რუსული მხარის ცნობით, ამ დროისთვის უკრაინის შეიარაღებული ძალები 28 დასახლებულ პუნქტს აკონტროლებს. შესაბამისი განცხადება, მთავრობის სხდომაზე, კურსკის გუბერნატორის მოვალეობების შემსრულებელმა, ალექსეი სმირნოვმა გააკეთა.
ამასთანავე, სმირნოვმა აღნიშნა, რომ უკრაინის შეიარაღებული ძალები ოლქში სიგრძეში 12, ხოლო სიგანეში 40 კილომეტრით არიან შესულები.
სმირნოვის თქმით, ამ დროისთვის კურსკის ოლქიდან ევაკუირებულია 121 000 ადამიანი.
მაშველებმა გარდაცვლილი მთამსვლელის, არჩილ ბადრიაშვილი ცხედარი იპოვეს. შინაგან საქმეთა სამინისტროში აცხადებენ, რომ სვანეთში, მწვერვალ შხელდაზე დაახლოებით 3800 მეტრის სიმაღლეზე, კლდოვან ფერდობზე იპოვეს.
“სამძებრო-სამაშველო ოპერაციის ფარგლებში, საგანგებო სიტუაციების მართვის სამსახურის განსაკუთრებულ სიტუაციებზე რეაგირების მთავარი სამმართველოს მეხანძრე-მაშველების მიერ, შესაბამისი სპეცტექნიკისა და სასაზღვრო პოლიციის ვერტმფრენის ჩართულობით მთამსვლელის ცხედარი გადმოსვენებულია და მიმდინარეობს შესაბამისი პროცედურები”, – ნათქვამია განცხადებაში.
არჩილ ბადრიაშვილს, სვანეთში მდებარე მწვერვალ შხელდაზე ექსპედიციაში სამი ადგილობრივი მოყვარული ალპინისტი ჰყავდა წაყვანილი. 10 აგვისტოს საღამოს ამინდი მოულოდნელად გაუარესდა. მწვერვალიდან დაშვების პროცესში მეხი ახალგაზრდა სპორტსმენთან ახლოს დაეცა და არჩილი კლდიდან გადააგდო. გადარჩენილმა სამმა ახალგაზრდამ რუსული სიგნალის დაჭერა შეძლო და იქაურმა მხარემ შეატყობინა საქართველოს შინაგან საქმეთა სამინისტროს. მაშველებმა სამი ალპინისტის გადარჩენა შეძლეს, ხოლო ვერტმფრენმა არჩილ ბადრიაშვილის ცხედარს გუშინ, 11 აგვისტოს საღამოს მიაგნო, თუმცა რთული რელიეფიდან გამომდინარე, გარდაცვლილი სპორტსმენის ამოყვანა ჯერ ისევ ვერ ხერხდება.
არჩილ ბადრიშვილმა 2022 წელს ალპინიზმის უმაღლესი ჯილდო, “ოქროს ძალაყინი” ორ ქართველთან, გიორგი ტეფნაძესა და ბაქარ გელაშვილთან ერთად პაკისტანის იქამდე დაუპყრობელ მწვერვალ სარაგარზე (ზღვის დონიდან 7223 მეტრი) ასვლის გამო მიიღო. არჩილი ამ პრესტიჟულ პრიზზე კიდევ სამჯერ იყო წარდგენილი. გასულ თვეში ბადრიაშვილმა კიდევ ერთი აუსვლელი მწვერვალი – ინდოეთში მდებარე ნანდა შორი დაიპყრო.
მინდა ხაზგასმით აღვნიშნო, რომ ბევრმა საშინაო ნოუ-ჰაუმ, რომელსაც ანალოგი არ გააჩნია, ბრძოლის ველზე საკუთარი ეფექტურობა უკვე დაამტკიცა. მეტიც, მათი მთავარი მახასიათებლები მუდმივად იხვეწება და უმჯობესდება. თავდაცვის ქარხნების კონსტრუქტორების, ინჟინრების, მეცნიერების, შრომითი კოლექტივის სამუშაო აქტიურად გრძელდება სპეციალურ სამხედრო ოპერაციისგან მიღებული გამოცდილების გათვალისწინებით.
განაცხადა რუსეთის პრეზიდენტმა, ვლადიმირ პუტინმა.
”მოვალ კურსკში და დავდგები იმ ტყვიების წინ, რომელსაც თქვენ ესვრით რუსებს” – ასე მიმართავს, რუსეთში ქართული დიასპორის ხელმძღვანელი დავით ცეცხლაძე კურსკის რეგიონში უკრაინის შეიარაღებული ძალების შეტევით ოპერაციაში მონაწილე ქართველ მებრძოლებს.
„კურსკის რაიონში ქართველი დაქირავებულების გამოჩენა თითოეული ჩვენგანის წინააღმდეგაა მიმართული. მოვუწოდებ უკრაინის შეიარაღებული ძალების რიგებში მყოფ ყველა ქართველს, დაყარეთ იარაღი და დაუბრუნდით ოჯახებს! ეს არ არის თქვენი ომი.მე პირადად მოვალ კურსკში და დავდგები იმ ტყვიების წინ, რომელსაც თქვენ ესვრით რუსებს“, – ამბობს ცეცხლაძე.
აქტუალური არ არის სალომე ზურაბიშვილი, ის არისნაცმოძრაობის ერთ-ერთი მარიონეტი, შესაბამისად, რასაც ჩასძახებენ იმას ამოსძახებს ხოლმე, ეს არის მისი ერთადერთი როლი და ფუნქცია.
საკონსტიტუციო სასამართლომ დაადგინა მის მიერ საქართველოს კონსტიტუციის დარღვევა, შემდეგ სალომე ზურაბიშვილმა აღიარა საკონსტიტუციო სასამართლოს ლეგიტიმაცია. აქედან გამომდინარე, სალომე ზურაბიშვილს თავად აქვს აღიარებული, რომ ის არის კონსტიტუციის დამრღვევი პრეზიდენტი და მან თანამდებობა შეინარჩუნა მხოლოდ და მხოლოდ იმის ხარჯზე, რომ ნაცმოძრაობამ მხარი არ დაუჭირა იმპიჩმენტის წესით მის გადაყენებას, შესაბამისად, ამ მომენტიდან ის არის უკვე არა საქართველოს, არამედ რეალურად ის არის ნაცმოძრაობის პრეზიდენტი, ერთი მარტივი მარიონეტი, შესაბამისად, მის არავითარ სიტყვას და განცხადებას ფასი არ აქვს.
ამბობს საქართველოს პრემიერმინისტრი ირაკლი კობახიძე პრეზიდენტ სალომე ზურაბიშვილზე.
მწვერვალ შხელდაზე უბედური შემთხვევის შედეგად 34 წლის ალპინისტი არჩილ ბადრიაშვილი დაიღუპა.
გავრცელებული ინფორმაციით, ის მეხის დაცემის შედეგად დაიღუპა.
შემთხვევა გუშინ, 11 აგვისტოს მოხდა.
“მთამსვლელების ინფორმაციით, მწვერვალზე მყოფი ერთ-ერთი პირი სავარაუდოდ მეხის დაცემის შედეგად გარდაიცვალა. მეტეოროლოგიური პირობების გაუარესების გამო კი, დარჩენილი სამი პირი ვერ ახერხებდა დამოუკიდებლად გადაადგილებას და სამაშველო ჯგუფის დახმარება მოითხოვეს” – წერდა შსს 11 აგვისტოს და აღნიშნავდა, რომ “დაკარგული მთამსვლელის სამძებრო სამუშაოები ინტენსიურ რეჟიმში” მიმდინარეობდა
შინაგან საქმეთა სამინისტროს თანახმად, მწვერვალ შხელდაზე მყოფი 3 მთამსვლელი უვნებლად, სასაზღვრო პოლიციის ვერტმფრენის დახმარებით მესტიაში გადაიყვანეს, ერთის სამძებრო სამუშაოები კი მიმდინარეობდა.
არჩილ ბადრიაშვილი, “ოქროს წერაყინის” მფლობელი იყო, ჯილდო მან, 7303 მეტრი სიმაღლის მწვერვალის „სარაგრარი ჩრდილო-დასავლეთის“ (Saraghrar Northwest) დალაშქვრით მოიპოვა, სადაც აქამდე ფეხი არავის დაუდგამს და რომელიც ერთ-ერთ ურთულეს მარშრუტად მიიჩნევა.
ასევე, ბადრიაშვილი ერთ-ერთი პირველი ალპინისტი იყო, რომელმაც, ჰიმალაის მთებში ქართული გზა გაკვალა. სიდიდით მსოფლიოს რიგით მერვე მთის მანასლუს (8156) იგივე “სულის მთის” სიახლოვეს მდებარე მწვერვალი ლარკია.
კიევი და მოსკოვი ერთმანეთს ადანაშაულებენ მას შემდეგ, რაც კვირას საღამოს ევროპის უდიდეს ატომურ ელექტროსადგურთან დაკავშირებულ ობიექტზე მასიური ხანძარი გაჩნდა. ორივე მხარე აღიარებს, რომ ხანძარმა გავლენა არ მოახდინა რადიაციულ უსაფრთხოებაზე, მაგრამ ამავე დროს, ატომური ენერგიის საერთაშორისო სააგენტოს, “IAEA“ მსგავსად, ორივე მხარე მსგავსი ინციდენტების პოტენციურ საფრთხეზე საუბრობს.
უკრაინის პრეზიდენტმა ვლადიმერ ზელენსკიმ გუშინ განაცხადა, რომ ხანძარი ზაპოროჟიეს ატომურ ელექტროსადგურზე, რომელიც რუსეთის მიერ 2022 წლიდან არის ოკუპირებული, სავარაუდოდ, რუსმა სამხედროებმა გააჩინეს. ხოლო კრემლის მიერ დანიშნულმა ზაპოროჟიეს გუბერნატორმა ევგენი ბალიცკიმ განაცხადა, რომ ხანძრის მიზეზი უკრაინული მხრიდან დაბომბვა გახდა. ხანძარი გაჩნდა მას შემდეგ, რაც უკრაინულმა ძალებმა კურსკის რეგიონში რუსეთის ტერიტორიაზე შეჭრა დაიწყეს, აღნიშნავს Reuters.
ატომური ენერგიის საერთაშორისო სააგენტო (IAEA), რომლის დამკვირვებლები უზარმაზარი, ექვსრეაქტორიანი ატომური ელექტროსადგურის ტერიტორიაზე იმყოფებიან, აცხადებს რომ მათ დაინახეს მძიმე, სქელი კვამლი “წარმოქმნილი ქარხნის ჩრდილო-დასავლეთიდან” მას შემდეგ, რაც გაიგონეს “რამდენიმე აფეთქება საღამოს განმავლობაში”. ” .
„[დამკვირვებელთა] ჯგუფს აცნობეს, რომ დღეს, სავარაუდოდ, მოხდა დრონის თავდასხმა სადგურის ერთ-ერთ გამაგრილებელ კოშკზე. IAEA-ს გენერალურმა დირექტორმა რაფაელ მარიანო გროსიმ დაადასტურა, რომ ეს არ იმოქმედებს ბირთვულ უსაფრთხოებაზე“, – ნათქვამია ორგანიზაციის განცხადებაში.
რუსეთის სახელმწიფო კორპორაცია Rosatom-ის ცნობით, ძირითადი ხანძარი 23:30 საათისთვის საგანგებო სიტუაციების სამინისტროს მეხანძრეებმა ჩააქრეს. კორპორაცია ირწმუნება, რომ “მოხდა უკრაინული დრონის პირდაპირი თავდასხმა ორი გამაგრილებელი კოშკიდან ერთზე, რამაც გამოიწვია ხანძარი შიდა კონსტრუქციაზე“.
გამაგრილებელი გამაგრილებელი კოშკები შექმნილია სადგურის გასაგრილებლად. აქ დიდი რაოდენობით წყლის ატმოსფერული ჰაერის მიმართული ნაკადით გაგრილება ხდება.
გუშინ საღამოს უკრაინის პრეზიდენტმა ვლადიმერ ზელენსკიმ სოციალურ ქსელში გამოაქვეყნა ფოტოები, რომლებშიც, როგორც თავად აცხადებს, ოკუპირებული ზაპოროჟიეს ატომური ელექტროსადგურის შენობიდან ამომავალი კვამლი ჩანს.
ზელენსკი ამტკიცებს, რომ ცეცხლი „რუსმა ოკუპანტებმა“ გააჩინეს.
უკრაინის ნიკოპოლის რეგიონალური სამხედრო ადმინისტრაციის ხელმძღვანელი ევგენი ევტუშენკო წერს, რომ „მოპირდაპირე სანაპიროზე არსებული წყაროებიდან მიღებული არაოფიციალური ინფორმაციით, რუსებმა გამაგრილებელ კოშკში დიდი რაოდენობით მანქანის საბურავები დაწვეს“.
რუსული მედია “სადგურის წარმომადგენლზე“ დაყრდნობით იტყობინება, რომ სადგური ჩვეულ რეჟიმში ფუნქციონირებს.
ბელგოროდის ოლქის გუბერნატორმა ვიაჩესლავ გლადკოვმა ორშაბათს დილით სასაზღვრო რაიონის –კრასნოიარუჟსკის მოსახლეობის ევაკუაციის დაწყების შესახებ გამოაცხადა.
”საგანგაშო დილაა. მტრის აქტივობაა კრასნოიარუჟსკის ოლქის საზღვარზე. ჩვენ ვიწყებთ კრასნოიარუჟსკის რაიონის მაცხოვრებლების უსაფრთხო ადგილებში გადაყვანას.დარწმუნებული ვარ, ჩვენი სამხედრო მოსამსახურეები ყველაფერს გააკეთებენ, რათა გაუმკლავდნენ წარმოშობილ საფრთხეს “, – განაცხადა გლადკოვმა ტელეგრამ არხზე ვიდეომიმართვაში და დასძინა, რომ ტრანსპორტი ამ მხარეში უკვე გაგზავნილია.
რუსი სამხედრო ბლოგერები იუწყებიან კვირას კრასნოიარუჟსკის რაიონის სასაზღვრო სოფელ კოლოტილოვკაზე უკრაინული შენაერთის თავდასხმის შესახებ.
გლადკოვმა სოფლის მცხოვრებლებს სამი დღის წინ წასვლისკენ მოუწოდა.
კრასნოიარუჟსკის ოლქი ბელგოროდის რეგიონის ჩრდილო-დასავლეთით მდებარეობს. რეგიონალური ცენტრიდან, კრასნაია იარუგადან, კურსკის ოლქის სუჯამდე, სადაც უკრაინული დანაყოფები6 აგვისტოს შევიდნენ – დაახლოებით 45 კილომეტრია.
უკრაინის შეიარაღებული ძალების ოპერაციის დაწყებამდე სასაზღვრო გამშვები პუნქტი რუსულ კოლტილოვკასა და უკრაინულ პოკროვკას შორის ერთადერთი მოქმედი საგუშაგო იყო რუსეთ-უკრაინის საზღვარზე.
კურსკის რეგიონში რუსეთის ტერიტორიაზე შეჭრა უკრაინის პრეზიდენტის ვლადიმერ ზელენსკის ყველაზე სარისკო გადაწყვეტილებაა ამ დროისთვის. ამან გააკვირვა არა მხოლოდ მოსკოვი, არამედ კიევის დასავლელი მხარდამჭერები, წერს ლონდონში დაფუძნებული თავდაცვის კვლევების პროფესორი მაიკლ კლარკი The Times-ისთვის.
ზელენსკი უიმედოდ ცდილობს შეცვალოს წარმოდგენა, რომ უკრაინა კარგავს ომს, წარმატებები ყირიმში არ იქცევს მსოფლიოს ყურადღებას, რადგან მისი ქვეყნის არმია ნელა, მაგრამ სტაბილურად დევს აღმოსავლეთ უკრაინის ტერიტორიიდან ცდილობს იპოვოს გზა, რომ შეაჩეროს ან შეცვალოს ეს სტრატეგიული სამხედრო არჩევანი მის სტილს შეესაბამება: გაბედული და სარისკო“, – ნათქვამია გამოცემაში.
გამოცემა ხაზს უსვამს, რომ ეს ნამდვილად გაბედული ნაბიჯია:
„მოსკოვს 1941 წლის შემდეგ არ უნახავს მისი ტერიტორიის არც ერთი მეტრი მიტაცებული. სურათები კურსკის რეგიონიდან შოკისმომგვრელია რუსეთის საზოგადოებისთვის და კრემლს შეიძლება გაუჭირდეს ამ ეფექტთან გამკლავება. ეს ასევე აიძულებს ზოგიერთ დასავლელ ლიდერს. უხერხულია, რადგან ნატოს სახმელეთო აღჭურვილობის ელემენტები ახლა გამოიყენება რუსეთის შიგნით, გადალახულია კიდევ ერთი ბარიერი.
The Times-ის ცნობით, არსებობს ნიშნები, რომ კიევი სერიოზულადაა – რუსეთის ფედერაციაში დარბევაში მონაწილეობს 6000-დან 10000-მდე ჯარისკაცი 22-ე და 88-ე მექანიზებული ბრიგადებიდან, ასევე 80-ე საჰაერო თავდასხმის ბრიგადადან.
„უკრაინის არმია აშკარად აპირებს დადგეს და იბრძოლოს მის მიერ შექმნილ ქვაბში, რომელიც ჯერ კიდევ შეიძლება გაძლიერდეს… კიევი, სავარაუდოდ, მზად არის გარისკოს ძვირფასი ჯარისკაცები და აღჭურვილობა, რომ ზელენსკის კრიტიკოსები მაინც ამტკიცებენ, რომ ეს ეს არის როგორც ჯარისკაცების სიცოცხლის, ასევე მძიმე მეტალის შეურაცხყოფა, რომელიც უკრაინას ძალიან სჭირდება“, – ნათქვამია გამოცემაში.
”მოიცადეთ 2-3 დღე, კურსკში კარგი შედეგები იქნება”.