Blog

თბილისის საკრებულოს ფრაქცია “ერთიანი ნაციონალური მოძრაობა”” ოთარ ფარცხალაძისა და თბილისის მერიის წინააღმდეგ სამართლებრივ დავას იწყებს.

საკრებულოს ოპოზიციამ უკვე მოამზადა სარჩელი, რომელსაც მთავარ პროკურატურაში უახლოეს დღეებში შეიტანს. საქმე ეხება თბილისის მერიის მიერ ვაკის შუაგულში, ოთარ ფარცხალაძესთან დაკავშირებული კომპანიისთვის 1500-ზე მეტი კვადრატული მეტრი მიწის გადაცემას.

ტელეკომპანია რუსთავი 2 -ის ინფორმაციით, მერიამ გასული წლის ბოლოს ჯერ ბავშვთა ფსიქოლოგიური მომსახურების ცენტრს 10-წლიანი საიჯარო ხელშეკრულება შეუწყვიტა, ორ დღეში კი კახა კალაძემ განკარგულება გამოსცა და ტერიტორიის გადაცემის პროცესი დაიწყო.

“ამ მაფიოზური სქემის შემუშავებაში ჩართული იყო როგორც თბილისის მერი, სხვანაირად ვერ მოხდებოდა, ასევე რამდენიმე ის მაღალჩინოსანი, ვინც იღებდა გადაწყვეტილებას. შესაბამისად ყველა იმ ადამიანის პასუხისმგებლობის საკითხი უნდა დადგეს, ვინც მიიღო ამ უკანონობაში მონაწილეობა და ასევე ფარცხალაძის პასუხისმგებლობის საკითხი, რომელიც ფიქტიურ გარიგებაშია მხილებული”, ამბობს ირაკლი ნადირაძე.

IX მოწვევის საქართველოს პარლამენტის 2019 წლის საგაზაფხულო სესია, რეგლამენტით დადგენილი წესით 5 თებერვალს გაიხსნება.

საკონსტიტუციო ცვლილებებისა და პარლამენტის ახალი რეგლამენტის საფუძველზე, პარლამენტის პლენარული სხდომა თბილისში მდებარე სასახლეში გაიმართება.

საქართველოს პარლამენტის თავმჯდომარე ირაკლი კობახიძე, ახალი რეგლამენტის თანახმად, პლენარულ სხდომაზე, პარლამენტის საქმიანობის ყოველწლიურ ანგარიშს და მომდევნო წლის სამოქმედო გეგმას წარმოადგენს.

ირაკლი კობახიძის ყოველწლიური ანგარიში პარლამენტის მიერ გაწეულ საკანონმდებლო და საზედამხედველო საქმიანობას, საგარეო მიმართულებით განხორციელებულ სამუშაოს, ინსტიტუციური გაძლიერების კუთხით მიღწეულ პროგრესსა და სამომავლო გეგმებს დაეთმობა.

საქართველოს პარლამენტის წევრები უკვე დღეს 15:00 საათზე თბილისში, პარლამენტის დავით აღმაშენებლის სახელობის დარბაზში ბიუროს სხდომაზე შეიკრიბნენ. 

საქართველოს მოქმედი კონსტიტუციით, პარლამენტის ადგილსამყოფელია თბილისი და ქუთაისი. პლენარული სხდომები ქუთაისში ტარდება, კომიტეტების სხდომები კი ძირითადად, თბილისში. 2017 წელს მიღებულ ახალ კონსტიტუციაში, რომელიც ძალაში შევიდა 2018 წლის ოქტომბერში არჩეული პრეზიდენტის ინაუგურაციის შემდეგ, პარლამენტის ადგილსამყოფელი მითითებული აღარ არის. ამასთან, პარლამენტის მოქმედი რეგლამენტით, “პარლამენტის ადგილსამყოფელია ქალაქი ქუთაისი, პარლამენტის სასახლე.”

2012 წლის ოქტომბრის საპარლამენტო არჩევნებისა და ახალი კონსტიტუციის ამოქმედების შემდეგ საკანონმდებლო ორგანო თბილისიდან ქუთაისში გადავიდა. პარლამენტის ქუთაისის შენობაში მერვე მოწვევის პარლამენტმა 2012 წლის 21 ოქტომბერს დაიწყო მუშაობა. მსჯელობა და დებატები პარლამენტის კვლავ თბილისში დაბრუნების თაობაზე მაშინვე დაიწყო.

{{ARTICLEIMAGE}}
ინციდენტი თბილისის 61-ე საჯარო სკოლაში. ფიზიკური დაპირისპირება მე-11 კლასელებს შორის შესვენების დროს მოხდა. ადგილზე საპატრულო პოლიცია გამოიძახეს, თუმცა თვითმხილველების თქმით, კონფლიქტი პოლიციის მოსვლამდე ამოიწურა. დირექტორის მოადგილის ინფორმაციით, საკლასო ოთახში მოსწავლეებს შორის დაპირისპირების მიზეზი ხუმრობა გახდა, ისინი ხელით შეეხნენ ერთმანეთს, თუმცა სერიოზული დაზიანებები არ მიუღიათ და მხოლოდ ნაკაწრები აქვთ.

61-ე საჯარო სკოლაში მომხდარ დაპირისპირებას განათლების მინისტრი გამოეხმაურება. მიხეილ ბატიაშვილის განცხადებით, ინციდენტის დასაწყისშივე მანდატურის სამსახური დროულად ჩაერთო და საპატრულო პოლიცია გამოიძახა.

61-ე საჯარო სკოლაში მომხდარ ინციდენტთან დაკავშირებით, შინაგან საქმეთა სამინისტრომ გამოძიება ძალადობის მუხლით დაიწყო. უწყებაში აცხადებენ, რომ მომხდარზე საგამოძიებო მოქმედებები მიმდინარეობს.

როგორი იქნება 2019 წელი ფინანსური თვალსაზრისით ვერძისთვის, ლომისთვის და მშვილდოსნისთვის.

ვერძი

როგორი იქნება 2019 წელი ფინანსური თვალსაზრისით თევზების, კირჩხიბის და მორიელისთვის

2020 წლიდან მეწარმე სუბიექტად დარეგისტრირება  და გარკვეული საფასურის გადახდა მოუწევს ყველას, ვისაც  ოჯახში 2 ან მეტი ძროხა ჰყავს და ყველსა და რძის ნაწარმს ყიდის.

დარეგისტრირების გარდა ყველა მეწარმე რომელიც რძის ნაწარმს ყიდის ვალდებული იქნება პირუტყვის სადგომი შესაბამისი სტანდარტებით მოაწესრიგოს, ასევე სურსათის უვნებლობის კუთხით გააკონტროლოს იმ ჭურჭლის ხარისხი რომელშიც პროდუქი მზადდება.

არასამთავრობო ორგანიზაციები ამბობენ, რომ რეგულაციები ასოცირების ხელშეკრულების მიხედვით სავალდებულოა.

ნუგზარ სუარიძე ჟურნალისტიკის რესურს ცენტრის აგრო მიმართულებით ხელმძღვანელი აცხადებს რომ შინამეურნეობების ბიზნეს ოპერატორად დარეგისტრირება მათთვის მომგებიანი გახდება და არაკეთილ სინდისიერი მეწარმეებისგან დაცულნი იქნებიან.

„ამ რეგულაციების არ არსებობაქვეყნაში იწვევს იმას, რომ არაკეთილსინდისიერმა მეწარმეებმა ბებოს ყველის სტატუსით ისარგებლეს და ბებომ ვერ მოიგო აქედან. ჩვენ უნდა ვიცოდეთ რომ პროდუქტები,რომლებიც იწარმოება ჩვენს სოფლებში არის უვნებელი“,-ამბობს სუარიძე.

სურსათის უვნებლობის სააგენტო საკუთარ “ფეისბუქ” გვერდზე განცხადებას აქვეყნებს:

“გავრცელებული ინფორმაცია იმის შესახებ, რომ 2-3 ძროხის ყოლის შემთხვევაში მეპატრონეს საფასურის გადახდა და ფინანსური ვალდებულებები დაეკისრება, სინამდვილეს არ შეესაბამება. 2020 წლიდან ბიზნესოპერატორად რეგისტრაცია სავალდებულოა იმ ფიზიკური პირებისთვის, ვინც აწარმოებს და ბაზარზე განათავსებს სურსათს. ბიზნესოპერატორად რეგისტრაცია უფასოა. აღნიშნული რეგულაცია ევროკავშირთან თავისუფალი სავაჭრო სივრცის შესახებ შეთანხმების ფარგლებში აღებული ვალდებულებების შესაბამისად განხორციელდება. რეგულაციის მთავარია მიზანია, მომხმარებლის ჯანმრთელობის დაცვა სამომხმარებლო ბაზრის უვნებელი სურსათით უზრუნველყოფის გზით. აღნიშნული ცვლილება ხელს შეუწყობს სურსათის მოკლევადობას და სურსათის წარმოებისას თანამედროვე სტანდარტების და სანიტარიულ-ჰიგიენური ნორმების დანერგვასა და დაცვას. ფერმერებს სურსათის უვნებლობის სპეციალისტები მიაწვდიან დეტალურ ინფორმაციას და გაუწევენ რეკომენდაციებს”, -აღნიშნულია განცხადებაში.