newsreport.ge

Category: არქივი

  • რა შეკითხვები დაუსვა გახარიას საპარლამენტო უმრავლესობამ

    {{ARTICLEIMAGE}}

    შინაგან საქმეთა მინისტრის სიტყვით გამოსვლის შემდეგ, საპარლამენტო უმრავლესობის წევრებმა გიორგი გახარიას კითხვები ხორავას ქუჩაზე მომხდარი მკვლელობის საქმეზე დაუსვეს.

    პარლამენტის უმრავლესობის წევრმა, დიმიტრი ხუნდაძემ გიორგი გახარიას კიდევ უფრო მეტი პრინციპულობისკენ მოუწოდა და ასევე საპარლამენტო უმცირესობა გააკრიტიკა.

    ხუნდაძემ დეპუტატებს ყოფილი შინაგან საქმეთა მინისტრის, ვანო მერაბიშვილის მიერ მოთხოვნილ “2 გვამზეც” მიუთითა.

    “მადლობა მინდა გითხრათ პრინციპულობისთვის. რასაც მე ველოდი აქამდე, ამას ელოდებოდა საზოგადოებაც. ასევე, გულწრფელად მინდა გითხრათ, რომ საზოგადოება კიდევ უფრო მეტი პრინციპულობის მოლოდინშია, რომ ერთხელ და სამუდამოდ უმსგავსოებას დაესვას წერტილი. ეს უფრო ფართო გაგებით, ამ დეტალებზე მე ახლა არ გავჩერდები. აქ უმრავლესობის მხრიდან ძალიან ბევრი კითხვა დაისვა,პრაქტიკულად, ყველა კითხვა რაც საზოგადოებას აწუხებს და რა კითხვებიც ზოგადად არსებობს. მინდა გითხრათ, რომ ამ კითხვებს შორის ჭარბობდა, რა თქმა უნდა, დათუნა სარალიძის მკვლელობასთან დაკავშირებული კითხვები. ეს კითხვა ჭარბობს არა იმიტომ, რომ აქ ბატონი ზაზა სარალიძე ესწრება, არამედ იმიტომ, რომ ეს კითხვები რეალურად არსებობს. მინდა ასევე პასუხი გავცე ოპოზიციის მხრიდან მახვილად დასმულ კითხვებს და რაღაც არ მახსენდება, მათი მხრიდან დასმული კითხვა, როდესაც მათივე გუნდის წევრი, შინაგან საქმეთა მინისტრი ითხოვდა 2 გვამს და არც ერთი კითხვა არ დასმულა, რა გვამს ან რატომ ითხოვდა. რა პასუხი მოთხოვეს ამისათვის – დაიბარეს პარლამენტში, შიდა ფორმატში მაინც თუ ჰკითხეს რამე? აქ ბევრი არა თუ დეპუტატი, მათი ლიდერიც ზის ჩვენს შორის და მე არ მახსოვს მათ მიერ დასმული არც ერთი კითხვა”, განაცხადა დიმიტრი ხუნდაძემ.


    ანრი ოხანაშვილი: “საგამოძიებო კომისიის ფარგლებში ჩვენ დავადგინეთ, რომ არსებობდა ამ საქმის ირგვლივ მთელი რიგი ხარვეზები. ჩვენ დავადგინეთ, რომ არ ჩატარდა მთელი რიგი საგამოძიებო მოქმედებები ან ჩატარდა დაგვიანებით. აქედან გამომდინარე გაჩნდა კითხვები, ხომ არ ჰქონდა ადგილი შესაბამის მოხელეთა მხრიდან რაიმე სახის კანონდარღვევას, კერძოდ, ვინმესთვის ხომ არ მოხდა ხელის დაფარება. აქედან გამომდინარე, ბატონო გიორგი მინდა გკითხოთ, შეისწავლა თუ არა აღნიშნული საკითხი შინაგან საქმეთა სამინისტროს გენერალურმა ინსპექციამ და მეორე – პარლამენტის დადგენილებით გაცემული რეკომენდაციებიდან გამომდინარე, არსებობს საფუძველი დაიწყოს გამოძიება კონკრეტულ მოხელეთა მიმართ შესაძლო დანაშაულის ჩადენის ფაქტზე და რატომ არ იწყება გამოძიება ამ საკითხთან დაკავშირებით? მეორე, მსურს შევეხო კონკრეტულ ეპიზოდს, დავით სარალიძის მკვლელობის ეპიზოდს, ვინაიდან ეს არის საკითხი, რომელზეც საზოგადოებამ ჯერ კიდევ ვერ მიიღო პასუხი, თუ ვინ მოკლა დავით სარალიძე. ბატონი ზაზა გვესწრება დღეს პარლამენტში და შესაბამისად, გთხოვთ გვიპასუხოთ, როგორც პარლამენტის წევრებს, ასევე ბატონ ზაზას, რა გამოიკვეთა დამატებითი გამოძიების ფარგლებში ამ მიმართულებით და შეგიძლიათ თუ არა გვითხრათ, ვინ არის დავით სარალიძის მკვლელი?”.     დანაშაულების ზრდის ტენდენციაზე გაამახვილა ყურადღება და განაცხადა რომ ეს ხშირ შემთხვევაში შემაშფოთებელიც არის,  პარლამენტის თავდაცვის და უშიშროების კომიტეტის თავმჯდომარემ, ირაკლი სესიაშვილმა. დეპუტატმა კითხვით მიმართა შს მინისტრ გიორგი გახარიას, დაგეგმილი რეფორმები რამდენად მოახდენს დანაშაულის პრევენციას.


    “ცხადია, ყველას საერთო მიზანია, რომ ქვეყანაში დანაშაულის მაჩვენებელი შემცირდეს, თუმცა რა მაჩვენებელიც ბოლო პერიოდში გვაქვს, სამწუხაროდ, დანაშაულები იზრდება, ხშირ შემთხვევაში შემაშფოთებელიც არის. ამიტომ ცხადია, ჩვენ უნდა ვიმუშაოთ არა მხოლოდ იმაზე, რომ პოლიციამ ეფექტურად იმოქმედოს, არამედ ძალიან მნიშვნელოვანია პრევენციული ღონისძიებების გატარება. თქვენ ისაუბრეთ რეფორმებზე, რომელიც უნდა განხორციელდეს. შეგიძლიათ თუ არა გაგვაცნოთ ანალიზზე დაფუძნებული ხედვა კონკრეტულ დანაშაულებთან მიმართებაში?! როგორ მოხდება პრევენციის განხორციელება?! მხოლოდ დანაშაულთან ბრძოლით ჩვენ დავრჩებით იმ სტატისტიკაში, რომელშიც ახლა ვართ. ეს სტატისტიკა ნამდვილად არ არის სახარბიელო, ეს სტატისტიკა იზრდება და საბოლოო ჯამში, სადაც დანაშაული გაიზრდება, იქ იქნება ნაკლები ინტერესი და ნაკლები სტაბილურობა, რაც თავისთავად ცხადია, ყველაფერზე მოახდენს გავლენას. მე მაინტერესებს რა შედეგებს ელოდებით იმ რეფორმების შედეგად, რომელიც დაგეგმილია”,მიმართა გახარიას სესიაშვილმა.


    “გთხოვთ, გვიპასუხოთ როგორც პარლამენტის წევრებს, ისე ზაზა სარალიძეს: რა გამოიკვეთა დამატებითი გამოძიების ფარგლებში და შეგიძლიათ თუ არა გვითხრათ, ვინ არის დავით სარალიძის მკვლელი?, ამ კითხვით პარლამენტის დღევანდელ სხდომაზე შს მინისტრს, გიორგი გახარიას საპარლამენტო უმრავლესობის წევრმა, ხორავას ქუჩაზე მომხდარი მკვლელობის საქმესთან დაკავშირებული დროებითი საგამოძიებო კომისიის წევრმა ანრი ოხანაშვილმა მიმართა. მისი თქმით, ხორავას ქუჩაზე მომხდარის საქმის ირგვლივ საზოგადოებას ჯერ კიდევ ბევრი კითხვა გააჩნია.


    “საგამოძიებო კომისიის ფარგლებში დავადგინეთ, რომ ამ საქმის ირგვლივ არსებობდა მთელი რიგი ხარვეზები. დავადგინეთ, რომ არ ჩატარდა ან ჩატარდა დაგვიანებით მთელი რიგი საგამოძიებო მოქმედებები. აქედან გამომდინარე, გაჩნდა კითხვები, ხომ არ ჰქონდა ადგილი შესაბამის მოხელეთა მხრიდან რაიმე სახის კანონდარღვევას, კერძოდ, ვინმესთვის ხომ არ მოხდა ხელის დაფარება? აქედან გამომდინარე, მსურს გკითხოთ, შეისწავლა თუ არა აღნიშნული საკითხი შს სამინისტროს გენერალურმა ინსპექციამ. ასევე, პარლამენტის მიერ გაცემული რეკომენდაციებიდან გამომდინარე, არსებობს საფუძველი დაიწყოს გამოძიება კონკრეტულ მოხელეთა მიმართ შესაძლო დანაშაულის ჩადენის ფაქტზე და რატომ არ იწყება? ასევე მინდა შევეხო კონკრეტულ ეპიზოდს, დავით სარალიძის მკვლელობის ეპიზოდს, რადგან ეს არის საკითხი, რომელზეც საზოგადოებამ ჯერ კიდევ ვერ მიიღო პასუხი თუ ვინ მოკლა დავით სარალიძე. ბატონი ზაზა სარალიძე ესწრება სხდომას და გთხოვთ, გვიპასუხოთ როგორც პარლამენტის წევრებს, ისე ბატონ ზაზას, რა გამოიკვეთა დამატებითი გამოძიების ფარგლებში ამ მიმართულებით და შეგიძლიათ თუ არა გვითხრათ ვინ არის დავით სარალიძის მკვლელი?”.


  • გახარია პარლამენტში: ნიანგის ცრემლებს ღვრიან, საპარლამენტო უმრავლესობამ “თვალთმაქცურ” ტაქტიკას მიმართა

    {{ARTICLEIMAGE}}
    “ნაციონალური მოძრაობის” წევრის რომან გოცირიძის განცხადებით, საპარლამენტო უმრავლესობამ “თვალთმაქცურ და სასაცილო ტაქტიკას მიმართა, როდესაც გადაწყვიტა, რომ თურმე დაასწრონ ოპოზიციას და დასვან ყველა მწვავე შეკითხვა, რაც არსებობს ხელისუფლების მიმართ.

    “ლამის ყველა დანაშაული ამ ქვეყანაში მოისმინეთ მათი ენით და დღეს ეს ადამიანები ღვრიან ნიანგის ცრემლებს, როდესაც აფარებდნენ დანაშაულს ხელს და ხელს გვიშლიდნენ საგამოძიებო კომისიის შექმნაში”, განაცხადა რომან გოცირიძემ.

    მის ამ განცხადებას “ქართული ოცნების” დეპუტატმა დიმიტრი ხუნდაძემ უპასუხა.

    “დავით სარალიძის მკვლელობაზე კითხვა ჭარბობს კითხვებს შორის არა, იმიტომ რომ ზაზა სარალიძე აქ არის, არამედ იმიტომ, რომ ეს კითხვა პასუხგასაცემია”,განაცხადა დიმიტრი ხუნდაძემ.

    საქართველოს პარლამენტში ამ წუთებში შინაგან საქმეთა მინისტრი, გიორგი გახარია პარლამენტარების კითხვებს ისმენს. საპარლამენტო უმრავლესობის წევრებმა შს მინისტრს მიმართეს და თქვეს, რომ ხორავას ქუჩაზე მომხდარი მკვლელობის ირგვლივ შეკითხვები კვლავ არსებობს. 

  • ბერა ივანიშვილის საახალწლო ნაძვისხე

    ბერა ივანიშვილმა ინსტაგრამზე  საკუთარი ნაძვისხის ვიდეო ატვირთა. სადაც ჩანს, თუ როგორ გამოიყურება ნაძვის ხე, რომლითაც მილიარდერების ოჯახი ახალ წელს შეხვდება. ბერამ ასევე ვიდეოზე მეუღლე ნანუკა გუდავაძეც მონიშნა სადაც მას ხის მორთვის გაგრძელებისკენ მოუწოდებს .  

  • გახარია: აქ ვიმყოფებით მწვავე დისკუსიისთვის და არა კამერების წინ პოლიტიკური ცეკვებისთვის

    {{ARTICLEIMAGE}}
    საქართველოს შინაგან საქმეთა მინისტრმა პარლამენტის რიგგარეშე პლენარულ სხდომაზე მიმართვის ნაწილი დაასრულა და ახლა უკვე დეპუტატების შეკითხვებს პასუხობს. მინისტრმა განაცხადა, რომ მზადაა მწვავე კითხვებისთვის და ასევე იტოვებს უფლებას, პოლიტიკური ცეკვებისგან ტავი შეიკავოს. 

    “ზუსტად ერთი წლის წინ ჩვენ ავიღეთ გარკვეული ვალდებულებები 2018 წელზე და რა თქმა უნდა, ვთვლით ჩვენს თავს ვალდებულად გარკვეული ანგარიში ჩავაბაროთ პარლამენტს, მაგრამ გპირდებით, რომ ეს იქნება სტრუქტურირებული, ძალზედ მოკლე, კონკრეტულ შედეგებზე და კონკრეტულ გეგმაზე ორიენტირებული მოხსენება. ასე რომ, ბატონებო და ქალბატონებო მინდა გითხრათ, რომ ჩვენ დღეს აქ ვიმყოფებით შინაარსობრივი დისკუსიისთვის, მწვავე დისკუსიისთვის და არა პოლიტიკური ცეკვებისთვის კამერების წინ და არც ფსევდოინტელექტუალური, ფუჭი, უმიზნო დებატებისთვის და იმედი მაქვს, რომ ამ რეჟიმში ჩვენ შევძლებთ, დავამყაროთ დიალოგი იმისთვის, რომ გამოვავლინოთ რეალური გამოწვევები როგორც სამინისტროს, ისე ქვეყნის უსაფრთხოების წინაშე”,განაცხადა გიორგი გახარიამ.

  • როსკომნადზორმა BBC–ს ტელეარხის და ვებგვერდების შემოწმება დაიწყო

    ბრიტანეთის სანქციებს რუსული ტელეარხის წინააღმდეგ რუსეთი BBC–ს შემოწმებით პასუხობს

    {{ARTICLEIMAGE}}

    როსკომნადზორმა გადაწყვიტა შეამოწმოს, რამდენად შეესაბამება ბრიტანული ტელეარხის, BBC–ს და მისი ვებგვერდების მასალები რუსულ კანონმდებლობას.რუსეთის მედიარეგულატორმა BBC–ს შემოწმება მას შემდეგ გადაწყვიტა, რაც ბრიტანულმა  მედიარეგულატორმა, Ofcom–მა რუსული ტელეარხის, Russia Today- ს ახალი ამბებისა და საზოგადოებრივ–პოლიტიკური პროგრამების  მიერ მიუკერძოებლობის სტანდარტების დარღვევის შესახებ გადაწყვეტილება გამოიტანა. ბრიტანულმა რეგულატორმა შვიდი დარღვევა დაადგინა. საქმე ეხება 2018 წლის 17 მარტიდან 26 აპრილამდე პერიოდს. გადაწყვეტილებას საჯარიმო სანქციების შესახებ რეგულატორი მას შემდეგ გამოიტანს, რაც რუსული ტელეარხის პასუხს შეისწავლის.

     

    “შვიდი დარღვევა მეტყველებს ჩვენი მაუწყებლობის სტანდარტებთან სერიოზულ შეუსაბამობას. ჩვენ შევატყობინეთ ტელეარხს, რომ განვიხილავთ კანონით გათვალისწინებულ საჯარიმო სანქციებს. Ofcom –ს შესაძლო სანქციების რამდენიმე ვარიანტი აქვს. ნებისმიერი სანქცია, რომელსაც ჩვენ დავადგენთ სრულიად სამართლიანი და აღმოჩენილი დარღვევების პროპორციული იქნება “ – ნათქვამია გუშინ გავრცელებულ განცხადებაში.

     

     

    ბრიტანელი რეგულატორის მიერ საქმის წარმოების დაწყების მიზეზი მაყურებელთა საჩივრები და საკუთარი მონიტორინგის შედეგები გახდა.საპასუხოდ რუსულმა ტელეარხმა განაცხადა, რომ Ofcom–ის გადაყვეტილებით გულდაწყვეტილია

    “ჩვენ დიდ ბრიტანეთში ბრიტანული კანონებით ვმაუწყებლობთ და ყოველთვის ვცდილობთ მათ დაცვას. როგორც ჩანს Ofcom მა მხედველობაში არ მიიღო ჩვენს მიერ მოკვლევისას წარდგენილი არგუმენტები. რეგულატორი არასაკმარის ყურადღებას უთმობს არხის კანონებს და მის მაყურებლებს “ – ნათქვამია რუსული ტელეარხის პრეს–სამსახურის გადაწყვეტილებაში.

    როსკომნადზორმა საპასუხო ნაბიჯი არ დააყოვნა და დღეს გაავრცელა ინფორმაცია, რომ ბრიტანული ტელეარხის, BBC–ს შემოწმებას იწყებს. რუსეთის საგარეო საქმეთა მინისტრის მოადგილე, მარია ზახაროვა თავის ფეისბუქ გვერდზე წერს, რომ რუსული მხარე არაერთხელ აფრთხილებდა ბრიტანეთს შესაძლო საპასუხო ნაბიჯის შესახებ.

    “დიდი ხანია დროა. გულწრფელად ვწუხვარ ბი–ბი–სის ჟურნალისტების გამო, რომელთაგან ბევრი ნამდვილი პროფესიონალია და გულწრფელად ასრულებს თავის მოვალეობებს. მაგრამ ბრიტანეთის მთავრობის უხეში ჩარევა რუსული მედიის საქმიანობაში, მუდმივი პროპაგანდა ტელეარხ RT –ს წინააღმდეგ, ჩვენი ჟურნალისტების დისკრედიტაციის მცდელობა და ა. შ. სხვა გზას აღარ გვიტოვებს, გარდა საპასუხო ნაბიჯისა“ –წერს ზახაროვა.

    ბიბისი-ს პრესსამსახურმა განაცხადა, რომ ისევე როგორც მსოფლიოს სხვა ქვეყნებში ბიბისი აუდიტორიას დამოუკიდებელ ინფორმაციას აწვდის და ადგილობრივი კანონმდებლობის ყველა ნორმას იცავს.ჯერჯერობით უცნობია, როდის გახდება ცნობილი როსკომნადზორის მიერ ბრიტანული ტელეარხის შემოწმების შედეგები.

     

  • ზაზა სარალიძე:ვიდრე ეს ხელისუფლებაა, საქმეზე სრული ჭეშმარიტება არასდროს იქნება

    {{ARTICLEIMAGE}}

    ხორავას ქუჩაზე მოკლული მოზარდის მამამ ზაზა სარალიძემ შინაგან საქმეთა მინისტრის საპარლამენტო მოხსენების მოსმენის შემდეგ განაცხადა, რომ ამ ხელისუფლების პირობებში იმედი არა აქვს, მისი შვილის საქმის სამართლიანად გამოძიების და ჭეშმარიტების დადგენის. ზაზა სარალიძემ გიორგი გახარიას განცხადების ის ნაწილი შეაფასა, რომლის მიხედვითაც გამოძიება დაიწყება სამოხელეო ნაწილში. “სრული საფუძველი გააჩნიათ, რომ დაიწყონ გამოძიება საქმის გაყალბებიდან. სამოხელეო ნაწილში არ იყო გამოძიება დაწყებული და რატომ ელოდებიან სააპელაციო სასამართლოს, არ ვიცი. მე ვთვლი, რომ რაღაც შეთანხმებას აქვს ადგილი პროკურატურასა და შინაგან საქმეთა სამინისტროს შორის.”

    ზაზა სარალიძის განცხადებით, ის არ ეთანხმება მინისტრს იმ ნაწილში, რომლის მიხედვით, თითქოსდა მიხეილ კალანდიას მიმართ სამართლებრივი დევნის საფუძველი არ არის. “სრული საფუძველი გააჩნიათ, საჭიროა ვიღაცის კეთილი ნება, თუმცა არ ვიცი, ვინ უნდა ინებოს კეთილი”, განაცხადა ზაზა სარალიძემ, მისივე თქმით, საგამოძიებო კომისიამ გამოააშკარავა ის ფაქტები, რაზეც გამოძიებიდან 6 თვის განმავლობაში საუბრობდა და რეაგირება არ იყო.

    “უცნაური აქ არაფერი ყოფილა. უბრალოდ, როგორც ჩანს, ახლა მიხვდნენ და ახლა უნდა გამოძიება დაიწყონ ამ პირებზე, რაც ჩემი აზრით საფუძველი იქნება ამ საქმის ბოლომდე მიყვანის, რატომ ელოდებიან სააპელაციო სასამართლოს, არ ვიცი, მაგრამ ფაქტი ფაქტად რჩება – ჩემი შვილის მკვლელი გარეთ არის და ამ ნაწილში ვერ დავეთანხმები.”

    ზაზა სარალიძის თქმით, მაღალი თანამდებობის პირების დაკავების შემთხვევაში, ისინი ისაუბრებენ იმ საქმეებზე, რომლებიც აქვთ გაყალბებული.

    “ბრძოლას გავაგრძელებ ვიდრე არ იქნება ჭეშმარიტება აღდგენილი. ხელს აფარებენ მიხეილ კალანდიას, მირზა სუბელიანს, მათ ახლობლებს, საგამოძიებო უწყების წარმომადგენლებს პროკურორებს, მიხეილ შაყულაშვილს, ზვიად ფხაკაძეს, ინა გუგუშვილს და სხვებს. პოლიტიკური ნება არ არსებობს, ეშინიათ. დავუშვათ, შოთაძე რომ დაიჭირონ, იმდენი საქმე აქვთ გაყალბებული, ალბათ, მოაღებს პირს და ილაპარაკებს. იგივეს ვიტყვი გაბიტაშვილზე და ფხაკაძეზე. ვიდრე ეს ხელისუფლებაა, ამ საქმეზე სრულ ჭეშმარიტება არასდროს იქნება“,განაცხადა ზაზა სარალიძემ.

  • ჩინელი ინვესტორები ამერიკულ უძრავ ქონებას ყიდიან

    ჩინეთის ხელისუფლება ქვეყნიდან ფულის გადინებაზე კონტროლს ამკაცრებს

    {{ARTICLEIMAGE}}

    ჩინელმა ინვესტორებმა 1 მილიარდის ღირებულების ამერიკული უძრავი ქონება გაყიდეს. ეს არის 2018 წლის მესამე კვარტლის მონაცემები. მიზეზი ჩინეთის ხელისუფლების ზეწოლაა, რომელიც კორპორატიული ვალების ზრდის და ეროვნული ვალუტის სტაბილურობის შესანარჩუნებლად ქვეყნიდან უცხოური გადინების შეჩერებას ცდილობს.

    მსხვილმა ჩინელმა ინვესტორებმა მესამე კვარტალში ამერიკაში მათ მფლობელობაში მყოფი სასტუმროები საოფისე შენობები და კომერციული ფართები გაყიდეს. ამავე პერიოდში Real Capital Analytics –ის მონაცემებით ჩინელმა ინვესტორებმა აშშ–ში მხოლოდ 231 მმილიონი დოლარის ქონება შეიძინეს. 2008 წლის შემდეგ ეს არის პირველი შემთხვევა, როცა ჩინელებმა ამერიკაში იმაზე მეტი ქონება გაყიდეს, ვიდრე შეიძინეს. ტენდენცია წლის მეორე კვარტლიდან დაიწყო და მესამე კვარტალში უკიდურესად გაძლიერდა და მეოთხე კვარტალშიც გრძელდება.

    ბოლო ხუთი წლის მანძილზე ჩინელმა ინვესტორებმა ამერიკის დიდ ქალაქებში – ნიუ იორკში, ლოს ანჟელესში, სან ფრანცისკოსა და ჩიკაგოში უძრავი ქონების – სასტუმროების, კომერციული ფართების და მიწების შესაძენად ათობით მილიარდი დოლარი დახარჯეს. ზოგჯერ ისინი რეკორდულ ფასსაც იხდიდნენ. მაგალითად, 2015 წელს ნიუ იორკის სასტუმრო Waldorf Astoria ერთ–ერთმა ჩინურმა ჯგუფმა 1.95 მილიარდ დოლარად შეიძინა. ეს არის ყველაზე მაღალი ფასი, რაც კი ოდესმე ამერიკულ სასტუმროში ვინმეს გადაუხდია.

    ანალიტიკოსები ზუსტად ვერ პროგნოზირებენ, რა დინამიკით გაგრძელდება ჩინელების გასვლა ამერიკის უძრავი ქონების ბაზრიდან და რა გავლენას მოახდენს ეს პროცესი ბაზარზე.

  • სააკაშვილმა “რუსთავი2”-ის დახურვა დააანონსა

    საქართველოს ყოფილი პრეზიდენტი მიხეილ სააკაშვილი ამბობს, რომ “რუსთავი 2”-ის  დახურვას ბიძინა ივანიშვილი უახლოეს თვეებში გეგმავს. ამის შესახებ სააკაშვილმა “ფეისბუქის” პირად გვერდზე პირდაპირ ეთერში ისაუბრა.


    სააკაშვილის თქმით, “ივანიშვილის გეგმა არის ძალიან მარტივი, მთავარი სამიზნე არის “რუსთავი 2”, რომლის დახურვასაც ის აპირებს, სადღაც თებერვალში-მარტში: “მაქსიმუმ აპრილში”.

    “თვლის, რომ “რუსთავი 2”-მა კინაღამ “ააყირავა” ის და აგრძელებს მის აყირავებას. მაგრამ იმისათვის, რომ მან რუსთავი 2 დახუროს, უნდა უზრუნველყოს, რომ ყველა შესაძლო წინააღმდეგობრივი მოძრაობა იქნას განეიტრალებული”, თქვა სააკაშვილმა.


    როგორც ცნობილია, 2017 წლის 2 მარტს, უზენაესმა სასამართლომ “რუსთავი 2” ქიბარ ხალვაშს მიაკუთვნა. გადაწყვეტილება საბოლოოა და არ საჩივრდება. დიდი პალატის შემადგენლობაში იყვნენ: ნინო გვენეტაძე, მზია თოდუა, ვასილ როინიშვილი, ეკატერინე გასიტაშვილი, პაატა ქათამაძე, ბესარიონ ალავიძე, მაია ვაჩაძე, ზურაბ ძლიერიშვილი და გიორგი შავლიაშვილი.


    სტრასბურგის სასამართლომ 39-ე მუხლის საფუძველზე, რუსთავი 2-ზე უზენაესი სასამართლოს გადაწყვეტილების აღსრულება დროებით, 8 მარტამდე შეაჩერა, მოგვიანებით კი შეჩერების გადაწყვეტილება უვადოდ გააგრძელა. ევროსასამართლომ მოპასუხე მხარედ საქართველოს ხელისუფლება განსაზღვრა. თავად ტელეკომპანიის პოზიციაა, რომ მმართველი პარტიის თავმჯდომარე ბიზნესმენი ივანიშვილი ოპოზიციურად განწყობილ მედიას ებრძვის და დიდი ხანია, მის სამიზნეს “რუსთავი 2” – წარმოადგენს. აღსანიშნავია, რომ ბიძინა ივანიშვილი ხშირად აკრიტიკებს ამ ტელეკომპანიას და მუდმივად უკმაყოფილოა მისი მუშაობით. განსაკუთრებით დასამახსოვრებელი აღმოჩნდა ივანიშვილის ერთ-ერთი ბოლო შეფასება “რუსთავი 2” – თან დაკავშირებით – მედიასთან ერთ-ერთი შეხვედრის დროს, მან განაცხადა, რომ ყველაფერს გააკეთებს, რომ ამ ტელეკომპანიაში “განსხვავებული აზრი შევიდეს”, რაც თავად “რუსთავი 2” – ში ხელისუფლების მხრიდან მუქარის სიგნალად აღიქვეს.


     


  • “დანაშაული სოციალურად დაუცველების გამოყენებით”

    {{ARTICLEIMAGE}}
    ყალბი საგადასახადო დოკუმენტების დამზადებისა და გამოყენების ფაქტზე საგამოძიებო სამსახურმა სამი პირი დააკავა. გამოძიებით დადგინდა, რომ ბრალდებულები სოციალურად დაუცველი და სხვადასხვა მძიმე კატეგორიის დანაშაულისათვის ნასამართლევი პირების სახელზე საწარმოებს არეგისტრირებინებდნენ და ჯართის ფიქტიურ შესყიდვებს და გაწერებს ახორციელებდნენ, რა დროსაც სახელმწიფო ბიუჯეტიდან დამატებული ღირებულების გადასახადის უკანონო ჩათვლების მიღება ხდებოდა. უკანონოდ ჩათვლილი დამატებული ღირებულების გადასახადის ოდენობა 1 604 523 ლარს შეადგენს.

  • ბიზნესმენისგან ყოფილი მძღოლი ფულის გამოძალვას ცდილობდა

    {{ARTICLEIMAGE}}
    ბიზნესმენისთვის ფულის გამოძალვის ფაქტზე შინაგან საქმეთა სამინისტრომ სამცხე-ჯავახეთში ერთი პირი დააკავა. დადგინდა, რომ ბრალდებული ახალციხეში ბიზნესმენს
    მუქარის შემცველ წერილებს უგზავნიდა და მისგან 50 000 ლარის გამოძალვას ცდილობდა.

    დაკავებული წარსულში ბიზნესმენთან მძღოლად მუშაობდა, ფლობდა ოჯახის წევრების შესახებ ინფორმაციას და მას ახლობლების სიცოცხლის მოსპობით ემუქრებოდა. დანაშაული 4-იდან 7 წლამდე პატიმრობას ითვალისწინებს.