Category: არქივი

ექსპერტები და ანალიტიკოსები ხელისუფლებას პუტინთან რევერანსების ნაცვლად, მოქმედებას ურჩევენ, რადგან რუსეთის პრეზიდენტის მიერ წარმოდგენილი საქართველოს ახალი ისტორია უფრო დიდი საფრთხის შემცველია, ვიდრე თუნდაც ყველაზე მკაცრი სანქციები. ექსპერტები ამბობენ, რომ ვლადიმერ პუტინის ამ განცხადებაზე ადეკვატური რეაგირების ნაცვლად, “ქართული ოცნების” ხელისუფლება რუსეთის პრეზიდენტს ახლა მარაოს უნიავებს.

„პუტინი ახლა იქცევა კლასიკური იაკუძას პრინციპით. გეშინია?! ერთგულებას მიმტკიცებ?!-ნეკა თითი მოიჭერი და დგას ახლა ჩვენი ხელისუფლება და ფიქრობს რა, მოვიჭრა თუ არ მოვიჭრა. ნაწილობრივ უკვე მოჭრილი აქვთ. ნახევარი სისხლი უკვე გამოშვებული აქვთ. პრეზიდენტის განცხადება ეს არის პოლიტიკური დირექტივა. მათ შორის დელეგაციებისთვის სხვადასხვა საერთაშორისო ორგანიზაციებში. ისტორიის გადაწერა ხდება პოლიტიკური მიზნით. სამწუხაროდ, ნახეთ რა გააკეთა პუტინმა, ერთის მხრივ დაკიდა სანქციები და მეორეს მხრივ დაგვაყენა ახალი რეალობის წინაშე. გვითხრა ესეთი რაღაცა რომ არ გინდათ სანქციები?! თუ არ გინდათ მაშინ თქვენ კი არ ხართ ოკუპანტები და დესერტად კიდევ მიირთვით ის რომ ოსების გენოციდი ჩაგიტარებიათ თურმე. აი ეს მოჰყვა რას, ეს მოჰყვა იმას, რომ ხელისუფლებამ მოახდინა შიშის დემონსტრირება რასაც შედეგად მოჰყვა პუტინის ამ ტიპის საკმაოდ კარგად გააზრებული მასტერკლასი საქართველოს ხელისუფლებისთვის,“-განაცხადა გია ხუხაშვილმა.

(more…)

(more…)

ამერიკული საერთაშორისო  ორგანიზაცია The Independent Film & Television Alliance (IFTA) საქართველოს შესახებ არასწორ ინფორმაციას ავრცელებს, რომლის მიხედვითაც საქართველოს ტერიტორიულ მთლიანობას უგულებელყოფს და არღვევს საერთაშორისო კანონმდებლობას და საქართველოს ტერიტორიულ მთლიანობას. 

ამის შესახებ ინფორმაციას მოსკოვში მოღვაწე ემიგრანტი, იურისტი  თეიმურაზ ღვანია გვაწვდის. როგორც ის აცხადებს,  აღნიშნული ფაქტის შესახებ საგარეო საქმეთა მინისტრს დავით ზალკალიანს მისწერა, თუმცა საგარეო უწყებიდან რეაგირება არ ყოფილა. 

საერთაშორისო ორგანიზაცია “The Independent Film & Television Alliance”-ის 2018 წლის დოკუმენტში საქართველო, აფხაზეთი და სამაჩაბლო მოხსენიებულია როგორც  „დსთ“-ში შემავალი რესპუბლიკები ხოლო  სამაჩაბლო  მოხსენიებულია როგორც სამხრეთ ოსეთი, რომელიც ამჟამად ” სამხრეთ ოსეთი ალანიის” სახელითაა ცნობილი. ამ დოკუმენტს ეყრდნობა მედია საშუალებების 90%, როდესაც ამა თუ იმ მიზნით სალიცენზიო ტერიტორიას განსაზღვრავენ.

ორგანიზაციის მიერ 2018 წელს გამოქვეყნებული დოკუმენტი, გამოიყენება როგორც საერთაშორისო ტერიტორიალური მოწყობილობის მაგალითი მსოფლიოს სატელევიზიო, კინო და ტელეკომუნიკაციის სფეროში.

ამერიკული საერთაშორისო  ორგანიზაცია The Independent Film & Television Alliance (IFTA) დაარსდა 1980 წელს და აერთიანებს 130 ქვეყანას, უამრავ საერთაშორისო მედია კომპანიას და აწესებს რეგულაციებს ისეთ სფეროზე, რომელიც პირდაპირ მოქმედებს უმნიშვნელოვანეს მედია სივრცეზე, შესაბამისად გავრცელებული ინფორმაცია ვირუსივით ედება მთელს მსოფლიოს.

შეგახსენებთ, რომ 2009 წლის 18 აგვისტოს საქართველო ოფიციალურად გამოვიდა დსთ-დან. ამას წინ რუსეთის 2008 წლის აგვისტოს ომი უძღოდა. სამხრეთ კავკასიის სახელმწიფოებიდან საქართველო ერთადერთია, რომელიც დსთ-ს წევრი არ არის.

1991 წლიდან დღემდე დსთ-ს წევრები არიან : რუსეთი, ბელარუსი, მოლდოვა, ყაზახეთი, აზერბაიჯანი, სომხეთი, ყირგიზეთი, უზბეკეთი, ტაჯიკეთი და  ერთი ასოცირებული წევრი თურქმენეთი.

ცოტნე გამსახურდია სოციალურ ქსელში უკმაყოფილებას გამოთქვამს იმ ემიგრანტების გამო, რომლებიც მხარს უჭერენ ხელისუფლებას და ლანძღავენ მტავრობის მოწინაღმდეგეებს.

“რა მაოცებს, იცით?

როცა ემიგრანტი ხარ, ბოზის შვილო, გადახვეწილი ხარ ცხრა მთას იქეთ, სახლიდან ათასობით კილომეტრში მონურ სამუშაოზე ლუკმის საშოვნელად, და ხელებს ხელისუფლების ქებით და მისი მოწინააღმდეგეების ლანძღვით იტყავებ კლავიატურაზე, ეს რას ნიშნავს?!

თქვე დედამოთხრილებო, მე გაგაგდეთ ამ ქვეყნიდან, რომ ლუკმა პური ვერ გეშოვათ? რომ ღამის გასათენებელი არ გქონოდათ!? მე გავავსე ჩემი ყვავი-ჩხიკვის-მამიდებით და დებილი კლასელებით ყველა ადგილი, სადაც სამსახურის შოვნა შეიძლებოდა? მე ჩაგადებინეთ ბინები გზის ფულად ბანკებში?!

მაგრამ სხვის მოსაქმებულის წმენდა ხომ ამათი შინაგანი მოწოდებაა. ჰოდა, უწმენდენ ბიძინეს, ეგება რამე, ცოტა, ნამცეცი სახრავი მაინც გადმოუგდოს! მორჩა, 2020 ქოცებს უნდა დავუჭიროთ მხარი, ესენი რომ კიდევ დიდხანს ეყარონ ამ დღეში!”- წერს გამსახურდია.

რუსეთის პრეზიდენტის პრესმდივანი, დიმიტრი პესკოვი აცხადებს, რომ საქართველოში რუს მოქალაქეებს საფრთხე ჯერ კიდევ ემუქრებათ, შესაბამისად ნაადრევია იმაზე საუბარი რომ საქართველოსა და რუსეთს შორის პირდაპირი რეისები აღდგეს. პრესმდივანის განცხადებით საქართველოში არსებული სიტუაცია მათი მხრიდან მუდმივი კონტროლის ქვეშ იქნება. 

“ ჩვენ ვერ გამოვრიცხავთ ფრენების აღდგენას და იმედი გვაქვს, ადრე თუ გვიან  პირდაპირი რეისები აღდგება,“- აბობს პესკოვი და მალევე  ამატებს, რომ საქართველოში ჯერ კიდევ არსებობს რუსოფობული განწყობები. 

დღეს 10 ივლისს გავრცელდა ინფორმაცია, რომ რუსეთმა შესაძლოა საქართველოსთან საჰაერო კავშირი აღადგინოს და საქართველოს მოქალაქეებისთვის ვიზების გაუქმების საკითხის განხილვას დაუბრუნდეს.  ამის შესახებ რუსული გამოცემა “კომერსანტი“ წერს და განმარტავს, რომ ინფორმაცია მათ ქვეყნის საგარეო საქმეთა სამინისტროში ანონიმურად მიაწოდეს.

ქართველი გოლიათი ნაგოია ბაშოზე საკუთარ თავს არ ჰგავს. ტოჩინოშინმა 4 ორთაბრძოლაში 1-ის მოგებაც ვერ მოახერხა და ჯერ-ჯერობით ტურნირის აუტსაიდერებს შორისაა.

ლევანი დღეს ბაშოს მე-4 სატურნირო დღეს მე-3 მაეგაშირა დაიეშოს შეხვდა და ოშიდაშის ილეთით დამარცხდა.

როგორც ცნობილია, ტოჩინოშინს მუხლისა და მხრის ტრავმები აწუხებს და საკუთარ სუმოს ვერ აჩვენებს. წინა ბაშოზე მიღებულ მუხლის ტრავმას მიმდინარე ბაშოსთვის მოსამზადებელ ვარჯიშებზე მხრის ტრავმაც დაემატა და ლევანი ფაქტობრივად ნახევარი ძალით ასპარეზობს.

ჯერ-ჯერობით უცნობია გააგრძელებს თუ არა იგი ზაფხულის ბაშოზე ასპარეზობას, რადგან მას დარჩენილი 11 ორთაბრძოლიდან 8-ის მოგება სჭირდება, რათა კადობანში არ აღმოჩნდეს და მომავალ ბაშოზე მის ოძეკის ტიტულს საფრთხე არ შეექმნას. როგორც მოგეხსენებეთ, წესების თანახმად ბაშოს მიმდინარეობასთან ერთად მას უფრო და უფრო ძლიერ სუმოისტებთან მოუწევს დაპირისპირება.

ვერც მეორე ქართველი სუმოისტისთვის გამოდგა ზაფხულის ბაშო წარმატებული. ლევან ჯუღელმა, იგივე გაგამარუმ, 4 ორთაბრძოლიდან მხოლოდ 1-ში მოახერხა გამარჯვების მოპოვება.

მიუნხენის ქართული ეკლესიის წინამძღვარი დეკანოზი თამაზ ლომიძე  სოციალურ ქსელში ეხმაურება ვლადიმერ პუტინის მიერ გაკეთებულ განცხადებას.

“ასე იყო ეს ქვეყანა მოწყობილი: ჩვენი და უფრო ადრეული თაობებისთვისაც რუსული მეორე ენა იყო, ქართულთან ერთად ბავშვობიდან გვასწავლიდნენ. მაშინდელი საბავშვო ფილმების და მულტფილმების დიდ უმრავლესობას რუსულ ენაზე ვუსმენდით ბავშვები და ამიტომაც რუსული თითქმის ისევე გვესმოდა, როგორც მშობლიური ქართული. ერთ-ერთი ადრეული, რაც ბავშვობიდან მახსოვს, ასე 5-6 წლისანი ვიყავით: დედაჩემი ოთახს ჩააბნელებდა, თეთრ პატარა ეკრანს გავშლიდით კედელზე და საბავშვო დია-ფილმებს ვუყურებდით. თითოეულ უძრავ კადრს ქვემოთ რუსული ენაზე ეწერა იქ ნაჩვენები დიალოგი და დედა ან თვითონ გვითარგმნიდა ქართულად ან ჩვენ გვაცლიდა გვეთარგმნა რუსული ტექსტი მორიგეობით. ამიტომაც, ჩვენს თაობას შეეძლო ორიგინალში წაკითხული რუსი კლასიკოსების ენის სიღრმით აღფრთოვანებულიყო და შესანიშნავად გვესმოდა კრილოვის, ტურგენევის, ტოლსტოის, დოსტოევსკის და ბერდიაევის ენა, შეიძლება ითქვას გვიყვარდა კიდეც რუსული.
ნახეთ, დღეს რა დღეში ჩააგდო ეს ენა რუსეთის ხელისუფლებამ; რუსულს დამართეს ყველაზე უარესი, რაც შეიძლება ენას დაემართოს. თანამედროვე რუსული გადააქციეს ტყუილების და დეზინფორმაციის ენად. რუსულად გავრცელებული მრავალი დეზინფორმაცით მრავალჯერ მოტყუებულები, დღეს, სადმე რაიმე რუსულ ინფორმაციას ან რუსულ ტექსტს რომ წავაწყდებით, უკვე წინასწარ ვთვლით, რომ ალბათ ისევ ტყუილი იქნება. რუსების ტრაგედიაა, რომ თანამედროვე რუსული გადააქციეს ტყუილის ენად. ვისაც ეჭვი გეპარებათ, 1-2 კვირა უსმინეთ რუსულ არხებს და გუშინდელი მათი მეთაურის დეზინფორმაციასაც მოუსმინეთ აფხაზეთის და სამაჩაბლოს შესახებ: თურმე საქართველო ყოფილა თავისი საკუთარი, ქართული კუთხეების ოკუპანტი.
კიდევ ერთი: არავინ მითხრას, მღვდლის საქმე არაა ესო; ტყუილი და სიცრუის გავრცელება უმძიმესი ცოდვაა, ესაა საზოგადოების უკიდურესი გახრწნა და ყველა ქრისტიანის პირდაპირი მოვალეობაა დაგმოს და ებრძოლოს სიცრუეს.”- წერს დეკანოზი თამაზ ლომიძე