Category: არქივი

საქართველოს რეგიონული განვითარების და ინფრასტრუქტურის მინისტრის, მაია ცქიტიშვილის განცხადებით, ,,ანაკლიის განვითარების კონსორციუმმა” დარიცხული პირგასამტეხლო უნდა გადაიხადოს, დააბრუნოს სახელმწიფოსგან გადაცემული მიწები და ღრმაწლოვანი პორტის საპროექტო დოკუმენტაცია.

მინისტრის თქმით, კონსორციუმს 10 მილიონის პირგასამტეხლო სახელმწიფომ უკვე აპატია, თუმცა მათ კიდევ აქვთ დარიცხული გარკვეული რაოდენობის თანხა.

“პირგასამტეხლოსთან დაკავშირებით უკვე იქნა ნაპატიები 10 მილიონ დოლარზე მეტი პირგასამტეხლო, რა თანხაც უკვე გაწეული შეღავათია სახელმწიფოს მხრიდან. დღეის მდგომარეობით კონსორციუმს აქვს კიდევ დარიცხული გარკვეული პირგასამტეხლო და შესაბამისად, ამ პირგასამტეხლოს ანაზრაურების საკითხი, ისევე, როგორც შემდგომი იურიდიული პროცედურები, ბუნებრივია, იქნება დაწყებული. რა თქმა უნდა, ეს გულისხმობს იმასაც, რომ კონსორციუმმა უნდა მოახდინოს სახელმწიფოს მხრიდან გადაცემული მიწების დაბრუნება, ბუნებრივია, უნდა მოხდეს საპროექტო დოკუმენტაციის დაბრუნება სახელმწიფოსთვის. მთელი ეს პროცედურები გაწერილია ხელშეკრულებაში და ზედმიწევნით მივყვებით ხელშეკრულების მოთხოვნებს”, – განაცხადა მაია ცქიტიშვილმა.

მთავრობამ ,,ანაკლიის განვითარების კონსორციუმთან” ხელშეკრულება დღეს შეწყვიტა.

უკრაინული ბოინგ-737-ის ავიაკატასტროფის გამო უკრაინის პრეზიდენტმა, ვლადიმერ ზელენსკიმ 9 იანვარი გლოვის დღედ გამოაცხადა.

ავიაკატასტროფა 8 იანვარს, გამთენიისას თეირანში მოხდა და ბორტზე მყოფი ყველა ადამიანის სიცოცხლე იმსხვერპლა. თვითმფრინავში 180-მდე ადამიანი იმყოფებოდა. უკრაინული წყაროების ცნობით, მათგან 11 უკრაინელი იყო.

უკრაინის საჰაერო ტრანსპორტის რეგულატორმა მომხდარი ავიაკატასტროფის გამო ირანში ფრენები მანამდე აკრძალა, სანამ ჩამოვარდნის ზუსტი მიზეზები დადგინდება.

“ჩვენ ეს პრობლემა უნდა მოგვეგვარებინა, ეს არ უნდა მომხდარიყო” – ასე გამოეხმაურა პრემიერმინისტრი გიორგი გახარია ბაკურიანსა და გუდაურში უწყლობის პრობლემას.

“გამომწვევი მიზეზები იყო როგორც ობიექტური, ისე სუბიექტური ფაქტორები. ის ძალისხმევა, რომელსაც ბოლო წლებში საქართველოს მთავრობა ახორციელებს ქვეყანაში ტურისტების მოზიდვების თვალსაზრისით, არის უაღრესად გასაფრთხილებელი. სწორედ ამიტომ გვმართებდა უფრო მეტი პრევენციული მუშაობა და შესაბამისად, დღეს ჩვენ ზუსტად ვიცით გამომწვევი მიზეზები და გვესმის, რომ პრობლემა არის სისტემური. გვესმის, რომ შესაბამისი დასკვნებია გასაკეთებელი, რომელიც უკვე გაკეთდა და ჩვენ 2020 წელი უნდა დავუთმოთ იმას, რომ მომავალ წელს მსგავსი შემთხვევები არ განმეორდეს.

იმედი გვაქვს, რომ უახლოეს პერიოდში, საათების განმავლობაში, ეს პრობლემა საბოლოოდ მოგვარდება. თუმცა ამ დროისთვის უნდა აღვნიშნოთ, რომ ბევრ შემთხვევაში აშკარად გამოჩნდა კერძო სექტორსა და სახელმწიფოს შორის ურთიერთობის პრობლემა, სამუშაო გვაქვს ერთობლივად. იმედი მაქვს და დარწმუნებული ვარ, რომ უახლოეს პერიოდში ჩვენ ასეთ მუშაობას დავიწყებთ ღიად, გამჭვირვალედ თანამშრომლობას იმ სასტუმროებთან და იმ კერძო სექტორის წარმომადგენლებთან, რომლებიც წარმოდგენილები არიან მთის კურორტებზე” – თქვა გახარიამ.

შეგახსენებთ 1 კვირაზე მეტია, ბაკურიანსა და გუდაურში მოსახლეობისა და სასტუმროების ნაწილს წყალი არ მიეწოდება. ამის გამო, თანამდებობა დატოვა გაერთიანებული წყალმომარაგების კომპანიის დირექტორმა.  მთის კურორტებიდან ტურისტები გარბიან. სასტუმროს მეპატრონეებით თქმით, მათ სერიოზული ზარალი მიადგათ.

თბილისში, სავარაუდოდ გრიპის ვირუსით 28 წლის გორელი გოგო გარდაიცვალა. newpost-ის ცნობით, დაღუპული გრიპის ვირუსისთვის დამახასიათებელი სიმპტომებით თავდაპირველად მკურნალობას გორის სამხედრო ჰოსპიტალში გადიოდა.

პაციენტი კლინიკაში  6 იანვარს შეიყვანეს. არსებული ინფორმაციით, პაციენტმა კლინიკას დაგვიანებით მიმართა,მანამდე   5 დღის განმავლობაში სახლში მკურნალობდა.

„თელასის“ ინფორმაციით, გადაუდებელი სამუშაოების გამო, დღეს თბილისის ზოგიერთ რაიონს ელექტრომომარაგება დროებით შეეზღუდება.

ისნის რაიონი – გადაუდებელი სამუშაოების გამო 10:30 საათიდან 17 საათამდე შეზღუდვა შეეხება: ვაზისუბნის III მიკრორაიონის II კვარტლის, ვარკეთილი-3 დასახლების IV მიკრორაიონის, მეტეხის გვირაბის, ევროპის მოედნის, ღვინის აღმართის, მეტრო „ავლაბარი“-ს მიმდებარე ტერიტორიის, ქეთევან დედოფლის გამზირის (ნაწილობრივ), ცისკრის, ფაღავას, ლაგოდეხის, ბოროდინის, იორის, ირბახის, რუისის, სევანის, ფერიცვალების, ჯორბენაძის, მაჭარის, გონაშვილის, მეტეხის, ალიხანიანის, ჩეხოვის, ნიკოლოზ იზაშვილის, ურბნისის, დუტუ მეგრელის, ლადო მესხიშვილის, სამასი არაგველის, სართიჭალის, ისნის, ხერხეულიძის, მეფე სოლომონ ბრძენის, ჯორჯაძის და წურწუმიას ქუჩების მცხოვრებლებს.

გლდანის რაიონი – გადაუდებელი სამუშაოების გამო 05 საათიდან 07 საათამდე შეზღუდვა შეეხება: გლდანის მასივის II, III, IV მიკრორაიონების, გლდანის ხევის დასახლების, დემნა შენგელაიას, მორეტის, მამკოდის, ნიკოლოზ შენგელაიას და ომარ ხიზანიშვილის ქუჩების მცხოვრებლებს.

გადაუდებელი სამუშაოების გამო 11 საათიდან 17 საათამდე შეზღუდვა შეეხება: გლდანის მასივის II, III, IIIა, VII მიკრორაიონების, ვლადიმერ ნანეიშვილის, მემედ აბაშიძის და ხიზანიშვილის ქუჩების მცხოვრებლებს.

ნაძალადევის რაიონი – გადაუდებელი სამუშაოების გამო 11 საათიდან 15 საათამდე შეზღუდვა შეეხება: ქსნის და არბოს ქუჩების მაცხოვრებლებს.

ვაკის რაიონი – გადაუდებელი სამუშაოების გამო 11 საათიდან 13 საათამდე შეზღუდვა შეეხება: ილია ჭავჭავაძის გამზირის (ნაწილობრივ), ტიციან ტაბიძის, ძმები კიკნაველიძეების, დარიალის, ფალიაშვილის, მიშველაძის, ირაკლი აბაშიძის და ცხვედაძის ქუჩების მცხოვრებლებს.

საბურთალოს რაიონი – გადაუდებელი სამუშაოების გამო 11 საათიდან 16 საათამდე შეზღუდვა შეეხება: ნაფეტვრების გზის მიმდებარე ტერიტორიის, ბაგების დასახლების, ლისის ტბის მიმდებარე ტერიტორიის, სოფელი დიღმის, ფხაკაძის, უნივერსიტეტის, ანა პოლიტკოვსკაიას, ზურაბ ანჯაფარიძის, გიორგი დანელიას და იოსელიანის ქუჩების მცხოვრებლებს.

დიდუბის რაიონი – გადაუდებელი სამუშაოების გამო 11 საათიდან 15 საათამდე შეზღუდვა შეეხება: აკაკი წერეთლის გამზირის (ნაწილობრივ) მცხოვრებლებს.

გარემოს ეროვნული სააგენტოს ცნობით,9-10 იანვარს საქართველოს მთიან ზონებში მოსალოდნელია თოვლი.

„9-10 იანვარს საქართველოს მთიან ზონებში მოსალოდნელია თოვლი, ზოგან შესაძლებელია ძლიერი, ნისლი და ქარბუქი, ზღვაზე 2-3 ბალიანი ღელვა. მოსალოდნელმა ძლიერმა ნალექებმა შესაძლებელია მთიან ზონებში ზვავების ფორმირება და მეწყრული პროცესების ჩასახვა – გააქტიურება გამოიწვიოს“,-ნათქვამია ინფორმაციაში.

ქართული ოცნების დეპუტატი, კარლო კოპალიანი ტექნიკური უნივერსიტეტის კანცლერად აირჩიეს, შესაბამისად, მას საპარლამენტო მანდატის დატოვება მოუწევს.

კოპალიანის თქმით, უნივერსიტეტში კანცლერის თანამდებობა და დეპუტატის მანდატი ერთმანეთთან შეუთავსებელია და ის პარლამენტს დეპუტატის უფლებამოსილების შეწყვეტის თაობაზე მიმართავს.

საქართველოს პარლამენტის რეგლამენტის თანახმად, საგანმანათლებლო საქმიანობა, რომელიც ადმინისტრაციული ფუნქციების შესრულებას გულისხმობს, დეპუტატის მანდატთან შეუთავსებელია.

პარლამენტის საპროცედურო საკითხთა კომიტეტი ვალდებულია, შეისწავლოს შემთხვევა და დეპუტატს უფლებამოსილება შეუწყვიტოს.

შეგახსენებთ, რომ კარლო კოპალიანი ტექნიკური უნივერსიტეტის კანცლერად დღეს აირჩიეს. მას თანამდებობის არჩევნებზე კონკურენტი არ ჰყოლია.

სახალხლო დამცველის, ნინო ლომჯარიას თქმით, დეკანოზმა გიორგი მამალაძემ შიმშილობა დროებით შეწყვიტა.

“ჩემი თხოვნის შედეგად დეკანოზმა დამიდასტურა, რომ წყვეტს შიმშილობას დროებით. ჩვენ ძალიან ბევრ საკითხზე ვიმსჯელეთ, რომლის დეტალებსაც ახლა არ ვიტყვი. ძალიან მაშფოთებს მისი ჯანმრთელობის მდგომარეობა, მას პროგრესი არ აქვს, უარესდება კიდეც მდგომარეობა, ეს ინფორმაცია მისი მკურნალი ექიმისგან მაქვს”, – განაცხადა   ლომჯარიამ.

სახალხო დამცველი გლდანის მე-8 სასჯელაღსრულების დაწესებულებაში მსჯავრდებულ დეკანოზს ცოტა ხნის წინ შეხვდა. შეხვედრა რამდენიმე საათის განმავლობაში მიმდინარეობდა. ომბუდსმენთან შეხვედრა  დეკანოზმა თავად მოითხოვა.