პოლიტიკური გაერთიანება გირჩი სამხედრო სავალდებულო გაწვევასთან დაკავშირებული საკანონმდებლო ინიციატივის წინააღმდეგ აქციებს აანონსებს. გირჩი პარლამენტის თავდაცვის კომიტეტს ვადას აძლევს, რათა გაიწვიოს კანონპროექტი, რომელიც არამართლმადიდებელ მღვდელმსახურებს სამხედრო სამსახურისგან აღარ გაათავისუფლებს. იაგო ხვიჩია ამბობს, რომ ირაკლი სესიაშვილის ინიციატივა ანტიკონსტიტუციური, დისკრიმინაციული და ამორალურია, ვინაიდან სავალდებულო სამხედრო სამსახურში მოქალაქეების გაწვევას ითხოვენ ის მაღალჩინოსნები, რომლებიც ჯარში საკუთარ შვილებს არ უშვებენ. მისივე თქმით, თუკი ხელისუფლება სამხედრო სავალდებულო გაწვევას გააუქმებს, თავის მხრივ, გირჩი გააუქმებს ორგანიზაცია ბიბლიურ თავისუფლებას, რომლის საშუალებითაც ასეულობით ახალგაზრდამ ჯარს თავი დააღწია .
თავდაცვის კომიტეტის თავმჯდომარემ ბიბლიური თავისუფლების წინააღმდეგ პარლამენტში ორი კანონპროექტი დაარეგისტრირა. მათ შორის ერთ-ერთი ცვლილების თანახმად, არამართლმადიდებელი მღვდელმსახურები სამხედრო სამსახურისგან აღარ გათავისუფლდებიან. ირაკლი სესიაშვილი ამბობს, რომ გირჩის მიერ დაფიძნებულმა ორგანიზაციამ, სადაც მოქალაქეებს, ჯარიდან დასახსნელად მღვდლად კურთხევის შესაძლებლობა აქვთ, ქართულ ჯარს სერიოზული პრობლემები შეუქმნა და მალე საქართველო არა ძლიერ ჯარს, არამედ მღვდელმსახურების არმიას მიიღებს.
Blog
-
ჯარი თუ მღვდელმსაურების არმია. გირჩი აქციებს აანონსებს
-
არცერთი მინისტრი შვილს არ უშვებს ჯარში–ოქრუაშვილი ჯარზე და სესიაშვილის კანონპროექტზე
თავდაცვის კომიტეტის თავმჯდომარემ გირჩის ბიბლიური თავისუფლების წინააღმდეგ პარლამენტში ორი კანონპროექტი დაარეგისტრირა. მათ შორის ერთ-ერთი ცვლილების თანახმად, არამართლმადიდებელი მღვდელმსახურები სამხედრო სამსახურისგან აღარ გათავისუფლდებიან.თავდაცვის ყოფილი მინისტრი ირაკლი ოქრუაშვილი ამბობს, რომ ეს კანონპროექტი დისკრიმინალციულია, სისუსელელეა და ამის გაკეთება არ შეიძლება. ყოფილი მინისტრის თქმითვე, ჯარში სამსახურისთვის საჭიროა სახვა სახის პროპაგანდა, ჯარი პოპულარული ვერ გახდება ასეთი შეზღუდვებით და დისკრიმინაციული მეთოდებით. „ჯარი უნდა იყოს პრესტიჟული სამახური და არა უქონელთა შვილების სამსსახური“ – აცხადებს ირაკლი ოქრუაშვილი. -
ნუ ეფარებით ამბრაზურასავით– ოპოზიციის მწვავე კითხვები მინისტრს და ხმაურიანი კომიტეტის სხდომა (ვიდეო)
საგარეო საქმეთა მინისტრი პარლამენტში და ხმაური კომიტეტების გაერთიანებულ სხდომაზე.საქართველოს საგარეო პოლიტიკის სტრატეგიისა და ევროინტეგრაციის საკითხებზე საქართველოს საგარეო საქმეთა სამინისტროს ანგარიშის წარდგენისას და უმრავლესობის წევრების შეკითხვების შემდეგ, საგარეო საქმეთა მინისტრ დავით ზალკალიანს ოპოზიციის მწვავე შეკითხევბზე მოუწია პასუხების გაცემა. -
შეკითხვას ვსვამ, მაგრამ არ ვიცი, თქვენ უნდა მიპასუხოთ, კარასინმა თუ აბაშიძემ – გოცირიძე ზალკალიანს
საგარეო ურთიერთობათა და ევროპასთან ინტეგრაციის კომიტეტების გაერთიანებულ სხდომაზე დავით ზალკალიანმა 2019-2022 წლების საქართველოს საგარეო პოლიტიკის სტრატეგია წარადგეინა და დეპუტატებს ევროინტეგრაციის საკითხებზე საქართველოს საგარეო საქმეთა სამინისტროს ანგარიში გააცნო.
„ნაციონალური მოძრაობის“ წევრმა რომან გოცირიძემ მინისტრს შეკითხვით მიმართა და განაცხადა, რომ ჯანსაღი ლოგიკით შეკითხვის ადრესატი დავით ზალკალიანი უნდა იყოს, მაგრამ პასუხი ვინ უნდა გასცეს – ზალკალიანმა, კარასინმა თუ აბაშიძემ, არ იცის. გოცირიძისთვის გაუგებარია რატომ ერევა საგარეო საქმეთა სამინისტროს კომპეტენციის სფეროში ზურაბ აბაშიძე და რატომ ერთვება მოლაპარაკებებში კარასინთან.
დეპუტატი ასევე დაინტერესდა, რა ხდება რუსთთან საბაჟო მოლაპარაკებასთან დაკავშირებით და აქვს თუ არა საგარეო საქმეთა მინისტრს კომპეტენცია, თქვას, რომ ანაკლიის პორტის მშენებლობა შეგნებულად არ იშლება.
{{VIDEO}}
-
ეს ბავშვის სტრატეგიას მაგონებს, რომელიც ურჩხულს ხედავს და თვალებს ხუჭავს – სამადაშვილი ზალკალიანს
საგარეო ურთიერთობათა და ევროპასთან ინტეგრაციის კომიტეტების გაერთიანებულ სხდომაზე დავით ზალკალიანმა 2019-2022 წლების საქართველოს საგარეო პოლიტიკის სტრატეგია წარადგეინა და დეპუტატებს ევროინტეგრაციის საკითხებზე საქართველოს საგარეო საქმეთა სამინისტროს ანგარიში გააცნო.
მინისტრს დეპუტატებმა შეკითხვები დაუსვეს. „ნაციონალური მოძრაობის“ წევრის სალომე სამადაშვილისთვის, როგორც თავად განუცხადა მინისტრს, სურვილების ჩამონათვალს სტრატეგიად ვერ ჩათვლის. დეოპუტატს პრეტენზია ჰქონდა იმასთან დაკავშირებით, რომ მინისტრმა რუსეთზე საუბარს ცოტა დრო დაუთმო. „ეს მე მაგონებს ბავშვის სტრატეგიას, რომელიც ურჩხულს ხედავს და თვალებს ხუჭავს“ – განუცხადა ზალკალიანს სამადაშვილმა.
{{VIDEO}}
-
გარემოვაჭრეების პროტესტი ფოთში
ფოთში მოვაჭრეების პროტესტი გრძელდება. მათ ჯერ მერიის ადმინისტრაციული შენობის წინ გზის გადაკეტვა სცადეს, მოგვიანებით კი, მერიაში გადაინაცვლეს და ხელისუფლების წევრებს შეხვდნენ.შეხვედრამ ხმაურის ფონზე ჩაიარა. გარე მოვაჭრეები მერიის გადაწყვეტილებას აპროტესტებენ, რომლის თანახმადაც, ბაზრის მთავარი გზა გარე ვაჭრობის დახლებისგან უნდა გათავისუფლდეს. მოვაჭრეები პოზიციების დათმობას არ აპირებენ და აქციებს აანონსებენ.ფოთის მერის მოადგილის განმარტებით, მოვაჭრეების პროტესტი ცრუ ინფორმაციის გავრცელებამ გამოიწვია, რომლის მიხედვითაც ზოგიერთი მოვაჭრე პრივილიგირებული პირობებით სარგებლობს.„აქ საპროტესტო მე ვფიქრობ, რომ არაფერი არ არის. ყველა ვთანხმდებით იმაზე, რომ უნდა იყოს იერსახე მოწესრიგებული, თვითონაც არიან თანახმა ამაზე, უბრალოდ აქ აზრთა სხვა და სხვაობა იმაში, რომ არ ვიცი, საიდან, რა ინფორმაციით, ფიქრობენ, რომ ზოგიერთი არის უფრო კარგ მდგომარეობაში ჩაყენებული, ზოგიერთი უფრო ცუდ მდგომარეობაში,“- განაცხადა კონსტანტინე თოფურიამ. -
დეპუტატების დავა – ვინ დაუსვამს მინისტრს შეკითხვას პირველი
საგარეო ურთიერთობათა და ევროპასთან ინტეგრაციის კომიტეტების გაერთიანებულ სხდომაზე, სადაც საგარეო საქმეთა მინისტრმა 2019-2022 წლების საქართველოს საგარეო პოლიტიკის სტრატეგია წარადგინა, პროცედურასთან დაკავშირებით კამათი გაიმართა. დეპუტატები დიდი ხნის განმავლობაში არკვევდნენ, პირველი ვინ დაუსვამდა მინისტრს შეკითხვას, და ვის რამდენი წუთი ეკუთვნოდა. საბოლოო გადაწყვეტილებით, მინისტრისთვის შეკითხვების პირველად დასმის უფლება საპარლამენტო უმრავლესობას ერგო
{{VIDEO}}
-
ვხედავთ რუსეთის აგრესიულ ქმედებებს საქართველოს მოქალაქეების წინააღმდეგ – ნატოს გენმდივნის კომენტარი ირაკლი კვარაცხელიას გარდაცვალებაზე
ოკუპირებულ აფხაზეთში რუსულ სამხედრო ბაზაზე გაურკვეველ ვითარებაში გარდაცვლილი ირაკლი კვარაცხელიას საქმეზე ნატო-ს გენერალურმა მდივანმა პირველი კომენტარი გააკეთა.ალიანსის შტაბბინაში იენს სტოლტენბერგს კითხვა “კურიერის” ჟურნალისტმა დაუსვა, თუ როგორ აფასებს ნატო რუსეთის აგრესიულ საოკუპაციო პოლიტიკას საქართველოში.ნატოს გენერალური მდივნის თქმით, ჩრდილო ატლანტიკური ალიანსი მხარს უჭერს საქართველოს ტერიტორიულ მთლიანობას და სუვერენიტეტს. მისი განცხადებით, რუსეთის მხრიდან საქართველოს მოქალაქეების წინააღმდეგ აგრესიული ქმედებები იკვეთება.„ნატო-ს მხარდაჭერა საქართველოს ტერიტორიული მთლიანობის, სუვერენიტეტის მიმართ ძლიერია. რა თქმა უნდა, ამაში იგულისხმება საქართველოს უფლება, დაიცვას თავისი მოქალაქეები. ამ შემთხვევის დეტალებზე ვერ ვისაუბრებ, მაგრამ ვხედავთ, რომ რუსეთი არღვევს საქართველოს ინტეგრაციას ე.წ. სამხრეთ ოსეთისა და აფხაზეთის რესპუბლიკების აღიარებით. გარდა ამისა, გამუდმებით წევენ საოკუპაციო ხაზს, ასევე ვხედავთ სხვა აგრესიულ ქმედებებს საქართველოსა და მისი მოქალაქეების წინააღმდეგ. ასე რომ ეს არის მაგალითი, რატომაც უჭერს ნატო საქართველოს მხარს,“- განაცხადა სტოლტენბერგმა.გალში რუსი ოკუპანტების სამხედრო ბაზაზე გაურკვეველ ვითარებაში გარდაცვლილი ირაკლი კვარაცხელია ცოტა ხნის წინ სენაკში გადაასვენეს. რუსული ოკუპაციის კიდევ ერთი მსხვერპლის ნათესავები გალში ცხოვრებენ და მათი დიდი ნაწილი ამის გამო ვერც პანაშვიდზე ჩამოსვლას შეძლებს.კვარაცხელიას ცხედრის ექსპერტიზა მთელი ღამის განმავლობაში მიმდინარეობდა. სახელმწიფო ექსპერტების გარდა, პროცესს აკონტროლებენ წამების მსხვერპლთა რეაბილიტაციის ცენტრის წარმომადგენლები. -
„ომეგა ჯგუფის“ თანამშრომლების მიმართვა ბიძინა ივანიშვილს
“ომეგა ჯგუფის“ თანამშრომლები ბიძინა ივანიშვილს მიმართავენ და კომპანიისთვის დაკისრებული საგადასახადო ვალდებულებების მათ მიერ შეთავაზებული გრაფიკის მიხედვით გადახდას მოითხოვენ. სპეციალური განცხადება მათ „ოჯთ“-ის ფაბრიკაში გააკეთეს. ამბობენ, რომ ფაბრიკის გაჩერებამ 2019 წლის იანვარში, თებერვალსა და მარტში სახელმწიფო ბიუჯეტს 12 მილიონი ლარი დააკარგვინა. ქარხნის გაჩერების მიზეზი ის არის, რომ ბიძინა ივანიშვილი ზაზა ოქუაშვილზეა განაწყენებული. „ომეგა ჯგუფის“ თანამშრომლების თქმით, მიუხედავად „ომეგას“ შეთავაზებისა, რომ სრულად გაისტუმროს საგადასახადო ვალდებულება მათ მიერ წარდგენილი გრაფიკის მიხედვით, მთავრობა მათ მუშაობის საშულებას არ აძლევს. თუმცა იმედოვნებენ, რომ ხელისულფება მათ მოთხოვნას გაითვალისწინებს.