Category: არქივი

{{ARTICLEIMAGE}}
ზვიად გამსახურდიას მკვლელობის გამოძიების მოთხოვნით საქართველოს პირველი პრეზიდენტის შვილებმა – ცოტნე და კონსტანტინე გამსახურდიებმა მთავარ პროკურატურასთან შიმშილობა დაიწყეს. ისინი ზვიად გამსახურდიას მკვლელის დასჯას მოითხოვენ. ამბობენ, რომ გამსახურდიას საქმეზე 2018 წლის 31 დეკემბერს 25 წლიანი ხანდაზმულობის ვადა გადის და საქმე დაიხურება ისე, რომ გაურკვეველი დარჩება პირველი პრეზიდენტის მკვლელობის გარემოებები და მკვლელის ვინაობა. ცოტნე და კონსტანტინე გამსახურდიები საქმეზე კონკრეტული პირების პასუხიმსგებლობის საკითხის დაყენებას ხანდაზმულობის ვადის ამოწურვამდე ითხოვენ.

გამსახურდიების ადვოკატი ამბობს, რომ საქმეში არსებული მასალების მიხედვით, ხანდაზმულობის ვადის ამოწურვამდე გამოძიების დასრულება და დამნაშავეების დასჯა შესაძლებელია.

ზვიად გამსახურდია 1993 წლის 31 დეკემბერს, ხობის რაიონის სოფელ ძველ ხიბულაში გარდაიცვალა, რაზეც გამოძიება 2004 წლიდან მიმდინარეობს. 1994 წლის თებერვალში საქართველოს პირველი პრეზიდენტი გროზნოში გადაასვენეს, 2007 წლის 28 მარტს კი საქართველოში ჩამოასვენეს. ზვიად გამსახურდიას სიკვდილის გარემოებებზე რამდენიმე ვერსია არსებობს, თუმცა სიკვდილის მიზეზი და გარემოებები ამ დრომდე გაურკვეველია. 

{{ARTICLEIMAGE}}
მმართველი პარტია “ქართული ოცნების” ერთ-ერთი ლიდერი გიორგი ვოლსკი 16 დეკემბერს თელავში დაგეგმილი ინაგურაციისას ოპოზიციისგან პროვოკაციის მოწყობის რესურსს ვერ ხედავს. ამის შესახებ მან ჟურნალისტებს განუცხადა. 

ვოლსკის თქმით, პროვოკაციები “ნაციონალური მოძრაობის” ხელწერაა. “ქვეყანაში მიმდინარე პროცესების მიმართ მათი პოზიცია ჩვენთვის სიახლე არ არის და არ მგონია, რომ პროვოკაციის განვითარების რესურსი ჰქონდეთ”. 

{{ARTICLEIMAGE}}

{{ARTICLEIMAGE}}

საქართველოს პრეზიდენტის საპარლამენტო მდივანი ჯერ კიდევ მოქმედ ლიდერს მიმართავს, თანამდებობიდან გაათავისუფლოს, მიუხედავად იმისა, რომ საპარლამენტო მდივანს პრეზიდენტის ვადის ამოწურვის შემდეგ უფლებამოსილება არ უწყდება. 

“ეს დღეც დადგა. დღეს, ვასრულებ მუშაობას საქართველოს პრეზიდენტის საპარლამენტო მდივნის რანგში. მიუხედავად იმისა, რომ კანონით საპარლამენტო მდივანს ავტომატურად არ უწყდება უფლებამოსილება, მიმაჩნია, რომ განსხვავებით საჯარო მოხელეებისაგან, რომლებიც არ უნდა იცვლებოდნენ პოლიტიკური ხელმძღვანელობის ცვლილების პარალელურად (და ძალიან მიხარია, რომ ამ მიმართულებით ბოლო დღეებში წამოწეული უკანონო და უსამართლო საკანონმდებლო ცვლილება დღის წესრიგიდან მოიხსნა ჩვენი, სამოქალაქო და დიპლომატიური კორპუსის ერთიანი ძალისხმევით, რიგი დეპუტატების პრინციპული პოზიციით), საპარლამენტო მდივანი, ისევე როგორც ადმინისტრაციის უფროსი და მრჩევლები, პრეზიდენტმა თავად უნდა შეარჩიოს; მეორე მხარესაც უნდა ჰქონდეს სურვილი, რომ იყოს შერჩეული … ამიტომ, დღეს მივმართე პრეზიდენტს გათავისუფლების თხოვნით.

მადლობა საქართველოს მეოთხე პრეზიდენტს გამოცხადებული დიდი ნდობისთვის. სამუშაოს დაწყების წინა გამოცდილებებიდან გამომდინარე, შეიძლება, არ უნდა ყოფილიყო ეს მოულოდნელი ჩემთვის, მაგრამ პრეზიდენტის პოზიცია სხვაა და თან საქართველოში ასე იშვიათად ხდება: ადამიანმა, რომელიც მხოლოდ ჩემი საჯარო საქმიანობიდან მიცნობდა და რომელთანაც მხოლოდ რამდენჯერმე ვიყავი შენახვედრი საჯარო შეხვედრებზე, მაღალი ნდობა გამომიცხადა და შემომთავაზა ეს პოზიცია. ეს ბევრს მეტყველებს მის შესახებ, და კიდევ მრავალი რამ მაქვს მასზე სათქმელი, მაგრამ ამჯერად მხოლოდ იმას ვიტყვი, რომ ჩემთვის დიდი პატივი იყო მემსახურა ქვეყნისთვის საქართველოს მეოთხე პრეზიდენტის საპარლამენტო მდივნის რანგში. ვცდილობდი, კეთილსინდისიერად მეკეთებინა ის, რაც არც ერთი დღე ყოფილა პრივილეგია, იყო დიდი პასუხისმგებლობა!

თითქმის ერთი, მრავალმხრივ საინტერესო წელი გავატარე აქ.ძალიან საჭირო, სასარგებლო პერსპექტივა შევიძინე ბევრი მიმართულებით. საინტერესო თავი შეემატა მემუარებს და ბევრი წლის შემდეგ, იქ მოვყვები.

გავიცანი ძალიან კარგი, გამორჩეული ადამიანები, რომლებმაც გამამდიდრეს და გამაძლიერეს. ყველას ვერ ჩამოვთვლი, მადლობა მათ ყველაფრისთვის! მათთან მეგობრობა გაგრძელდება.  აუცილებლად მინდა აღვნიშნო საქართველოს პირველი ლედი, მაკა ჩიჩუა, ადამიანი, რომელიც თავისი სიღრმით, თავმდაბლობით და ყველანაირი სილამაზით, თავად ამშვენებდა პირველი ლედის სტატუსს და არა პირიქით. მასთან უერთიერთობა ყოველთვის განსაკუთრებული ემოცია იყო. მადლობა ადმინისტრაციის თანამშრომლებს, მადლობა ყველას, ვინ მგულშემატკივრობდით, მათაც, ვინც მვოჩდოგობდით და მაკრიტიკებდით. ეს ძალიან საჭირო და მნიშვნელოვანია ყველასთვის, ვინც რაიმეს აკეთებს”,დაწერა ნაცვლიშვილმა სოციალურ ქსელში, პირად გვარდზე. ანალოგიური თხოვნით, დღეს პრეზიდენტს ადმინისტრაციის უფროსმა გიორგი აბაშიშვილმაც მიმართა.

{{ARTICLEIMAGE}}
საქართველოს იუსტიციის მინისტრი თეა წულუკიანი აგვისტოს ომთან დაკავშირებით ევროსასამართლოს მიერ მიღებული გადაწყვეტილების მნიშვნელობაზე საუბრობს. 

მისი თქმით,”სტრასბურგის სასამართლო პრეცედენტული სასამართლოა და თავის პრეცედენტს ეყრდნობა, როდესაც ახალშემოსულ საქმეს იხილავს”. “ეს ნიშნავს, რომ ამ საქმეებზე მიღებული გადაწყვეტილებები მომავალშიც დაგვეხმარება, რომ იზეიმოს სიმართლემ. სიმართლე არის ის, რომ ამ ომის დროს ქართველთა ეთნიკური წმენდა ჩატარდა და არა პირიქით. ყველაფერს ვაკეთებთ, რომ ფაქტებით დავამტკიცოთ, რა მოხდა აგვისტოს ომის დროს საქართველოს ტერიტორიაზე, როდესაც ქართული სოფლები დაიცალა, ჩვენ მივიღეთ უფრო მეტი დევნილი, ჩვენი ტყვეები შეიპყრეს, აწამეს და არაერთი მათგანი მოკლეს. ევროსასამართლოს გადაწყვეტილება რა თქმა უნდა, არის კარგი ამბავი”, განაცხადა თეა წულუკიანმა.

ევროპის ადამიანის უფლებათა სასამართლომ 2008 წლის აგვისტოს ომთან დაკავშირებით, რუსეთის მოქალაქეების ორი სარჩელი განსახილველად არ მიიღო. სარჩელი საქართველოს წინააღმდეგ ცხინვალის მცხოვრებლებმა შეიტანეს.

სარჩელები ადამიანის უფლებებისა და ძირითადი თავისუფლებების შესახებ კონვენციის რამდენიმე მუხლის დარღვევას ეხებოდა: ესენია სიცოცხლის უფლების დარღვევა, არაადამიანური მოპყრობა, საკუთრების უფლების დარღვევა, სამართლებრივ დაცვის უფგლების დარღვევა, თავისუფლებისა და უსაფრთხოების უფლების დარღვევა.

სასამართლომ ორი სარჩელი არ მიიღო განსახილველად, რადგან განმცხადებლები მართალია განიცდიდნენ მნიშვნელოვან დისკომფორტს, მაგრამ მათი მდგომარეობა არ იყო იმდენად სერიოზული, რომ ეს კონვენციის მუხლების დარღვევად ჩათვლილიყო.

სარჩელები დედა-შვილმა იზოლდა და ნინო კუდუხოვებმა, ასევე, ცოლ-ქმარმა კლარა ნანიევამ და უმარ ბაგაევმა შეიტანეს. ისინი საქართველოს მიერ კონვენციის დარღვევაზე ჩიოდნენ: “რომ ქართველი სამხედროებისგან იღებდნენ მუქარას, ხოლო მათი საცხოვრებელი დანგრეული იყო”. თუმცა სასამართლომ მათ მიერ წარდგენილი მტკიცებულებები არასაკმარისად მიიჩნია.

მიიღებს თუ არა მას განხილვაში მესამე სარჩელს, სასამართლოს გადაწყვეტილება ჯერ არ მიუღია, რაზეც უკვე გააფრთხილა საქართველოს ხელისუფლებაც. ეს სარჩელი ხადიჯა ჯიოევასა და მის ორ ქალიშვილს – ალიონა და ირინა კაჩმაზოვებისაა, ისინი რუსეთის მოქალაქეები არიან და 2008 წლის აგვისტოში ცხინვალში ცხოვრობდნენ.

ჯიოევას თქმით, 7 აგვისტოს, მას შემდეგ, რაც სროლებისა და მძიმე არტილერიის ხმა გაიგო, იძულებული გახდა საკუთარი სახლის სარდაფისთვის შეეფარებინა თავი. მეორე დღეს კი, როცა სახლში დაბრუნდა ტანსაცმლისა და საკვებისთვის, სწორედ ამ დროს, მისი საძინებლის კედელს ტყვია მოხვდა. 10 აგვისტოს, ის წავიდა ცხინვალიდან და შეხვდა ქალიშვილებს, რომლებიც მანამდე სოფელში გადავიდნენ. 2008 წლის სექტემბერში, ისინი დაბრუნდნენ საკუთარ სახლში და ნახეს, რომ მას სერიოზული ზიანი ჰქონდა მიყენებული. სასამართლომ დაადგინა, რომ ჯიოევას სარჩელის შესახებ საქართველოს ხელისუფლებას აცნობებს, ხოლო მისი ქალიშვილების სარჩელების მიღებაზე უარი თქვა, რადგან ისინი სოფელში წავიდნენ და მათი სიცოცხლისთვის სერიოზული რისკი არ არსებობდა.

2008 წლის აგვისტოში, რუსეთ-საქართველოს ომში საქართველოს თავდაცვის სამინისტროს 170 მოსამსახურე, შინაგან საქმეთა სამინისტროს 14 თანამშრომელი და 224 სამოქალაქო პირი დაიღუპა.

ჯანდაცვის სამინისტროს მონაცემებით, დაჭრილ/დაშავებულ სამოქალაქო და სამხედრო პირთა რაოდენობა სულ 2 232 პირს შეადგენს. მათ შორის, 1045 სამხედრო მოსამსახურე იყო.

{{ARTICLEIMAGE}}
საქართველოს არჩეული პრეზიდენტი სალომე ზურაბიშვილი თელავში 16 დეკემბერს დაგეგმილი ინაუგურაციის რეპეტიციას დაესწრო. ზურაბიშვილი ფიცს დადებს ერეკლე მეფის სასახლის ეზოში მდებარე ეკლესიის წინ. ღონისძიება, რომელიც 15:00 საათზე დაიწყება, 40 წუთს გაგრძელდება. ზურაბიშვილმა თელავი კომენტარის გარეშე დატოვა. 

16 დეკემბერს თელავში პრეზიდენტის ინაგურაცია გაიმართება. ახალი პრეზიდენტის მიერ ფიცის დადების შემდეგ, ძალაში შევა კონსტიტუციის ახალი რედაქცია, რის გამოც სახელმწიფოს მეთაურის არჩევნები და მისი შედეგები წელს გამორჩეული იყო. ამას რამდენიმე ფაქტორი განაპირობებს – პირველი ის გახლავთ, რომ ქვეყნის პირველი პირი მოქალაქეებმა ბოლოჯერ აირჩიეს, მეორე – არჩევნებში გამარჯვებული თანამდებობას არა ხუთი წლით – როგორც აქამდე იყო, არამედ 6 წლით დაიკავებს. მესამე – ის ფიცის დადების დროს ბოლოჯერ წარმოთქვამს “საპროგრამო სიტყვას” – ამიერიდან საინაუგურაციო გამოსვლას “ხალხისადმი მიმართვა” ერქმევა. ახალ რეალობაში პრეზიდენტს აღარ ექნება პოლიტიკური პარტიის წევრობის უფლება. მისი სტატუსი კონსტიტუციის მიხედვით, სამი ტიტულისგან შედგება: 1. სახელმწიფოს მეთაური, ქვეყნის ერთიანობისა და ეროვნული დამოუკიდებლობის გარანტი. 2. თავდაცვის ძალების უმაღლესი მთავარსარდალი. 3. საგარეო ურთიერთობებში წარმომადგენელი – ეს ტრიადა კონკრეტული უფლებამოსილებების მეშვეობით მომდევნო დებულებებში ისხამს ხორცს  და საბოლოოდ გამოკვეთს ქვეყნის პირველი პირის ინსტიტუციურ როლს კონსტიტუციურ სისტემაში.

{{ARTICLEIMAGE}}

16 დეკემბერს თელავში პრეზიდენტის ინაგურაცია გაიმართება. ახალი პრეზიდენტის მიერ ფიცის დადების შემდეგ, ძალაში შევა კონსტიტუციის ახალი რედაქცია, რის გამოც სახელმწიფოს მეთაურის არჩევნები და მისი შედეგები წელს გამორჩეული იყო. ამას რამდენიმე ფაქტორი განაპირობებს – პირველი ის გახლავთ, რომ ქვეყნის პირველი პირი მოქალაქეებმა ბოლოჯერ აირჩიეს, მეორე – არჩევნებში გამარჯვებული თანამდებობას არა ხუთი წლით – როგორც აქამდე იყო, არამედ 6 წლით დაიკავებს. მესამე – ის ფიცის დადების დროს ბოლოჯერ წარმოთქვამს “საპროგრამო სიტყვას” – ამიერიდან საინაუგურაციო გამოსვლას “ხალხისადმი მიმართვა” ერქმევა. ახალ რეალობაში პრეზიდენტს აღარ ექნება პოლიტიკური პარტიის წევრობის უფლება. მისი სტატუსი კონსტიტუციის მიხედვით, სამი ტიტულისგან შედგება: 1. სახელმწიფოს მეთაური, ქვეყნის ერთიანობისა და ეროვნული დამოუკიდებლობის გარანტი. 2. თავდაცვის ძალების უმაღლესი მთავარსარდალი. 3. საგარეო ურთიერთობებში წარმომადგენელი – ეს ტრიადა კონკრეტული უფლებამოსილებების მეშვეობით მომდევნო დებულებებში ისხამს ხორცს  და საბოლოოდ გამოკვეთს ქვეყნის პირველი პირის ინსტიტუციურ როლს კონსტიტუციურ სისტემაში.

{{AUDIO}}
“შენების მოძრაობის” ლიდერმა, პარლამენტის ყოფილმა თავმჯდომარემ დავით უსუფაშვილმა გიორგი მარგველაშვილის 5-წლიანი საპრეზიდენტო საქმიანობა შეაფასა.

უსუფაშვილის თქმით,”გიორგი მარგველაშვილს ძალიან რთულ პერიოდში მოუწია პრეზიდენტობა.”2012 წლის ცვლილება არ იყო ძალიან მარტივი. მისი გაპრეზიდენტებიდან 2-3 კვირის განმავლობაში განვითარდა უკიდურესად დამაზიანებელი მოვლენები სახელისუფლებო გუნდში, რამაც მის პრეზიდენტობას დიდი დაღი დაასვა. მარგველაშვილი, როგორც ქართული სახელმწიფოს მეთაური, ისტორიაში შევა არა როგორც “გიორგი ბრწყინვალე” ან “ავ-გიორგი”, არამედ როგორც “გიორგი უცნაური”. იგი არც მალავდა იმას, რომ არ არის სტანდარტული საჯარო მოხელე, მასში საკმაოდ ჭარბად არის სახელმწიფოებრივ-პოლიტიკური ჩარჩოების მიღმა არსებული ინტერესები, ფილოსიფიური თუ სხვა. მე პირადად მასთან მრავალი წლის განმავლობაში მომიწია მუშაობა და იშვიათი გამონაკლისის გარდა, ვერ ვიხსენებ რაიმე სერიოზულ პრობლემას, წმინდა საქმიანი თვალსაზრისით. საპარლამენტო და საპრეზიდენტო ურთიერთობა დაღდასმული იყო უმრავლესობასა და პრეზიდენტს შორის არსებული მძიმე ფონის გამო. ამის მიუხედავად, ჩვენ მაინც ვახერხებდით საქმიან ურთიერთობას უშიშროების საბჭოს ფორმატშიც, პრეზიდენტის საპარლამენტო საქმიანობის ფორმატშიც და ა.შ. მე პირადად არ მქონია რაიმე გადაულახავი წინააღმდეგობა მასთან, მიუხედავად იმისა, რომ განსხვავებული აზრები არაერთხელ გვქონია”, განაცხადა დავით უსუფაშვილმა, რომლის კომენტარს “ინტერპრესნიუსი” ავრცელებს.

{{ARTICLEIMAGE}}

{{ARTICLEIMAGE}}

ცოტა ხნის წინ გავრცელდა ცნობები, რომ საქართველოს მთავრობამ თბილისში ამერიკის ელჩის დანიშვნის პროცესი შეაყოვნა და სავარაუდოდ, დაბლოკა კანდიდატი, რომელიც ამ პოსტზე იყო შერჩეული. საქართველოს მთავრობა ბრიჯეტ ბრინკის დაბლოკვის ბრალდებას კატეგორიულად უარყოფს და სპეკულაციად აფასებს.

გავრცელებული ინფორმაციის თანახმად, რომელიც ქართულ და ამერიკულ ანონიმურ წყაროებს ეფუძნება, ბრინკის სავარაუდო დაბლოკვის მიზეზი ის შეხედულება გახდა, რომ ის საქართველოს ყოფილ პრეზიდენტ მიხეილ სააკაშვილთან ასოცირდება და ამასთან, ვაშინგტონში რესპუბლიკური პარტიის მაღალ ეშელონებთან მყარი პერსონალური კონტაქტები არ აქვს.

ბრიჯეტ ბრინკი 2015 წლიდან 2018 წლის აგვისტომდე ევროპის და ევრაზიის საქმეთა ბიუროში სახელმწიფო მდივნის თანაშემწის, უეს მიტჩელის მოადგილის თანამდებობას იკავებდა. ის აღმოსავლეთ ევროპის, კავკასიის და რეგიონალური კონფლიქტების საკითხებზე მუშაობდა. 2011-2014 წლებში ბრინკი თბილისში ამერიკის ელჩის მოადგილე იყო. ხოლო 2005-2008 წლებში საქართველოში პოლიტიკის და ეკონომიკის საკითხებს კურირებდა. 2009-2010 წლებში მას ობამას ადმინისტრაციის ეროვნული უსაფრთხოების საბჭოში სამხრეთ კავკასიის მიმართულება ებარა.

საქართველოს საგარეო საქმეთა სამინისტროს პრეს-სამსახურის მიერ “ამერიკის ხმისთვის” გამზავნილ განცხადებაში ნათქვამია, რომ “გავრცელებული ინფომაცია არ შეესაბამება სიმართლეს. მსგავსი სახის დეზინფორმაცია მედიის საშუალებით ვრცელდებოდა ადრეც და ქართულმა მხარემ, ისევე როგორც აშშ-მ უკვე უპასუხა ამ საკითხს, მათ შორის, თბილისში ვიზიტის დროს შესაბამისი განმარტება გააკეთა აშშ-ის პრეზიდენტის უშოშროების მრჩეველმა ჯონ ბოლტონმა”.

ოქტომბერში, თბილისში ვიზიტის დროს ჯონ ბოლტონმა თქვა, რომ არ იცის, როდის დაინიშნება საქართველოში ამერიკის ელჩი, რადგან “ეს სენატის მიერ ელჩის დამტკიცების რთულ პროცესს უკავშირდება”.

შეერთებული შტატების სხვა ოფიციალური პირები ამ თემაზე საჯარო განცხადების გაკეთებისგან თავს იკავებენ. საქართველოს საგარეო საქმეთა მინისტრმა კი ჯერ კიდევ ოქტომბერში გააკეთა კომენტარი ამ თემაზე და თქვა, რომ “სხვა ქვეყნების ელჩების შერჩევის პროცესში საქართველო მონაწილეობას არ იღებს. ეს არის სპეკულაციები და არასერიოზულია ამაზე საუბარი”.

ამ თემას არასერიოზულად არ აფასებენ საქართველოს მეგობრები ვაშინგტონში. დევიდ კრამერი, რომელიც სახელმწიფო მდივნის ერთ-ერთი თანაშემწე იყო, “ამერიკის ხმასთან” აცხადებს, რომ ბრიჯეტ ბრინკთან დაკავშირებული ამბის დეტალები ბოლომდე არ იცის, თუმცა “რაც არ უნდა ყოფილიყო [ელჩად მისი არ დანიშნვის] მიზეზი, ეს არ იყო ჭკვიანური ნაბიჯი. თუ თბილისმა აგრემანის მინიჭებაზე უარი თქვა იმის გამო, რომ მათ კანდიდატი არ მოსწონდათ, სახელმწიფო დეპარტამენტს უნდა გადაეწყვიტა შეებრუნებინა თუ არა ეს გადაწყვეტილება. გადაწყვეტილების შებრუნება, სავარაუდოდ, არ მოხდებოდა”.

ამ შეხედულებას ამყარებს ის ფაქტი, რომ 203 ელჩის პოზიციიდან, სადაც როგორც ქვეყნებში, ასევე საერთაშორისო ორგანიზაციებში წარმოდგენილი ამერიკის ელჩები შედიან, 67, ანუ დაახლოებით, მესამედი, დღემდე ვაკანტურია.

ამ პირობებში, ნებისმიერი შეყოვნება საქართველოში ელჩის დანიშვნის პროცესში თითქმის ავტომატურად ნიშნავს ამ პროცესის უვადოდ გაჭიანურებას. შეყოვნება, ცხადია, ბევრმა ფაქტორმა შეიძლება გამოიწვიოს, მაგრამ მათ შორის, მთავარი მიზეზები კანდიდატის არ არსებობა, სენატის მიერ ნომინატის დამკტიცებაზე უარის თქმა ან კანდიდატისთვის აგრემანის არ მინიჭება იწვევს. “აგრემანი” ტექნიკური ტერმინია, რომელიც მასპინძელი ქვეყნის მიერ დიპლომატიური წარმომადგენლის მიღებაზე თანხმობას ნიშნავს.

კრამერს, რომელიც ახლა ფლორიდის საერთაშორისო უნივერსიტეტის უფროსი მკვლევარია, ახსოვს ერთი მსგავსი შემთხვევა, რომელიც მასპინძელი ქვეყნისთვის, საბოლოო ჯამში, ცუდად დამთავრდა. მაშინ ამერიკამ ერევნიდან საკუთარი ელჩი გამოიწვია და პოზიციაზე ახალი ადამიანი წარადგინა. სომხეთის მთავრობამ აგრემანის გაცემა გააჭიანურა. “ერევანში ამერიკის ელჩის დანიშვნას დიდი დრო დასჭირდა და ამას ამერიკა-სომხეთის ურთიერთობებისთვის ხელი ნამდვილად არ შეუწყვია. საქართველოც იგივე რისკს იქმნის. იან კელი, რომელმაც საკუთარი მოვალეობა სამაგალითოდ შეასრულა, საქართველოდან მარტში წამოვიდა. ბრიჯეტი მისი არაჩვეულებრივი შემცვლელი იქნებოდა”, აცხადებს კრამერი.

კრამერი საქართველოში ხშირად ჩადის და ქვეყნის პოლიტიკური სპექტრის თითქმის ყველა მხარესთან ხშირი ურთიერთობა აქვს. მას მიაჩნია, რომ ბრიჯეტ ბრინკი “ნამდვილი პროფესიონალი დიპლომატია, რომელსაც საქართველოში არაჩვეულებრივი გამოცდილება აქვს. ის ქვეყანას ძალიან კარგად იცნობს. რაც მოხდა, ძალიან სამწუხაროა და ეს არასაჭირო, თვით-გამოწვეულ ზიანს აყენებს საქართველოს.”

შეერთებულ შტატებში ელჩების დანიშვნა ორი პრინციპით ხდება, სახელმწიფო დეპარტამენტსა და თეთრ სახლს შორის არსებული შეთანხმების თანახმად, თეთრი სახლი წინასწარ განსაზღვრულ ქვეყნებში პოლიტიკური ნიშნით შერჩეულ ადამიანებს გზავნის ელჩებად. ეს ეხება ისეთ ქვეყნებს, როგორიცაა მაგალითად, იტალია, გერმანია, დიდი ბრიტანეთი, რუსეთის ფედერაცია, ჩინეთი და სხვა მსგავსი მნიშვნელობის მქონე ქვეყნები. დანარჩენ დიპლომატიურ პოსტებს კი ე.წ. კარიერული დიპლომატები ავსებენ. საქართველოს შემთხვევაში პოსტს სწორედ კარიეკული დიპლომატები იკავებენ. ბრიჯეტ ბრინკის საქართველოში ელჩად დანიშვნის შემთხვევაში, ის თბილისში კარიერული და არა პოლიტიკური ხაზით ჩავიდოდა, როგორც ეს მისი წინამორბედების შემთხვევაში ხდებოდა.

ამერიკის ისტორიაში ყველაზე ხანგრძლივი კარიერის მქონე დიპლომატი და სახელმწიფო მდივნის ყოფილი მოადგილე დანიელ ფრიდი იმედს იტოვებს, რომ გავრცელებული ამბავი სიმართლე არ არის. “ბრიჯეტი, ზოგადად, არაჩვეულებრივი ელჩი იქნებოდა და ის განსაკუთრებით კვალიფიცირებული იყო საქართველოში ელჩობისთვის”.

ფრიდი ამბობს, რომ ბრინკის “პრო-სააკაშვილობა სისულელეა”. “ის თანამშრომლობდა სააკაშვილის მთავრობასთან, ისევე როგორც ვთანამშრომლობდი მე და ბევრი სხვა ადამიანი. და ეს იმიტომ, რომ შეერთებული შტატები მხარს უჭერდა საქართველოს, საქართველოს დემოკრატიას, ქვეყნის თავისუფლებას და დასავლეთთან დაახლოების სურვილს. სააკაშვილი კი იყო ლიდერი, რომელიც ქართველმა ხალხმა აირჩია”, თქვა ფრიდმა “ამერიკის ხმასთან”.

“ბრიჯეტ ბრინკი იმდენად ძლიერი და ეფექტური პროფესიონალია, რომ მე უბრალოდ გაოგნებული ვარ იმით, რომ საქართველოში რომელიმე ლიდერს შეეძლო გადაეწყვიტა ის, რომ საქართველო-ამერიკის ურთიერთობისთვის ბრიჯეტის სიძლიერე წაერთმია”.

საქართველოში ამერიკის ელჩის მოვალეობას მარტში იან კელის მისიის ამოწურვის შემდეგ, მისი მოადგილე ელიზაბეტ რუდი ასრულებდა. რამდენიმე კვირის წინ, თბილისში ელჩის მოვალეობის შემსრულებლად ვაშინგტონიდან როს უილსონი გაიგზავნა, რომელიც ასევე კარიერული დიპლომატია.

სახელმწიფო დეპარტამენტს ამ ეტაპზე ელჩის ნომინაციაზე კანდიდატი არ ჰყავს, რაც შეიძლება იმას ნიშნავდეს, რომ ტრამპის ადმინისტრაციის ვადის დამთავრებამდე, საქართველოს სენატის მიერ დამტკიცებული ელჩი არ ეყოლება. 2018 წლის ნოემბრის მონაცემებით, შეერთებულ შტატებში 203-დან ჯამში 136 ელჩია დამტკიცებული, აქედან 69 (50.7%) კარიერული დიპლომატია და 67 (49.3%) პოლიტიკური ნიშნითაა შერჩეული.

წყარო – “ამერიკის ხმა”