აზერბაიჯანში, სამხედრო ნაწილში აფეთქების შედეგად ორი სამხედრო დაიღუპა. ქვეყნის თავდაცვის სამინისტროს ცნობით, ჯარისკაცს სატანკო ჭურვის დენთის კონტეინერი ძირს დაუვარდა, რამაც ძლიერი აფეთქება გამოიწვია.
დაღუპულთა გარდა, უბედური შემთხვევის დროს დაშავდა კიდევ ერთი სამხედრო, მისი ჯანმრთელობის მდგომარეობა მძიმეა.
აზერბაიჯანის თავდაცვის უწყების ცნობით, მომხდართან დაკავშირებით დაწყებულია გამოძიება.
ჩვენ ვართ პასუხისმგებლიანი მთავრობა და ვმუშაობთ იმისთვის, რომ ქართველ გლეხს, მეღვინეს და ტურიზმის დარგის მესვეურს მეტი არჩევანი ჰქონდეს – ეს განცხადება ეკონომიკის მინისტრმა, ნათია თურნავამ ფერმერებთან შეხვედრის დროს გააკეთა.
მთავრობის წევრები კახეთში ფერმერებს, მევენახეებს, მცირე და საოჯახო ტიპის სასტუმროების მეპატრონეებს შეხვდნენ. შეხვედრაზე ეკონომიკისა და სოფლის მეურნეობის მინისტრებმა ტურიზმის, სოფლის მეურნეობის განვითარებასა და უსაფრთხო ქვეყნის მნიშვნელობაზე ისაუბრეს.
დისკუსიის ძირითადი ნაწილი ფერმერების მხრიდან რუსული ბაზრის გარშემო გაჩენილ საკითხებს ეხებოდა. ადგილობრივებმა კითხვები ტურიზმის ადმინისტრაციის ხელმძღვანელსაც დაუსვეს. შეხვედრა გურჯაანში გაიმართა.
ეკონომიკის მინისტრის განცხადებით, საქართველოს მთავრობა ინტენსიურად მუშაობს ქვეყნის ეკონომიკის განვითარებისთვის და ალტერნატიულ, რუსეთის ბაზრისგან დამოუკიდებელ გზებს ეძებს.
„ჩვენ ვართ პასუხისმგებლიანი მთავრობა და ჩვენ ვერ ვიქნებით თქვენთან, ასე ვთქვათ, არაგულახდილები. იყო მცდელობა ბოლო დროს, ესეც მოვისმინეთ სხვადასხვა პოლიტიკოსისგან თუ მედიასაშუალებისგან, რომ შეელამაზებინათ ვითარება, რომ, თითქოს, 2-3 თვეში ჩავანაცვლებთ ჩვენ რუს ტურისტს.1 მილიონ ტურისტზეა საუბარი წლის ბოლომდე, ჩავანაცვლებთ რუსულ ბაზარს იგივე მეღვინეებისთვის და მარტივად გადავერთვებით. თუკი ვინმე მუშაობს იმ თვალსაზრისით, რომ მეტი არჩევანი ჰქონდეს ქართველ გლეხს, ქართველ მეღვინეს, ქართველ მეატმეს, ტურიზმის დარგის მესვეურს, ეს არის ჩვენი მთავრობა. 2014 წელს მოხდა ხელმოწერა უმნიშვნელოვანესი დოკუმენტის, ეს არის თავისუფალი ვაჭრობის შეთანხმება ღრმა და ყოვლისმომცველი ჩვენსა და ევროკავშირს შორის“, – განაცხადა ნათია თურნავამ.
ცხადია, რომ რუსეთი ოკუპანტია და ვინც ეს მხოლოდ დღეს გაიგო და ამით სპეკულირებს, ნაგავია! ისევე როგორც მთელ ქვეყანაში, არც საქართველოს პირველ არხზე საკუთარ თავს არავინ აკადრებს, რომ ბაჩოს ან საერთოდ ვინმეს უსაყვედუროს, რუსეთზე ოკუპანტი რატომ თქვიო. ერთი ორი შლეგი ყველგანაა და მათ სათვალავში ნუ მივიღებთ. მე მგონია, რომ არც ერთ ადამიანს, რომელიც საკუთარ გონიერებას ოდნავ მაინც პატივს სცემს, წესით ასეთი სულელები არ უნდა ვეგონოთ, თუმცა, ყველა საკუთარი სამრეკლოდან იყურება. რასაკვირველია, ჩნდება კითხვა, ვინ და რატომ ცდილობდა მთელი დღის განმავლობაში ამ უსინდისო ფეიკის აგორებას? ვინ და ის არაკეთილსინდისიერი სუბიექტები, რომლებიც შემთხვევას არ უშვებენ, რომ საქართველოს პირველი არხის დისკრეტიდაცია არ სცადონ.
გონივრული ეჭვი მაქვს, რომ ისინი არც ამ განმარტებას შეისმენენ და ხვალ და ზეგ მაინც იგივეს გაიმეორებენ, ამიტომ მათთვის საყვარელ და, როგორც ჩანს, ერთადერთ გასაგებ ენაზეც დავუმტკიცებ ამ ფეიკის მომგონებლებსაც და ამგორებლებსაც: მტყუნის ….. ……! წერტილების ადგილას ასოების ჩაწერა წესით არ უნდა გაუჭირდეს, ვისაც ეს ეხება“, – აცხადებს ვასილ მაღლაფერიძე.
“დაიღალე პუტინისგან? დაისვენე საქართველოში”, “მე გავრილოვი არ ვარ” – ამ და სხვა სლოგანებით 9 ივლისს 14:00 საათზე რუსეთის მოქალაქეები რომლებიც საქართველოში იმყოფებიან პარლამენტთან სოლიდარობის აქციას გამართავენ. რუსეთის მოქალაქეები წერენ რომ მათ ძალიან უყვართ საქართველო. “საქართველო ერთ-ერთი უსაფრთხო და თავისუფალი ქვეყანა” წერენ რუსეთის მოქალაქეები სოლიდარობის აქციის ღონისძიებაზე.
აქციის ერთ-ერთი მთავარი მესიჯია ისიც, რომ რუსეთის მოქალაქეები საქართველოს ტერიტორიულ მთლიანობას მხარს უჭერენ და აღიარებენ მათი ქვეყნის მიერ საქართველოს ოკუპაციას.
იუნესკომ მსოფლიო კულტურულ მემკვიდრეობად ახალი ადგილები აღიარა. პრესტიჟულ სიას ანტიკური ქალაქი ბაბილონი შეემატა.
ერაყი 4 ათასი წლის ნანგრევების კულტურულ მემკვიდრეობად გამოცხადებას 1983 წლიდან ლობირებდა. ქვეყნის დელეგაციამ გაეროს კომიტეტის გადაწყვეტილება ბაბილონის მნიშვნელობისა და მესოპოტამიის ცივილიზაციის აღიარებად შეაფასა.
ბაბილონის გარდა, მსოფლიო კულტურული მემკვიდრეობის სტატუსი კიდევ 5 ადგილს მიანიჭეს. მათ შორის ბრაზილიის სანაპირო ქალაქ პარატის ისტორიული ცენტრი, საფრანგეთის სამხრეთი და ანტარქტიდული ტერიტორიები და ისლანდიის ერთ-ერთი ეროვნული პარკი.
ბიბისი–ს რუსული რედაქცია მომღერალ ნინო ქათამაძესთან ინტერვიუს აქვეყნებს და წერს, რომ მისმა გადაწყვეტილებამ აღარ იმღეროს რუსეთში, მძაფრი რეაქცია და რუსულ სოციალურ ქსელებში განრისხებული კომენტარების ნიაღვარი გამოიწვია.
ინტერვიუში ნინო ქათამაძე ყვება, რამ გადააწყვეტინა სწორედ ახლა რუსეთში გამოსვლაზე უარის თქმა და საუბრობს თბილისში მიმდინარე პროტესტზე, რომელსაც მან მხარი საჯაროდ დაუჭირა.
22 ივნისს ქათამაძე მოსკოვში, ფესტივალ “Усадьба Jazz”–ზე გამოვიდა, რომელიც მისი თქმით ბოლო გამოსვლა იყო. 30 ივნისს კი ფეისბუქზე დაწერა, რომ რუსეთში აღარასოდეს იმღერებს, რუსეთს ოკუპანტი უწოდა, ვლადიმერ პუტინს კი საქართველოს, და შესაბამისად მისი მტერი.
Crocus City Hall–ის წარმომადგენელი ამბობს, რომ მოსკოვში მომავალი წლის მარტისთვის დაგეგმილი კონცერტის ბილეთები ჩვეულებრივად იყიდება და ღონისძიების გაუქმების შემთხვევაში ქათამაძეს კონტრაქტის მიხედვით პირსაგამტეხლოს გადახდა მოუწევს.
ნინო ქათამაძე ბიბისისთან საუბარში ამბობს: ეს გადაწყვეტილება 30 მაისს არ მიმიღია.ეს 2008 წელს დაიწყო.
“რუსულ ქართული ომის შემდეგ მივიღე მონაწილეობა აქციაში “ნუ ისვრი!„. იმ დროს მჯეროდა და მჯერა, რომ დიალოგი საუკეთესო ხერხია რომ ადამიანებს პირდაპირ კითხო მათი დამოკიდებულების შესახებ არა მხოლოდ საქართველოს, არამედ ზოგადად ომის, ძალადობის მიმართ. ამიტომაც მივიღე მაშინ გადაწყვეტილება რომ პირდაპირი კავშირი მქონოდა რუსეთში მცხოვრებ ადამიანებთან. ვთვლიდი და ვთვლი, რომ თუ ამ რთულ ნაბიჯს დგამ და მიდიხარ ქვეყანაში, სადაც სხვაგვარად, მათ შორის სრულიად არაადეკვატურად ეკიდებიან შენს ქვეყანას, შენს სამოქალაქო პოზიციას, ეს რამეს უნდა ემსახურებოდეს, სიყვარულის და სიკეთის გაცვლას.
2008დან 2019 წლამდე, მთელი ეს პერიოდი არ წყდებოდა ოკუპაცია, მკვლელობა, ადამიანების წამება, საზღვრების ჩაკეტვა, იმ დროს, როცა ჩემი ინფორმაციით საქართველოს ხელისუფლება ღია იყო ურთიერთობისთვის. ჩავთვალე, რომ მისიამ, რომელიც ჩემს მუსიკას ქონდა მნიშვნელობა დაკარგა. მთავარი პრობლემა მეორე და მესამე პლანზე გადავიდა და საერთოდ აღარ იყო ჩვენს დღის წესრიგში. მე, როგორც მოქალაქეს, როგორც ქართველს არ მქონდა უფლება ჩემი მსმენელის წინაშე ყალბი ვყოფილიყავი და არ გამეთვალისწინებინა ის მოვლენები, რაც აქამდე ხდებოდა. არ შემიძლია სიყვარულზე უსიყვარულოდ ვიმღერო, ამიტომაც მივიღე ეს გადაწყვეტილება.“– ამბობს ნინო ქათამაძე.
თავისუფალი თაობის თავისუფლების მარში – უწყვეტი საპროტესტო აქციების დაწყებიდან მე-17 დღეს სისხლიანი 20 ივნისის მთავარი შემოქმედის, გიორგი გახარიას გადადგომის მოთხოვნით კიდევ ერთი მსვლელობა გაიმართება. აქციის ორგანიზატორები ამბობენ, რომ პროტესტი არ შეწყდება, სანამ გახარია თანამდებობას არ დატოვებს.
„ჩვენი მესამე მოთხოვნა ჯერ კიდევ დაუკმაყოფილებელია და ველოდებით, იმიტომ, რომ არ ვაპირებთ გაჩერებას. ვიქნებით ძალიან ბევრნი, იმიტომ, რომ შაბათია და ადამიანებმა კულტურაც შეიცვალა, ოჯახებით მოდიან, რაიონებიდანაც ჩამოდიან ადამიანები და ძალიან მჯერა, რომ ამ ბრძოლას აუცილებლად ექნება შედეგი, იმიტომ, რომ არ არსებობს მსოფლიო ისტორიაში ასეთი სამართლიანი პროტესტი, რომელიც გამარჯვებით არ დასრულებულა,“ – ამბობს აქციის ორგანიზატორი, გიგა მაქარაშვილი.
თავისუფლების მარში საღამოს 7 საათზე, პარლამენტის შენობიდან დაიწყება და ქვეყნის მთავარი მმართველის, „ქართული ოცნების“ თავმჯდომარის, ბიძინა ივანიშვილის ბიზნესცენტრთან დასრულდება.
გიგა მაქარაშვილის თქმით, არ იცის, იქნება თუ არა ივანიშვილი თავის რეზიდენციაში, თუმცა, მომიტინგეები მივლენ და მთავარ მოთხოვნას მის სახლთან კიდევ ერთხელ გაახმოვანებენ.
„ბიძინა ივანიშვილი დაგვხვდება თუ არა, არ ვიცი, მაგრამ, როგორც წესი, ერიდება ხოლმე ბევრ ადამიანთან ურთიერთობას, მით უმეტეს, ამდენ გაბრაზებულ ადამიანთან, რომელიც არ აპირებს რეალურად, მას სახლში შეუვარდეს ან რამე დაუშაოს, უბრალოდ, ეშინია და როგორც ვიცი, ყოველდღიურად ჭორვილაში მიდის, გურიაში მიდის თავის სახლში. თუმცა, გურიაშიც ელოდებიან, შეკვეთილში, მას მუდმივად, იქ ადამიანები შიმშილობენ,“ – განაცხადა გიგა მაქარაშვილმა.
პარალელურად, ისევ უწყვეტ რეჟიმში გრძელდება რუსთაველის გამზირზე შიმშილობის აქციაც.
მცხეთაში ქვიშით დატვირთული სატვირთო მანქანა ამობრუნდა. როგორც შინაგან საქმეთა სამინისტროში “რუსთავი 2-ს” განუცხადეს, ავტოსაგზაო შემთხვევის შედეგად არავინ დაშავებულა. უწყების ცნობით, მძღოლმა სამართალდამცველებს წინააღმდეგობა გაუწია.
შინაგან საქმეთა სამინისტროს ცნობით, მომხდართან დაკავშირებით გამოძიება ადმინისტრაციულ სამართალდარღვევათა კოდექსის 173-ე მუხლით დაიწყო, რაც ითვალისწინებს სამართალდამცავი ორგანოს თანამშრომლის კანონიერი განკარგულებისა და მოთხოვნისადმი დაუმორჩილებლობას.