Blog

ადმინისტრაციული რესურსის ბოროტად გამოყენება, საარჩევნო კომისიების დაკომპლექტება, სიძულვილის ენა, კითხვები დაფინანსებასთან დაკავშირებით, მედიის პრობლემები არჩევნებისას – ეს არის იმ პრობლემების ნაწილი, რომელზეც ქართულ ოპოზიციასთან და არასამთავრობო სექტორთან ერთად დიპლომატიური კორპუსი საუბრობს და რომლის გამოსწორებასაც ხელისუფლებას მომავალი არჩევნებისთვის ურჩევენ. 2018 წლის საპარლამენტო არჩევნების დროს გამოკვეთილ პრობლემებთან დაკავშირებით სალაპარაკოდ დღეს დიპლომატიური კორპუსის, არასამთავრობო სექტორის და პოლიტიკური ძალების წარმომადგენლები კონფერენციაზე შეიკრიბნენ. 

ადმინისტრაციული რესურსის ბოროტად გამოყენება, საარჩევნო კომისიების დაკომპლექტება და სიძულვილის ენა – ას არის 2018 წლის არჩევნების დროს გამოვლენილი პრობლემები, რომლებზეც ევროსაბჭოს ოფისის ხელმძღვანელი კრისტიან ურსე საუბრობს. მისი განცხადებით, საარჩევნო პროცესში ასევე პრობლემას წარმოადგენდა პოლიტიკური პარტიების წარმომადგენლების დისბალანსი, უარყოფითი კამპანია და მედიის მარეგულირებლის როლი.კრისტიან ურსე მოუწოდებს ოპოზიციისა და ხელისუფლებას პრობლემების აღმოსაფხვრელად გამოიყენონ 2020 წლის საპარლამენტო არჩევნებამდე დარჩენილი დრო და მოლაპარაკების მაგიდას მიუსხდნენ.

„ბოლო საპრეზიდენტო არჩევნებმა და ეუთოს სადამკვირვებლო მისიის დასკვნამ ბევრი გამოწვევა გამოავლინა. მათ შორისაა ადმინისტრაციული რესურსის გამოყენება, საარჩევნო კომისიების დაკომპლექტება და პოლიტიკური პარტიების წარმომადგენლების დისბალანსი, უარყოფითი კამპანია და სიძულვილის ენა, ასევე მედიის მარეგულირებელის როლი და საზოგადოებრივი მაუწყებელი და ასე შემდეგ. იმედი მაქვს, ჩვენი დისკუსიები გააუმჯობესებს შექმნილ სიტუაციას.თუ წინა არჩევნებს შევხედავთ, 2020 წლის არჩევნებამდე დარჩენილია წელიწადნახევარი, რაც მოგვცემს საშუალებას, დავსხდეთ ერთად, განვიხილოთ არსებული შედგები, არასამთავრობოების, ოპოზიციის და სხვა დაინტერესებული მხარეების ჩართულობით, ამ განხილვების შედეგად მივიდეთ პოლიტიკურ კონსენსუსამდე”, -განაცხადა ურსემ.

საქართველოში ევროკავშირის წარმომადგენლობის ხელმძღვანელი საქართველოს ხელისუფლებას ურჩევს გამოიყენოს საპარლამენტო არჩევნებამდე დარჩენილი დრო და საარჩევნო გარემო გააუმჯობესოს. კარლ ჰარცელის განცხადებით, ამ პროცესს პარლამენტი უნდა გაუძღვეს და მასში ყველა მხარე უნდა ჩაერთოს. მისი განცხადებით, უკიდურესად მნიშვნელოვანია, არსებული პრობლემების გადაწყვეტაში ხელისუფლებამ ოპოზიცია, მედია და სამოქალაქო საზოგადოებაც ჩაერთოს.

„ის ფაქტი, რომ ეუთო-ს სადამკვირვებლო მისიის წარმომადგენელი გერტ ჰაინრიხ არენსი ჩამოვიდა, იმის უმნიშვნელოვანესი სიგნალია, რომ ვუბრუნდებით იმ თემატიკას, რომელიც არჩევნების დასრულების შემდეგ იყო ეუთო-ს ანგარიშში. მე მგონი ეს სწორედ ის პერიოდია, როცა უნდა დავიწყოთ ყველა იმ რეკომენდაციაზე ფიქრი და მსჯელობა, რომელიც მოხსენიებულია ანგარიშში და ერთობლივად შევიმუშავოთ მთელი ის გეგმა, რომლის შესრულებაც შემდეგი 10-12 თვის განმავლობში შეგვეძლება. შემდეგ უკვე ვიქნებით არჩევნების წინაშე და ამიტომ, მანამდე მაქსიმალური ძალისხმევა უნდა გავწიოთ. ბუნებრივია, აუცილებელია ყველას ჩართულობა. წამყვანი როლი ექნება ხელისუფლებას, პარლამენტის როლი უმნიშვნელოვანესია, თუმცა, სამოქალაქო საზოგადოებას და ოპოზიციასაც მნიშვნელოვანი ადგილი აქვთ ამ პროცესში. ვფიქრობ, დრო ცოტაა და დღევანდელი შეხვედრა არის ამ პროცესის, რეკომენდაციების გააზრების დასაწყისი. ეს ძალიან მნიშვნელოვანია ევროკავშირი-საქართველოს სამომავლო ურთიერთობებისთვის და იმედია, ნაყოფიერად დავიწყებთ მსჯელობას. რაც შეეხება კონკრეტულ რეკომენდაციებს, ანგარიშში ნათლადაა ყველა მათგანი ასახული. ელემენტები, რაც უმთავრესია, პირველ რიგში არის კომისიის დაკომპლექტების წესი, ასევე მნიშვნელოვანია დაფინანსების თემატიკა ზოგადად”,- განაცხადა ჰარცელმა.

საქართველოში აშშ-ს ელჩის მოვალეობის შემსრულებლის, როს უილსონის განცხადებით 2018 წლის საპრეზიდენტო არჩევნების პროცესში იყო ბევრი ისეთი პრობლემა და ისეთი საკითხები, რომელიც ქვეყნის წარმატებისთვის ფუნდამენტური მნიშვნელობისაა.უილსონის განცხადებით, იმისათვის რომ საქართველოში დემოკრატიის კულტურა გაძლიერდეს, აუცილებელია, საარჩევნო პროცესში გამოკვეთილ დარღვევებსა და პრობლემებზე ერთობლივი მსჯელობა შედგეს.

“განვიხილავთ საქართველოს გამოცდილებას არჩევნებზე და იმ ნაბიჯებზე, რაც ქვეყანამ უნდა გადადგას, რომ გააუმჯობესოს არჩევნების ჩატარების პროცესი და გააძლიეროს დემოკრატია. საქართველოში ამ კუთხით ბოლო სამი ათწლეულის განმავლობაში დიდი პროგრესია, თუმცა, სხვადასხვა საერთაშორისო ანგარიშში მითითებულია გარკვეულ პრობლემებსა და ხარვეზებზე, რისი გადაჭრაც მნიშვნელოვანია ქვეყნის წარმატებული განვითარებისთვის. ზუსტად ამ საკითხებს განვიხილავთ დღევანდელ კონფერენციაზე. მე მივესალმები პარლამენტარების, სამოქალაქო საზოგადოებისა და სხვა ჯგუფების ჩართულობას ამ განხილვაში“, – განაცხადა უილსონმა.

საკონსტიტუციო სასამართლოს პლენუმმა თამაზ მეჭიაურის სარჩელის განხილვა დაიწყო. მოსარჩელე თიანეთის მერისთვის საკრებულოს მიერ უნდობლობის გამოცხადებაის წესს ასაჩივრებს.მეჭიაური მიიჩნევს, რომ არსებობს რისკი დასაბუთების გარეშე გადააყენონ არჩეული მერი. მეჭიაური პროცეს არ ესწრება. მის ინტერესებს „ახალგაზრდა იურისტთა ასოციაციის“ იურისტი იცავს. ახალგაზრდა იურისტთა ასოციაციის წარმომადგენლები აცხადებენ, რომ საკრებულოს ის უფლებამოსილება, რომ ყოველგვარი დასაბუთების გარეშე ხალხის მიერ პირდაპირი წესით არჩეული მერი გადააყენოს,არა მხოლოდ ადამიანის უფლების შეზღუდვაა, დაიკავოს ადგილი საჯარო სამსახურში, არამედ იმ ამომრჩევლის ნების უგულებელყოფაა, ვინც კონკრეტული მერი აირჩია.

მრავალი წლის მანძილზე მეცნიერები დაობენ ადამიანის ჯანმრთელობაზე კვერცხის დადებითი და უარყოფითი გავლენების შესახებ. დიეტოლოგების აზრი იმასთან დაკავშირებით, რამდენი კვერცხის ჭამა შეიძლება კვირაში, ხშირად ერთმანეთისგან განსხვავდება.

ამერიკელი მეცნიერების ახალი კვლევის შედეგების თანახმად, რომელიც სამედიცინო ჟურნალ JAMA –ში გამოქვეყნდა, 2-3 კვერცხი კვირაში ადამიანის ჯანმრთელობისთვის ოპტიმალური ვარიანტია. თუ კვერცხს უფრო ხშირად მიირთმევთ, ამან შესაძლოა სისხლში ქოლესტერინის დონის მომატება გამოიწვიოს, რაც გულ–სისხლძარღვთა პრობლემებს იწვევს – ამტკიცებენ მეცნიერები.

ამერიკელ მეცნიერთა კვლევაში 30 ათასი ადამიანი მონაწილეობდა. მონაცემები 17 წლის მანძილზე გროვდებოდა.

ადამიანის ჯანმრთელობისთვის კვერცხის დიდი რაოდენობით მოხმარების საფრთხე კვერცხის გულში ქოლესტერინის მაღალ შემცველობას უკავშირდება. საშუალოდ კვერცხის გულში 185 მილიგრამი ქოლესტერინია.

ამერიკელმა მეცნიერებმა დაასკვნეს, რომ 300 მილიგრამი ქოლესტერინი დღეში გულ–სისხლძარღვთა სისტემის დაავადებების რისკს 17%–ით ზრდის, ნაადრევი სიკვდილის რისკს კი 18%–ით.

ამ კლვევისას არ ყოფილა გათვალისწინებული მონაწილეთა ასაკი, მათი ფიზიკური აქტივობის დონე ან მწეველობა. მეცნიერები ასევე არ დაინტერესებულან კვლევის მონაწილეთა შორის მაღალი არტერიული წნევის დადგენის საკითხით.როგორც მკვლევარები აღნიშნავენ, იმისგან დამოუკიდებლად, რამდენად ჯანმრთელია ადამიანის გული, რაც მეტ კვერცხს მიირთმევთ, მით მეტად რისკავთ რომ გულ–სისხლძარღვთა სისტემის დაავადება დაგემართოთ, მათ შორის იშემიური დაავადება ან გულის შეტევა.

“ჩვენმა კვლევამ აჩვენა, რომ თუ ორი ადამიანი ერთნაირად იკვებება, მაგრამ კვერცხის განსხვავებულ რაოდენობას მიირთმევს, მას, ვინც მეტ კვრეცხს ჭამს გულ სისხლძარღვთა დაავადების მეტი რისკი აქვს, ვიდრე მას, ვინც ნაკლებ კვერცხს ჭამს “ ამბობს კვლევის თანაავტორი ნორინა ალენი.

მეცნიერთა ამ ჯგუფის დასკვნები წინააღმდეგობაში მოდის წინა კვლევებთან, რომლებშიც გვიმტკიცებდნენ, რომ კვერცხის მიღება გულ–სისხლძარღვთა დაავადებებთან , იშემიურ დაავადებებთან ან გულის შეტევასთან არაფერ კავშირშია.

თუმცა როგორც ნორინა ალენი ამტკიცებს, წინა კვლევები როგორც წესი უფრო ხანმოკლე პერიოდის განმავლობაში ტარდებოდა და რიგ მნიშვნელოვან ფაქტორებს არ ითვალისწინებდა.თუმცა მკვლევარები არ გამორიცხავენ, რომ შეცდომები მათ კვლევაშიც იყოს.

მონაცემები კვერცხის საკვებად გამოყენების შესახებ კვლევის მონაწილეთა გამოკითხვის გზით გროვდებოდა, რომლებსაც ეკითხებოდნენ, როგორ იკვებებოდნენ ბოლო დროს. ამიტომაც მონაცემები, რომლებსაც მკვლევარები ეყრდნობიან კვლევის მონაწილეთა მეხსიერებას ეყრდნობა.შესაბამისად, კვლევა შეგვიძლია მიმოხილვით ნაშრომად ჩავთვალოთ. ანუ მეცნიერებმა შეიძლება ივარაუდონ, რომ ბევრი კვერცხი მავნებელია, მაგრამ ცალსახად მიზეზ–შედეგობრივი კავშირის დადგენა არ შეუძლიათ.

ნორინა ალენი გვირჩევს კვირაში 2–3 კვერცხზე მეტი არ მივირთვათ. მათ კი, ვისაც გარკვეული მიზეზების გამო ამ რჩევის გათვალისწინება არ შეუძლია, ურჩევს ცილა ჭამონ და გულს მოერიდონ, რომელშიც ქოლესტერინის ყველაზე დიდი კონცენტრაციაა.

დიეტოლოგების დიდი ნაწილი ეთანხმება იმ მოსაზრებას, რომ არა მხოლოდ კვერცხის, არამედ ყველა იმ პროდუქტის მიღება უნდა შეიზღუდოს, რომლებიც ქოლესტერინს შეიცავენ.

თუმცა მეცნიერების სხვადასხვა ჯგუფები მაინც სხვადასხვა აზრზე რჩებიან. მაგალითად გასულ წელს ჟურნალ Heart–ში გამოქვეყნდა ბრიტანელი მეცნიერების კვლევის შედეგები, რომლებმაც დაასკვნეს, რომ თუ ყოველდღიურად ერთ კვერცხს მაინც მიიღებთ, გულ–სისხლძარღვთა დაავადების რისკი მცირდება და ამას იმით ხსნიან, რომ კვერცხი სასარგებლო ნივთიერებებით ერთ–ერთი ყველაზე დატვირთული პროდუქტია. ის შეიცავს ბევრ ცილას, ვიტამინებს : A, D, B და B12, ასევე ლუტეინს და ზეაქსანტინს, რომელიც მხედველობას აუმჯობესებს. თუმცა მეცნიერთა ეს ჯგუფიც გვირჩევს, რომ ერთი ან ორი კვერცხი დღეში ნორმალურია და მეტისმეტი არ უნდა მოგვივიდეს, რადგან ორგანიზმში ცილის სიჭარბე თირკმელების ზედმეტ გადატვირთვას იწვევს.

გაერთიანებული ოპოზიციის ზუგდიდის მერობის კანდიდატი სანრა რულოვსი იქნება. ამის შესახებ სპეციალურ ბრიფინგზე გრიგოლ ვაშაძემ განაცხადა. ვაშაძის თქმით, რულოვს თავად სურდა გაერთიანებული ოპოზიციის მანდატით ყოფილიყო ზუგდიდში წარდგენილი. თავდაპირველად განიხილებოდა სანდრა რულოვსის და ნიკა მელიას კანდიდატურები, თუმცა საბოლოოდ არჩევანი სანდრა რულოვსზე შეჩერდა.

ზუგდიდის მერის რიგგარეშე არჩევნები 19 მაისს გაიმართება.

„ჩვენთვის მთავარია სიმართლე და პასუხისმგებლობა, ხარისხიანი კონტროლი და ანგარიშვალდებულება. როგორ არასასიამოვნოდაც არ უნდა მოგეჩვენოთ სიმართლე, მისი მოსმენა მაინც მოგიწევთ” – ასე უპსუხა პრტემიერ-მინისტრმა „ნაციონალურ მოძრაობას“ პარლამენტში პლენარულულ სხდომაზე, სად ის ქვეყანაში კრიმინოგენულ სიტუაციასთან დაკავშირებით, ინტერპელაციის წესით სწორედ ფრაქცია „ნაციონალურმა მოძრაობამ“ დაიბარა. ინტერპელაცია ახალი კონსტიტუციით და ახალი რეგლამენტით წარდგენილი წესია და ამ ფრომატში მინისტრების მოსმენა დღეს პირველად იმართება.

„ჩვენი ხელისუფლების პირობებში დავიწყეთ ფუნდამენტური რეფორმების გატარება, რომლებიც 2012 წლიდან მოყოლებული მიმდინარეობდა თანმიმდევრულად, მათ შორის, ყველა იმ უწყებაში, რომელიც პასუხისმგებელია დანაშაულის პრევენციაზე, გამოძიებაზე, მასზე ზედამხედველობასა და სასჯელის აღსრულებაზე. მათ შორის, ზოგადად, შეიცვალა სტატისტიკის აღრიცხვის მიმართ დამოკიდებულება და მიდგომა, გახდა უფრო კონკრეტული, ზუსტი და გამჭვირვალე“,- განაცხადა ბახტაძემ. პრემიერ-მინისტრმა ქვეყანაში არსებული კრიმინოგენური ვითარება 10 წუთში შეაფასა.

„სიმართლე არის ის, რომ დანაშაულის მთელ რიგ კატეგორიებში საზოგადოების ცნობიერების ამაღლებამ, გატარებულმა რეფორმებმა, სამართალდამცავი ორგანოების მიმართ ნდობის გაზრდამ გამოიწვია პოლიციისადმი მიმართვიანობის ზრდა. ასეთ კატეგორიებს მიეკუთვნება, მაგალითად, ოჯახში ძალადობა და მუქარა. ამავე დროს, ზრდა ძირითადად მოდის საკუთრებისა და ჯანმრთელობის წინააღმდეგ მიმართულ დანაშაულზე. საუბარია ძირითადად, ქურდობასა და ჯანმრთელობის მსუბუქ დაზიანებებზე, ანუ იმ კატეგორიის დანაშაულზე, რომელზეც პირდაპირ ახდენს გავლენას აღრიცხვიანობის გაუმჯობესება“ – განაცხადა მამუკა ბახტაძემ.