Blog

„ტყუილს აქვს მოკლე ფეხები – ჩვენ ვიცით, რომ მაგალითად, ორი თვის უკან, კობახიძე და მდინარაძე „რუსული ოცნების“ მთავარი სპიკერები ამბობდნენ – ამ ქვეყანაში „ქოლ-ცენტრები“ არაა, ამასობაში აღმოჩნდა, რომ 2 კვირის წინ „ანტიკორუფციული მოძრაობის“ წარმომადგენელი მივიდა ადგილზე და ნამდვილად ყოფილა საგამოძიებო მოქმედებები დაწყებული. ახლა „ქოლ-ცენტრი“ დაკეტეს და უნდათ, რომ ოპოზიციის კონკრეტულ სახელებს დაუკავშირონ. საზოგადოებას ასეთი მარტივი ტყუილებით ვეღარ მოატყუებენ. ყველამ კარგად იცის, რომ თუ ვინმე მფარველობს “ქოლ-ცენტრებს”, ეს არის სუს-ის უფროსი გრიგოლ ლილუაშვილი, უჩა მამაცაშვილი, ფარცხალაძე, ჯუანშერ ბურჭულაძე, ჭიკაიძე. ამ დაჯგუფებას დედაქალაქში აქვთ „ქოლ-ცენტრები“ და აქციეს ტრანსნაციონალური დანაშაულის მექად. თუ ასე არაა, ოპოზიცია ითხოვს საგამოძიებო კომისიის შექმნას, მაგრამ არ უნდათ, გაურბიან. ჩვენ ვითხოვთ, გამოვიძიოთ, ისინიამის შესახებ „ნაციონალური მოძრაობის“ თავმჯდომარემ, ლევან ხაბეიშვილმა განაცხადა. ამბობენ, არ გამოვიძიოთ! შესაბამისად, ვისაც ეშინია გამოძიების, დასტურია, რომ მას აქვს ინტერესი”

ამის შესახებ „ნაციონალური მოძრაობის“ თავმჯდომარემ, ლევან ხაბეიშვილმა განაცხადა.

„დაახლოებით, 70 წლის წინ ევროპულმა დამოუკიდებელმა სუვერენულმა თავისუფალმა ერებმა გადაწყვიტეს გაეერთიანებინათ ძალისხმევა და ესაუბრათ ერთხმად იმისთვის, რომ დაეცვათ მშვიდობა, კეთილდღეობა და თავისუფლება ევროპაში. ამჟამად ჩვენ გვყავს 27 წევრი ქვეყანა და ევროპელმა ლიდერებმა გადაწყვიტეს გაეფართოებინათ ევროპა. ერთ-ერთი პოტენციური კანდიდატი ქვეყანა არის საქართველო. საქართველოს მიენიჭა ევროპული პერსპექტივა, ეს ნამდვილად ისტორიული მიღწევა იყო და ჩვენ ველით შემდგომ ნაბიჯებს იქიდან გამომდინარე თუ როგორ იქნება რეფორმები იმპლემენტირებული საქართველოში. […] ძალიან თბილად მოგესალმებით ევროპის დღის აღსანიშნავ ღონისძიებაზე. ჩვენ ვართ „ექსპო ჯორჯიაში“, სადაც ყველა მოწვეულია როგორც ახალგაზრდა ისე ასაკოვანი ადამიანები, დასწრება თავისუფალია. ჩვენ გავაკეთებთ ძალიან ბევრ აქტივობას დღის განმავლობაში. ამინდი მშვენიერია, განწყობა ჩინებულია. ჩვენ ყველა აქ ვართ, რათა აღვნიშნოთ ევროპის დღე და კიდევ ერთხელ გიწვევთ ყველას შემოგვიერთდეთ ამ ღონისძიების აღნიშვნაში”

რუსეთი 9 მაისის აღლუმებს მზარდი დაუცველობის გამო აუქმებს,-  ამის შესახებ ნათქვამია, დიდი ბრიტანეთის თავდაცვის სამინისტროს დაზვერვის ანგარიშში.

როგორც დიდი ბრიტანეთის თავდაცვის  სამინისტროს დაზვერვა აცხადებს, რუსეთის უკვე 6-მა ოლქმა და 21-მა ქალაქმა, ასევე დროებით ოკუპირებული ყირიმის საოკუპაციო ხელმძღვანელობამ გააუქმეს 9 მაისის „აღლუმები“. ამას გარდა, კრემლში მაგ დღეს საზეიმო მიღება არ ჩატარდება, ხოლო მოსკოვში, სავარაუდოდ, მცირე მასშტაბის ზეიმი გაიმართება.

• „დრონების კრემლზე დარტყმა „გამარჯვების დღემდე“ რამდენიმე დღით ადრე, ასეთი თავდასხმების წინააღმდეგ რუსეთის მზარდ დაუცველობაზე მეტყველებს და უდავოდ გაზარდა რუსეთის ხელმძღვანელობის საფრთხის გრძნობა „გამარჯვების დღისადმი“ მიძღვნილ მოვლენებთან დაკავშირებით“, – წერია ანგარიშში.

უკრაინის შეიარაღებული ძალების საჰაერო ძალების სარდალმა მიკოლა ოლეშჩუკმა დაადასტურა, რომ „4 აპრილის ღამის თავდასხმის დროს უკრაინელმა სამხედროებმა პირველად მოახერხეს მტრის Kinzhal ტიპის რაკეტის ჩამოგდება“.

“ვულოცავ უკრაინელ ხალხს ისტორიულ მოვლენას! დიახ, ჩვენ ჩამოვართვით “უბადლო” კინჟალი”, – განაცხადა მან.

ოლეშჩუკის თქმით, “ხანჯალი” ჩამოაგდეს პატრიოტის კომპლექსის დახმარებით.

ცნობისთვის, „კინჟალის“ტიპის რაკეტები ახალი ჰიპერბგერითი იარაღის ერთ-ერთი კომპონენტია, რომელიც რუსეთის პრეზიდენტმა ვლადიმირ პუტინმა 2018 წელს წარმოადგინა თავის გამოსვლაში, რომელშიც თქვა, რომ ისინი შეიძლება მისწვდნენ მსოფლიოს თითქმის ნებისმიერ წერტილს და გვერდი აუარონ აშშ-ის ანტისარაკეტო ფარს.

“თუ უფროსი ძმა პრიგოჟინი და ვაგნერი წავლენ, მაშინ გენშტაბი გამოცდილ საბრძოლო დანაყოფს დაკარგავს, და მის ადგილას არტემოვსკში [ბახმუტში] მივლენ უმცროსი ძმა კადიროვი და ახმატი. თუ სცენარი ასეთი იქნება, ჩვენი მებრძოლები მზად არიან გავიდნენ და ქალაქი დაიკავონ. ეს რამდენიმე საათის საკითხია. მაგრამ მე ვისურვებდი, რომ დარჩენილი ორი კილომეტრი წავიღოთ არა ჯარისკაცების სიცოცხლის ფასად, არამედ ურთიერთგაგების, მხარდაჭერის, სარდლობისა და მებრძოლების გადაწყვეტილების შედეგად, რომ შეასრულონ უმაღლესი მთავარსარდლის ვლადიმერ პუტინის ბრძანება”

აცხადებს ჩეჩნეთის ლიდერი, რამზან კადიროვი.

კრემლის პროპაგანდისტი მომღერალი და ბლოგერი ვარია მაქსიმა, რომელიც ე.წ. Z კონცერტებზე გამოდის, საქართველოში საავტორო ტურს გეგმავს, სახელწოდების “Гамарджоба, Грузия”.  ამის შესახებ,  ინფორმაციას “რადიო თავისუფლების” პროგრამა Эхо Кавказа იაკუტელი ბლოგერის, აიხალ ამმოსოვის ინფორმაციაზე დაყრდნობით ავრცელებს.

• “ის ერთ-ერთი პროპაგანდისტია, სახას რესპუბლიკაში (იაკუტიაში) ის ჩართული იყო პროპაგანდაში, მონაწილეობდა “Z-კონცერტებში” და იაკუტელ კაცებს მოუწოდებდა, რომ ომში წასულიყო,” – ციტირებს გამოცემა აქტივისტს.

აიხალ ამასოვი ვარაუდობს, რომ მესაზღვრეები ქვეყანაში შესვლაზე უარს არ ეტყვიან პროპაგანდისტ მომღერალს, თუმცა იმედი აქვს, რომ ქართველი აქტივისტები ხელს შეუშლიან ტურს.

უკრაინის შეიარაღებულმა ძალებმა ბახმუტთან ვაგნერის დაჯგუფების საბრძოლო მასალების საცავები გაანადგურეს. ამის შესახებ უკრაინის თავდაცვის მინისტრის მოადგილე,  ანა  მალიარი ტელეგრამზე წერს. ამ განცხადებამდე, მალიარი აღნიშნავდა, რომ ოკუპანტები 9 მაისამდე ცდილობენ ბახმუტზე კონტროლის მოპოვებას, ამის გამო კი ვაგნერის დაქირავებული მებრძოლები სხვა მიმართულებებიდან ჩამოიყვანეს.

“ჩვენი მებრძოლების მიერ განადგურებულია ვაგნერელების საბრძოლო მასალების საცავები. ამიტომ, ჩვენც მთელ ძალებს ვიყენებთ მტრის გასანეიტრალებლად”, – თქვა მალიარმა.

დღეს, ვაგნერის ჯგუფის დამფუძნებელმა რუსმა ოლიგარქმა ევგენი პრიგოჟინმა ვიდეო-მიმართვა გაავრცელა სადაც აცხადებს, რომ 10 მაისს “ვაგნერი” ბახმუტს დატოვებს და ქალაქს თავდაცვის ძალებს აბარებენ. მიზეზად პრიგოჟინი საბრძოლო მასალების უკმარისობას ასახელებს.

პრიგოჟინის განცხადება მას შემდეგ გაკეთდა, რაც მან გამოაქვეყნა შემზარავი ვიდეო, სადაც ის დადიოდა დაღუპულ “ვაგნერელების” ცხედრებს შორის და სთხოვდა თავდაცვის ჩინოვნიკებს საბრძოლო მასალებით უზრუნველყოფას.

“რა თქმა უნდა, პრიგოჟინის განცხადება ვნახეთ, თუმცა, ამაზე კომენტარს ვერ გავაკეთებ, რადგან ეს სპეციალური სამხედრო ოპერაციის მიმდინარეობას ეხება”. – თქვა პესკოვმა.

ცნობისთვის, ვაგნერის ჯგუფის დამფუძნებელმა რუსმა ოლიგარქმა ევგენი პრიგოჟინმა  გამოაქვეყნა ვიდეო  რომელშიც დახოცილი ვაგნერელები ჩანან. პრიგოჟინი მათ სიკვდილში რუსეთის შეიარაღებული ძალების მეთაურებს ადანაშაულებს და აგინებს   რუსეთის თავდაცვის მინისტრს სერგეი შოიგუს და გენერალური შტაბის უფროსს ვასილი გერასიმოვს.

“აი, ეს ბიჭები კერძო სამხედრო კომპანია ვაგნერიდან, რომლებიც დღეს დაიღუპნენ, სისხლი ჯერაც არ შემშრალათ… ახლა მომისმინეთ, ბო*ებო. ესენი ვიღაცების მამები და ვიღაცების შვილები არიან. და ის ********ები, რომლებიც საბრძოლო მასალას არ გვაძლევენ, ჯოჯოხეთში მოხვდებიან… ჩვენ საბრძოლო მასალების უკმარისობა გვაქვს, 70%-იანი. შოიგუ, გერასიმოვ, სად არის საბრძოლო მასალა, ბო*ებო?”. – ამბობს პრიგოჟინი.

უკვე რამდენიმე თვეა, რაც ევგენი პრიგოჟინი რუსეთის თავდაცვის სამინისტროსგან საბრძოლო მასალის მიწოდებას ითხოვს.

“რა თქმა უნდა, პრიგოჟინის განცხადება ვნახეთ, თუმცა, ამაზე კომენტარს ვერ გავაკეთებ, რადგან ეს სპეციალური სამხედრო ოპერაციის მიმდინარეობას ეხება”. – ასე გამოეხმაურა კრემლის პრესსპიკერი, დმიტრი პესკოვი კერძო სამხედრო კომპანია ვაგნერის ჯგუფის დამფუძნებლის, რუსი ოლიგარქის, ევგენი პრიგოჟინის განცხადებას.