ამრიკის შეერთებული შტატების სახელმწიფო დეპარტამენტის ბოლო ანგარიშს, რომლის გამოც ხელისუფლება ოპოზიციის მხრიდან ახალი მწვავე კრიტიკის ობიექტი გახდა, მმართველ გუნდში პასუხობენ. პარლამენტის იურიდიული კომიტეტის თავმჯდომარე ანრი ოხანაშვილი ამბობს, რომ ანგარიშში შენიშვნების გარდა, ამ ხელისუფლების მიღწევებზეც არის საუბარი. ის ოპოზიციას ურჩევს, ანგარიშში ის ადგილებიც წაიკითხონ, სადაც შენიშვნები არ არის.
{{VIDEO}}
გალის რაიონიდან წუხელ გადმოსვენებული 29 წლის ირაკლი კვარაცხელიას სხეულზე, კერძოდ კი ყელზე არსებული დაზიანებების მიზეზს ექსპერტიზა სწავლობს. ოკუპანტების მიერ დაკავებულ ახალგაზრდას, რომელიც ნაბაკევში რუსეთის სამხედრო ბაზაზე გადაიყვანეს, სადაც აფხაზური მხარის ცნობით, მან თავი ჩამოიხრჩო, ექპერტიზა წუხელ სამხარაულის ბიუროში 5 საათზე მეტხანს უტარდებოდა. ჯერჯერობით დამოუკიდებელ ექსპერტსაც უჭირს თქმა, ყელის არეში დაზიანებები კვარაცხელიას სიცოცხლეშივე აქვს მიღებული თუ გარდაცვალების შემდეგ.
ოკუპირებულ ტერიტორიაზე საეჭვო ვითარებაში გარდაცვლილი ირაკლი კვარაცხელია დღეს დილით სახლში – სენაკში დევნილთა ჩასახლებაში გადაასვენეს. ახლობლებს უჭირთ საოკუპაციო რეჟიმის მიერ გავრცელებული ინფორმაციის დაჯერება, რომ ახალგაზრდამ თავი მოიკლა და არ გამორიცხავენ, რომ ის ოკუპანტებს შემოაკვდათ.
საოკუპაციო რეჟიმი კი კვარაცხელიას მკვლელობის ვერსიას გამორიცხავს. აფხაზეთში განთავსებული რუსეთის უშიშროების ფედერალური სამსახურის სასაზღვრო სამმართველოს ინფორმაციით, კვარაცხელიამ, რომელიც, რატომღაც რუსეთის სამხედრო ბაზაზე მიიყვანეს, საკუთარი მაისურით ჩამოიხრჩო თავი. აფხაზეთის ე.წ საგარეო საქმეთა მინისტრმა კი ტელეკომპანია „კავკასიას“ უთხრა, რომ კვარაცხელიაზე ძალადობა არ მომხდარა და ეს თვითმკვლელობა იყო.
„იმედი მაქვს, ქართველი ექსპერტები ობიექტურ დასკვნას დადებენ. სამწუხაროდ,ახალგაზრდამ სიცოცხლე თვითმკვლელობით დაასრულა. მის მიმართ არანაირ ძალადობას ადგილი არ ჰქონია“-უთხრა დაურ კოვემ ტელეკომპანია „კავკასიას“
ექსპერტიზის პასუხებს ელოდება ქართული მხარეც. დავით ზალკალიანის თქმით, ირაკლი კვარაცხელიას თავისუფლად გადაადგილების უფლება შეუზღუდეს. სწორედ ამიტომ საგარეო საქმეთა მინისტრი კიდევ ერთხელ ამბობს, რომ აუცილებელია ოკუპირებულ ტერიტორიებზე საერთაშორისო თანამეგობრობას წვდომა ქონდეს. საპარლამენტო უმრავლესობაში კი დამნაშავეების დასჯას ითხოვენ და ამბობენ, რომ იმაზე, რაც ოკუპირებულ რეგიონებში ხდება,პასუხიმგებელია რუსეთია.
ოპოზიცია კი ირაკლი კვარაცხელიას გარდაცვალებას საქართველოს მთავრობის სუსტ პოლიტიკას უკავშირებს. ხელისუფლების ოპონენტების თქმით, საზღვრისპირა რეგიონებში ვითარება კრიტიკულია და ადამიანებს ომის პირობებში ცხოვრება უწევთ.
29 წლის ირაკლი კვარაცხელიას გარდაცვალების შესახებ, 12 მარტს, ღამით გახდა ცნობილი. ის „საზღვრის უკანონოდ გადაკვეთისთვის“ ოკუპირებული აფხაზეთის ე.წ რესპუბლიკის უშიშროების სამსახურმა სოფლების – თაგილონისა და ნაბაკევის საზვარზე დააკავა. დოკუმენტების გასაფორმებლად ის ნაბაკევის რუსულ სამხედრო ბაზაზე გადაიყვანეს, რის შმდეგაც აფხაზურმა მხარემ განაცხადა, რომ ირაკლი კვარაცხელიამ თავი მოიკლა
„ნაციონალური მოძრაობის“ წევრი რომან გოცირიძე აცხადებს, რომ ისეთი მკაცრი დასკვნა, რაც ამერიკის შეერთებული შტატების დეპარტამენტის ბოლო ანგარიშშია ადამიანის უფლებების დაცვის კიუთხით ნაჩვენები, საქართველოს ისტორიას არ ახსოვს. „ეს არის უმკაცრესი დასკვნა, რომელიც კიდევ ერთხელ ამხელს, რომ დამყარებულია ერმმართველობა“ – აცხადებს რომან გოცირიძე
„ნაციონალური მოძრაობა“ სახელმწიფო დეპარტამენტის ანგარიშს ეხმაურება, რომელშიც საქართველოში ადამიანის უფლებების დადღვევებზეა საუბარი. როგორც სალომე სამადაშვილმა სპეციალურად გამართულ ბრიფინგზე განაცხადა, ამ ანგარიშის გზავნილი ის არის, რომ თუ ხელისუფლება არ შეიცვლება, ქვეყანას არანაირი ევროატლანტიკური მომავალი არ ექნება. სამადაშვილის თქმითვე, ვცხოვრობთ სახელმწიფოში, სადაც მოქალაქეებს არ აქვთ თავისუფალი არჩევანი, სადაც სუს-ი ერევა ადამიანების პირად სივრცეში, ახორციელებს მოქალაქეებზე თვალთვალს და ზეწოლას, როგორც მას ესაჭიროება და არანაირი სამოქალაქო ზედამხედვლელობა სუს-სა და უშშიშროების სამსახურებზე არ არსსებობს.
„ეს ანგარიში ნიშნავს იმას, რომ დღევანდელი ხელისუფლების პირობებში საქართველო ვერანაირად ვერ მიაღწევს ევროატლანტიკურ სივრცეში ინტეგრაციას, ჩვენ კი გვითხრეს, რომ ჩვენს სახელმწიფოში დემოკრატია ფაქტობრივად, არ არსებობს და საქართველო დარჩება განუვითარებელ სახელმწიფოდ“- განაცხადა სალომე სამადაშვილმა.
გუშინდელი განმეორებითი მერვედფინალური მატჩების შემდეგ ჩემპიონთა ლიგის 1/4 ფინალი ევროპის 8 საუკეთესო გუნდით დაკომპლექტდა.
როგორც მოგეხსენებათ, გუშინ ორი მერვედფინალური მატჩი გაიმართა, სადაც ერთმანეთს ”მიუნხენის ბაიერნი” და ”ლივერპული” და ”ბარსელონა” და ”ლიონი” უპირისპირდებოდნენ.
კატალონიელებისთვის ლიონი მარტივი ოპონენტი აღმოჩნდა. ესპანელებმა 5:1 გაიმარჯვეს და სწორედ მათ დაიკავეს მერვე თავისუფალი ადგილი მეოთხედ ფინალში. რაც შეეხება ”ბაიერნისა” და ”ლივერპულის” დაპირისპირებას, საკმაოდ დაძაბული გამოდგა განსაკუთრებით მატჩის პირველი ტაიმი. ბავარიელები ბურთს მთელი ტაიმის განმავლობაში აკონტროლებდნენ, თუმცა მომენტის შექმნას ვერ ახერხებდნენ თუ არ ჩავთვლით ტიაგო ალკანტარას შორეულ დარტყმას, რომელიც მცირე მანძილით ასცდა კარს. თუმცა 26 წუთზე ინგლისელებმა ”ბაიერნის” დაცვის ხაზისა და მეკარის შეცდომით ისარგებლეს და სადიო მანემ ზუსტი დარტყმით გახსნა ანგარიში. 13 წუთში გერმანელებმა საკუთარი გოლით უპასუხეს ”ლივერპულს”, თუმცა მათ კიდევ ერთი გოლი ჰქონდათ გასატანი შემდეგ ეტაპზე გასასვლელად, ინგლისელებმა კი დაცვაში დაიწიეს და აქტიურად დაიწყეს კონტრ-იერიშზე თამაში. იურგენ კლოპის შეგირდებმა საკუთარი შანსები შესანიშნავად გამოიყენეს და საბოლოო ჯამში 3:1 სძლიეს მეტოქეს.
ლივერპული და ბარსელონა 1/4 ფინალში მანჩესტერ სიტის, იუვენტუსს, პორტოს, მანჩესტერ იუნაიტედს, აიაქსსა და ტოტენჰემს შეუერთდნენ. მეოთხედფინალური მატჩების წილისყრა პარასკევს, 15 მარტს თბილისის დროით 15 საათზე გაიმართება.
23 წლის ქართველი მებრძოლი ქალი ლიანა ჯოჯუა, UFC-ში იასპარეზებს. ამის შესახებ მან საკუთარ გულშემატკივრებს სოციალური ქსელის მეშვეობით აცნობა.
“UFC-სთან კონტრაქტი გავაფორმე. მადლობა ყველას, ვინც ეს შესაძლებელი გახადა. ახლო მომავალში, ცნობილი გახდება ჩემი პირველი ასპარეზობისა და პირველი ოპონენტის შესახებ”, – წერს Instagram-ის გვერდზე.
გასული წლის 22 თებერვალს, ჯოჯუამ მოსკოვში, FIGHT NIGHTS GLOBAL-ის ეგიდით გამართულ ბრძოლაში, 29 წლის რუსი მებრძოლი, მარინა მოხნატკინა დაამარცხა.
ლიანა ჯოჯუა რუსეთში ცხოვრობს და კლუბ “ახმატ”-ის წევრია, რომელიც გროზნოშია დაფუძნებული და რომლის საპატიო პრეზიდენტი რამზან კადიროვია.
გირჩის ლიდერი, ზურაბ ჯაფარიძე ფეისბუქზე ვიდეოს აქვეყნებს და ბაგრატიონთა ორივე შტოს მიმართავს, გაარკვიონ ხომ არ არის სამეფო ტახტისთვის უფრო შესაფერისი კანდიდატურა ჰერმან საბო, რომელიც გირჩის თანამშრომელია. ზურაბ ჯაფარიძე ამბობს, რომ ჰერმან საბო ხოსროიდების დინასტიის შთამომავალია, რომლებიც ქართლს ბაგრატიონების დინასტიამდე მართავდნენ.
როგორც წერილებიდან ირკვევა, თიბისი ბანკზე კიბერშეტევის მცდელობას ადგილი 2018 წლის 16 ივლისს ჰქონდა, რის შესახებაც ბანკმა შსს-ს 17 ივლისს აცნობა.პირველი წერილით ბანკი შსს–ს სწორედ ვირუსების შემცველი კორესპოდენციის
მიღების შესახებ ატყობინებს.
რა მოხდა ოკუპირებულ აფხაზეთში – რუსეთის სამხედრო ბაზაზე საოკუპაციო რეჟიმის მხრიდან მორიგი მკვლელობა თუ თვითმკვლელობა. 29 წლის ირაკლი კვარაცხელია გალის რაიონში რუსულ სამხედრო ბაზაზე საეჭვო ვითარებაში გარადაიცვალა. სიკვდილის ოფიციალური მიზეზი მას შემდეგ დადგინდება, რაც ცხედარს ექსპერტიზა ჩაუტარდება. ირაკლი კვარაცხელიას ცხედარი კი
საქართველოს კონტროლირებად ტერიტორიაზე გადმოასვენეს. ენგურის ხიდთან მას ნათესავები და ახლობლები, ასევე, შერიგებისა და სამოქალაქო თანასწორობის საკითხებში საქართველოს სახელმწიფო მინისტრის მოადგილე რუსლან დაბაშიძე და სახელმწიფო უსაფრთხოების სამსახურის წარმომადგენლები დახვდნენ.
თვითმხილველები ამბობენ, რომ კვარაცხელია ოკუპანტებმა სოფელ თაგილონისა და ნაბაკევის საოკუპაციო საზღვართან დააკავეს, რა დროსაც შელაპარაკება მოხდა. ქართველი ახალგაზრდა რუსულ სამხედრო ბაზაზე გადაიყვანეს, ამის შემდეგ კი მისი საეჭვო ვითარებაში გარდაცვალების შესახებ შეიტყვეს. იყო თუ არა ირაკლი კვარაცხელია ნაცემი, ამაზე საგარეო საქმეთა მინისტრს ინფორმაცია არ აქვს.