციით, ნიკა მელიას წინააღმდეგ მთავარი მტკიცებულება საქმეზე მოპოვებული ჩვენებებია, რომელიც სამართალდამცავებმა მისცეს.
“რუსთავი2 -ის” ინფორმაციით, ამ მოწმეებს შორის არიან სუსის თანამშრომელი დავით ბარამაშვილი, ახმეტის პოლიციიის უფროსის მოადგილე ალექსი ბუიშვილი და შსს-ს თანამშრომელი ირაკლი შაიშმელაშვილი.
ამ საკითხზე კამათი იყო რამდენიმე წუთის წინ პარლამენტში, სადაც ერთმანეთს მამუკა მდინარაძე და რომან გოცირიძე დაუპირისპირდნენ
გოცირიძემ ამ პირების შესახებ ინფორმაცია სოციალურ ქსელში მოიძია, მისი თქმით, მარტივი დასადგენია რომ ეს ადამიანები ქართული ოცნების აქტივისტები არიან.
სიტყვიერი დაპირისპირება დეპუტატებს შორის ამ წუთებშიც გრძელდება.