Blog

რა ხდება ხურვალეთში – ამ კადრებს შსს ავრცელებს, იმის დასტურად, რომ რამდენიმე საათის წინ სოფელ ხურვალეთში რუსი სამხედროების შესვლის შესახებ გავრცელებული ინფორმაცია რეალობას არ შეესაბამება და სოფელში სიმშიდეა.

პარლამენტმა უზენაესი სასამართლოს მოსამართლეობის კანდიდატების შერჩევის წესთან დაკავშირებული კანონპროექტების განხილვა დაიწყო.

ამ თემაზე სამი კანონპროექტია წარდგენილი, რომელთაგან ერთ-ერთი ირაკლი კობახიძეს და უმრავლესობის წევრებს ეკუთვნის, ერთი ეკა ბესალიას და მის თანაგუნდელებს და მესამე – „ევროპულ საქართველოს“.
საპროცედურო საკითხთა და წესების კომიტეტმა კანონპროექტების განხილვა “ევროპული საქართველოს“ მიერ მომზადებული პროექტით დაიწყო, რომელიც ოთარ კახიძემ წარადგინა და დეპუტატების შეკითხვებსაც უპასუხა, რა დროსაც დაპირისპირება და შელაპარაკება მოხდა „ევროპული საქართველოს“ წევრ ხათუნა გოგორიშვილსა და „ქართული ოცნების“ წერვრ, გურამ მაჭარაშვილს შორის. გურამ მაჭარაშვილმა განაცხადა, რომ დასმულ შეკითხვებზე პასუხები ვერ მიიღო. „მეოცედ ამბობთ, პოლიტიკაზე ნუ ვილაპარაკებთო, პარლამენტში ვართ, პარლამენტში, რომ იცოდეთ!“ – განუცხადა გოგორიშვილმა მაჭარაშვილს.

გორის მერი, კონსტანტინე თავზარაშვილი  ამბობს, რომ საქართველოს კონტროლირებად ტერიტორიაზე ოკუპანტების შემოსვლის საშიშროება არ არსებობს. 

“უბრალოდ სამი ნიღბიანი [არის], ნიღბები უკეთიათ ხოლმე [ოკუპანტებს], დგას ცოტა მოცილებით სოფლის განაპირას. ჩვენი პოლიცია აკონტროლებს ტერიტორიას დაძაბულობა არ არის. შეღობილი არ არის მანდ მავთულხლართებით და ერევათ ქართული ტერიტორიაა თუ არა. უფრო სწორად იქეთა მხარე უნდა იყოს”, — განაცხადა თავზარაშვილმა.

კონსტანტინე თავზარაშვილმა ეს კომენტარი On.ge-სთან საუბრისას გააკეთა.

ადგილობრივი მაცხოვრებლების და დავით ქაცარავას ინფორმაციით,სოფელ ხურვალეთში, საქართველოს კონტროლირებად ტერიტორიაზე დღეს დილით რუსი სამხედროები შევიდნენ. სახელმწიფო უსაფრთხოების სამსახურის ინფორმაციით, ამ ეტაპზე არ დასტურდება, რომ ოკუპანტები საქართველოს კონტროლირებად ტერიტორიაზე არიან.

ამ წუთებში თბილისის საკრებულოში ხმაურიანი სხდომა მიმდინარეობს, სადაც დედაქალაქის მიწათსარგებლობის გენერალურ გეგმაზე მსჯელობენ, გეგმას  ოპოზიცია მწვავედ აკრიტიკებს. საკრებულოს სხდომის დაწყებამდე რამდენიმე საათიოთ ადრე, თბილისის მერმა კახა კალაძემ თბილისელებს დედაქალაქის ახალი გენგეგმის დამტკიცება მიულოცა და განაცხადა, რომ ეს გენერალური გეგმა ათვლის წერტილია, საიდანაც დაიწყება თბილისის განვითარების ახალი გზა.

შინაგან საქმეთა სამინისტრომ ნარკორეალიზატორების ორგანიზებული ჯგუფის 29 წევრი დააკავა. თბილისის, ქვემო ქართლის და ცენტრალური კრიმინალური პოლიციის დეპარტამენტების თანამშრომლები მასშტაბურ ოპერატიულ-სამძებრო და საგამოძიებო ღონისძიებებს რამდენიმე თვის განმავლობაში ატარებდნენ. შედეგად, თბილისში – ფონიჭალის დასახლებაში დაკავებულია მსხვილი ნარკორეალიზატორები, რომლებიც ნარკოტიკებს სისტემატურად ასაღებდნენ. ასევე, ნარკოდანაშაულისთვის, დედაქალაქის სხვა უბნებში, რუსთავში, მარნეულში, გარდაბანში, ქუთაისის საერთაშორისო აეროპორტსა და ლარსის სასაზღვრო გამშვებ პუნქტში დაკავებულია 9 პირი. ჩადენილი დანაშაული 8-დან 20 წლამდე ან უვადო თავისუფლების აღკვეთას ითვალისწინებს.

{{VIDEO}}

ხურვალეთში რუსი სამხედროების გადაადგილება შეიმჩნევა. ვითარების გასარკვევად ხურვალეთში ევროკავშირის სადამკვირვებლო მისია შევიდა.  პოლიციას დაკეტილი აქვს ხურვალეთში შესასვლელი გზა და გადაადგილების საშუალებას არავის აძლევს. მათი განცხადებით, ეს გადაწყვეტილება უსაფრთხოების გამო მიიღეს.

ხურვალეთის საგუშაგოსთან პოლიციას გზა აქვს ჩაკეტილი და სოფლის მიმართულებით არავის უშვებს. ადგილობრივი მოსახლეობა იტყობინება, რომ რუსი ჯარისკაცები ქართული მხარის მიერ კონტროლირებად ტერიტორიაზე არიან შესული, მოსახლეობის ეზოებში და ბაღებში. ანტისაოკუპაციო მოძრაობის წევრები და მოქალაქეები ხურვალეთის საგუშაგოსთან იმყოფებიან, თუმცა მათ პოლიცია არ ატარებს.