Category: არქივი

საქართველოს პირველი პრეზიდენტის ზვიად გამსახურდიას შვილი კონსტანტინე გამსახურდია, რომელიც ძმასთან ერთად პროკურატურის შენობაში მე-11 დღეა შიმშილობს, ალადაშვილის სახელობის კლინიკაში გადაიყვანეს. მას თავბრუსხვევა აღენიშნებოდა, ამიტომ  გამოკვლევები უტარდება.

გამსახურდიების პროტესტის უკიდურესი ფორმის შემდეგ, პირველი პრეზიდენტის გარდაცვალების საქმის ხანდაზმულობის ვადის გაგრძელებაზე პარლამენტი კანონს დაჩქარებული წესით მიიღებს.  დეპუტატები საკითხს კენჭს ერთ საათში ბიუროს სხდომაზე უყრიან.

საქართველოს პირველი პრეზიდენტის ოჯახის ადვოკატი კი გამსახურდიას მკვლელობის საქმეზე სპეციალური საგამოძიებო ჯგუფის შექმნას მოითხოვს. ამირან გიგუაშვილი ამბობს, რომ საქმის გამოძიებას ოჯახის ნდობით აღჭურვილი პირი უნდა გაუძღვეს.

საქართველოს პირველი პრეზიდენტის მკვლელობის გამოძიების მოთხოვნით, კონსტანტინე და ცოტნე გამსახურდიები მეთერთმეტე  დღეა, პროტესტს უკიდურესი ფორმით გამოხატავენ. ისინი მმართველი გუნდის გადაწყვეტილებას ხანდაზმმულობის ვადის გაგრძელებასთან დაკავშირებით მიესალმებიან, თუმცა ამბობენ რომ გამოძიების დროულად დასრულებაა საჭირო.

(more…)

{{ARTICLEIMAGE}}
წავკისში მომხდარი მკვლელობის ერთ-ერთ ვერსიაზე მოკლულის მეზობელი საუბრობს. მისი ინფორმაციით, ორი ახალგაზრდა საქმის გასარჩევად სახლიდან გაიყვანეს. მეზობელი ამბობს, რომ სახლიდან გაყვანის მიზეზი მკვლელობამდე მომხდარი ერთი ფაქტი გახდა. კერძოდ კი, “ხანჯლით შეიარაღებულ პირებს ახალგაზრდებმა ავარიის დროს ავტომობილის სარკე გაუტეხეს  და სწორედ ამას უკავშირდება მკვლელობაც”. მეზობელი იმასაც ამბობს, რომ საქმეზე ორი ადამიანია დაკავებული და ისინი ტაბახმელიდან არიან. 

გუშინ საღამოს, წავკისში ახალგაზრდებს შორის მომხდარი დაპირისპირებისას ორი მამაკაცი მოკლეს. მათ ჭრილობა ცივი იარაღით აქვთ მიყენებული. გარდაცვლილები 26 და 28 წლის ახალგაზრდები არიან. დაჭრილია კიდევ ორი ადამიანი. ისინი სასწრაფო სამედიცინო დახმარების თანამშრომლებმა საავადმყოფოში გადაიყვანეს. ქირურგიული ჩარევის შემდეგ მათი მდგომარეობა სტაბილურია.


სამართალდამცავი უწყება დაპირისპირების ადგილზე ღამის განმავლობაში მუშაობდა. ჯერჯერობით უცნობია მომხდარის მიზეზი. ოფიციალური ინფორმაციით დაკავებული ამ დროისთვის არავინ არის.

{{ARTICLEIMAGE}}

{{ARTICLEIMAGE}}

{{ARTICLEIMAGE}}
ირანმა, შესაძლოა, საქართველოსთან უვიზო მიმოსვლის შეთანხმებას გადახედოს, თუ ირანელი მოქალაქეების დეპორტაციის ან საქართველოში შესვლის აკრძალვის საკითხი არ მოგვარდება. ამის შესახებ ირანის პარლამენტის ეროვნული უსაფრთხოებისა და საგარეო პოლიტიკის კომისიის წევრმა ალირეზა რაჰიმიმ განაცხადა.
“თუ საქართველო არ შეასრულებს 2010 წლის შეთანხმების პირობებს და უარს იტყვის მათ განხორციელებაზე, ჩვენმა ქვეყანამ შესაძლოა, გადახედოს ამ შეთანხმებას”, – განაცხადა ირანელმა პარლამენტარმა

{{ARTICLEIMAGE}}
ხორავას ქუჩაზე მომხდარი მკვლელობის საქმეზე ცრუ ჩვენების მიცემის ბრალდებით დაკავებული არასრულწლოვნის, დ.ღ-ს მამამ, კახა ღლონტმა დღეს გამართულ პრესკონფერენციაზე განაცხადა, რომ მისი შვილი პოლიტპატიმარია და უკანონოდ არის დაკავებული.

როგორც ის განმარტავს, მისი არასრულწლოვანი შვილი სხვების დანაშაულის გადასაფარად და აღშფოთებული საზოგადოების გასაჩერებლად დააკავეს.

“ზაზა სარალიძემ პროკურატურის ეზოში შიმშილობა რომ დაიწყო, იმ დროს დააკავეს ჩემი შვილი, რომ საზოგადოებრივი მუხტი და სარალიძე რაღაც დროის მანძილზე გაეჩერებინათ.

პროკურორმა ბესიკ ქვარცხავამ, ერთ-ერთი სხდომის შემდეგ თქვა, ოთხმა მოწმემ პირდაპირ დაადასტურა ბრალდებულის ბრალეულობაო. არადა, იმ ოთხ მოწმეს საერთოდ არაფერზე უსაუბრია იქ. ამის ოქმი გვაქვს ეს ჰაერზე მოტანილი ლაპარაკი არ არის. პირდაპირ გამოდიან და იტყუებიან, ამას მოსამართლე ძალიან მშვიდად უყურებს. ყველაფერი გადაწყვეტილია, მოსამართლესაც გადაწყვეტილი აქვს ყველაფერი.

საინტერესოა ერთი ფაქტიც, რომ სხდომის ოქმი სახალხო დამცველსაც გადავეცით, იქიდან წერილი მივიღეთ, აქ არაფერი ისეთი არ მომხდარაო. თითქოს, ყველა შეთანხმებულია, რომ ეს ბავშვი დაისაჯოს. ამით სხვისი დანაშაულის დაფარვას ცდილობენ. ნახევარი პროკურატურა დასაჭერია.

ხომ შეიძლებოდა, გამოეშვათ და პროცესებზე სახლიდან ევლო, მაგრამ არა, იქ უნდა იჯდეს და დაისაჯოს. მთავარი მოწმეები არ მოჰყავთ. საპარლამენტო კომისია ლაპარაკობს, რომ საქმე ცუდად არის წარმოებული.

ნახეს დაბალი ღობე დ.ღ. და აწმენდენ ხელს, ატყუებენ საზოგადოებას”, – განაცხადა ღლონტმა.

ცრუ ჩვენების მიცემის ბრალდებით არასრულწლოვანი ივლისში დააკავეს.

გამოძიებით დადგინდა, რომ დ.ღ.-მ, რომელიც უშუალოდ შეესწრო განსაკუთრებით მძიმე დანაშაულის ჩადენის ფაქტს, განზრახ არასწორი ინფორმაცია მიაწოდა სასამართლოს და მისცა ცრუ ჩვენება.

(more…)

{{ARTICLEIMAGE}}
იუსტიციის მინისტრის ყოფილი მოადგილე სანდრო ბარამიძე პარტია “თავისუფალი დემოკრატების” წევრი გახდა. ამის შესახებ პარტიამ 24 დეკემბერს განცხადება გაავრცელა.

“თავისუფალ დემოკრატებსა და სანდრო ბარამიძეს სრული ღირებულებითი თავსდებადობა და ბიოგრაფიული მსგავსებაც გვაკავშირებს. ჩვენთვის ერთნაირად მიუღებელი გახდა წინა ხელისუფლების ძალმომრეობა საკუთარ მოქალაქეებზე და “თავისუფალმა დემოკრატებმა”, როგორც პოლიტიკურმა ძალამ, ხოლო სანდრო ბარამიძემ, როგორც კვალიფიციურმა სპეციალისტმა და პრინციპულმა პიროვნებამ, კოალიცია “ქართული ოცნების” რიგებში გაერთიანებულებმა, ჩვენი წვლილი შევიტანეთ სამართლის გზას აცდენილი ხელისუფლების მშვიდობიანად შეცვლაში. როდესაც ნათელი გახდა, რომ “ქართული ოცნების“ ხელისუფლებამაც გადაუხვია დემოკრატიული და სამართლებრივი სახელმწიფოს შენების გზას, “თავისუფალმა დემოკრატებმა“ შედარებით ადრე, ხოლო სანდრო ბარამიძემ ცოტა მოგვიანებით, უარი ვთქვით ხელისუფლებაში ყოფნაზე და არადემოკრატიული ხელისუფლების ოპონირებით გადავწყვიტეთ ჩვენს ქვეყანაში დემოკრატიის სამსახურში დარჩენა”, ნათქვამია “თავისუფალი დემოკრატების”“ პრესსამსახურის მიერ გავრცელებულ განცხადებაში.

ალექსანდრე ბარამიძე, რომელიც ხელისუფლებაში “ქართული ოცნების“ მოსვლამდე ბიძინა ივანიშვილის ერთ-ერთი ადვოკატი იყო, იუსტიციის მინისტრის პირველ მოადგილედ 2013 წელს დაინიშნა. 2018 წლის ივნისში, როცა პარლამენტმა მთავრობის ახალი შემადგენლობა დაამტკიცა და მინისტრების მოადგილეები ხელახლა დაინიშნენ, ბარამიძე თანამდებობაზე არ დაბრუნებულა.