Blog

გიორგი გაჩეჩილაძე, ანუ “უცნობი“ დღეს ტვ პირველის ეთერში “დაიცავი საქართველოს“ გააქტიურებაზე საუბრობდა, რომლის ერთ–ერთი დამფუძნებელი თვითონაც არის. გუშინ პოეტმა დავით მაღრაძემ განაცხადა, რომ მოძრაობა აქტიურად ერთვება საზოგადოებრივ–პოლიტიკურ ცხოვრებაში. რას ფიქრობს და რას გეგმავს გია გაჩეჩილაძე.უცნობის მთავარი თეზისები დაიცავი საქართველოსთან, პოლიტიკურ სფეროში გააქტიურებასთან და სამომავლო გეგმებთან დაკავშირებით:

• ყოველდღიური ურთიერთობა აქვს დავით მაღრაძესთან და განიხილავენ იმას, რაც ქვეყანაში ხდება.
• გუშინ გაიგო, რომ დავით მაღრაძე გრიგოლიასთან გამოსვლას და განცხადების გაკეთებას აპირებდა.“კონკრეტულად არ გვილაპარაკია. იდეის დონეზე ვფიქრობთ ყველანი, რომ ახალი სისხლი არის საჭირო პოლიტიკაში და საზოგადოებრივ ცხოვრებაში.“
• რაღაც უნდა მოხდეს 2020 მდე თორემ შეიძლება შარს გადავეყაროთ.საპრეზიდენტო არჩევნებმა დაანახა, რომ რაღაც უნდა შეიცვალოს. გრძნობს პასუხისმგებლობას, რომ მეორე ტურის წინ ხალხს თვითონაც პირდებოდა ცვლილებებს, თუმცა არაფერი შეიცვალა და ამის ნიშანი იყო სასამართლოს თემა.თვლის, რომ ასე გაგრძელება აღარ შეიძლება, თუმცა რა უნდა მოხდეს ვერ აკონკრეტებს.
• “დაიცავი საქართველოს“ როლზე და კონკრეტულ გეგმებზე ვერ თუ არ საუბრობს.თვლის, რომ დროა ახალგაზრდა სახეების წარმოჩენის. “პოლიტიკური პარტია იქნება, არჩევნებში მონაწილეობა იქნება თუ არა ამაზე არ ყოფილა ლაპარაკი, მაგრამ რაღაც ახალი რომ უნდა მოხდეს ქართულ პოლიტიკურ ცხოვრებაში ეს ფაქტია.“
• მთავარ პრობლემად მასაც დავით მაღრაძის მსგავსად მიაჩნია, რომ ყველაფერი ივანიშვილ–სააკაშვილის დაპირისპირების გარშემო ტრიალებს. “ეგ არის ზუსტად დღეს რომ ვერ ვიძვრებით ადგილიდან . მაგათი ბრძოლის გამო.ორივე უნდა გადავხაზოთ და ახალი ფურცლით დავიწყოთ ქვეყნის მშენებლობა.შეგნებულად ხდება მაგათი ბრძოლა თუ შეუგნებლად, ამდენი წლის მანძილზე ეს ხდება, რომ მაგათი შიშით სხვა პოლიტიკური ძალისთვის ვეღარ მიუცია ადამიანს ხმა. “
• დღეს ძალიან ბევრს ვლაპარაკობთ ორივეზე. უნდა დავიკიდოთ ორივე ძალა და ახალი ფურცლით დავიწყოთ.
• დაწერილი აქვს სატელევიზიო პროექტი, რომლის შეტანას აპირებს საზოგადოებრივ არხზე. უნდა ამ ტელეგადაცემით რაღაც ახალი ძალის ფორმირებაში მიიღოს მონაწილეობა. თუ საზოგადოებრივი არ დათანხმდა, ვინც დათანხმდება იმასთან წავა. თვლის, რომ საზოგადოებისთვის 2020 ისთვის კარგ საქმეს გააკეთებს თავისი სატელევიზიო პროექტით.
• ვერ აკონკრეტებს, რა პროცესში და ვისთან ერთად ერთვება და არის თუ არა ის პროცესი, რომელშიც ერთვება არის ივანიშვილის ხელისუფლებიდან გაშვების პროცესი. თუმცა თვლის, რომ “ ივანიშვილი ის აღარ არის რაც იყო 7 წლის წინ“.
• დავიღალეთ ერთი და იგივე სახეებით 25 წლის განმავლობაში.ყავლი გაუვიდა ყველაფერს7
• “თუ გული გულობს 3 მილიონი კაცის მოვლას რა უნდა.“
• მზად არ არის გვარები და სახელები დაასახელოს, თუმცა ბევრი ახალგაზრდა იცის ისეთი, ვინც წაადგება თავის ქვეყანას.
• ამბობს რომ არის ივანიშვილის ოპოზიციაში, თუმცა მისი კრიტიკისას თავშეკავებულია.
• “შვიდი რვა წელი გავიდა, ადამიანები რომლებმაც მართლა თავისუფლებისთვის ბრძოლას თავი შეაკლეს და თავისუფლების ხარისხით გამოირჩევიან იმ ადამიანებთან კომუნიკაციის პრობლემა აქვს ამ ადამიანს(ბიძინას).ალბათ ჩათვალა რომ ეს ხალხი არ ჭირდება. არ ვიცი ვინ ურეჩევს ამ სიტუაციას, მაგრამ ისევ ეს ხალხი იქნება დასაყრდნობი მას თუ რამე პრობლემა შეექმნა პოლიტიკურად. ამასაც ვერ ხვდება.“ (იგულისხმება უმრავლესობიდან გასული ხალხი.)
• პრემიერი “ნი რიბა ნი მიასაა“.
• პარლამენტის თავმჯდომარე გრძელთმიანი “ნი რიბა ნი მიასა“.
• თბილისის მერი ის არ გამოდგა, რაც ეგონა რომ უნდა ყოფილიყო თილისის მერი. მაგალითად, არ მოიწონა და არ განახორციელა მისი მეგობრების პროექტები.
• გახარია ნიჭიერი კაცია, მაგრამ მოცემულოაბ სადაც ის არის ჩავარდნილი არ აძლევს გასაქანს, რომ თავისი თავი გამოაჩინოს.
• არ იცის ხაზარაძის მიმართ წერილი მართლა გახარიამ დაწერა თუ არა.
• ამბობს, რომ მისი ძმა პოლიტიკაში დაბრუნებას არ აპირებს. არწმუნებდა, რადგან თვლის, რომ ლევანი ჭირდება ქართულ პოლიტიკურ სივრცეს, მაგრამ ვერ დაარწმუნა, რადგან ლევანს უკვე ეზიზღება ქართული პოლიტიკა.

27 წლის გიგი გეგეჭკორი გარდაცვლილი იპოვეს. ახალგაზრდა დუშეთის რაიონის სოფელ წითელსოფლის მიმდებარედ, ტყის მასივში თოკით ჩამომხრჩვალი ნახეს. გიგი გეგეჭკორს 7 დღის განმავლობაში ეძებდნენ. „შეტყობინებაში მითითებული იყო, რომ გიგი გეგეჭკორი 9 მარტს, დაახლოებით 22:00 საათზე, გავიდა დუშეთის მუნიციპალიტეტის სოფელ წითელსოფელში მდებარე სახლიდან, სადაც ის მეგობრებთან ერთად იმყოფებოდა. მიღებული შეტყობინებისთანავე პოლიციამ და სამაშველო სამსახურმა მყისიერად დაიწყეს დაკარგული პირის ძებნის სამუშაოებში. 7-დღიანი ინტენსიური ძებნის შემდეგ, 15 მარტს გიგი გეგეჭკორის ცხედარი სამაშველო სამსახურის თანამშრომლებმა, დუშეთის რაიონის სოფელ წითელსოფლის მიმდებარედ, ტყის მასივში თოკით ჩამომხრჩვალი იპოვეს,“ – აცხადებენ შინაგან საქმეთა სამინისტროში.

სოციალურ ქსელში გავრცელებულ ვიდეოში, სადაც სამხედრო კოლონების გადაადგილებაა ასახული , გორის სამხედრო აკადემიის იუნკერთა წვრთნებს უკავშირდება.  „სოციალურ ქსელში გავრცელებულ ვიდეო-კადრებში ასახულია სამხედრო წვრთნებიდან იუნკერების დაბრუნების პროცესი. გორის სამხედრო აკადემიის იუნკერები ნადარბაზევში გადიოდნენ სწავლებას. წვრთნები ორშაბათს 11 მარტს დაიწყო და დღეს დასრულდა,“ – განაცხადეს სამინისტროში.

რა მოხდა ხურვალეთში – იყვნენ თუ არა გადმოსულები საქართველოს ცენტრალური ხელისუფლების მიერ კონტროლირებულ ტერიტორიაზე ოკუპანტები, რის შესახებაც დღეს ანტისაოკუპაციო მოძრაობა ძალა ერთობაშია იუწყებოდა. ოფიციალური სტრუქტურები უარყოფენ, რომ საოკუპაციო რეჟიმი დღეს სოფლის იმ ნაწილში შემოიჭრა, რომელიც ქართული მხარის მიერააა კონტროლირებული. ამის დასტურად შსს-მ რამდენიმეწამიანი კადრები გაავრცელა. სახელმწიფო უსაფრთხოების სამსახური კი მანამდე აცხადებდა, რომ ოკუპანტების შემოსვლა არ დასტურდებოდა. მას შემდეგ, რაც სუსმა- დავით ქაცარავას მიერ გავრცელებული ინფორმაცია უარყო, ქაცარავა სოფელ ხუვალეთის სესასვლელიდან ფესიბუქ ლაივით კიდევ ერთხე ჩაერთო. მისი განცხადებით, ის რომ ხურვალეთში არაფერი ხდება, სიცრუეა.

შერიგებისა და სამოქალაქო თანასწორობის საკითხებში სახელმწიფო მინისტრის, ქეთევან ციხელაშვილის განცხადებით, რუსმა სამხედროებმა უკვე დატოვეს ის ადგილები, სადაც დღეს იყვნენ განლაგებულები.

ციხელაშვილი სოფელ ხურვალეთში მიმდინარე მოვლენებს ეხმაურება და ამბობს, რომ არანაირი ინციდენტი არ მომხდარა.

„ჩვენს ხელთ არსებული ინფორმაციით, რუსმა ჯარისკაცებმა უკვე დატოვეს ის ადგილები სადაც დღეს იყვნენ განლაგებულები. ასევე, ევროკავშირის მონიტორინგის მისიამ და საქართველოს უსაფრთხოების სამსახურმა გაავრცელეს განცხადებები, რომ არ დაფიქსირებულა ინციდენტი მათი გადმოსვლის, წვდომის ან რაიმე ტიპის დამატებითი ბარიკადების მშენებლობის საქართველოს ცენტრალური ხელისუფლების მიერ კონტროლირებად ტერიტორიაზე,“ – ამბობს ციხელაშვილი.

ოკუპირებულ აფხაზეთში, გალის რაიონის სოფელ ნაბაკევში განთავსებულ რუსეთის სამხედრო ბაზაზე საეჭვო ვითარებაში გარდაცვლილი ირაკლი კვარაცხელია დიდი ალბათობის არაადამიანური მოპყრობის მსხვერპლი გახდა. ამის შესახებ ცენტრი „ემპათია“ აცხადებს, რომელიც კვარაცხელიას ინტერესებს იცავს. ცენტრის ხელმძღვანელი მარიამ ჯიშკარიანი ამბობს, რომ მათ ხელთ არსებული ინფორმაციით კვარაცხელია რუსეთის სამხედრო ბაზაზე არაადამიანური პირობებში ე.წ. კარცერში ჰყავდათ. საბოლოოდ, რამ გამოიწვია მისი სიკვდილი, ამას კომპლექსური ექპსერტიზა დაადგენს, რომელიც სამხარაულის პირველადი ექსპერტიზისა და გამოძიების მასალების საფუძველზე ჩატარდება.

„კონსტიტუცია და კანონი მოსამართლეებს პოლიტიკური განცხადებების კეთებას უკრძალავს, შიდაპოლიტიკური განცხადებები კი არა, უკვე საერთაშორისო პოლიტიკაში გადაიჭრნენ ბიჭები და ამერიკის სახელმწიფო დეპარტამენტის განცხადებების შეფასებები დაიწყეს. საერთოდ, იდიოტიზმთან გვაქვს საქმე“, – უვადოდ დანიშნული და დასანიშნი მოსამართლეების მისამართით ეს განცხადება „ევროპული სქართველოს“ წევრმა აკაკი ბობოხიძემ საპროცედურო საკითხთა და წესების კომისიაზე გააკეთა, სადაც უზენაესი სასამართლოს მოსამართლეობის კანდიდატების შერჩევის წესთან დაკავშირებულ სამ ალტერნატიულ კანონპროექტს განიხილავენ. ოთარ კახიძის შემდეგ, რომელმაც „ევროპული საქართველოს“ მიერ მომზადებული კანოპროექტი წარადგინა, ეკა ბესლიას მოსუმინეს, რომელმაც თანაგუნდელებთან ერთად შემუშავებულ კანონონპროქტზე ისაუბრა. ისევე, როგორც ოთარ კახიძის, ბესელიას კანონპროექტის განხილვისას კომიტეტის სხდომას არ ესწრებოდა საპარლამენტო უმრავლესობის დეპუტატების უმეტესობა. რაც შეეხება მესამე კანონპროექტს, ანუ პარლამენტის თავმჯდომარის, ირაკლი კობახიძის პროექტს, რომელსაც ეკა ბესელია იუსტიციის უმაღლეს საბჭოში შედგენილ დოკუმენტს უწოდებს, დეპუტატებს ანრი ოხანაშვილი გააცნობს.