განათლების ყოფილი მინისტრის განცხადებით, სტატუსშეჩერებული სტუდენტების რაოდენობა ყოველწლიურად იზრდება. დიმიტრი შაშკინი ამბობს, რომ 2011 წელს 4000 სტატუსშეჩერებული სტუდენტი ფიქსირდებოდა, ახლა კი მათი რაოდენობა 54 000-მდეა გაზრდილი, შაშკინის თქმით, 17 000 yofili studenti ღიად აცხადებს, რომ სწავლა ფინანსური დავალიანების გამო აქვს შეჩერებული. შაშკინის TqmiT, განათლების სამინისტრომ უნდა შეწყვიტოს ფულის ხარჯვა საკუთარ თანამშრომლებზე, ექსპერტებზე, მოგზაურობსა და პრემიებზე და თანხები იმ ადამიანებზე მიმართოს, რომლებსაც daxmareba სჭირდებათ.
Blog
-
საქართველოს პრეზიდენტმა წყალტუბოში ტურისტული ინფრასტრუქტურა დაათვალიერა
საქართველოს პრეზიდენტმა წყალტუბოში ტურისტული ინფრასტრუქტურა დაათვალიერა. პრეზიდენტის ადმინისტრაციის ინფორმაციით, სალომე ზურაბიშვილს სახელმწიფო რწმუნებულმა იმერეთის რეგიონში და ქუთაისის მერმა უმასპინძლეს. პრეზიდენტი ესტუმრა ძველ სანატორიუმებს: დაათვალიერა სტალინის აგარაკი da ცივი ტბა. ადგილობრივი ხელისუფლების წარმომადგენლებმა პრეზიდენტს დეტალური ინფორმაცია მიაწოდეს ტურისტულ ინფრასტრუქტურასთან დაკავშირებით არსებული მდგომარეობის შესახებ და პრეზიდენტის მხარდაჭერით, პროცესის გააქტიურების იმედი გამოთქვეს.
-
31-ე ბატალიონი GDRP-ის წინამოსამზადებელი ათეულის დონის შეფასებას გადის
ნორიოს საწვრთნელ ბაზაზე III ქვეითი ბრიგადის 31-ე ბატალიონი GDRP-ის წინამოსამზადებელი ათეულის დონის შეფასებას გადის. ამჟამად ნორიოში საბრძოლო დავალებებში 16 ქვეითი ათეულის შეფასების პროცესი მიმდინარეობს. სამხედრო მოსამსახურეებმა სწავლების დროს ათეულის ტაქტიკური გადაადგილების, ჩასაფრების, შეტევითი ამოცანების, კონტაქტზე რეაგირების და სხვა საჭირო უნარ-ჩვევები განავითარეს. წინამოსამზადებელ პერიოდში სამხედროებს ნატო-საქართველოს წვრთნებისა და შეფასების ერთობლივი ცენტრის ინსტრუქტორები აკვირდებიან და აფასებენ. 31-ე ბატალიონის ათეულები საქართველოს თავდაცვის მზადყოფნის პროგრამაში (GDRP) უშუალოდ ჩართვამდე წინამოსამზადებელ სწავლება-შეფასებას გადიან. ამჟამად ნორიოში საბრძოლო დავალებებში 16 ქვეითი ათეულის შეფასების პროცესი მიმდინარეობს. სამხედრო მოსამსახურეებმა სწავლების დროს ათეულის ტაქტიკური გადაადგილების, ჩასაფრების, შეტევითი ამოცანების, კონტაქტზე რეაგირების, არაპირდაპირ ცეცხლზე რეაგირების, ბუნკერის აღებისა და სხვა საჭირო უნარ-ჩვევები განავითარეს. წინამოსამზადებელ პერიოდში სამხედროებს ნატო-საქართველოს წვრთნებისა და შეფასების ერთობლივი ცენტრის (JTEC) ინსტრუქტორები აკვირდებიან და აფასებენ. ქვედანაყოფმა თავდაცვის მზადყოფნის პროგრამისთვის (GDRP) წინამოსამზადებელი სწავლების ინდივიდუალური დონის მომზადება ბატალიონის დისლოკაციის ადგილზე გაიარა. მოგვიანებით ოცეულისა და ასეულის დონეზეც მოემზადებიან, აპრილიდან კი 31-ე ქვეითი ბატალიონი თავდაცვის მზადყოფნის პროგრამაში (GDRP) ოფიციალურად ჩაერთვება. საქართველოს თავდაცვის მზადყოფნის პროგრამა (GDRP) წარმოადგენს საქართველოს თავდაცვის სამინისტროსა და ამერიკის შეერთებული შტატების თავდაცვის დეპარტამენტის ერთობლივ პროექტს, რომლის მიზანია საქართველოს თავდაცვის ძალების საბრძოლო ქვედანაყოფების მზადყოფნის დონის ამაღლება ტერიტორიული თავდაცვის უზრუნველსაყოფად. პროგრამა ასევე, უზრუნველყოფს მათი დაკომპლექტების, წვრთნისა და აღჭურვის შესაძლებლობების განვითარებას.
-
ხუან გუაიდო ვენესუელაში აშშ-ის მიერ სამხედრო ძალის გამოყენებას არ გამორიცხავს
ხუან გუაიდო ვენესუელაში აშშ-ის მიერ სამხედრო ძალის გამოყენებას არ გამორიცხავს. ვენესუელას დროებითმა პრეზიდენტმა ეს განცხადება „ფრანს პრესთან“ ინტერვიუში გააკეთა. გუაიდოს თქმით, ნიკოლას მადუროს წინააღმდეგ ყველა ხერხი უნდა გამოიყენონ. ვენესუალაში შექმნილი ვითარების დეესკალაციისთვის- ამერიკის შეერთებული შტატების პრეზიდენტმა, დონალდ ტრამპმა „სიბიესთან“ ინტერვიუში ვენესუელაში სამხედრო ჩარევა ერთ-ერთ ვარიანტად უვე დაასახელა. შეგახსნებთ, რომ 2018 წლის მაისში ჩატარებულ საპრეზიდენტო არჩევნებში, ნიკოლას მადურომ მოიპოვა, თუმცა არჩევნების შედეგები ჯერ ქვეყნის ოპოზიციამ, შემდეგ კი, თითქმის მთელმა მსოფლიომ არალეგიტიმურად ცნო. სწორედ ამის შემდეგ ხუან გუაიდომ თავი ქვეყნის დროებით პრეზიდენტად გამოაცხადა. მას მხარდაჭერა შეერთებულმა შტატებმა ევროკავშირმა და საქართველომაც გამოუცხადეს. -
“საუკეთესო მეგობრის ქორწილი“ 22 წლის შემდეგ
ფილმ საუკეთესო მეგობრის ქორწილის ეკრანებზე გამოსვლიდან 22 წლის შემდეგ, რომელიც სასიყვარულო კომედიების კლასიკად არის აღიარებული, მისი გმირები ჟურნალ Entertainment Weekly –ს ფოტოსესიისთვის შეიკრიბნენ.გადაღებებში 46 წლის კამერონ დიასი, 51 წლის ჯულია რობერტსი, 55 წლის დერმონტ მალრუნი და 59 წლის რუპერტ ევერეტი მონაწილეობდნენ.მსახიობები აღიარებენ, რომ დღემდე მათ ხალხი ამ ცნობილ კომედიაში მონაწიეობის წყალობით ცნობს. “ხალხი დღემდე მოდის და მეუბნება “ჩემი საუკეთესი მეგობრის ქორწილი!“ ეს ძალიან სასიხარულო გრძნობაა და ძალიან ვაფასებ. ჩემი რძალი, ნიკოლ რიჩი ამ ფილმით შეპყრობილია. წელიწადნახევრის წინ ჩიკაგოში ჩავედით და გადაღებების ყველა დასამახსოვრებელი ადგილი მომატარა“ –ამბობს კამერონ დიასი. მისთვის ამ ფილმში შესრულებული როლი პირველი მთავარი როლი იყო კინოში.
მიუხედავად იმისა, რომ ჯულია რობერტსისთვის ფილმი პირველი ვარსკვლავური გამობრწყინება არ ყოფილა, დღემდე ეს ფილმი მის კარიერაში ერთ ერთი ყველაზე გამორჩეულია. “ეს მართლაც ჭკვიანური და სასაცილო ისტორიაა. მიყვარს ასეთი ისტორიები“ – ამბობს ჯულია.ოც წელზე მეტი გავიდა და მსახიობები დღემდე სიამოვნებით ურთიერთობენ. ისინი ამტკიცებენ, რომ გადასაღებ მოედანზე თბილი და მეგობრული ატმოსფერო იყო.ცოტა ხნის წინ ჯულია რობერტსი და მარლუნი ისევ შეხვდნენ ერთმანეთს პროექტში “სახლში დაბრუნება“. ეს ჯულია რობერტსისთვის პირველი სერიალია. გასულ წელს მსახიობმა განაცხადა, რომ რომანტიულ კომედიებში მონაწილეობას აღარ აპირებს. მსახიობი თვლის, რომ ცხოვრებისეული გამოცდილების გამო ამ ამპლუაში მისი თამაში მაყურებლისთვის დამაჯერებელი აღარ არის. ამჟამად მას უფრო მთავარი გმირების დედის როლი და რთული ფსიოლოგიური სახეები მოსწონს.
-
სააკაშვილი კვირას ემიგრანტებს ლიეჟში ეპატიჟება
საქართველოს ექსპერზიდენტმა საკუთარ ფეისბუქ გვერდზე გაავრცელა ვიდეო, რომელიც ბელგიის ქალაქ ლიეჟშია გადაღებული. ის ქართველ ემიგრანტებს ყველა ქვეყნიდან ამ ქალაქში ეპატიჟება, სადაც კვირას 17 საათზე მსოფლიო ქართველთა კრება გაიმართება. სააკაშვილი ამბობს, რომ კრება ძალიან საინტერესო იქნება და მას “ძალიან მაგარი გაგრძელება მოყვება“. მისი თქმით, სხვადასხვა ქვეყნებიდან და კონტინენტებიდან ქართველები უკვე მიდიან ლიეში. ქართველების შეკრება ლიეჟის კონგრესთა სასახლეში გაიმართება. “ერთი სული მაქვს ყველა ერთად როდის ვიქნებით“– მიმართავს სააკაშვილი მხარდამჭერებს.
-
რამდენია ყოფილი პრემიერის ხელფასი ახალ თანამდებობაზე
საქართველოს ყოფილმა პრემიერმა, გიორგი კვირიკაშვილმა 2019 წლის 31 დეკემბერს მოქმედი ჩინოვნიკების მსგავსად 2018 წლის ქონებრივი დეკლარაცია შეავსო. კვირიკაშვილმა დეკლარაციაში ხუთი თვის მანძილზე საქართველოს პრემიერის რანგში მიღებულ ხელფასთან ერთად ის თანხაც მიუთითა, რომელიც ევროპის რეკონსტრუქციისა და განვითარების ბანკის საერთაშორისო მრჩევლის რანგში მიიღო. ამ თანამდებობაზე მუშაობის დაწყების თარიღად გიორგი კვირიკაშვილს 6 სექტემბერი აქვს მითითებული. ამ დღიდან 31 დეკემბრამდე კი ხელფასის სახით 29 888 ევრო აქვს მიღებული. თუ ამ თანხას ოთხ თვეზე გავყოფთ, გამოდის რომ ექსპრემიერის ხელფასი ახალ თანამდებობაზე დაახლოებით 7500 ევროა.
-
გიორგი კვირიკაშვილი ივანიშვილის ქართუსთან ისევ ვალშია
მოქმედ თანამდებობის პირებთან ერთად ქონებრივი დეკლარაცია 2019 წლის 31 იანვარს ყოფილმა პრემიერ მინისტრმა, გიორგი კვირიკაშვილმაც შეავსო.
ყოფილი პრემიერის დეკლარაციაში მითითებულია:217 კვ. მ. საცხოვრებელი სახლი თბილისში სხვიტარიძის ქუჩაზე, რომელის შეძენის თარიღად 2006 წელია მითითებული, ფასი კი 80 000 ლარი აგრეთვე 433 კვადრატული მიწა ამავე მისამართზე, რომელიც სახლთან ერთად შეიძინა.აგარაკი სოფელ ქვეშეთში – 243 კვ. მ. აშენების წელი – 2010, ღირებულება 100 000 ლარი.ასევე მიწა 3475 კვ.მ. მიწა ქვეშეთში. ეს ის აგარიაკია, რომელიც რუსთავი2 –ის მიერ ჩინოვნიკების სახლების შესახებ მომზადებულ სიუჟეტში მოხვდა და რომელიც უფრო მდიდრულად გამოიყურება, ვიდრე მითითებული თანხაა.დეკლარაციაში მითითებულია კახეთის გზატკეცილზე მდებარე 34 კვ. მ.–იანი ბინა, რომელიც ყოფილმა პრემიერმა 2005 წელს 10 000 ლარად შეიძინა.სხვა უძრავი ქონება ექსპრემიერის დეკლარაციაში არ ჩანს.გიორგი კვირიკაშვილის სახელფასო ანგარიშზე ბანკ ქართუში 4991 ლარია. საკრედიტო ანგარიშზე კი მინუს 8999 ლარი, 5000 ევრო და 8435 დოლარი.გიორგი კვირიკაშვილმა ამ ბანკში 2015 წელს 15 წლის ვადით იპოთეკური სესხი – 173 500 დოლარი აიღო. 2018 წელს სესხის დასაფარად მან ბანკ ქართუში 19 735 დოლარი გადაიხადა.გიორგი კვირიკაშვილს მითითებული აქვს 2018 წლის შემოსავლებიც. მან პრემიერის პოსტზე მუშაობისთვის – 2018 წლის იანვრიდან 13 ივნისამდე 23 882 ლარი აიღო.კვირიკაშვილს მითითებული აქვს შემოსავალიც, რომელიც მან ევროპის რეკონსტრუქციისა და განვითარების ბანკში საერთაშორისო მრჩევლის პოსტზე მუშაობიდან მიიღო. მუშაობის დაწყების თარიღად 2018 წლის 6 სექტემბერია მითითებული. ამ მომენტიდან წლის ბოლომდე კი შემოსავალი 29 888 ევრო. აქედან გამომდინარე შეგვიძლია ვივარაუდოთ, რომ ყოფილი პრემიერ მინისტრის თვიური ანაზღაურება ახალ სამსახურში თვეში დაახლოებით 7500 ევროა.დეკლარაციის მიხედვით სხვა შემოსავალი გიორგი კვირიკაშვილს 2018 წელს არ მიუღია. -
სალომე ზურაბიშვილი ავღანეთში იმყოფებოდა
საქართველოს პრეზიდენტმა სალომე ზურაბიშვილმა ავღანეთის ისლამურ რესპუბლიკაში მიმდინარე საერთაშორისო მისიაში მონაწილე ქართველი მშვიდობისმყოფელები მოინახულა. პრეზიდენტი იმ ბაზებს ეწვია, სადაც საქართველოს თავდაცვის ძალების სამხედრო მოსამსახურეები არიან დისლოცირებული და ნატოს ეგიდით მიმდინარე „მტკიცე მხარდაჭერის“ მისიას ასრულებენ.სალომე ზურაბიშვილმა თავდაცვის მინისტრთან ლევან იზორიასთან და თავდაცვის ძალების მეთაურთან, გენერალ-მაიორ ვლდიმერ ჩაჩიბაიასთან ერთად ბაგრამის საავიაციო ბაზა დაათვალიერა და ქართველი მშვიდობისმყოფელების ამოცანებს პირადად გაეცნო, ჯარისკაცებთან სადილისას კი, ადგილზე არსებული მდგომარეობა მოისმინა. უმაღლესმა მთავარსარდალმა მშვიდობისმყოფელებს მსოფლიო უსაფრთხოებაში შეტანილი წვლილისთვის მადლობა გადაუხადა და ხაზი გაუსვა ქართველი სამხედროების დამსახურებასა და მათი საქმიანობის მნიშვნელობას ქვეყნისთვის.
პრეზიდენტმა ბაგრამის სამხედრო საავიაციო ბაზაზე ავღანეთის საერთაშორისო მისიაში დაღუპული ქართველი სამხედრო მოსამსახურეების მემორიალი გვირგვინით შეამკო და ქართველი ჯარისკაცების მიერ აშენებული ეკლესია მოინახულა. ავღანეთის ისლამურ რესპუბლიკაში ვიზიტის ფარგლებში პრეზიდენტმა შეხვედრები გამართა ბაგრამის საავიაციო ბაზის მეთაურთან, გენერალ დანიელ კონლისთან, „მტკიცე მხარდაჭერის“ და აშშ-ის შეიარაღებული ძალების გენერალთან აუსტინ სკოტ მილლერთან, ასევე ავღანეთის ისლამური რესპუბლიკის პრეზიდენტთან მოჰამედ აშრაფ ღანი აჰმადზაისთან. დელეგაციის შემადგენლობაში პრეზიდენტთან ერთად იმყოფებოდნენ თავდაცვის მინისტრი ლევან იზორია, თავდაცვის ძალების მეთაური, გენერალ-მაიორი ვლადიმერ ჩაჩიბაია, საქართველოს უმაღლესი სამხედრო წარმომადგენელი ავღანეთის ისლამურ რესპუბლიკაში, პოლკოვნიკი მალხაზ მერლანი და პრეზიდენტის ადმინისტრაციის უფროსი, ლაშა ჟვანია.
-
ქალები, რომლებსაც ბედმა გენიოსების გვერდით ცხოვრება არგუნა
გენიოსის ცოლობა ადვილი არ არის. ხანდახან გამორჩეული მამაკაცების მეუღლეებს ოჯახის შესანარჩუნებლად მსხვერპლის გაღება უწევთ: ზოგი საკუთარ ცხოვრებას მთლიანად ქმარს უძღვნის. დღეს რამდენიმე გამორჩეული მამაკაცის ცოლების შესახებ გიამბობთ:
უნა ო’ ნილი და ჩარლი ჩაპლინიუნა ო’ნილი ბოჰემურ ოჯახში გაიზარდა. მამა დრამატურგი იუჯინ ო’ ნილი იყო, დედა კი მწერალი აგნეს ბოულტონი. გოგონას ერთადერთი ნაკლი ტრუმენ კაპტეს თქმით მისი სრულყოფილება იყო. უნა ჩაპლინთან მსახიობობის სურვილმა მიიყვანა. მათ ერთმანეთი ფილმ Shadow and Substance –ს კასტინგზე გაიცნეს, სადაც უნა ბედის საცდელად მივიდა. გოგონა 18 წლის იყო, ჩარლი ჩაპლინი კი 54 წლის. მართალია ეს ფილმი საბოლოოდ აღარ გადაიღეს, მაგრამ მან ორივეს ცხოვრებაში გადამწყვეტი როლი ითამაშა.“მან გაიღიმა და ჩემი ცუდი განწყობა მაშინვე გაქრა. მისმა სილამაზემ და უნიკალურმა მომხიბვლელობამ მაშინვე გამიტაცა“ – იხსენებდა მოგვიანებით ჩაპლინი ამ შეხვედრას.იმ მომენტიდან დაიწყო მათი სიყვარულის ისტორია, რომელიც უსასრულოდ გაგრძელდა და მხოლოდ 1977 წელს, ჩაპლინის სიკვდილთან ერთად დასრულდა. ამ ურთიერთობების გამო უნამ სამსახიობო ამბიციებზე უარი თქვა, ცნობილი ქმრის ჩრდილში ყოფნა ამჯობინა და თავი მთლიანად ოჯახს მიუძღვნა. მითუმეტეს, რომ სხვ აღარც არავინ დარჩა. მამა ჩაპლინზე მისმა გათხოვებამ იმდენად გააბრაზა, რომ გოგონა მისი ცხოვრებიდან წაშალა და არც მემკვიდრეობა დაუტოვა.
ცოლ–ქმარმა შვეიცარაში, ჟენევის ტბასთან მდებარე სახლში რვა შვილთან ერთად ბევრი ბედნიერი წუთი გაატარა. თუმცა მათ ცხოვრებაში უსიამოვნებებიც იყო. მაგალითად ჩაპლინის დადანაშაულება “საიდუმლო კომუნისტურ ორგანიზაციასთან“ კავშირში და აშშ–ში შესვლის აკრძალვა. თუმცა უნა ყოველთვის მოსიყვარულე და ერთგული ცოლი იყო. მან ამერიკიდან ოჯახის მთელი დანაზოგი და ქონებაა გაიტანა და ქმრის გულისთვის ამერიკის მოქალაქეობაზე უარი თქვა.მათი ქორწინება 34 წელს გაგრძელდა, რომლის განმავლობაში ერთმანეთს მხლოდ ერთხელ დაშორდნენ. უნა ქმრის სიკვდილიდან 14 წლის შემდეგ, 66 წლის ასაკში კუჭქვეშა ჯირკვლის სიმსივნისგან გარდაიცვალა. ჩაპლინის გარდაცვალების შემდეგ ის კარჩაკეტილ ცხოვრებას ეწეოდა და სახლიდან ნაკლებად გამოდიოდა.
“მან მე ზრდასრულ ადამიანად მაქცია, მე კი მასში ახალგაზრდობას ვინარჩუნებდი. ის ჩემი სამყარო იყო. მის გარდა ვერაფერს ვხედავდი და მის გარეშე ცხოვრება ვერ წარმომედგინა“ – ამბობდა უნა.
გალა და სალვადორ დალიგალა, იგივე ელენა დიაკონოვა ნამდვილი საბედისწერო ქალის სახელით არის ცნობილი. განათლებული, ლამაზი, ვნებიანი, ამაყი, აქტიური ქალი მამაკაცებს ფაქტიურად პირველივე ნახვაზე აჯადოებდა. ასე დაემართა სალვადორ დალისაც. ისინი ერთმანეთს გალას მაშინდელმა ქმარმა, პოლ ელიუარმა გააცნო, რომელმაც ელენას გალას ფსევდონიმი მოუგონა. მაშინ გალა 35 წლის იყო. დალი ათი წლით უმცროსი. მათ შორის მაშინვე გაჩნდა დაუძლეველი ლტოლვა. შემდეგ კი ეს დიდ სიყვარულში გადაიზარდა.არც არის გასაკვირი: სალვადორ დალი გამოცდილ, ჭკვიან ქალს ეძებდა, რომელსაც თაყვანს სცემდა. გალას კი მუდმივი ზეიმი და ფეიერვერკი სურდა. მათ ერთმანეთში ის იპოვნეს, რაც ჭირდებოდათ. ერთხელ, ურთიერთობის დასაწყისში სეირნობისას გალამ დალის უთხრა: “ჩემო ბიჭო, ჩვენ უკვე აღარასოდეს დავშორდებით.“
გალა არა მხოლოდ დალის მუზა იყო, არამედ ყველა ყოფითი პრობლემის და პრაქტიკული საკითხების მოგვარება საკუთარ თავზე აიღო. ის იყო დაკავებული ნახატების გაყიდვით, თუ არ იყიდებოდა, აიძულებდა დალის ქუდების, საფერფლეების მოდელები შეექმნა, მაღაზიების ვიტრინები გაეფორმებინა, რეკლამები დაეხატა. გალას საქმიანმა ალღომ გადააწყვეტინა წყვილს აშშ–ში გადასვლა, სადაც დალის საოცარი წარმატება ელოდა. გალა დალის კარიერის და შემოქმედების ერთგვარი კატალიზატორი იყო . მისი სახის ნაკვთები დალის პორტრეტების უმრავლესობაში გამოსჭვივის.თუმცა მოგვიანებით ცოლ–ქმარმა ერთმანეთისგან შინაგანი დისტანცირება დაიწყო, ბოლოს კი ტერიტორიულადაც მოშორდნენ ერთმანეთს: გალა დროის დიდ ნაწილს ქმრის მიერ ნაჩუქარ პუბოლის ციხე სიმაგრეში ატარებდა, სადაც მრავალრიცხოვან საყვარლებს იღებდა.“სალვადორისთვის მაინც სულერთია. ყოველ ჩვენგანს თავისი ცხოვრება აქვს“ – ამბობდა ის.
“გალას უფლებას ვაძლევ იმდენი საყვარელი ყავდეს, რამდენიც უნდა. ამაში ხელსაც კი ვუწყობ, იმიტომ რომ ეს აღმაგზნებს“ – ამბობდა დალი, თუმცა თავად ამ დროს სხვა ქალებთან ურთიერთობა არ ქონია.გალა თეძოს მოტეხილობის შემდეგ 1982 წელს კლინიკაში გარდაიცვალა. დალიმ ის პუბოლაში დამარხა, თვითონ კი კიდევ შვიდი წელი იცოცხლა.
ჯულიეტა მაზინა და ფედერიკო ფელინიფელინისა და ჯულიეტა მაზინას ურთიერთობა სრულიად განსხვავებული ტემპერამენტის და ხასიათის ადამიანების ერთობა იყო. ფელინი მუდმივად ქალების ყურადღებით ტკბებოდა, მაზინა კი მორცხვი და თავშეკავებული იყო. ამას ხელი არ შეუშლია მათთვის 50 წელი ერთ ოჯახად ეცხოვრათ.
ჯულიეტა იმედისმომცემი მსახიობი იყო და შეიძლებოდა ნამდვილი ვარსკვლავიც გამხდარიყო, განსაკუთრებით ფილმების – “კაბირიის ღამეები“ და “გზა“ –ს შემდეგ. თუმცა მისი არჩევანი ოჯახზე შეჩერდა . საკუთარი თავი ქმარს და მის კარიერას მიუძღვნა. ჯულიეტა სცენარებს არედაქტირებდა, მსახიობებს არჩევდა და ყველაფერს აკეთებდა ქმრის ცხოვრების შესამსუბუქებლად.ქორწინების შესახებ ჯულიეტა ამბობდა:
“მე და ფედერიკოს არ შეგვიქმნია ის, რასაც სიტყვა “ოჯახი“ შეეფერება. ჩვენ არ გვყავს შთამომავლობა, არ გვყავს ახლო ნათესავები. ჩვენ ალბათ უფრო წყვილი უნდა გვერქვას. ადამიანების კავშირი, რომლებიც ერთად თავისუფალი არჩევანის გამო რჩებიან. ყოველთვის მეკითხებიან, რთულია თუ არა გენიოსთან ცხოვრება. ამაზე ვპასუხობ, რომ სულელთან ცხოვრება უარესად გამაღიზიანებდა. მე და ფედერიკოს ერთი უპირატესობა გვაქვს: ძალიან ახალგაზრდები დავქორწინდით და აქედან გამომდინარე ერთად მოვმწიფდით, პიროვნებებად ერთად ჩამოვყალიბდით. ვაღიარებ, რომ ძალიან განსხვავებულები ვართ. მე ლაქლაქი მიყვარს. მას ჩუმად ყოფნა. მე ყველაფერს უმნიშვნელო დეტალებში აღვწერ, მას განსაკუთრებული გემოვნება აქვს და სინთეზის აღქმა. მე მოგზაურობა მიყვარს. მას ეზიზღება. მე ცეკვა მიყვარს, მას კი არასდროს უცდია. მე მუსიკის მოსმენა მიყვარს, მას კი საათობით კითხვა. თუმცა მთავარი საერთო გვაქვს: ორივეს გვიყვარს კვირა დღის გატარება მშვიდ, ოჯახურ გარემოში და ორივეს ძალიან გვიყვარს სანახაობა“.კლემენტინა და უინსტონ ჩერჩილიკლემენტინა არ ყოფილა “კომფორტული“ ცოლი, რომელიც ქმრის ახირებებს უსიტყვოდ აკმაყოფილებდა. მას გამოკვეთილი ხასიათი და ბრწყინვალე გონება ჰქონდა. თუმცა მეუღლის სისუსტებს მშვიდად ხვდებოდა, მათ შორის სიგარებისა და ვისკის სიყვარულს.
მთავარი პრინციპი, რასაც კლემენტინა ოჯახური ცხოვრებისას იცავდა ასეთია:
“არასოდეს აიძულოთ ქმარი თქვენ დაგეთანხმოთ. მეტს მიაღწევთ, თუ მშვიდად და წყნარად დარჩებით საკუთარ პოზიციაზე და მას თავს არ მოახვევთ. დროთა განმავლობაში დანახავთ, როგორ მიდის ქმარი შეუმჩნევლად დასკვნამდე, რომ მართალი ხართ“. კლემენტინამ მოახერხა საკუთარი თავის პატივისცემა და ქმრის სიყვარული ერთმაენთთან შეეთავსებინა. მისი ზომიერი სიჯიუტე და სიბრძნე მისი და უინსტონ ჩერჩილის 57 წლიანი ბედნიერი ოჯახური ცხოვრების საფუძველი გახდა.მართალია ისინი პიროვნული თვისებებით ერთმანეთისგან სრულიად განსხვავებულები იყვნენ და სხვადასხვა საძინებლებშიც ეძინათ, ამას ხელი არ შეუშლია ერთმანეთთან თბილი ურთიერთობა ჰქონოდათ, 5 შვილი გაეზარდათ და 1700 სასიყვარულო ღია ბარათი დაეწერათ.თავად ჩერჩილი ამბობდა: “ჩემი დაქორწინება ჩემს ცხოვრებაში ყველაზე ბედნიერი და სასიხარულო მოვლენა იყო.“