newsreport.ge

Category: არქივი

  • რუმინეთის ექსპრეზიდენტს კაცობრიობის წინააღმდეგ ჩადენილ დანაშაულში ედება ბრალი

    {{ARTICLEIMAGE}}

     

    რუმინეთის გენერალურმა პროკურატურამ ქვეყნის ყოფილ პრეზიდენტს, იონ ილიესკუს კაცობრიობის წინააღმდეგ ჩადენილ დანაშაულში ბრალი წაუყენა. საქმე ეხება 1989 წლის დეკემბრის ანტიკომუნისტური ამბოხების დროს ჩადენილ ქმედებებს.


     

     

    “იმ დროს ილიესკუს მიერ მხარდაჭერილმა სამხედრო ზომებმა ხელი შეუწყო ძალადობას ნიკოლაი ჩაუშესკუს დამხობის შემდეგ, რის შედეგად 800 ადამიანზე მეტი დაიღუპა, დაიჭრა 2100–ზე მეტი ადამიანი“ – ნათქვამია პროკურატურის განცხადებაში.



    პროკურორებმა ილიესკუს გარდა საქმე აღძრეს რუმინეთის ყოფილ ვიცე–პრემიერზე, ჯელუ ვოიკან ვოიკულესკუზე და კიდევ სამ ყოფილ ჩინოვნიკზე.

    ილიესკუ, რომელიც ამჟამად 88 წლის არის, ჩაუშესკუს მმართველობის დროს მინისტრი იყო. შემდეგ კი ნაციონალური გადარჩენის ფონდის მეთაური. 2000–2004 წლებში იონ ილიესკუ რუმინეთის პრეზიდენტი იყო.

     

    ილიესკუ პირველი ექსპრეზიდენტი არ არის, რომელსაც ბრალი კაცობრიობის წინააღმდეგ ჩადენილი დანაშაულისთვის წაუყენეს. არგენტინის ყოფილ დიქტატორს, ხორხე ვიდელას არგენტინულმა სასამართლომ სამუდამო პატიმრობა მიუსაჯა იმ დანაშაულებისთვის, რომელიც მან ეგრეთწოდებული “ბინძური ომის“ დროს ჩაიდინა. არგენტინის სათავეში მყოფი ხუნტა მისი მეთაურობით 1976–1983 წლებში თავის პოლიტიკურ ოპონენტებს დევნიდა და ანადგურებდა.


    2016 წლის მარტში კი ჰააგის საერთაშორისო ტრიბუნალმა სერბეთის რესპუბლიკის პირველი პრეზიდენტი, რადოვან კარაჯიჩი დამნაშავედ ცნო კაცობრიობის წინააღმდეგ ჩადენილ დანაშაულში, კონკრეტულად სერბენიცაში მუსულმანთა გენოციდში და მას  40 წლიანი პატიმრობა მიუსაჯა. კარაჯიჩის სასამართლო თითქმის 500 დღე გრძელდებოდა. ბოსნიელი სერბების ყოფილი ლიდერი საკუთარ დანაშაულს არ აღიარებდა. დღეისათვის ის არის ყველაზე მაღალჩინოსანი ბრალდებული ჰააგის ტრიბუნალის ისტორიაში. 13 წლის მანძილზე ის მართლმსაჯულებას ემალებოდა  და 2008 წელს ბელგრადში დააკავეს.

  • II მსოფლიო ომში დაღუპულ წინაპრებზე ინფორმაციის მოძებნა ინტერნეტში შესაძლებელი გახდა

    {{ARTICLEIMAGE}}
    უნიკალური პროექტის შესახებ მისი ერთ-ერთი ავტორი სოციალურ ქსელში წერს:

    შეგიძლიათ ნახოთ, რა გზა გაიარა წინაპარმა და მისმა არმიამ (თუ მონაცემები საშუალებას იძლევა);

    როგორ იყვნენ გადანაწილებული ქართველები ევროპაში მეორე მსოფლიო ომისას; 

    გვარით და გაწვევის ადგილით მოძებნა შესაძლებელია;

    ასევე შეგიძლიათ პირველწყაროს ნახვა სურათის სახით, თუ საიდან იქნა ამოკრეფილი ინფორმაცია.

  • გახარია: “სუს-ის აგენტი” დაკავებულია”

    {{ARTICLEIMAGE}}
    დააკავეს პირი, რომელმაც 18 დეკემბერს გურჯაანში ის მანქანა დააზიანა, სადაც “ქართული ოცნების” დეპუტატები: სოფიო ქაცარავა და თამარ ხულორდავა ისხდნენ, ამის შესახებ შინაგან საქმეთა მინისტრმა გიორგი გახარიამ პარლამენტში სიტყვით გამოსვლის დასრულებისთანავე განაცხადა.

    “ახლახანს შემატყობინეს, რომ ჩვენს დეპუტატებზე თავდამსხმელი დაკავებულია, “სუს-ის აგენტი”,თქვა გიორგი გახარიამ.

    შინაგან საქმეთა სამინისტროს მიერ გავრცელებულ განცხადებაში ნათქვამია, რომ ბრალდება 4-იდან 7 წლამდე ვადით თავისუფლების აღკვეთას ითვალისწინებს.

    გამოძიება სისხლის სამართლის კოდექსის 353-ე პრიმა მუხლით მიმდინარეობს,
    რაც ხელისუფლების წარმომადგენელზე თავდასხმას გულისხმობს.

    21 დეკემბერს, “ევროპული საქართველოს” ლიდერმა გიგი უგულავამ ვიდეომასალა გამოაქვეყნა, სადაც მისი თქმით ჩანს, თუ როგორ ცდილობს დღემდე არაიდენტიფიცირებული პირი 2 დეკემბრის აქციაზე პროვოკაციის მოწყობას და იგივე პირი, როგორ აზიანებს თელავში ინაუგურაციის დღეს “ქართული ოცნების” დეპუტატის ავტომობილს.

    მისი ვარაუდით, ვიდეოზე აღბეჭდილ პირს სახელმწიფო უსაფრთხოების სამსახური იყენებს, როგორც პროვოკატორს.

  • გახარია: ზაზა სარალიძე ყველაზე ღირსეულად იჯდა აქ და ყველაზე ღირსეულად მოითმინა ის ყველაფერი, რაც აქ ხდებოდა

    {{ARTICLEIMAGE}}

    ზაზა სარალიძე ყველაზე ღირსეულად იჯდა აქ და ყველაზე ღირსეულად მოითმინა ის ყველაფერი, რაც აქ ხდებოდა – აქედან წამოგეღოთ უზარმაზარი პოლიტიკური დივიდენდები, იცოდეთ, რომ პასუხისმგებლობის აღებაც მოგიწევთ”,მიმართა შინაგან საქმეთა მინისტრმა გიორგი გახარიამ ოპოზიციას საპარლამენტო მოსმენის დროს, დასკვნითი სიტყვისას.


    მინისტრს მედი აქვს, რომ ოპოზიციას “პასუხისმგებლობა ეყოფა და საპარლამენტო კონტროლსაც ზუსტად იგივენაირად არ მოექცევა, როგორც საგამოძიებო კომისიას.

    “მე როდესაც აქ დღეს მოვდივარ და ვემზადები შინაარსობრივი საუბრისთვის და აქ მიწევს რაღაც პოლიტიკური სპეკულაციების მოსმენა, სამწუხაროდ, გული მწყდება. მინდა იცოდეთ ერთი რამ, არც ერთ შემთხვევაში არ მივიღებ თქვენს პრეტენზიას შერჩეულ სამართალთან დაკავშირებით. თქვენ განათლებული ხალხი ხართ და იცით ერთი რამ – ვერცერთ შემთხვევაში, ვერცერთი საერთაშორისო ორგანიზაციის დასკვნაში ვერ ნახავთ ვერც ერთ შენიშვნას, შინაგან საქმეთა სამინისტროს მიმართ”,განაცხადა შს მინისტრმა.

    შინაგან საქმეთა მინისტრი, გიორგი გახარია პარლამენტში დეპუტატების წინ მოხსენებით წარსდგა და მათ კითხვებსაც უპასუხა. პარლამენტარებს ყველაზე მეტი კითხვა ხორავას ქუჩაზე მომხდარი მკვლელობაზე საქმის გამოძიებაზე ჰქონდათ. გარდა ამისა, დეპუტატები დაინტერესდნენ წინაასაარჩევნო პერიოდში მომხდარი ინციდენტების გამოძიებით და ველისციხეში მომხდარი დაპირისპირებისა და შსს-ს ქმედებების მოტივით.

  • ცუკერბერგი წლის ლუზერად დასახელდა

    {{ARTICLEIMAGE}}

     

    ჟურნალ ფორბსის ვერსიით ფეისბუქის დამფუძნებელი, მარკ ცუკერბერგი 2018 წლის ყველაზე წარუმატებელ ბიზნესმენთა რეიტინგში პირველ ადგილზეა. ამ წელს ის ყველაზე მეტად გაღარიბდა. მისი ქონება 18.7 მილიარდი დოლარით შემცირდა და ამ დროისთვის 52.5 მილიარდ დოლარს შეადგენს.  ფეისბუქის დამფუძნებელი  2018 წლის წარუმატებელთა სიაში აღმოჩენილი ერთადერთი ამერიკელია.


    “წელი, რომელიც დასასრულს უახლოვდება მარკ ცუკერბერგისთვის საშინელი აღმოჩნდა. მომხმარებელთა მონაცემების შესახებ ინფორმაციის გაჟონვა როგორც ჩანს დიდხანს არ მოასვენებს ფეისბუქს და მის შემქმნელებს.“– წერს გამოცემა.


    ხელმოცარულთა რეიტინგში ასევე აღმოჩნდნენ: Zara –ს ბრენდის მფლობელი ამანსიო ორტეგა (მისი დანარარგი 2018 წელს 16.2 მილიარდი დოლარი იყო, რის შემდეგაც მისი ქონება 59.6 მილიარდამდე შემცირდა), გერმანული ავტოკომპონენტებისა და საბურავების მწარმოებელი კონცერნის –  Continental AG–ს  მფლობელი გეორგ შეფლერი (14 მილიარდი დოლარის დაკარგვის შემდეგ მისი ქონება 12.9 მილიარდამდე შემცირდა), ინტერნეტ გიგანტ  Tencent – ის დამფუძნებელია მა ჰუატენი (10 მილიარდის დაკარგვის შემდეგ მისი ქონება 35 მილიარდამდე შემცირდა), მსოფლიოში ერთ ერთი უმსხვილესი სატელეკომუნიკაციო ჰოლდინგის America Movil–ის მფლობელი, კარლოს სლიმ ელუ (2018 წელს 9.3 მილიარდი დოლარის დაკარგვის შემდეგ სულ რაღაც 56 მილიარდის მფლობელია) და სხვები.


    2018 წლის აპრილში, მას შემდეგ, რაც ცნობილი გახდა, რომ ფეისბუქმა 50 მილიონი მომხმარებლის პირადი მონაცემების გაჟონვა დაუშვა, მარკ ცუკერბერგმა რამდენიმე დღეში თითქმის 8 მილიარდი დაკარგა. შემდეგ  აშშ–ს კონგრესის წინაშე მოუწია თავის მართლება, მაგრამ ამან მის პრობლემებს ვერ უშველა. ივლისში ცუკერბერგის ქონება 15 მილიარდით შემცირდა, მას შემდეგ, რაც ფეისბუქმა ვერ გაამართლა ინვესტორების მოლოდინები შემოსავლის ზრდის შესახებ.

  • პენტაგონის მეთაურმა ტრამპი რუსული საფრთხის შესახებ გააფრთხილა

    {{ARTICLEIMAGE}}

    პენტაგონის მეთაურმა, ჯეიმს მეტისმა გადადგომის შესახებ თავის წერილში ამერიკის პრეზიდენტი, დონალდ ტრამპი რუსული და ჩინური საფრთხეების ზრდის შესახებ გააფრთხილა. წერილის სრული ტექსტი  The Guardian–მა გამოაქვეყნა.


    “დარწმუნებული ვარ, რომ მტკიცედ უნდა ვიმოქმედოთ იმ ქვეყნებთან ურთიერთობებისას, ვისი სტრატეგიული ინტერესები სულ უფრო მეტად ეწინააღმდეგება ჩვენსას. აშკარაა, რომ ჩინეთსა და რუსეთს უნდათ მსოფლიო მათი ავტორიტარული მისწრაფებების შესაბამისად გადააკეთონ და სხვა ქვეყნებზე გავლენა გაზარდონ, რათა საკუთარი მეზობლების,  აშშს და მისი პარტნიორების ხარჯზე მოგება მიიღონ“ წერს ჯეიმს მეტისი.

    მეტისი  ხაზს უსვამს, რომ  აუცილებელია მოკავშირეებს პატივისცემით ექცეოდე და საღი გონებით შეხედო საერთაშორისო ურთიერთობებში უზნეო მოთამაშეებსა და სტრატეგიულ კონკურენტებს, რომლებიც უკვე ოთხი ათწლეულია ამ პროცესში აქტიურად არიან ჩართულები. პენტაგონის მეთაურმა აღნიშნა, რომ აშშ–მ ყველაფერი უნდა გააკეთოს მსოფლიო წესრიგის განვითარებისთვის, რომელიც უსაფრთხოებისთვის, კეთილდღეობისა და ამერიკელი ხალხის ფასეულობების შენარჩუნებისთვის აუცილებელია.

    წერილის გამოქვეყნებამდე ცნობილი გახდა, რომ მეტისმა თანამდებობიდან წასვლა გადაწყვიტა. ის პოსტს 2019 წლის 28 თებერვალს დატოვებს. ტრამპისადმი გაგზავნილ წერილში ის ამტკიცებს, რომ გულდასმით მოამზადებს უფლებამოსილებების გადაცემას თავისი მემკვიდრისთვის, რომლის ვინაობა ჯერჯერობით უცნობია.

     

  • რომის პაპმა პედოფილ მღვდლებს დანაშაულის აღიარებისკენ მოუწოდა

    {{ARTICLEIMAGE}}

     

    რომის პაპმა ფრანცისკმა პედოფილ მღვდლებს მოუწოდა სამართალდამცავებს ჩაბარდნენ და განაცხადა, რომ კათოლიკური ეკლესია პედოფილი მღვდლების დანაშაულის დაფარვას არ აპირებს.


     

    “შეუძლებელია  იმის უარყოფა, რომ წარსულში ზოგიერთები უპასუხისმგებლობის, გამოუცდელობის, ურწმუნობის, უცოდინრობის, სულიერი და ადამიანური ახლომხედველობის გამო საქმეს სათანადო სერიოზულობით და ოპერატიულობით არ ეკიდებოდნენ… ასეთი  რამ აღარასოდეს უნდა განმეორდეს. ეს მთელი ეკლესიის არჩევანი და გადაწყვეტილებაა“ განაცხადა რომის პაპმა პარასკევს კარდინალებისა და რომის კურიისადმი წინასაშობაო მიმართვისას.


    პონტიფიკის თქმით “ამ საძაგლობების წინააღმდეგ ეკლესია ძალისხმევას არ დაიშურებს და ყველაფერს გააკეთებს რომ ყველა, ვინც ეს დანაშაული ჩაიდინა მართლმსაჯულების წინაშე წარსდგეს.“

     

    ამავე დროს პაპმა შეაქო ჟურნალისტები, რომელთა საქმიანობა ხელს  უწყობს ეკლესიის მსახურთა მიერ ბავშვებისა და მოზარდების მიმართ ჩადენილი დანაშაულის გამოვლენას და ძალადობის მსხვერპლს დანაშაულის გახმაურების საშუალებას აძლევს.



     

    “ისინი საშინელ საქციელს სჩადიან და თან ღვთისმსახურებას განაგრძობენ, თითქოს არაფერი მომხდარა. მათ ღმერთის და მისი სამსჯავროსი არ ეშინიათ. სამაგიეროდ ეშინიათ მხილებისა და მიწიერი სასჯელის“ – განაცხადა პაპმა.

    როგორც მოგვიანებით  პაპის ოფიციალურმა წარმომადგენელმა, გრეგ ბერკმა განაცხადა, თავის სიტყვაში ფრანცისკმა ვატიკანის უმაღლესი ჩინოვნიკების წინაშე მწვავე გამონათქვამები არ დაიშურა და პედოფილ მღვდლებს “სასტიკი მგლები უწოდა, რომლებიც უდანაშაულოთა სულებს ჭამენ.“

     

  • “ვინც ამას შს მინისტრობა დააბრალა”:რატომ არ ესწრება ნიკა მელია პარლამენტში გახარიას გამოსვლას?

    {{ARTICLEIMAGE}}
    საკანონმდებლო ორგანოში დღეს შს მინისტრს გიორგი გახარიას “ნაციონალური მოძრაობის” წევრები თანაგუნდელის გარეშე უსმენენ. “ნაციონალური მოძრაობის” პოლიტიკური საბჭოს წევრი ნიკა მელია, რომელიც დღეს იუბილარია, პარლამენტის დღევანდელ სხდომას არ ესწრება, თუმცა მელია მინისტრის გამოსვლას სოციალური ქსელით მაინც გამოეხმაურა, გამოსვლის ამსახველი ბმული გააზიარა და  შემდეგი სახის მინაწერი გააკეთა: “ვინც ამას შს მინისტრობა დააბრალა”.

  • გახარია ოპოზიციას: ამ თემებისთვის მოვალ აქ და მერე უბრალოდ შეგრცხვებათ

    {{ARTICLEIMAGE}}
    შს მინისტრმა გიორგი გახარიამ დღეს პარლამენტში დეპუტატების კითხვებზე პასუხისას ზუგდიდის სკოლის დირექტორის ია კერზაიას გარდაცვალების თემაზე ისაუბრა. 

    “უბრალოდ მე ერთი რამის მეშინია, კერძოდ ამ თემების პოლიტიკური მიზნებისვის გამოყენების. მე გპირდებით პირადად, ერთ საქმესაც და მეორესაც (დავით კირკიტაძის საქმეს) დავამთავრებთ და შემდეგ სპეციალურად ამ თემებისთვის მოვალ აქ და თქვენ თუ გეყოფათ ვაჟკაცობა, რომ დასხდეთ აქ და ვისაუბროთ… მერე უბრალოდ შეგრცხვებათ. მე ვიტყვი, რომ ადამიანური ტრაგედიის, გარდაცვალებისა და სიკვდილის პოლიტიკური მიზნებისთვის გამოყენება, რასაც ამ ბოლო პერიოდში ვხედავთ, უბრალოდ ამორალურია,”განაცხადა გახარიამ.

    ზუგდიდის მეექვსე საჯარო სკოლის დირექტორი ია კერზაია 9 დეკემბერს გარდაიცვალა. კერზაიას შვილი, “ერთიანი ნაციონალური მოძრაობის” მხარდამჭერი ბაჩანა შენგელია დედის ჯანმრთელობის მდგომარეობის გაუარესებას მის მიმართ პოლიტიკურ ზეწოლას უკავშირებს. მისი თქმით, დედის ჯანმრთელობის მდგომარეობა მას შემდეგ გაუარესდა, რაც სკოლაში აუდიტის სამსახური შევიდა.

  • შს მინისტრი: საარჩევნო კანონის დარღვევისთვის საქმეები ძირითადად მმართველი პარტიის წარმომადგენლებზე აღიძრა

    {{ARTICLEIMAGE}}
    შინაგან საქმეთა მინისტრის გიორგი გახარიას განცხადებით, საპრეზიდენტო არჩევნების დროს საარჩევნო კანონის დარღვევისთვის სულ 26 საქმე აღიძრა. 

    “სამწუხაროდ” უმრავლეს შემთხვევაში, მმართველი პარტიის წარმომადგენლებზე მიმართ”, აღნიშნა გახარიამ. მან ასევე განაცხადა, რომ ახალქალაქში მომხდარ მძიმე ინციდენტზე, როცა ოპოზიციის წარმომადგენელზე მოხდა თავდასხმა, 5 ადამიანის წინააღმდეგ მიმდინარეობს სისხლის სამართლის დევნა.

    “კარგად გვესმის, რომ საარჩევნო დარღვევებსა და ახალქალაქის ინციდენტზე საერთაშორისო ორგანიზაციებში შეფასებები გაიგზავნება, თუმცა, სანამ ასეთი რეაგირება მოხდება, ყველა საქმის დასრულება შეიძლება. ჩვენც გავაგზავნით წერილებს, ვინ დაისჯება, ვინ დაისაჯა და ამ ორგანიზაციებს ობიექტურ ინფორმაციებს მივაწვდით”, აღნიშნა მინისტრმა.

    მისივე თქმით, ტელევიზიით გასულ ვიდეოფაქტების გამო, სადაც საარჩევნო ბიულეტენების ჩაყრა იკვეთება, ცენტრალურმა საარჩევნო კომისიამ პროკურატურას მიმართა.