Blog

(more…)

დეკანოზ გიორგი მამალაძის ზიარების საკითხთან დაკავშირებით აკრძალვა მოხსნილია, განაცხადა საქართველოს საპატრიარქოს პრესსამსახურის ხელმძღვანელმა, დეკანოზმა ანდრია ჯაღმაიძემ. მან ჟურნალისტებთან კომენტარში აღნიშნა, რომ გადამეტებულია საპატრიარქოს განცხადების ინტერპრეტაცია და მისი მუქარად აღქმა საზოგადოების ნაწილის მიერ:

“განცხადებაში მკაფიოდ არის ნათქვამი, რომ გადაწყვეტილება მისი უწმინდესობის მიერ არის მიღებული. საუბარია იმაზე, რომ მღვდელმსახურს შეუძლია აზიაროს. მღვდელმსახურში იგულისხმება როგორც მღვდელი, ასევე მღვდელმთავარი. ასე რომ, ამ განცხადებით ეს აკრძალვა არის მოხსნილი. რადგანაც მამა გიორგის ბრალეულობის გარშემო დამოკიდებულება არაერთმნიშვნელოვანია, ამიტომ თავად გადაწყვიტოს იმ სასულიერო პირმა ზიარების საკითხი. რაც შეეხება იმ ნაწილს, სადაც პასუხისმგებლობაზე არის საუბარი, ეს არის ჩვეულებრივი სულიერი პასუხისმგებლობა, რომელსაც ესა თუ ის სასულიერო პირი იღებს, როდესაც გადაწყვეტილებას იღებს, ვინ აზიაროს და ვინ არა. საუბარი არ არის არანაირ ადმინისტრაციულ პასუხისმგებლობაზე. სრული პასუხისმგებლობით შეიძლება ითქვას, რომ აქ აჟიოტაჟი ზედმეტადაა შემოტანილი”, განაცხადა დეკანოზმა ანდრია ჯაღმაიძემ.

დეკანოზ გიორგი მამალაძის მოძღვარმა დეკანოზმა ნიკოლოზ გიგატაძემ 6 თებერვალს განაცხადა, რომ მზადაა, აზიაროს “ციანიდის საქმეზე” მსჯავრდებული დეკანოზი. მან გადაწყვეტილება საპატრიარქოს განცხადების გავრცელების შემდეგ მიიღო. განცხადების თანახმად, მსჯავრდებული დეკანოზის ზიარება ამის მსურველ ნებისმიერ მღვდელმთავარს შეუძლია, თუმცა მან პასუხისმგებლობა თავის თავზე უნდა აიღოს.

დეკანოზ გიორგი მამალაძის ძმა, თორნიკე მამალაძე კი აცხადებდა, რომ “ეს არის მუქარა, ვინაიდან განცხადებაში საუბარია იმ მღვდლის პასუხისმგებლობაზე, რომელიც გაბედავს მისი ძმის ზიარებას.” თორნიკე მამალაძე აღნიშნავდა, რომ როგორც კანონიკური, ისე მორალური თვალსაზრისით ზიარების გადაწყვეტილება ეკლესიის უმაღლესმა მმართველობამ უნდა მიიღოს.

{{ARTICLEIMAGE}}9 თებერვლიდან საქართველოს ეროვნული ნაკრები რაგბი ევროპის ჩემპიონატში ჩაერთვება. რაგბი ევროპის ჩემპიონატს ბორჯღალოსნები ტურნირზე ძლიერი მოწინააღმდეგით, რუმინეთით იწყებს. შეხვედრა, რომელშიც „სტეჟართან“ საზიარო „ანთიმოზ ივერიელის თასიც“ გათამაშდება, კლუჟში 9 თებერვალს, საქართველოს დროით 16 საათზე დაიწყება.

საკრებულოს ოპოზიცია ბაღების მართვის საააგენტოს ხელმძღვანელს ფრაქციის სხდომაზე იბარებს, თუმცა კახაბერ გვანცელაძე ოპოზიციის კითხვებს არ პასუხობს. საკრებულოს ფრაქცია “ნაციონალურ მოძრაობაში” ამბობენ, რომ სააგენტოს ხელმძღვანელი იმ მწვავე კითხვებზე პასუხებს, რაც ოპოზიციას აქვს, თავს არიდებს. კერძოდ ლევან ხაბეიშვილის თქმით, მათი კითხვები ბაღებში კვების ხარისხსა და ერთ-ერთ სააღმზრდელო დაწესებულებაში პიროტექნიკის აფეთქებას უკავშირდება, რის შემდეგაც დირექტორის პასუხისმგებლობის საკითხი არ დასმულა, ხოლო მისივე თქმით, ბაღებში ხელშეკრულებით გაუთვალისწინებელი საკვები პროდუქცია შეაქვთ.

ბაღების მართვის სააგენტოში კომენტარს არ აკეთებენ, თუმცა ამბობენ, რომ “ნაციონალურ მოძრაობას” სხდომაზე გვანცელაძის დაბარების შესახებ სააგენტოსთვის წინასწარ არ უცნობებია.

ექსპერტიზის დასკვნის მიხედვით, 16 იანვარს, დიდ დიღომში ბუნებრივი აირის გაჟონვის მიზეზით გამოწვეული აფეთქებისას დაზიანებული კორპუსი საცხოვრებლად მდგრადია, თუმცა როდის შეძლებენ დაზარალებულები სახლში დაბრუნებას უცნობია. საბურთალოს რაიონის გამგებლის ინფორმაციით, კორპუსი ისევ სარეაბილიტაციაო სამუშაოებს საჭიროებს.

ყველაზე რთული დაზიანებები კორპუსის მეექვსე სართულს აქვს, და ის საცხოვრებლად სრულად უსაფრთხო მას შემდეგ იქნება, რაც მერია სამხარაულის რეკომენდაციებს მოისმენს. ამ ეტაპისთვის თბილისის მერიისგან ბინის ქირის კომპენსაცია 55 ოჯახს ერიცხება.

16 იანვარს დიდ დიღომში, ავთანდილის ქუჩაზე ბუნებრივი აირის გაჟონვისას აფეთქება მოხდა. უბედური შემთხვევას 4 ადამიანი ემსხვერპლა. დაკავებულია კომპანია “ყაზტრანსგაზ-თბილისის” ორი თანამშრომელი.